Čoahkkin Heradsstyret 02.03.2016

Vedtak

"Innkalling og sakliste vert godkjent."

Behandling

Nye saker:

Johannes Bysheim, AP, gjorde framlegg om å ta opp sak om val av skulestad for Valestrand/Hauge til handsaming.

Audun Mosevoll, KRF, gjorde framlegg om å ta opp sak om sal av Hjellvik skule til ny handsaming

--------------------------

Det var ikkje andre merknader til innkalling og saksliste.

Vedtak

"Møtebok frå 09.12.15 vert godkjend."

Behandling

Hildegunn Mo, FRP, viste til H-sak 072 Budsjett 2016, pkt. 11 om finansiering av veg til Stokken og etterlyste sak om dette.

Rådmannen viste til at saksførebuing pågår.

----------------------

Det var elles ikkje merknader til protokollen frå 09.12.15.

Behandling

AVRØYSTING

Rådmannen sitt framlegg vart samrøystes vedteke.

Vedtak

"Osterøy heradsstyre har handsama BIR sitt utkast til Avfalls- og ressursstrategi (2016-2020) for dei lovpålagde oppgåvene BIR utfører for kommunen. Heradsstyret har ingen merknader til strategien og tilrår at den vert endeleg vedtatt av styret i BIR AS med slike tillegg: 1. Osterøy kommune ynskjer at BIR utviklar insentivordningar for heimekompostering og utgreier separat innsamling av matavfall frå husholdningane i denne perioden. (2016 - 2020). Osterøy kommune ønskjer at BIR skal utarbeide ein plan for innsamling av septiktankar, båtar og andre større produkt av plast/glasfiber."

Behandling

I starten av møtet møtte representantar frå BIR AS og orienterte om selskapet og foreslåtte strategiar.

----------------------------------

Jon Flydal Blichfeldt, MDG, gjorde slikt framlegg:

1. I BIR sitt strategidokument er ein oppteken av utnytting med tanke på biogass og fosfor, men matavfall er ein rik ressurs som kan nyttast også på andre vis. Sjå til dømes til prosjektet Glør (Gausdal, Lillehammer og Øyer kommuner) der ein har innsamling av bioavfall for felles kompostering der innbyggjarane ved seinare høve kan hente kompostert jord. Ein kan òg sjå til NGIR (Nordhordland, Gulen og Solund).

2. Osterøy kommune ønsker at BIR skal legge til rette og vere ein pådrivar for kjeldesortering i alle offentlege bygg og verksemder.

3. Osterøy kommune ønsker at BIR skal arbeide for at all innlevering av avfall på gjenvinningsstasjonene skal verte gratis.

4. Osterøy kommune ønsker at BIR skal etablere brukthallar på alle større gjenvinningsanlegg, minimum ein i kvar kommune.

Punkt nr. 3 og 4 vart trekt før avrøysting

Ordføraren gjorde slikt framlegg om tillegg: "Osterøy kommune ynskjer at BIR utviklar insentivordningar for heimekompostering og utgreier separat innsamling av matavfall frå husholdningane i denne perioden. (2016 - 2020)."

Jon F. Blichfeldt, MDG, trekte punkt nr. 1 i sitt framlegg og gjorde framlegg om nytt pkt. 4: "Osterøy kommune ønskjer at BIR skal utarbeide ein plan for innsamling av septiktankar, båtar og andre større produkt av plast/glasfiber."

----------------------------

Det vart halde pause i drøftingane frå kl. 18.30 - kl. 18.35 med gruppemøte for Høgre.

---------------------------

AVRØYSTING

Ordføraren sitt framlegg - vedteke med 17 røyster (8AP,2SP,4KRF,1V,2MDG)

mot 10 røyster (6FRP,4H)

Jon F. Blichfeldt sitt framlegg,

pkt. 2 - fall med 23 røyster (6FRP,8AP,3KRF,1V,2SP,3H)

mot 4 røyster (2MDG, 1H,1KRF)

pkt. 4 - vedteke med 26 røyster (2MDG,4KRF,3H,6FRP,

8AP,1V,2SP) mot 1 røyst (1H)

Rådmannen sitt framlegg - samrøystes

Vedtak

"Osterøy heradstyre vedtek felles Forskrift om ordensreglement for grunnskulen i Osterøy kommune slik den ligg føre i framlegget og med slikt tillegg under pkt. V, § 8: Klagen vert sendt Fylkesmannen. Osterøy heradstyre delegerer til rådmann å fastsetje særreglar som er tilpassa lokale tilhøve."

Behandling

Kjersti Vevatne, V, gjorde slikt framlegg om tillegg: "Tilleggsetning under pkt. V, § 8: Klagen vert sendt Fylkesmannen."

Johannes Bysheim, AP, gjorde slikt framlegg om endring i siste setning: "...... delegerer til rådmannen å fastsetje .... ."

AVRØYSTING

J. Bysheim sitt framlegg - vedteke med 25 røyster (8AP,1V,2H,4KRF,6FRP,2SP,2MDG)

mot 2 røyster (2H)

Formannskapet sitt framlegg med slikt

tillegg som foreslått - samrøystes

Vedtak

“Lokal forskrift om nedgravne oljetankar, Osterøy kommune vert vedteke med heimel i forureiningsforskrifta kapittel 1:

§ 1. Geografisk verkeområde

Reglane i kapittel 1 i forskrift 1. juni 2004 nr. 931 om begrensninger av

forureining (forureiningsforskrifta) gjeld for heile Osterøy kommune.

§ 2. Tankstorleik

Reglane i kapittel 1 i forskrift 1. juni 2004 nr. 931 om begrensninger av

forureining (forueiningsforskrifta) gjeld også for nedgravne oljetankar i Osterøy

kommune med kapasitet til å oppbevare til og med 3200 liter olje.

§ 3. Ikrafttreding

Denne forskrift trer i kraft 2.3.2016

Forvaltningsansvaret vert lagt til Osterøy kommune, brann-redning ved feiing og tilsyn.”

Behandling

Silje Midtbø Vevle, MDG, gjorde slikt framlegg om endring: i ordlyden på fjerde linje, andre side, frå “bør” til “skal”: “Difor skal kommunen ha eit register over eksisterande oljetankar.”

AVRØYSTING

Alternativ avrøysting

Formannskapet sitt framlegg - 22 røyster (6FRP,4H,2SP,8AP,2KRF)

Silje M. Vevle sitt framlegg - 5 røyster (2KRF,2MDG,1V)

Vedtak

Eigarskapsmelding for 2016 vert vedteken.

Heradstyretber om at det vert førebudd vedtektsendringar slik det går fram i saksutgreiinga.

Behandling

AVRØYSTING

Formannskapet sitt framlegg vart samrøystes vedteke.

Vedtak

"Orienteringa vert teken til vitande."

Behandling

Rådmannen orienterte kort om status oppfølgjing etter formannskapet sitt vedtak 17. februar samt frå møtet i styringsgruppa rett før heradsstyremøtet. Fristen for vedtak i saka er 01. juli.

-------------------------------

Hjalti H. Gislasson, H, gjorde slikt framlegg: "Orienteringa vert teken til vitande."

Kjersti I. Vevatne, V, gjorde slikt framlegg om tillegg: "Det skal lagast ei kortfatta vurdering av eit eventuelt alternativ der Osterøy vert del av ein ny kommune i Nordhordland. Vurderinga skal basere seg på ei samanstelling av kjent kunnskap frå tidlegare arbeid, og frå intensjonsavtalen for Nordhordlandskommunane. Framstillinga kan vere eit tilleggsnotat."

Framlegget vart oversend til rådmannen utan realitetshandsaming.

AVRØYSTING

Hjalti H. Gislason sitt framlegg vart samrøystes vedteke.

Vedtak

1. Heradsstyret tek innkomne merknadar og rådmannen si vurdering av desse til vitande, samt justering av forslag til Temaplan for trafikksikring for Osterøy kommune 2016 – 2020 etter 1.gongs høyring og offentleg ettersyn.

2. Heradsstyret vedtek Temaplan for trafikksikring for Osterøy kommune 2016 – 2020, dagsett 12.08.2015."

Behandling

Torunn Åsheim, AP, gjorde slikt framlegg om tillegg: "1. I temaplanen for trafikksikring sin handlingsplan under punkt C, enkle tiltak ikkje prioritert liste, vert FV361 barnehage Haus - fotgjengarovergangar og FV 361 Åsheim - Kiwi - fotgjengarovergang og FV 361 frå Haus sentrum til bussterminal- veglys, nummerert og prioritert som nr. 1, og alle dei andre tiltaka som nr. 2. I overskrifta vert "Ikkje prioritert liste" fjerna frå teksten. Det er eit sterkt ønske om at alle dei tre punkta på FV 361 Haus kjem på plass samstundes. 2. I temaplan for trafikksikring sin handlingsplan under punktet E, store investeringstiltak, vert veg nr. 360 Haus sentrum - omlegging av veg/fortau prioritert som nr. 1."

AVRØYSTING

Formannskapet sitt framlegg - samrøystes

T. Åsheim sitt framlegg - fall med 18 røyster (4KRF,1V,2SP,4H,5FRP,2MDG)

mot 9 røyster (8AP,1FRP)

Vedtak

«Kartverket sin klage vert teken til følgje og ny skrivemåte for vegnamna vert endra i samsvar med tilrådinga frå Kartverket for :

1133 Åsheimsbrekkene til Åsheimbrekkene
1123 Bysheimskleivane til Bysheimkleivane
For 1080 vert namnet Kvednhusrinden oppretthalde.»

Behandling

AVRØYSTING

Formannskapet sitt framlegg vart samrøystes vedteke.

Vedtak

"Oppnemning som medlem i oppnemningsutvalet i konfliktrådet: ordførar Jarle Skeidsvoll, KRF."

Behandling

Berit M. Borge, gjorde på vegner av valnemnda slikt framlegg: "Medlem ordførar Jarle Skeidsvoll, KRF."

AVRØYSTING

Framlegget vart samrøystes vedteke.

Vedtak

"Sigmund Faugstad, FRP, vert vald som vararepresentant til årsmøtet i Bergen og Omland friluftsråd."

Behandling

Berit M. Borge, H, gjorde på vegner av valnemnda slikt framlegg: "Vararepresentant til årsmøtet: Sigmund Faugstad, FRP."

AVRØYSTING

Framlegget vart samrøystes vedteke.

Vedtak

"Av tidsomsyn legg ein til grunn ein prosess med folkemøte og arbeidsmøte der målsettinga er å informera om konsekvensar og innhente synspunkt frå innbyggarane. Dette vil inngå som ein del av kunnskapsgrunnlaget for politisk avgjersle i saka."

Behandling

Einar Skjerping, FRP, gjorde slikt framlegg: "Heradsstyret rår til at det vert halde folkeavrøysting i saka om kommunesamanslåing."

Johannes Haugland, SP, gjorde slikt framlegg: "Av tidsomsyn legg ein til grunn ein prosess med folkemøte og arbeidsmøte der målsettinga er å informera om konsekvensar og innhente synspunkt frå innbyggarane. Deretter vert det halde folkerøysting."

AVRØYSTING

E. Skjerping sitt framlegg - fall med 21 røyster mot 6 røyster (6FRP)

J. Haugland sitt framlegg - fall med 24 røyster mot 3 røyster (2SP,1MDG)

Rådmannen sitt framlegg - samrøystes vedteke.