Čoahkkin Plan- og kommunalteknisk utval 28.11.2018

Behandling

Utvalsleiar viste til utdelt tilleggssak til møtet.

Kim A. Hartveit, FRP, varsla eit ei sak til slutten av møtet.

Det var elles ikkje merknader til innkalling og saksliste.

Vedtak

Møteprotokoll frå 14.11.18 vert godkjend.

Behandling

Det var ikkje merknader til utsend møteprotokoll frå 14.11.18.

Behandling

AVRØYSTING

Rådmannen sitt framlegg vart samrøystes vedteke

Vedtak

Melding om delegerte vedtak vert teken til vitande.

Behandling

AVRØYSTING

Rådmannen sitt framlegg vart samrøystes vedteke.

Vedtak

"Saka vert utsett for synfaring. Av omsyn til synfaringa vert saksbehandlingsfristen, i medhald av byggesaksforskrifta § 7-3, forlenga ut januar 2019."

Behandling

Til møtet vart følgjande dokument delt ut:

E-post datert 26.11.18 med vedlegg frå Roger Merkesvik.

-----------------------------------------------

Kim Andre Hartveit, FRP, gjorde slikt framlegg: "Kommunen gjev dispensasjon frå plan- og bygningslova §§ 11-6, 11-7, nr. 1 og 6, og § 11-9, nr. 5, til bygging av kai på gnr. 129/bnr. 87, j fr. plan- og bygningslova § 19-2. Grunngjeving: Med bakgrunn i at søkjar seier at han vil disponere kaien til både turistbåtar og privatpersonar, ser me det som positivt at den eksisterande kaien blir opprusta, og kan verta benytta til gode formål."

Framlegget vart ikkje røysta over.

Øyvind Litland, AP, gjorde slikt framlegg: "Saka vert utsett for synfaring."

--------------------------------------

Det vart halde pause i drøftingane frå kl. 13. 25 - kl. 13.35 med gruppemøte for AP, H, SP og KRF

I pausen fekk rådmannen avklart om utsetjing av handsaminga kan medføra tap av gebyrinntekter for kommunen.

-------------------------------------

Rådmannen viste til at ein med heimel i byggesaksforskrifta § 7-3, kan forlenga saksbehandlingsfristen ut januar 2019.

-------------------------------------

Utvalsleiar gjorde framlegg om slikt tillegg: "Av omsyn til synfaringa vert saksbehandlingsfristen i medhald av byggesaksforskrifta § 7-3, forlenga ut januar 2019."

AVRØYSTING - synfaring

Utsetjingsframlegget med tillegg vart samrøystes vedteke.

Vedtak

"Kommunen gjev dispensasjon frå plan- og bygningslova §§ 12-4 og 12-7, nr. 2 til oppføring av einebustad med garasje og murar delvis utanfor byggjegrensa på gnr. 137 bnr. 214, jf. plan- og bygningslova § 19-2."

Grunngjeving:

Omsyna bak regelen det er søkt om dispensasjon i frå og omsyna i føremålsreglane i lova vert ikkje vesentleg tilsidesett.

Etter ei samla vurdering er fordelen med å gje dispensasjon klårt større enn ulempene.

Sjå i tillegg rådmannen si vurdering."

Behandling

AVRØYSTING

Rådmannen sitt framlegg vart samrøystes vedteke.

Vedtak

"Klage motteke 22.10.2018 vert ikkje teke til fylgje, vedtak av 19.09.2018 saknr. 092/18 vert oppretthalde og saka vert send til Fylkesmannen i Hordaland for oversending av saka til Kommunal- og moderniseringsdepartementet for oppnemning av setjefylkesmann for vidare handsaming, jf. plan- og bygningslova § 1-9, jf. forvaltningslova § 33."

Grunngjeving
Kommunen har ikkje motteke nye moment i klagen som fører til at tidlegare vurdering og vedtak bør endrast.
Sjå i tillegg rådmannen si vurdering."

Behandling

AVRØYSTING

Rådmannen sitt framlegg vart samrøystes vedteke.

Vedtak

"Klage motteke 22.10.2018 vert ikkje teke til fylgje, vedtak av 19.09.2018 saknr. 093/18 vert oppretthalde og saka vert send til Fylkesmannen i Hordaland for oversending av saka til Kommunal- og moderniseringsdepartementet for oppnemning av setjefylkesmann for vidare handsaming, jf. plan- og bygningslova § 1-9, jf. forvaltningslova § 33."

Grunngjeving
Kommunen har ikkje motteke nye moment i klagen som fører til at tidlegare vurdering og vedtak bør endrast.
Sjå i tillegg rådmannen si vurdering.

Behandling

AVRØYSTING

Rådmannen sitt framlegg vart samrøystes vedteke.