Møte i Heradsstyret den 21.02.2018

Behandling

Det vart varsla nokre spørsmål til slutten av møtet.

-----------------------------------

Det var elles ikkje merknader til innkalling og saksliste.

Vedtak

Møteprotokoll frå 17.01.18 vert godkjend.

Behandling

Det var ikkje merknader til utsend møteprotokoll.

Behandling

AVRØYSTING

Rådmannen sitt framlegg vart samrøystes vedteke.

Vedtak

"Klage på vedtak som gjeld avslag om å ta inn innspel til arealendring på gbnr 105/26 i kommunedelplan for sjø og strandsone vert ikkje tatt til følgje. Klagen vert oversendt fylkesmannen i Hordaland for endeleg handsaming, jf. Forvaltningslova § 28."

Behandling

Alf T. Mortensen, FRP, gjorde slikt framlegg: "Klage på vedtak som gjeld avslag om å ta inn innspel til arealendring på gbnr 105/26 i kommunedelplan for sjø og strandsone vert tatt til følgje."

AVRØYSTING

Alternativ avrøysting

Formannskapet sitt framlegg - 21 røyster (4KRF,8AP,4H,1V,2SP,2MDG)

FRP sitt framlegg - 6 røyster (6FRP)

Vedtak

"1. Osterøy kommune vedtek Kommunedelplan for sjø og strandsone, PlanID 12532014007, med føresegner (16.01.18), plankart (16.01.18) og planskildring (08.11.17) og tilhøyrande vedlegg i medhald av plan- og bygningslova § 11-15.

2. Osterøy kommune opphevar Kommunedelplan for kystsona 1997-2007, PlanID 20010101, i medhald av plan- og bygningslova § 11-17."

Behandling

Alf T. Mortensen, FRP, gjorde slike framlegg om endring/tillegg: "1. Område for naust og brygge på Raknes vert tatt inn att i planen. Dette gjeldt gbnr 110/13, 117, 116, 78, 92 og 93 Raknes.

2. Gnr 110 BNR 6 Steinaneset vert ikkje lagt ut som friområde, men halde som framleis LNF område i planen.

3. Område vert lagt inn i planen som vist på kart side 172 i konsekvensutgreiing med filnamn: 04_konsekvensutgreiing_kdpss_19012017.Grensa for funksjonell strandsone vil då følge byggegrense som synt i dette kartet.

4.
Grunngjeving: Kommunen og fylkesmannen med fleire har vore på synfaring og synfart feil område. Bilete i saksframlegg er og frå feil område. Difor er fylkesmannen si motsegn tufta på feil grunnlag."

Hildegunn Mo, FRP, bad om vurdering av sin gildskap i saka då sonen har eigarinteresser i høve til området BAB46 og BAB3 Olsnes.

Ragnar J. Tyssebotn, FRP, bad om vurdering av sin gildskap i saka då sonen har eigarinteresser som i høve til punkt 3 i endringsframlegg.

- dei tok ikkje del i møtet ved avgjerd om gildskap - Svein J. Bernes, FRP og Vibeke Hanstvedt, FRP, møtte som vara - 27 medlemmer/varamedlemmer til stades.

AVRØYSTING gildskap

Hildegunn Mo, FRP, vart samrøystes kjend ugild i høve til punkt nr. 4 i endringsframlegg.

Ragnar J. Tyssebotn, FRP, vart samrøystes kjend ugild i høve til punkt nr. 3.

Vedtaket vart gjort med heimel i fvl. § 6, 1. ledd, bokstav b .. En offentlig tjenestemann er ugild til å tilrettelegge grunnlaget for en avgjørelse eller til å treffe avgjørelse i en forvaltningssak .. når han er i slekt eller svogerskap med en part i opp- eller nedstigende linje eller i sidelinje så nær som søsken; ... .

--------------------------------------------

Ordføraren stadfesta etter spørsmål, at heradsstyret tidlegare har vedteke at området Neset, Bruvik, vert avsett til friområde, jfr. H-sak 004/17.

Ordføraren viste til i rulleringa av arealdelen i kommuneplanen kan ein gjera nye vurderingar i høve til arealdisponering, då dette er ein overordna arealplan.

--------------------------------------------

Det vart halde pause i drøftingane frå kl. 18.30 - kl. 18.40 med gruppemøte for AP.

---------------------------------------------

Alf Terje Mortensen, FRP, gjorde slikt framlegg: "Saka vert utsett til neste møte."

AVRØYSTING - utsetjing

Utsetjingsframlegget fall med 21 røyster (4KRF,8AP,1V,4H,2SP,2MDG) mot 6 røyster (6FRP)

--------------------------------------------

AVRØYSTING

Framlegg frå FRP, punkt nr. 1 - fall med 21 røyster mot 6 røyster (6FRP)

Framlegg frå FRP, punkt nr. 2 - fall med 21 røyster mot 6 røyster (6FRP)

Framlegg frå FRP, punkt nr. 3 - fall med 21 røyster mot 6 røyster (6FRP)

Framlegg frå FRP, punkt nr. 4 - fall med 21 røyster mot 6 røyster (6 FRP)

--------------------------------------------

Hildegunn Mo, FRP og Ragnar J. Tyssebotn, FRP, kom tilbake til møtet no - Svein J. Bernes, FRP, og Vibeke Hanstvedt, FRP gjekk frå møtet - 27 medlemmer/varamedlemmer til stades

AVRØYSTING endeleg

Formannskapet sitt framlegg -samrøystes vedteke

Vedtak

"Osterøy kommune vedtek mindre endringar i kommuneplanen sin arealdel, jf. plan- og bygningslova § 11-15. Plankart og føresegn vert med dette like i juridisk innhald for kommuneplanen sin arealdel arealplanID 12532010001 og kommunedelplan for sjø- og strandsone arealplanID 12532014007, forutsett at kommunedelplan for sjø og strandsone vert vedteken i same møte."

Behandling

AVRØYSTING

Formannskapet sitt framlegg- samrøystes vedteke

Vedtak

"1. Osterøy kommune vedtek å ekspropriere naudsynt grunn og rettar for utbetring av Vågenessvingen med grøftar og fyllingar i samsvar med områdeplan for Valestrand.

2. Osterøy kommune vedtek å ekspropriere rett til mellombels rigg- og anleggsareal i samsvar med områdeplan.

3. Rådmannen gis mynde til å begjære skjønn og eventuelt overskjønn for fastsetting av erstatning for inngrepet.

4. Rådmannen gis mynde til å følge opp eventuell klage på vedtaket ovanfor klageinstansen.

5. Rådmannen gis mynde til å søke om og gjennomføre forhåndstiltreding.

6. Rådmannen gis mynde til gjennomføre ekspropriasjonen med bistand frå advokat

7. Vedtak om ekspropriasjon gjerast på føresetnad av at dei faktiske kostnadar knytta til gjennomføring av ekspropriasjonen dekkes av utbyggar."

Behandling

Ragnar J. Tyssebotn, FRP, tok opp att framlegget om tillegg frå planutvalet: "Rådmannen sitt framlegg vert vedteke under følgjande føresetnad: I samband med utbetring av Vågenessvingen må ny tilkomst til gnr. 135/bnr. 25 og 28 koplast saman med ny avkøyrsleveg i Vågenessvingen til gnr. 135/bnr. 97 med fleire slik som vedteke av heradsstyret i områdeplanen. jfr. punkt 2.8 siste ledd. Dette skal vera sikra opparbeidd før vidare punkt kan iverksetjast. Tiltak kan seinast vere ferdigstilt saman med ny avkøyrsle til gnr. 135/bnr. 97 med fleire."

AVRØYSTING

Alternativ avrøysting

Formannskapet sitt framlegg - 21 røyster (4KRF,8AP,2SP,2MDG,1V,4H)

Formannskapet sitt framlegg med slikt

tilleggs som foreslått av R. J. Tyssebotn - 6 røyster (6FRP)

Vedtak

«Osterøy kommune stiller garanti (simpel kausjon) for lån til på kr 3 300 000,- til bygging av delfriidrettsanlegg i Fotlandsvåg.Garantiperiode: inntil lånet er innløyst, seinast31.12.2024. Fotlandsvåg IL skal kvart år innan 31. januar sende inn oversikt over restlån med nedbetalingsplan pr. 31.12. til Osterøy kommune.

Osterøy kommune inngår eit samarbeid med Fotlandsvåg IL om å etablere delfriidrettsanlegg på kommunal grunn på Fotlandsvåg idrettsplass ved å gje kommunalt tilskot på 400 000 kr over investeringsbudsjettet for idrett og friluftsliv. Vilkår for tilskotet er at anlegget får godkjent spelemiddelsøknad.»

Behandling

AVRØYSTING

Formannskapet sitt framlegg samrøystes

Vedtak

« 1. Osterøy kommune vedtek omorganisering av IKT Nordhordland etter kommunelova § 27 som eit interkommunalt samarbeid med eit felles styre, og godkjenner dei nye vedtektene som er vedlagt saka.

2.Osterøy kommune vedtek oppstart av konseptfase som skal utgreie spørsmålet om utviding av samarbeidet, i tråd med vedlagte prosjektmandat.»

Behandling

AVRØYSTING

Rådmannen sitt framlegg vart samrøystes vedteke.

Vedtak

«Kjellaren restaurant, org.nr. 815 484 452, vert i medhald av alkoholforskrifta § 10-3, jfr. same forskrift § 10-2, tildelt seks prikkar for overtreding av alkoholforskrifta §§ 4-1 og 4-2.

Grunngjeving for prikktildeling: I samband med skjenkekontrollen 25.11.17 er det dokumentert at

«person åpenbart påvirket av rusmidler» var til stades i lokalet utan å bli bortvist og dette gir tildeling av to prikkar. Vidare er det påvist at same person fekk kjøpt alkohol frå ein annan gjest, og dette er brot på forskrifta § 4-2 og gir tildeling av fire prikkar."

Behandling

AVRØYSTING

Formannskapet sitt framlegg vart samrøystes vedteke.

Vedtak

"Osterøy kommune ved heradstyret er negativ til Justis- og beredskapsdepartementet sitt vedtak og vil med dette føra følgande argument for vidare drift ved avdelinga på Osterøy:

1. Fengselet sine fysiske føresetnader, tilbod om utdanning, arbeid, aktivitet og samhandling mellom innsette og tilsette gjer tilbodet på Ulvsnesøy unikt. Avdelinga kan visa til særs gode resultat over lang tid – både fagleg og menneskeleg. Avdelinga kan òg vise til særs god rehabilitering.

2. Kriminalomsorgsdirektoratet arbeider no med ei konseptvalutgreiing (KVU) for det samla tilbodet i region vest. Det er naturleg at tilbodet ved Bergen fengsel avdeling Osterøy vert vurdert i samband med dette.

3. Avdelinga i Osterøy representerer statlege kompetansearbeidsplassar i distriktet. Dei 40-50 tilsette kjem frå mange av kommunane i nærleiken (Osterøy, Vaksdal, Voss, Bergen, mfl.). Ei nedlegging vil, utan tvil, føre til ei uønskt sentralisering av statlege kompetansearbeidsplassar.

4. Avdelinga i Osterøy er viktig for lokalt næringsliv gjennom kjøp av varer og tenester. Dette gjeld særskilt bygdene Bruvik i Osterøy og Vaksdal i Vaksdal.

5. Nedlegginga av fengselsavdelinga i Osterøy kan kanskje gje reduserte kostander i eit kort og avgrensa perspektiv. Det er i vedtaket til Justis- og beredskapsdepartementet ikkje gjort greie for konsekvensane i eit breiare samfunnsøkonomisk og menneskelig perspektiv. Kampen mot kriminalitet føregår på mange plan. Kriminalomsorga sitt samfunnsoppdrag handlar om å trygge samfunnet gjennom soningsløp med få brot, og å sette innsette betre i stand til et lovlydig liv etter fullført straff. Heradstyret i Osterøy har ikkje grunn til å tru at ei nedlegging av Osterøyavdelinga bidreg til dette.

Heradstyret i Osterøy vil sterkt oppmoda Justis- og beredskapsdepartementet om å gjera om vedtaket om nedlegging av drifta ved Bergen fengsel avdeling Osterøy på Ulvsnesøy slik at noverande eller alternative tilbod på denne staden vert vurdert i samband med konsekvensvalutgreiinga (KVU) som no er under arbeid i direktoratet.

Det vil vere eit stort tap om Bergen fengsel avdeling Osterøy vert lagt ned."

Behandling

Ordføraren gjorde slikt framlegg: "Osterøy kommune gir uttale i saka i slik det går fram av saksvurderinga."

AVRØYSTING

Ordføraren sitt framlegg vart samrøystes vedteke.

Vedtak

Det vart ikkje gjort vedtak i tilknyting til interpellasjonen.

Behandling

Det vart ikkje gjort vedtak i tilknyting til interpellasjonen.