Čoahkkin Heradsstyret 11.04.2018

Behandling

Det var ikkje merknader til innkalling og saksliste.

Vedtak

Møteprotokoll frå 21.02.18 vert godkjend.

Behandling

Det var ikkje merknader til utsend protokoll frå møtet 21.02.18.

Behandling

Referatsaknr. 8

Jon Flydal Blichfeldt, MDG, gjorde slikt framlegg: "Saka vert teken opp til handsaming.

Rita Tveiten, AP, gjorde slikt framlegg: "Framlegget vert å ta opp etter pausen, slik at gruppene kan få drøfta det."

Heradsstyret slutta seg samrøystes til utsetjingsframlegget.

----------------------------------------

Det vart halde pause i drøftingane frå kl. 17.05 - kl. 17.40

----------------------------------------

AVRØYSTING - ta saka opp til handsaming

JA - 9 røyster (4AP,3KRF,2MDG)

Nei - 18 røyster (4AP,6FRP,4H,1V,2SP,1KRF)

-------------------------------------------

AVRØYSTING

Rådmannen sitt framlegg vart samrøystes vedteke.

Vedtak

«Kommunal prioriteringsliste Spelemidlar - Kulturbygg vert vedtatt slik den ligg føre.»

Behandling

AVRØYSTING

Formannskapet sitt framlegg - samrøystes vedteke.

Vedtak

«Kommunen sitt næringsfond vert oppretthalde. Formannskapet vert forvaltar fondet og avgjer søknader om tilskot/lån. Retningslinene for bruk og forvaltning av næringsfondet vert endra i samsvar med dette. Fondet næringssarbeid i Osterfjordregionen vert avslutta og midlane vert overførte til Næringsfondet.

Utkastet til «retningslinene for bruk og forvaltning av Osterøy kommune sitt næringsfond» vert endra slik:

- Punktet om at fondet skal prioritere å skaffe arbeidsplassar til kvinner jf. § 1, skal strykast.

- Paragraf 1 må korrigerast og oppdaterast til å gi korrekte opplysningar i ein ny versjon.

- Dokumentet for retningslinene må gjennomgå språkkorrektur."

Behandling

AVRØYSTING

Formannskapet sitt framlegg - samrøystes vedteke

Vedtak

”I medhald av alkohollova §§ 1-4a og b, 1-6, 1-7, 1-7a, 1-7b, 1-7c, 4-2 og 4-4 vert det gjeve allment skjenkeløyve for all alkoholhaldig drikk, gruppe 1, 2 og 3, til Catering og Vertskapstjenester AS, org. nr. 920 222 420 for Fjordslottet hotell.

Styrar David Sandem, f. 28.01.1981 og stedfortredar Alita Kristensen, f. 05.12.1985, vert godkjende.
Type verksemd: Hotell og restaurant.
Skjenketid alkohol gruppe 1 og 2:kl. 08.00 – kl. 01.00

Skjenketid alkohol gruppe 3(drikk som

inneheld mellom 22 og 60% alkohol):kl. 13.00 – kl. 01.00

Fredag/laurdag vert det gitt utvida skjenketid til kl. 02.00 for alkohol i gruppe 1, 2 og 3. Dette gjeld berre for gjestar i slutta selskap, jfr. Alkohollova § 4-2, 2. ledd.

Vidare vert det gjeve allment skjenkeløyve for all alkoholhaldig drikk på avskjerma uteområde.
Skjenketid for uteservering alkohol gruppe 1 og 2: kl. 10.00 – kl. 01.00

Alkohol gruppe 3 (drikk som inneheld

mellom 22 og 60% alkohol):kl. 13.00 – kl. 01.00

For skjenking til overnattingsgjestar gjeld alkohollova § 4-4, 7.ledd.

Skjenkeløyveperiode: 12.04.2018 – 30.09.2020.

Det vert i medhald av serveringslova § 3 gitt serveringsløyve til Catering og Vertskapstjenester AS, org. nr. 920 222 420 for Fjordslottet hotell. Som dagleg leiar vert David Sandem godkjend.»

Behandling

AVRØYSTING

Formannskapet sitt framlegg vart samrøystes vedteke.

Vedtak

”I medhald av alkohollova §§ 1-4a og b, 1-6, 1-7, 1-7a, 1-7b, 1-7c, 4-2 og 4-4 vert det gitt skjenkeløyve for alkoholhaldig drikk, gruppe 1 og 2, for deltakarar i slutta lag.

Løyvehavar: Kleiveland Gard, org.nr. 915633935.

Styrar: Erling Kleiveland, f. 23.07.1945.

Stedfortredar: Ingfrid Andersen, f. 02.03.1950.

Type verksemd: Gardsturisme, servering m.m.

Skjenketid alkohol gruppe 1 og 2:kl. 08.00 – kl. 01.00.

Skjenkeareal: Innreia låve, ca. 100 m2 og uteterasse ca. 70 m2.

Løyveperiode: 12.04.18 – 30.09.2020.”

Årsgebyr for 2018 vert i medhald av alkoholforskrifta § 6-2 fastsett til kr 3060,- med årleg regulering i samsvar med sentrale forskrifter for gebyr. Gebyr etter omsetning kjem i tillegg.»

Behandling

AVRØYSTING

Formannskapet sitt framlegg vart samrøystes vedteke

Vedtak

«Trond Lillejord Mat AS, org.nr. 912 790 037, Rema 1000, Lonevåg, vert i medhald av alkoholforskrifta § 10-3, jfr. same forskrift § 10-2, tildelt ein prikk for overtreding av alkoholforskrifta § 3-3.

Grunngjeving for prikktildeling: I samband med kontroll av salsløyve 09.02.2018 er det dokumentert at brus var plassert i tilknyting til alkholhaldig drikk på salsstaden. Dette er i strid med alkoholforskrifta § 3-3, og etter alkoholforskrifta § 10-3 medfører dette regelbrotet tildeling av ein prikk.»

Behandling

AVRØYSTING

Formannskapet sitt framlegg - samrøystes vedteke

Vedtak

«Fotlandsvåg idrettslag ved Trond-Martin Balestrand Børtveit vert i medhald av alkoholforskrifta § 10-3, jfr. same forskrift § 10-2, tildelt seks prikkar for overtreding av alkoholforskrifta §§ 4-1 og alkohollova § 4-4 i samband med arrangement i Osterøyhallen 29. – 30.12.17.

Grunngjeving for prikktildeling: I samband med skjenkekontrollen 30.12.17 er det dokumentert at «person åpenbart påvirket av rusmidler» var til stades i lokalet utan å bli bortvist og dette gir tildeling av to prikkar, jfr. alkoholforskrifta § 10-3. Vidare er det dokumentert konsum av alkohol i lokalet utover tillatt skjenketid, jfr. alkoholforskrifta § 10-3 og alkohollova § 4-4. Dette gir tildeling av fire prikkar, jfr. alkoholforskrifta § 10-3.»

Behandling

AVRØYSTING

Formannskapet sitt framlegg - samrøystes vedteke

Vedtak

"Reglement for folkevalde sin rett til innsyn i saksdokument vert godkjend. Vedtaket er gjort i medhald av kommunelova § 40, nr. 5. Reglementet gjeld frå vedtaksdato.»

Behandling

AVRØYSTING

Formannskapet sitt framlegg vart samrøystes vedteke.

Vedtak

"Framlegg til reglement for handsaming og avgjerd av spørsmål om ugildskap i politiske saker vert godkjend slik det ligg føre i vedlegg til saka med slik endring i punkt 4, andre avsnitt som vedteke i møtet.

Rådmannen må gjennomføra "språkvask" dokumentet i samsvar med vedtaket om "språkvask".

Behandling

Hjalti H. Gislason, H, gjorde slikt framlegg: "REGLEMENT FOR BEHANDLING OG AVGJERD AV SPØRSMÅL OM INHABILITET I POLITISKE ORGAN
vert endra til
REGLEMENT FOR HANDSAMING OG AVGJERD AV SPØRSMÅL OM UGILDSKAP I POLITISKE SAKER

16 førekomster av «inhabilitet» vert endra til «ugildskap»
11 førekomster av «behandling» vert endra til «handsaming»
4 førekomster av «vedkommende» vert endra til «vedkomande»
2 førekomster av «inhabilitetsspørsmål» vert endra til «spørsmål om ugildskap»
2 førekomster av «protokollerast» vert endra til «protokollførast»
1 førekomst av «inhabilitetsgrunn» vert endra til «grunn til ugildskap»

Punkt 4, 2. avsnitt vert endra slik: Ved handsaming om spørsmålet om gildskap skal den som spørsmålet gjeld, gjevast høve til å uttale seg om spørsmålet. Deretter må vedkomande fråtre møtet og bør forlate møterommet. I lukka møte må representanten forlate møtet."

Jon Flydal Blichfeldt, MDG, gjorde framlegg om å ta med fvl. § 6 i reglementet.

AVRØYSTING

Hjalti H. Gislason sitt framlegg om

"språkvask" - samrøystes vedteke

Formannskapet sitt framlegg - 8 røyster

Hjalti H. Gislason sitt framlegg - vedteke med 19 røyster (6AP,4H,2MDG,2SP,1V,4KRF)

Vedtak

"Osterøy kommune melder seg inn i Region Bergen Reiseliv.

Kostnaden 131 000- vert delt likt mellom Osterøy Reiselivslag og kommunen.

Osterøy kommune stør og Osterøy Reiselivslag sin prosjektsøknad til Hordaland Fylkeskommune der det kommunale bidraget er 30 000-.

Reiselivssatsinga 95 500- vert å finansiera gjennom kommunen sitt næringsfond (F-Sak 21/18/H-Sak 033/18)."

Behandling

AVRØYSTING

Formannskapet sitt framlegg - samrøystes vedteke

Vedtak

Det vart ikkje gjort vedtak i tilknyting til interpellasjonen.

Behandling

Det vart ikkje gjort vedtak i tilknyting til interpellasjonen.

Vedtak

Det vart ikkje gjort vedtak i tilknyting til interpellasjonen.

Behandling

Det vart ikkje gjort vedtak i tilknyting til interpellasjonen.

Vedtak

Det vart ikkje gjort vedtak i tilknyting til interpellasjonen.

Behandling

Tone Mjelde, AP, takka for svaret og bad om eit meir utfyllande svar til neste møte.

--------------------------------

Det vart ikkje gjort vedtak i tilknyting til interpellasjonen.