Møte i Formannskapet den 21.11.2018

Behandling

Kjersti Vevatne, V, gjorde merksam på lydopptak i møtet.

Det var elles ikkje merknader til innkalling og saksliste.

Vedtak

Møteprotokoll frå 07.11.18 vert godkjend.

Behandling

Det var ikkje merknader til utsend møteprotokoll frå 07.11.18.

Behandling

AVRØYSTING

Rådmannen sitt framlegg vart samrøystes vedteke.

Vedtak

Innstilling til vedtak i heradsstyret:

"Formannskapet legg rådmannen sitt framlegg til dritftsbudsjett til grunn, med desse endringane.:Midlar vert teke frå disposisjonsfondet, og fordelt slik:Kjøken på Osterøytunet: 725.000,-Driftstilskot til fysioterapi 181.000,-Vikarar barnehage 500.000,-Båtrute i Osterfjorden 276.250,-Når det gjeld budsjettet sine konsekvensar for Helse og omsorg, viser Formannskapet til forslag til tiltak i investeringsbudsjettet, knytt til etablering av omsorg+. Dette er i samsvar med plan for endring i omsorgssektoren.

Det vert løyvd inntil 5 millionar kroner over ein periode på tre år (frå 2019) til etablering av arena for næringsutvikling. Midlar vert henta frå tidlegare avsetning til nærings- og utviklingsfond (H-sak 058/18).Som del av denne ramma skal det etablerast og driftast ein frivilligsentral.Tiltaka er tenkt samlokalisert i bankbygget i Lonevåg.Det vert sett ned ein komite for snarleg å setja rammer tiltaket. Komiteen skal vera samansett av representantar frå adminstrasjonen og formannskapet.Tiltaka skal evaluerast etter 2 år.

Investeringsbudsjettet tillegg til rådmannen sitt framlegg

Det vert sett av kr 2 mill. til infrastrukturutbygging."

Verbalframlegg:

"Klima og miljøtiltak:1. Kjeldesortering: Osterøy kommune innfører kjeldesortering i heile si verksemd innanfor tilbodet av fraksjonar til vår avtalepart, BIR Bedrift. Eksempel på fraksjonar er papir, plast, metall, glas, batteri, m.fl. Det skal og på sikt leggast til rette god handtering av biologisk avfall (t.d. gjennom kompostering).

2. Medlemskap, Klimapartner:Klimapartner er eit nettverk av verksemder og kommunar – som gjennom målretta og praktisk arbeid inspirerar, utfordrar og gjev råd om korleis kommunane kan gjera gode prioriteringar og val i eiga verksem. Osterøy har vore invitert «observatør» siste året (ordføraren) og er invitert, saman med Os og Voss å vera med som nye medlem i 2019 (frå før er Hordaland fylkeskommune og Bergen kommune medlem i nettverket).

3. Kommunale kjøretøy:Alle nye kjøretøy i kommunen skal vera nullutslepp. Om det kan sannsynleggjerast at bruk av nullutslepp-køyretøy aukar negative konsekvensar for helse og tryggleik i samband med løysing av kommunale oppgåver / oppdrag, skal fossile kjøretøy vurderast. Det skal leggjast til rette for ein ladeinfrastruktur som sikrar tenleg bruk av kommunale nullutslepp køyretøy."

Behandling

Økonomisjefen møtte i saka. Sektorleiar helse, omsorg og sosial møtte for å svara på spørsmål kring foreslåtte innsparingstiltak.

Følgjande dokument vart delte ut til møtet:

FAU og SU ved Osterøy ungdomsskule - innspel til skulebudsjettet

Osterøy Fysioterapi DA - uttale til budsjettframlegget

--------------------------------------------------

Det vart halde pause i drøftingane frå kl. 15.20 - kl. 15.30 med gruppemøte for AP og V og for FRP.

--------------------------------------------------

Det vart halde pause i drøftingane frå kl. 15.30 - kl. 15.40 med gruppemøte for FRP, MDG, H og AP

--------------------------------------------------

Kjersti Vevatne, V, gjorde slikt framlegg på vegner av V, KRF, AP, H, KRF og SP: "Formannskapet legg rådmannen sitt dritftsbudsjett til grunn, med desse endringane.:

Midlar vert teke frå disposisjonsfondet, og fordelt slik:

Kjøken på Osterøytunet: 725.000,-
Driftstilskot til fysioterapi 181.000,-
Vikarar barnehage 500.000,-
Båtrute i Osterfjorden 276.250,-

Når det gjeld budsjettet sine konsekvensar for Helse og omsorg, viser Formannskapet til forslag til tiltak i investeringsbudsjettet, knytt til etablering av omsorg+. Dette er i samsvar med plan for endring i omsorgssektoren."

Ordføraren gjorde slikt fellesframlegg: "Det vert løyvd inntil 5 millionar kroner over ein periode på tre år (frå 2019) til etablering av arena for næringsutvikling. Midlar vert henta frå tidlegare avsetning til nærings- og utviklingsfond (H-sak 058/18).Som del av denne ramma skal det etablerast og driftast ein frivilligsentral.
Tiltaka er tenkt samlokalisert i bankbygget i Lonevåg.
Det vert sett ned ein komite for snarleg å setja rammer tiltaket. Komiteen skal vera samansett av representantar frå adminstrasjonen og formannskapet.
Tiltaka skal evaluerast etter 2 år."

Alf T. Mortensen, FRP, gjorde slikt framlegg: "Rådmannen sitt framlegg til budsjett vert vedteke som framlagt, med følgjande endringar.-avdeling og kjøkkendrifta på sjukeheimen vert oppretthalde. Fysioterapiheimel vert og oppretthalde som idag (181000). Inndekning til dette vert som generelt nedrekk i sektoren.

Eigedomsskatten vert som idag. Differansen i rådmannen sitt framlegg vert å dekke med fondsmidlar. Den kommunale drifta må nedjusterast tilsvarande gjennom driftsåret 2019, slik at det ikkje vert naudsynt å nytte fondsmidlar eller eigedomsskatt over 3,15 promille i året 2020. Ytterlegare endringar kan komme."

Investeringsbudsjettet:

Ordføraren, gjorde slikt fellesframlegg: "Det vert sett av kr 2 mill. til infrastrukturutbygging."

Verbalforslag

Ordføraren gjorde slikt framlegg: "Klima og miljøtiltak:
1.Kjeldesortering: Osterøy kommune innfører kjeldesortering i heile si verksemd innanfor tilbodet av fraksjonar til vår avtalepart, BIR Bedrift. Eksempel på fraksjonar er papir, plast, metall, glas, batteri, m.fl. Det skal og på sikt leggast til rette god handtering av biologisk avfall (t.d. gjennom kompostering).

2. Medlemskap, Klimapartner:
Klimapartner er eit nettverk av verksemder og kommunar – som gjennom målretta og praktisk arbeid inspirerar, utfordrar og gjev råd om korleis kommunane kan gjera gode prioriteringar og val i eiga verksem. Osterøy har vore invitert «observatør» siste året (ordføraren) og er invitert, saman med Os og Voss å vera med som nye medlem i 2019 (frå før er Hordaland fylkeskommune og Bergen kommune medlem i nettverket)."

3. Kommunale kjøretøy:Alle nye kjøretøy i kommunen skal vera nullutslepp. Om det kan sannsynleggjerast at bruk av nullutslepp-køyretøy aukar negative konsekvensar for helse og tryggleik i samband med løysing av kommunale oppgåver / oppdrag, skal fossile kjøretøy vurderast. Det skal leggjast til rette for ein ladeinfrastruktur som sikrar tenleg bruk av kommunale nullutslepp køyretøy.

AVRØYSTING - driftsbudsjettet

Alternativ avrøysting

Fellesframlegget frå V/KRF/AP/MDG/H/SP - 7 røyster (1V/1KRF,2AP,1MDG,1H,1SP)

Alf T. Mortensen sitt framlegg - 2 røyster (2FRP)

Fellesframlegg utviklingsarena - samrøystes tilrådd

Investeringsbudsjettet

Fellesframlegg infrastruktur - samrøystes tilrådd

Verbalframlegg

Verbalframlegg kommunale bilar - tilrådd med 7 røyster (1KRF,2AP,1MDG,1H,1SP,1V) mot 2 røyster (2FRP)

Verbalframlegg kjeldesortering - samrøystes tilrådd

Verbalframlegg medlemskap - samrøystes tilrådd

Vedtak

Det vart ikkje gjort vedtak i saka.

Behandling

Framlegg om vedtektsendringar vart teke til orientering.

Vedtak

Innstilling til heradsstyret:

«Det vert i medhald av Tobakksskadelova, § 10, jfr. Tobakkssalsforskrifta § 24, fastsett slike satsar for tilsynsavgift for utsalsstader for tobakksvarer og tobakkssurrogat til forbrukar: Årleg avgift kr 3500,- og for mellombels salsstad: kr 600,- med verknad frå 2019.

Avgiftssatsane vert justerte kvart år i tråd med sentralt fastsette satsar.»

Behandling

Alf T. Mortensen, FRP, gjorde slikt framlegg: "Rådmannen sitt framlegg vert vedteke med følgande endring: beløpet for faste salsstader vert sett til kr 3000 kr."

AVRØYSTING

Alternativ avrøysting

Rådmannen sitt framlegg - 7 røyster (1KRF,2AP,1MDG,1H,1SP,1V)

Alf T. Mortensens sitt framlegg - 2 røyster (2FRP)