Čoahkkin Formannskapet 23.11.2016

Vedtak

"Innkalling og sakliste vert godkjent."

Behandling

Det vart varsla nokre spørsmål/saker til slutten av møtet.

Det var elles ikkje merknader til innkalling og saksliste.

Vedtak

"Møtebok frå 09.11.16 vert godkjend."

Behandling

Det var ikkje merknader til møteprotokoll frå 09.11.16.

Behandling

AVRØYSTING

Rådmannen sitt framlegg vart samrøystes vedteke.

Vedtak

Formannskapet si innstilling:

” Årsbudsjettet for 2017 med investeringsplan vert vedteke på grunnlag av rådmannen si saksutgreiing til formannskapet, med slike driftsrammer:

Det er starta arbeid med ny alminneleg taksering av alle eigedomar på Osterøy, og kommunen sitt grunnlag for eigedomsskatt vil auke i 2017. Med utgangspunkt i dette, legg formannskapet til grunn ein auke i inntekt frå eigedomsskatt med 10 mill. kr i høve nivået i 2016, dvs. 6,5 mill. meir enn det som ligg i rådmannen sitt framlegg til budsjett. Skattesats ("promille") vert sett i samband med budsjettvedtak i heradstyret 07.12.16.Dei 6,5 millionane skal fordelast slik:Sektor for helse, omsorg og sosial: Auka rammeløyving på 3,1 mill. kr. Rammeløyvinga skal styrke grunnbemanninga i sektoren og sikre tilbodet i Kroken og tilbodet om legetenester på ettermiddag ved Lonevåg legesenter.Sektor for oppvekst, utdanning og kultur: Auka rammeløyving på 550.000 kr. Rammeløyvinga skal sikre vidareføring av 2 lærarstillingar ved Osterøy ungdomsskule.Sektor for miljø og teknikk: Auka rammeløyving på 1 mill. kr. Rammeløyvinga øyremerkast vedlikehald av kommunale bygg.Rådmannen med stabsseksjonar: Auka rammeløyving på 1,35 mill. kr. Rammeløyvinga skal nyttast til nye lærlingeplassar (600.000 kr, HOS prioritert), styrking av Planavdelinga til innkjøp av eksterne tenester (ref. Planstrategi) (500.000 kr), innkjøp av teknisk utstyr til overføring (streaming) av alle politiske møter (50.000 kr) og diverse utgreiingsarbeid (eigarskapstrategi, "eldrehagen" på Hauge, ferjesambandet).Sentrale postar: Auka overføring til disposisjonsfond på 500.000 kr. Denne summen er tenkt nytta som økonomisk buffer for barnevernet - om dette skulle vera naudsynt.Investeringsbudsjettet: Auka investeringsramme med følgande:1. Vidareføre oppgradering av kantina på rådhuset - 100.000 kr2. Ladepunkt for elbilar - 400.000 kr."

Behandling

Til møtet vart oppdatert innstilling frå rådmannen sendt ut.

Til møtet vart følgjande dokument delt ut:

- Uttale frå elevrådet ved ungdomsskulen

- notat av 22.11.16 frå rådmannen om auke av lærlingeressursar

Ordføraren gjorde på vegner av KRF, SP, MDG og V slikt framlegg om endringar i h.t. rådmannen sitt framlegg:

"Det er starta arbeid med ny alminneleg taksering av alle eigedomar på Osterøy, og kommunen sitt grunnlag for eigedomsskatt vil auke i 2017. Med utgangspunkt i dette, legg formannskapet til grunn ein auke i inntekt frå eigedomsskatt med 10 mill. kr i høve nivået i 2016, dvs. 6,5 mill. meir enn det som ligg i rådmannen sitt framlegg til budsjett. Skattesats ("promille") vert sett i samband med budsjettvedtak i heradstyret 07.12.16.
Dei 6,5 millionane skal fordelast slik:
Sektor for helse, omsorg og sosial: Auka rammeløyving på 3,1 mill. kr. Rammeløyvinga skal styrke grunnbemanninga i sektoren og sikre tilbodet i Kroken og tilbodet om legetenester på ettermiddag ved Lonevåg legesenter.
Sektor for oppvekst, utdanning og kultur: Auka rammeløyving på 550.000 kr. Rammeløyvinga skal sikre vidareføring av 2 lærarstillingar ved Osterøy ungdomsskule.
Sektor for miljø og teknikk: Auka rammeløyving på 1 mill. kr. Rammeløyvinga øyremerkast vedlikehald av kommunale bygg.
Rådmannen med stabsseksjonar: Auka rammeløyving på 1,35 mill. kr. Rammeløyvinga skal nyttast til nye lærlingeplassar (600.000 kr, HOS prioritert), styrking av Planavdelinga til innkjøp av eksterne tenester (ref. Planstrategi) (500.000 kr), innkjøp av teknisk utstyr til overføring (streaming) av alle politiske møter (50.000 kr) og diverse utgreiingsarbeid (eigarskapstrategi, "eldrehagen" på Hauge, ferjesambandet).
Sentrale postar: Auka overføring til disposisjonsfond på 500.000 kr. Denne summen er tenkt nytta som økonomisk buffer for barnevernet - om dette skulle vera naudsynt.
Investeringsbudsjettet: Auka investeringsramme med følgande:
1. Vidareføre oppgradering av kantina på rådhuset - 100.000 kr
2. Ladepunkt for elbilar - 400.000 kr."

----------------------------------------------------

Det vart halde pause i drøftingane frå kl. 13.25 - kl. 13.30 med felles gruppemøte for AP og FRP og for V/KRF/SP/MDG/H.

------------------------------------------------

Johannes Bysheim, AP, gjorde på vegner av AP og FRP slikt framlegg om endringar i h.t. rådmannen sitt framlegg:

--------------------------------------------------

Det vart halde pause i drøftingane frå kl. 14.20 - kl. 14.25 med gruppemøte for KRF, SP, MDG og V.

--------------------------------------------------

AVRØYSTING

Rådmannen sitt framlegg - 1 røyst (1H)

Rådmannen sitt framlegg med slike endringar som foreslått

av KRF, V, SP og MDG - 4 røyster (1KRF,1V,1SP,1MDG)

Rådmannen sitt framlegg med slike endringar som foreslått

av AP/FRP - 4 røyster(2AP, 2FRP)

--------------------------------------------

Formannskapet har etter dette gitt innstilling til heradsstyret i samsvar med rådmannen sitt framlegg og med slike endringar som foreslått av KRF, V, MDG og SP, då ordføraren si røystegjeving er avgjerande ved likt røystetal.

Foreslåtte endringar i rammer/budsjett vert lagt ut til høyring saman med rådmannen sitt framlegg. Desse vert innarbeidde i budsjettet for 2017 etter at vedtak er gjort i heradsstyret.

Vedtak

"Osterøy kommune deltek ikkje i den nye organiseringa av reiselivet i Nordhordland, grunna kommunen sin stramme økonomi."

Behandling

Ordføraren, gjorde slikt framlegg: "Osterøy kommune deltek i samarbeidet for reiselivet mellom Region Bergen reiseliv og kommunane i Nordhordland. Kostnaden, ca. 132000 for 2017 vert dekka ved omdisponeringar/meirinntekt på driftsbudsjettet."

AVRØYSTING

Alternativ avrøysting

Rådmannen sitt framlegg - 8 røyster (2FRP,2AP,1MDG,1H,1Sp,1V)

Ordføraran sitt framlegg - 1 røyst (1KRF)

Vedtak

"Osterøy kommune gir ikkje fråsegn til intensjonsavtalen."

Behandling

Kjersti I. Vevatne, V, gjorde slikt framlegg: "1.Osterøy kommune ber om at den nye regionen vedtek at nynorsk skal vere administrasjonsmål, og at statsorgan skal nytte nynorsk i sin dialog med den nye regionen.
2.Osterøy kommune meiner at «Vestlandet» er eit betre namn for regionen enn «Vestlandsregionen».
3.Osterøy kommune meiner at geografisk avstand ikkje er til hinder for at funksjonar og oppgåver vert lagt til Sogn og Fjordane og Rogaland. Ei fordeling gjev betre balanse i ein geografisk stor region, og vil ikkje vesentleg hemme ei moderne forvaltning. Det er likevel naturleg at Bergen vert eit tyngdepunkt for regionsforvaltninga.

4. Osterøy kommune tek ikkje stilling til etablering av nytt regionalt nivå."

AVRØYSTING

Gi fråsegn frå kommunen i saka

Ja - 3 røyster (1V,1H,1KRF)

Nei - 6 røyster (2FRP,2AP,1MDG,1SP)

--------------------------------------------------

Framlegget til fråsegn vart etter dette ikkje røysta over.

Vedtak

"Osterøy kommune gir høyringsuttale i samsvar med utdelt framlegg og med eit tilleggspunkt om lokalisering av tenestekontoret på Espevoll/strekninga Lonevåg - Kvisti."

Behandling

Til møtet vart framlegg til uttale delt ut, jfr. vedlegg til saka.

---------------------------------------

Ordføraren gjorde slikt framlegg: "Osterøy kommune gir høyringsuttale i samsvar med utdelt framlegg."

Johannes Bysheim, AP, viste til mogeleg ny lokalisering på Espevoll, og at dette vil vera eit godt argument for å leggja tenestekontoret på Osterøy.

AVRØYSTING

Ordføraren sitt framlegg med tillegg om mogeleg lokalisering av nytt kontor på strekninga mellom Lonevåg og Kvisti vart samrøystes vedteke.

------------------------------------------

Ordføraren innarbeider dette tilleggspunktet i høyringsfråsegna frå kommunen.

Vedtak

"Formannskapet støttar Regionrådet i Nordhordland sin uttale vedkomande Ringveg aust og E39 nord i Åsane."

Behandling

AVRØYSTING

Rådmannen sitt framlegg vart samrøystes vedteke.

Vedtak

"Barnehage- og skuleruta for 2017-18 vert vedteken slik den ligg føre i framlegget."

Behandling

AVRØYSTING

Rådmannen sitt framlegg vart samrøystes vedteke.

Vedtak

«Kjellaren Restaurant AS, org.nr. 815 484 452 , Valestrandsfossen, vert i medhald av alkoholforskrifta § 10-3, jfr. same forskrift § 10-2, tildelt fire prikkar for overtreding av alkoholforskrifta §§ 4-1 og 4-2, jfr. alkohollova § 4-7.

Grunngjeving for prikktildeling: I samband med skjenkekontrollen 22.10.16 er det dokumentert sal av alkoholhaldig drikk til person “åpenbart påvirket” av rusmidlar. Dette er i strid med alkoholforskrifta § § 4-1 og 4-2, jfr. alkohollova § 4-7, og etter alkoholforskrifta § 10-3 medfører dette regelbrotet tildeling av fire prikkar.»

Behandling

AVRØYSTING

Rådmannen sitt framlegg vart samrøystes tilrådd.

Vedtak

"Saka vert å komma attende til. Rådmannen får i oppdrag å komma med framlegg til reglement for godgjersle for politisk arbeid utover dei faste utvala. Ein legg til grunn at det skal gjevast godgjersle for slikt arbeid."

Behandling

Johannes Bysheim, AP, gjorde slikt framlegg: "Saka vert å komma attende til.Rådmannen får i oppdrag å komma med framlegg til reglement for godgjersle for politisk arbeid utover dei faste utvala.Ein legg til grunn at det skal gjevast godgjersle for slikt arbeid."

------------------------------------------

Det vart halde pause i drøftingane frå kl. 15.45 - kl. 15.50 med gruppemøte for FRP

------------------------------------------

AVRØYSTING

Johannes Bysheim sitt framlegg vart samrøystes vedteke.

Vedtak

"1. Formannskapet vedtek oppstart av planarbeid for Kommunedelplan for oppvekst Osterøy kommune, PlanID 12532015008, jf. Plan- og bygningslova § 11-12. 2. Formannskapet fastset følgjande politisk arbeidsgruppe med 5 medlemmer frå heradstyret til planarbeidet: KrF: Kari Mjøs, Sp: Lars Fjeldstad, V :Kjersti I. Vevatne og ein representant frå kvar ar partia Ap og FrP."

Behandling

Før møtet vart notat frå rådmannen om forståing av "mindretalsanke" i utvalsreglementet send ut.

-----------------------------------------------

Alf T. Mortensen, FRP, gjorde slikt framlegg: "Saka vert oversendt heradstyret utan realitetshandsaming."

Ordføraren tok opp att sitt framlegg i formannskapet 09.11.16: "1. Formannskapet vedtek oppstart av planarbeid for Kommunedelplan for oppvekst Osterøy kommune, PlanID 12532015008, jf. Plan- og bygningslova § 11-12.heradstyret til planarbeidet:KrF: Kari Mjøs, : Lars Fjeldstad, :Kjersti I. Vevatneog ein representant frå kvar ar partia Ap og FrP."

AVRØYSTING

Alternativ avrøysting

Ordføraren sitt framlegg - 5 røyster (1KRF,1MDG,1H,1SP,1V)

Alf T. Mortensen sitt framlegg - 4 røyster (2AP,2FRP)

----------------------------------------------------

Johannes Bysheim, AP, gjorde slikt framlegg: "Vedtaket vert i medhald av utvalsreglementet § 3 anka til heradsstyret."

AVRØYSTING

Framlegget fekk 4 røyster (2AP,2FRP).

---------------------------------------------------

Saka går etter dette til heradsstyret til avgjerd.

Vedtak

"Saka vert utsett til neste møte i formannskapet."

Behandling

Ordføraren gjorde slikt framlegg: "Saka vert utsett til neste møte i formannskapet."

AVRØYSTING - utsetjing

Framlegget vart samrøystes vedteke.

Vedtak

Innstilling til heradsstyret:

"Delegasjonsmynde vert vidareført som det ligg føre.Saka skal takast opp på ny i første møte i formannskapet i 2017."

Behandling

Ordføraren orienterte om planlegging av opplæringsdag for heradsstyret. Etter drøftingar vart det semje om opplæring 12. desember. Invitasjon og program vert send ut når dette er klart.

-----------------------------------------------

Johannes Bysheim , AP, gjorde slikt framlegg: "Delegasjonsmynde vert vidareført som det ligg føre.Saka skal takast opp på ny i første møte i formannskapet i 2017."

AVRØYSTING

Alternativ avrøysting

Rådmannen sitt framlegg - 0 røyster

Johannes Bysheim sitt framlegg - samrøystes