Innkalling og sakliste vert godkjent med endring.
Det var ingen vara for Marit Adelsten Jensen, MDG.
4 av 5 medlem/varamedlem tilstades.
----------------------------------------------
Administrasjonen var forsinka, utvalsleiar sette forslag om å handsame sak 061/23 til slutten av måte i påvente av administrasjonen.
Utvalsleiar varsla tilleggssak til slutten av møte: Handsaming av tidssensitive saker i perioden mellom utvalet sitt møte i juni og august 2023.
Øyvind Litland, H, varsla spørsmål om leidningar som flyt i Mjeldavatnet ved sanatoriet.
Alf Terje Mortensen, FRP, varsla spørsmål om vassleidning som flyt i Hjellvikvågen.
Alf Terje Mortensen, FRP, varsla spørsmål om sak 046/23 Husvogn på Hundhammer.
Møteprotokoll frå 24.05.23 vert godkjend.
Det var ingen merknader til møteboka.
Melding om delegerte vedtak vert teken til vitande.
AVRØYSTING:
Samrøystes vedteke
Kommunedirektøren kan gje løyve til fri kalveskyting etter søknad. Eit av følgjande alternative kriterium skal leggast til grunn:
Søknaden gjeld vald med godkjent bestandsplan
I jordbruksområde med interesse- og arealbrukskonfliktar av monaleg omfang
Der omsyn til trafikktryggleik gjer seg gjeldande
I område med høg førekomst (tettheit) av hjort
Søknad må vere motteke seinast innan 15. august 2023
I tillegg gjeld følgjande:
Kommunedirektøren kan på eige initiativ, sjølv om søknad ikkje er motteke, gje løyve til / tilbod om fri kalveskyting i område der kriteria angitt ovanfor gjer seg gjeldande.
Alf Terje Mortensen, FRP, hadde slikt felles tilleggsframlegg: Andre setning vert endra til: "eit av følgjande kriterium skal leggast til grunn." Slik at det ikkje vert noko misforståing blandt dei som vurderer å søkje. Me må tydleggjera at ikkje alle kriteria må vera oppfylt for å få innvilga fri kalveskyting.
AVRØYSTING:
Kommunedirektøren sitt framlegg vert samrøystes vedteke
Alf Terje Mortensen, FRP, sitt felles tilleggsframlegg vert samrøystes vedteke
Kommunen gjev dispensasjon frå plan- og bygningslova 29-4, 2. ledd til oppføring og utviding av terrasse på gnr. 145 bnr. 48, jf. plan- og bygningslova § 19-2.
Søknad om oppføring av uthus/dokkehus 0,8 meter frå nabogrensa vert godkjent, jf. plan- og bygningslova § 29-4, 3. ledd, bokstav b.
Søknad om oppføring av uthus/dokkehus og utviding av terrasse vert godkjend, jf. plan- og bygningslova §§ 20-1, 20-2, 20-3, 21-4 og 29-4.
AVRØYSTING:
Samrøystes vedteke
Kommunen gjev mellombels dispensasjon for 2 år frå plan- og bygningslova §§ 11-6 og 11-7 nr. 5 bokstav a og 11-9 nr. 5 til oppføring av mellombels brakker på gnr. 119 bnr. 21, jf. plan- og bygningslova §§ 19-2 og 19-3 på følgjande vilkår:
Dispensasjonen gjeld i inntil 2 år frå vedtaksdato.
Når dispensasjonstida går ut skal tiltakshavar fjerne brakkene og tilbakeføre arealet til LNF-føremå, jf. plan- og bygningslova § 19-3.
Frist for innsending av dokumentasjon som syner at arealet er tilbakeført til LNF-føremål er 30.06.2025.
AVRØYSTING:
Samrøystes vedteke
Kommunen gjev dispensasjon frå plankravet i kommuneplanføresegn punkt 1.2, jf. plan- og bygningslova § 11-9 nr. 1 til oppretting av ny grunneigedom på gnr. 145 bnr. 49, jf. plan- og bygningslova § 19-2.
AVRØYSTING:
Samrøystes vedteke
Plan- og kommunalteknisk utval finn at klage journalført motteke 14.04.2023 ikkje inneheld ny grunngjeving eller nye opplysningar som tilseier at heradsstyret sitt planvedtak i sak 006/23 vert endra. Klagen vert difor ikkje tatt til følgje. Det vert vist til saksutgreiing og vurdering nedanfor som grunnlag for vedtaket. Saka vert på denne bakgrunn sendt til Statsforvaltaren i Vestland for endeleg avgjerd.
AVRØYSTING:
Samrøystes vedteke
Kommunen gjev dispensasjon frå plan- og bygningslova §§ 11-6 og 11-7 nr. 5 bokstav a til arealoverføring av parsell på om lag 1,4 daa frå gnr. 103 bnr. 5 til gnr. 103 bnr. 119, jf. plan- og bygningslova § 19-2 på vilkår som fastsett nedanfor.
Vilkår:
Det vert sett vilkår om at ålmenta har fri ferdsle over parsellen til utmark og at dei eigedomane som i dag har vegrett over parsellen får denne vidareførd.
Med heimel i plan- og bygningslova § 26-1, jf. §§ 20-1, bokstav m og 20-4, bokstav d vert det gjeve løyve til arealoverføring av om lag 1,4 daa frå gnr. 103 bnr. 5 til gnr. 103 bnr.119 på følgjande vilkår:
Tiltaket skal plasserast som synt i situasjonsplan vedlagd søknad, jf. pbl. § 29-4.
Eventuell rett til å føre vass- og avlaupsleidningar over andre sin grunn må tinglysast, jf. plan- og bygningslova §§ 27-1 og 27-2.
Eventuell vegrett over andre sin grunn må tinglysast, jf. pbl. § 27-4, 1. ledd.
Løyvet fell vekk dersom det ikkje er gjennomført oppmålingsforretning etter lov om eigedomsregistrering (matrikkellova) innan 3 år etter at løyvet er gjeve, eller dersom matrikkelføring vil vere i strid med matrikkellova, jf. plan- og bygningslova § 21-9.
AVRØYSTING:
Samrøystes vedteke
VEDTAK JAKTTILDELING 2023:
Plan- og kommunalteknisk utval gjer administrasjonen fullmakt til å gjennomføra tildeling av fellingsløyver for hjort for jakta i 2023.
----------------------------------------------
VEDTAK Utvalsleiar får mynde til å gjera vedtak i saker som ikkje er av prinsipiell betydning, men som skulle ha vore handsama i utvalet, jf. kommunelova § 5-7. Myndet gjeld fram til neste ordinære utvalsmøte 30.08.2023. Ved behov kan utvalsleiar konferera med utvalsmedlemmene før vedtak.
HANDSAMING AV TIDSSENSITIVE SAKER I PERIODEN MELLOM UTVALET SITT MØTE I JUNI OG AUGUST 2023
Utvalsleiar Aksel Mjøs, H, sette slikt felles framlegg: Utvalsleiar får mynde til å gjera vedtak i saker som ikkje er av prinsipiell betydning, men som skulle ha vore handsama i utvalet, jf. kommunelova § 5-7. Myndet gjeld fram til neste ordinære utvalsmøte 30.08.2023. Ved behov kan utvalsleiar konferera med utvalsmedlemmene før vedtak
AVRØYSTING HANDSAMING AV TIDSSENSITIVE SAKER I PERIODEN MELLOM UTVALET SITT MØTE I JUNI OG AUGUST 2023
Samrøystes vedteke
----------------------------------------------
JAKTTILDELING 2023:
Utvalsleiar sette slikt felles framlegg: Utvalet vedtek å gje administrasjonen fullmakt til å gjennomføra tildeling av fellingsløyver for hjort for jakta i 2023.
AVRØYSTING:
Samrøystes vedteke
----------------------------------------------
Øyvind Litland, H, hadde slikt spørsmål: I Haus er det tre leidningar som flyt i Mjeldavatnet ved sanatoriet. Ein vassleidning, ein overvassleidning og eit anna rør, eit av dei har vore oppe tidlegare. Kan de sjå på saka?
Alf Terje Mortensen, FRP, hadde slikt spørsmål: I Hjellvikvågen har hovudvassleidiningen til Hamre begynt å bukte seg. Den har lagt høgt heile tida, men no har den begynt å spenne seg mellom loddene. Kan de sjå på dette samstundes?
Kommunalsjef Arnstein Øvsthus undersøker dette til neste møte.
----------------------------------------------
Alf Terje Mortensen, FRP, hadde i tillegg slikt spørsmål: I sak vedk. husvogn på Bruvik PL046/23, er det sendt ut eit nytt brev. I dispensasjonsvedtaket står det: Det vert gjeve løyve i 10år som omsøkt. I denne saka er det no sendt ut eit nytt brev der ein ber om vurdering av skredfaren osv. Kvifor kjem dette no?
Leiar, forvaltning og plan Tore Johan Erstad gav slikt svar: Det kan vera slik at det er søkt om dispensasjon i fyrste omgang og det var den søknaden som var behandla i PL 046/23, når det gjeld søknaden om tiltaket må den fylle kriteriene som ved vanlege byggesøknader. Tore Johan Erstad undersøker saka nærare til neste møte.
----------------------------------------------
Alf Terje Mortensen, FRP, hadde slikt oppfølgingsspørsmål: I forbindelse med saka på Hundhammer var eg inne på NVE sitt skredkart, der er området frå Kvisti heilt til Bruvik ligg i utløpssona for snøskred. Tidlegare i vår var me på ei synfaring der tiltakshavar måtte bruke store summar på geolog på grunn av NVE sitt skredkart. Faresonekartet er for grovmaska til å vise reell skredfare/snøskredfare. Korleis kan me få korrigert kartmaterialet slik at me unngår meirarbeid for sakshandsamar og meirkostnad for søkar.
Leiar, forvaltning og plan Tore Johan Erstad gav slikt svar: Eg er ikkje kjent med kva kartdata NVE nyttar, men dette kan me notere oss.
Politikar | Parti | Medlemstype | E-Post |
---|---|---|---|
Aksel Mjøs | Høgre | Utvalsleiar | aksel@mjos.no |
Øyvind Litland | Arbeidarpartiet | Nestleiar | oyvind.litland47@gmail.com |
Alf Terje Mortensen | Framstegspartiet | Medlem | alftmo@gmail.com |
Kjellaug Hartveit | Senterpartiet | Medlem | kjellaug.hartveit@gmail.com |
Tore Johan Erstad | tore.johan.erstad@osteroy.kommune.no | ||
Arnstein Øvsthus | arnstein.ovsthus@osteroy.kommune.no | ||
Marit Adelsten Jensen (Ikke møtt) | Miljøpartiet Dei Grøne | Medlem | marit.adelsten.jensen@muho.no |