Innkalling og sakliste vert godkjent.
Alf Terje Mortensen varsla slike spørsmål under sak 084/23: ein jordlovssak på Vestre Kleppe frå 2018, ein sak om tvangstilkoblingpå Bysheim og ein sak om dispensasjonssaker på frådelte parseller frå gamalt av.
Utvalsleiaren varsla at han i forkant av møte har levert 2 spørsmål skiftleg til administrasjonen: om fartsgrense på Heldal-Hosanger og status på arbeid på Veseth gjelet. Desse vert svart ut under sak 084/23.
-------------------------------
Det var elles ingen merknader til innkalling og saksliste
Møteprotokoll frå 30.08.2023 vert godkjend.
Det var ingen merknader til møtebok
Melding om delegerte vedtak vert teken til vitande.
Det var ingen merknader til dei delegerte sakene
Saka vert utsett for synfaring i forkant av neste møte i utvalet. Sakshandsamingsfristen vert forlenga til 15.11.2023, jf. vedtak om synfaring, jf. forskrift om byggesak § 7-3, 1. ledd.
Utvalsleiaren satte fram slikt utsettingsframlegg:
Saka vert utsett for synfaring i forkant av neste møte i utvalet. Sakshandsamingsfristen vert forlenga til 15.11.2023, jf. vedtak om synfaring, jf. forskrift om byggesak § 7-3, 1. ledd.
AVRØYSTING:
Samrøystes vedteke
Plan- og kommunalteknisk utval vedtek slik innstilling:
Forslag til reguleringsplan for Øvre klubbelia planID 4630_2021003 med plankart datert 04.09.23, føresegner datert 05.09.23, planskildring datert 04.09.23 - med tilhøyrande dokument vert lagt ut til høyring og offentleg ettersyn i medhald av plan-og bygningslova § 12-10. Før planen vert lagt ut til høyring må følgjande rettast: Det må lagast ei føresegn som krev at det vert gjort nødvendige tiltak m.o.t. overflatevatn etterat feltet er bygd ut.
Utvalet er oppteken av at massehandteringa i planen er fullt ut i samsvar med krava til massehandtering i kommunen sin samfunnsplan, side 24.
Johannes Haugland, SP, satte fram slikt tilleggsframlegg:
"Utvalet er oppteken av at massehandteringa i planen er fullt ut i samsvar med krava til massehandtering i kommunen sin samfunnsplan, side 24."
AVRØYSTING:
Kommunedirektøren sitt framlegg vert samrøystes vedteke
Johannes Haugland, SP, sitt tilleggsframlegg vert samrøystes vedteke
Svar på spørsmål frå sist møte 30.08.2023:
Kjellaug Hartveit, SP, hadde slikt spørsmål:
Eg har teken dette opp før og kan ikkje sjå at det har vortegjort noko. Kan ikkje bompengebuene på Sakslivegen verte fjerna no når vegen er kommunal?
Kommunalsjefen ga slikt svar:
Bompengebuene på Sakslivegen er tenkt fjerna.
Det er tatt høgde for dette i avtaler inngått, og dei står no og på ‘kommunal’ grunn.
Dei vil bli fjerna ein av dei næraste dagane av kommunen.
-------------------------
Øyvind Litland, AP, hadde slikt spørsmål:
Kva er status på reguleringsplanen for Haus?
Kommunalsjefen ga slikt svar:
Denne saka vart teken opp og svart ut i Heradsstyret den 20.09.23.
-------------------------
Øyvind Litland, AP, hadde slikt spørsmål:
Kva er status for bustadprosjektet Tribunebakken påValestrand?
Kommunalsjefen ga slikt svar:
Tiltakshavar/eigar har ikkje lukkast med å realisere bygget iht opprinneleg plan.
Det har vore vanskeleg å oppnå tilstrekkeleg førehandssal til å realisere prosjektet.
Eigar ser for tida på alternative løysningar i nedskalert format.
Kommunen avventer evt. nye søknader på eit alternativt prosjekt på tomta.
-------------------------
Øyvind Litland, AP, hadde slikt spørsmål:
Det ligg to leidningar synleg på land eller i fjæra vedSanatoriet i Mjeldavatnet i Haus. Kva gjer ein med dette?
Kommunalsjefen ga slikt svar:
Kommunen vil etter nærare inspeksjon sannsynlegvis fjerne den eine leidningen, og forbetre plassering/forankring av den andre leidningen.
-----------------------------------------------------------------Spørsmål løfta i møtet 27.09.2023
Utvalsleiaren hadde slikt spørsmål:
Korleis får vi gjennomført redusert fartsgrense Heldal - Hosanger?
Kommunalsjefen ga slikt svar:
Osterøy kommune har no motteke førespurnad om uttale frå Statens vegvesen – frist 5.10.23.
Skiltplan som innstilt frå VLFK vert godkjend om ingen innspel.
Eit innspel på å flytte 50m skiltet nokre meter lenger opp/nord slik at avkøyrsel til Refsneset vert inkludert i 50-sonen er motteken. Planutvalet var positiv til dette innspelet.
Gjennomføringa skjer etter vedtak føreligg, og ansvarleg er vegeigar (VLFK). Erfaringa er at det ikkje går for lang tid frå endeleg vedtak føreligg til gjennomføring av vedtaket.
Frå planutvalet vart det og stilt spørsmål ved fartsgrensa i Børo (Hosanger) med referanse til vedtaket i Heradsstyret. Administrasjonen vil følgje opp den saka vidare.
----------------------------
Utvalsleiaren hadde slikt spørsmål:
Kva er status i Veseth gjelet, når vert arbeidet fullført og to felt opna?
Kommunalsjefen ga slikt svar:
Under arbeid med borehol under vegen iht opphaveleg plan fekk ein utfordringar med at fjellet er for ‘dårleg’, og at det derfor raste saman inne i boreholet. Opphaveleg plan let seg difor ikkje gjennomføre, og ein måtte sjå på alternativ trase. Dette vart gjort, og grave- og framføringsløyve for alternativ trase vart motteken frå fylket fredag 22.9. Me har no prosjektert ferdig og vil starte opp att arbeidet omgåande. Me reknar ein månad forseinking grunna dette, og planen er no asfaltering siste veka i oktober og normal trafikk etter det. Me legg ut info på heimesider ein av de næraste dagane.
-----------------------------
Alf Terje Mortensen, FRP, hadde slikt spørsmål: Det gjeldt ein jordlovssak frå 2018 på Vestre Kleppe, GBnr 100/3, om eit landbruksareal som ikkje er i drift. Nabo til 100/3 har sendt førespurnad om å teke dette i drift i 2018 med purringar i 2020 og i april 2023. Kan denne saka verte svart ut.
Kommunalsjefen ga slikt svar:
Dette skal vi sjå på og kome tilbake til.
--------------------------------
Alf Terje Mortensen, FRP, hadde slikt spørsmål:
Heradsstyret har handsama ein tvangskopling til VA på Bysheim. Der må kommunen ta kontakt med grunneigar som eig rundt dette anlegget. Det er nødvendig med litt folkeopplysning i saka grunna mykje ryktar.
Kommunalsjefen ga slikt svar:
Denne kjenner vi godt til og vi hadde seinast sist veke ein diskusjon i saka. Det har vore skissert ulike løysingar, men det er krevjande og mange omsyn som må takast med i vurderinga i denne saka. Vi har ikkje eit svar pr i dag, men vi kjem til å ta kontakt med eigarar og grunneigarar i saka og vil prøve å få til ein avklaring eller løysing.
----------------------------------
Alf Terje Mortensen, FRP, hadde slikt spørsmål:I kommunen er det svært mange bustadhus som står i det som er definert som LNF område. Mange av desse vart bygd før LNF føremålet kom.
Når desse eigedomane skal gjere tiltak vert dei idag nøydde til å søkje om dispensasjon, trass i at området de facto er omdisponert frå LNF føremålet. Dette medfører unødige kostnader for tiltakshavar då eigedomar idag i byggefelt vil kunne gjere mykje utan å søkje ein gang. Heradstyret gjorde i si tid eit einstemmig vedtak om at dette skulle implementerast i kommunen sine system, slik at det vart slutt på denne typen saker.
Korleis kan dette i praksis løysast, og når kan me vente at det vert gjort?
Kommunalsjefen ga slikt svar:
Dette skal vi sjå på og kome tilbake til.
Det vert ikkje gjort noko vedtak i saka
Utvalet hadde slik merknad:
- Delegasjonsreglement og gjennomgang av dette: Det er viktig at utvalet raskt vert gjort kjent med kva dei har ansvar for og ikkje. Det kjem inn mange nye, og det er viktig at dei får ein god start med å vite kva ansvar dei faktisk har i dei ulike sakene.
- Frådelingssaker der det er krav om dispensasjon frå både plan og bygningslova og jordlova må leggast samla fram for utvalet.
- Dispensasjonssaker: Me har mange eigedomer som ligg idag i LNF. fleire av desse er "feilaktig" fått denne definisjonen. Dette fører til at desse eigedomane ikkje har same anledning til bygningsmessige tiltak som det ein har i regulerte bustadområde. Heradsstyret gjorde i si tid vedtak om at det skulle takast inn eit punkt i føresegnene om at lovendringa som vart gjort under regjeringa Solberg skulle gjelde alle bebygde eigedommer på Osterøy. Her må utvalet i samråd med administrasjonen gå gjennom og finne ei løysing som gjer at dette kan tre i kraft etterkvart.
- Vilt: Keep up the good work. få arbeidet inn i tråd med årshjulet i forskrifta. Jobbe aktivt med at alle vedtak som utvalet skal ha, vert lagt fram. Sikre at stamma vert redusert i tråd med vedtekne politiske mål.
Takk for godt samarbeid med administrasjonen, Tore Johan og Arnstein! De har gjort ein strålande jobb så langt, og vi er imponert på kor raskt de har sett dykk inn i saker på kort tid. Det vert lagt merke til rundt i kommunen og vi får stadig tilbakemeldinger frå innbyggarar som er veldig førnøgd med dykkar innsats. Vi vil ynskje dykk alt godt i arbeidet vidare.
Utvalet stiller seg vidare tilgjengeleg for erfaringsoverføring til nytt utval.
Politihkar | Bellodat | Lahttošládja | E-poasta |
---|---|---|---|
Aksel Mjøs | Høgre | Utvalsleiar | aksel@mjos.no |
Øyvind Litland | Arbeidarpartiet | Nestleiar | oyvind.litland47@gmail.com |
Alf Terje Mortensen | Framstegspartiet | Medlem | alftmo@gmail.com |
Johannes Haugland | Senterpartiet | Varamedlem | johannes.haugland@hotmail.com |
Johannes Seim Mjelde | Venstre | Varamedlem | johannes@sagaeindom.net |
Marit Adelsten Jensen (Ii boahtán) | Miljøpartiet Dei Grøne | Medlem | marit.adelsten.jensen@muho.no |
Kjellaug Hartveit (Ii boahtán) | Senterpartiet | Medlem | kjellaug.hartveit@gmail.com |