Møte i Heradsstyret den 31.10.2018

Behandling

Det var ikkje merknader til innkalling og saksliste.

Vedtak

Møteprotokoll frå 26.09.18 vert godkjend.

Behandling

Jon Flydal Blichfeldt, MDG, viste til vedtak av nytt reglement i sak 074/18 med reglar for protokolltilførsel i møte og bad om at protokolltilførselen i sak 078/18 vart stroken frå protokollen, då innhaldet i denne ikkje er i tråd med vedteke reglement, eventuelt at ordlyden i den vert endra.

Ordføraren gjorde framlegg om å utsetja handsaminga av framlegget til etter pausen, slik at partigruppene kunne drøfta saka.

-------------------------------------------

Det var ikkje andre merknader til utsend protokoll frå møtet 26.09.18

-------------------------------------------

I slutten av møtet vart framlegget om å stryka protokolltilførselen frå sist møte teke opp att.

Ordføraren gjorde slikt framlegg: "Rådmannen må få avklart om det er mogleg å sletta eller endra ein protokolltilførsel i møteboka til neste møte."

Heradsstyret slutta seg til ordføraren sitt framlegg.

Behandling

AVRØYSTING

Rådmannen sitt framlegg vart samrøystes vedteke.

Vedtak

"Økonomirapport pr.2.tertial vert teken til vitande."

Behandling

AVRØYSTING

Formannskapet sitt framlegg vart samrøystes vedteke.

Vedtak

"Innsamling av hushaldningsavfall i Osterøy kommune vert gjort i eigen regi og ikkje lyst ut på anbod."

Behandling

Alf T. Mortensen, FRP, gjorde slikt framlegg: "Innsamling av hushaldningsavfall i Osterøy kommune vert lyst ut på anbod."

Dette framlegget vart ikkje røysta over.

Alf T. Mortensen, FRP, gjorde slikt framlegg: "Innsamling av hushaldningsavfall i Osterøy kommune vert lyst ut på anbod under føresetnad av at fleire kommunar vel denne løysinga."

-------------------------------------------

Robert Eikeland, AP, kom til møtet under handsaminga av denne saka - 27 medlemmer/varamedlemmer til stades.

-------------------------------------------

AVRØYSTING

Alternativ avrøysting

Formannskapet sitt framlegg - 21 røyster (8AP,4KRF,1V,2MDG,2SP,4H)

Alf T. Mortensens sitt framlegg - 6 røyster (6 FRP)

Vedtak

"Utbyggingsavtale for realisering av reguleringsplan for Heldal hytteområde planid. 2011006 med Heldal Tomteselskap AS vert underteikna av kommunen."

Behandling

Kari L. Mjøs, KRF, bad om vurdering av sin gildskap i saka, då ho er eigar av naboområdet og har eit samarbeid med utbyggar om utbygging av V/A-anlegg, ho tok ikkje del i møtet ved avgjerd av gildskap - Bjarte H. Aarland, KRF møtte som vara - 27 medlemmer/varamedlemmer til stades

AVRØYSTING gildskap

Kari L. Mjøs vart samrøystes kjend ugild.

Vedtaket vart gjort i medhald av fvl. § 6, 2. ledd ... når andre særegne forhold foreligger som er egnet til å svekke tilliten til hans upartiskhet; blant annet skal legges vekt på om avgjørelsen av saken kan innebære særlig fordel, tap eller ulempe for ham selv ....

AVRØYSTING

Formannskapet sitt framleg vart samrøystes vedteke

Vedtak

"I medhald av plan- og bygningslova § 12-12 vert framlegg til reguleringsendring av Hauge barnehage, planID 12532017002, med plankart, føresegner (datert 18.09.17) og planskildring (datert 13.09.17) vedteke.

1. Planen erstattar og opphevar fylgjande eksisterande reguleringsplanar for området:

• Utbyggingsplan Hauge barnehage 12532010004 (revidert 07.06.11)

• Hauge barnehage 12532010004 (23.11.10)

• Utbyggingsplan Hauge barnehage 20070300 (30.10.07)

• Delar av reguleringsendring for FV Hauge – Lonevåg 20081200, vedteke i 2009, endra i 2011 (20081200 e1).

Behandling

Alf T. Mortensen, FRP, gjorde slikt framlegg (som i formannskapet): "Planområdet vert utvida til å dekke skuletomta og skuleplassen for gamle Hauge skule. Det ligg heradstyrevedtak på at denne skal vurderast nyttast som barnehage, og då må den inn i planen no."

AVRØYSTING

Alternativ avrøysting

Formannskapet sitt framlegg - 21 røyster (4KRF,2MDG,1V,2SP,4H,8AP)

Alf T. Mortensen sitt framlegg - 6 røyster (6FRP)

Vedtak

"Osterøy kommune fullfører prosessen med utviding av Solplassen frå 3 til totalt 5 bueiningar pluss personalfasilitetar, jf teikningar vedlagd."

Behandling

AVRØYSTING

Formannskapet sitt framlegg vart samrøystes vedteke

Vedtak

«Vedtak av 26.09.18 i H-sak 074/18 vert oppretthalde. Kravet om utsett iverksetjing av vedtaket vert ikkje imøtekome. Krav om lovlegkontroll av vedtaket vert send til Fylkesmannen i Hordaland til handsaming.»

Behandling

ALf T. Mortensen, FRP, gjorde slikt framlegg: "Vedtak av 26.09.18 i H-sak 074/18 vert oppretthalde. Kravet om utsett iverksetjing av vedtaket vert imøtekome. Krav om lovlegkontroll av vedtaket vert send til Fylkesmannen i Hordaland til handsaming."

AVRØYSTING

Alternativ avrøysting

Rådmannen sitt framlegg - 21 røyster (4KRF,2MDG,2SP,1V,4H,8AP)

Alf T. Mortensen sitt framlegg - 6 røyster (6FRP)

Vedtak

«Vedtak av 26.09.18 i H-sak 078/18 vert oppretthalde. Kravet om utsett iverksetjing av vedtaket vert ikkje imøtekome. Krav om lovlegkontroll av vedtaket vert send til Fylkesmannen i Hordaland til handsaming.»

Behandling

Alf T. Mortensen, FRP, gjorde slikt framlegg: "Vedtak av 26.09.18 i H-sak 078/18 vert oppretthalde. Kravet om utsett iverksetjing av vedtaket vert imøtekome. Krav om lovlegkontroll av vedtaket vert send til Fylkesmannen i Hordaland til handsaming."

AVRØYSTING

Alternativ avrøysting

Rådmannens sitt framlegg - 21 røyster (4KRF,2MDG,2SP,1V,4H,8AP)

Alf T. Mortensen sitt framlegg - 6 røyster (6FRP)

Vedtak

«Reglement for plan- og kommunalteknisk utval, § 2 Arbeids- og ansvarsområde, vert endra slik det går fram i vedlegg til saka.»

Behandling

Alf T. Mortensen, FRP, gjorde slikt framlegg: "Rådmannen sitt framlegg vert vedteke med følgande endringar:I reglementet under § 2, kulepunkt 2 og 3 vert teksten "fastsetjing av...." vert endra til:"Utvalet innstiller til heradstyret i.....".

AVRØYSTING

alternativ avrøysting

Formannskapet sitt framlegg - 21 røyster (4KRF,2SP,2MDG,1V,4H,8AP)

Alf T. Mortensen sitt framlegg - 6 røyster (6FRP)