Møte i Heradsstyret den 30.05.2018

Vedtak

Innkalling og saksliste vert godkjent

Behandling

Det vart varsla nokre spørsmål og saker til slutten av møtet.

-------------------------------------------------------------------------------

Det var elles ikkje merknadar til innkalling og saksliste.

Vedtak

Møteprotokoll frå 11.04.18 vert godkjend.

Behandling

Det var ikkje merknader til utsend møteprotokoll frå møtet 11.04.18.

Vedtak

"Referatsakene vert tekne til vitande."

Vedtak

"Årsmelding og rekneskap for 2017 vert godkjent slik dei ligg føre.

Rekneskapsmessig mindreforbruk , kr 2 585 868, 97, vert avsett til disposisjonsfond."

Behandling

Formannskapet si innstilling vart samrøystes vedteke.

Vedtak

"Generell praksis:

Rådmannen tilrår at nye rutiner for bistand og hjelp til innbyggjarane ved mistanke om fare for naturskade eller ved skadehendingar blir som fylgjer:

1. kommunen responderer på bekymringsmeldingar og synfarer naturfarehendingar som før. Alle hendingar og kjennskap til skredfare skal registrerast for framtidig sakshandsaming.

2. der det kan vere fare for liv og helse ved bustader skal NVE eller geolog tilkallast for å vurdere den akutte faren. Kostnader med geolog vert dekka av kommunen.

3. arbeid med utarbeiding av faresonekart må kostas av grunneigar sjølv.

4. i store og komplekse saker, søkjer kommunen NVE om tilskot til sikring etter post 60, og bidreg med adminstrative ressursar samt økonomiske garantiar (20 % distriktsandel). Denne andelen kan krevjast refundert av grunneigarane etter naturskadelova § 24.

Vidare handsaming Votlo:

I høve sikring av det jordskredutsatte området: Kommunen søker tilskot frå NVE basert på alternativ 1 – drenering og beplanting. Kommunen tek på seg dei administrative kostnadene ved planlegging og koordinering av sikringsarbeidet dersom ein får tilskot. Grunna kommunal eigedom i form av VA-anlegg i området vil kommunen dekke distriktsandelen.

Tillegg til vedtaket:

1. kotera heile, eller delar av den omsøkte summen, dersom dette kan medføra auka framdrift i sikringsarbeidet.

Bistand i høve dei steinsprangutsatte følgjer ny rutine.

Tillegg til vedtaket:

2. På grunn av meir ekstremvær, ber Osterøy kommune om at staten styrker Naturskadefondet. Osterøy kommune oversender dette ønsket til finanskomiteen på Stortinget for handsaming i revidert budsjett."

Behandling

Vurdering av gildskap

Lars Fjeldstad, SP, bad om vurdering av sin gildskap i saka på grunn av to forhold. For det fyrste har bestmor hans ein eigedom på Votlo som kan risikere verditap. Elles har han generelt stor tilknyting til staden Votlo og folk som bur der.

Johannes Bysheim, AP, bad om vurdering av sin gildskap då han òg har stor tilknyting til staden Votlo og har vener der.

Dei tok ikkje del i møtet ved avgjerd om gildskap.

Turid B. Njåstad, SP, møtte som vara for Lars Fjeldstad, SP. Ingen vara møtte for Johannes Bysheim, AP. - 26 medlemmer/ varamedlemmer til stades.

AVRØYSTING - gildskap

Lars Fjeldstad - samrøystes kjend gild

Heradsstyret fann ikkje grunnlag for å kjenne han ugild etter fvl. § 6, 1. ledd, bokstav a-e, då hans hans slektskap ikkje vert rekna som part i saka, og heller ikkje 2. ledd, då det ikkje ligg føre"andre særegne forhold som er egnet til å svekke tillliten til hans upartiskhet", … .

Johannes Bysheim - samrøystes kjend gild

Heradsstyret fann ikkje grunnlag for kjenne han ugild etter fvl. § 6, 1. ledd, bokstav a-e, då han ikkje har tilknytning til partar i saka, og heller ikkje 2. ledd, då det ikkje ligg føre"andre særegne forhold som er egnet til å svekke tillliten til hans upartiskhet", … .

-----------------------------------------------------------------------------

Framlegg om tillegg 1:

Johannes Bysheim, AP, gjorde slikt framlegg om tillegg på vegne av AP, H, V, SP, MDG og KRF: "Med atterhald om positive signal om tilskot frå NVE, gjev heradsstyret rådmannen fullmakt til å forskotera heile, eller delar av den omsøkte summen, dersom dette kan medføra auka framdrift i sikringsarbeidet."

AVRØYSTING - tillegg 1

Framlegget om tillegg vart samrøystes vedteke.

------------------------------------------------------------------------------

Framlegg om tillegg 2:

Jon F. Blichfeldt, MDG, gjorde slikt framlegg om tillegg frå MDG: "På grunn av meir ekstremvær, ber Osterøy kommune om at staten styrker Naturskadefondet. Osterøy kommune oversender dette ønsket til finanskomiteen på Stortinget for handsaming i revidert budsjett."

AVRØYSTING - tillegg 2

Framlegget om tillegg vart samrøystes vedteke.

--------------------------------------------------------------------------

Alf Terje Mortensen, FRP, gjorde slikt framlegg på vegne av FRP: "Punkt 1 til 4 i rådmannen sitt framlegg vert utsett, og kjem attende til Heradstyret som eiga sak.

1: I høve sikring av det jordskredutsette området: Kommunen søker tilskot frå NVE basert på alternativ 1 – drenering og beplanting. Kommunen tek på seg dei administrative kostnadene ved planlegging og koordinering av sikringsarbeidet. Grunna kommunal eigedom i form av VA-anlegg i området vil kommunen dekke distriktsandelen. Dersom søknad om tilskot vert avslått, dekkjer kommunen heile kostnaden med sikringsarbeidet.

2: Grunneigarane på dei 3 råka/evakuerte eigedomane får tilbod om utkjøp av eigedomane sine frå Osterøy kommune.

3: All infrastruktur i heile området mellom vassleidningsgrøft/ kum frå Tråe og ned mot sjøen, vidare frå same grøft/kum til elva og ned mot sjøen skal kartleggast og vurderast av tredjeparts konsulentselskap. Det skal særskilt vurderast korleis grøftestengsel og drenering er prosjektert og om vassføring frå desse grøftene går til sikkert område/elv. Kablar, vassleidningar, avlaupsleidningar og dreneringsleidningar i dette området skal vurderast. Osterøy kommune tek kostnaden for dette arbeidet. Resultatet av dette vert lagt fram som eiga sak for heradstyret etter ferien 2018."

AVRØYSTING

Alternativ avrøysting

Formannskapet si innstilling: 21 røyster (4KRF, 8AP, 4H, 1V, 2SP, 2MDG)

Framlegg frå FRP: 6 røyster (6FRP)

AVRØYSTING - punktvise framlegg om tillegg frå FRP

Punkt 1 - fall med 21 røyster mot 6 røyster (6FRP)

Punkt 2 - fall med 21 røyster mot 6 røyster (6FRP)

Punkt 3 - fall med 21 røyster mot 6 røyster (6FRP)

Vedtak

"1. Osterøy heradsstyre sine vedtak i sakene 029/18 og 030/18 vert oppretthaldne, og2. Krav om lovlegkontroll vert sendt til Fylkesmannen i Hordaland for endeleg avgjerd."

Behandling

Vurdering av gildskap

Ordføraren, Jarle Skeidsvoll, KRF, stilte spørsmål om sin gildskap til å ta handsame lovlegkontrollen, då han vart kjend ugild til å ta del i avgjerda om saka 030/18 tidlegare. Ordføraren tok ikkje del i avgjerda om gildskap. Eldbjørg R. Helleland, KRF, tok plass som vara - 27 medlemmer/ varamedlemmer til stades.

Varaordførar, Alf Terje Mortensen, vart samrøystes vald som setjeordførar.

Johannes Bysheim, AP, stilte spørsmål om sin gildskap til å handsame lovlegkontrollen, då lovlegkontrollen er basert på manglande vurdering av hans gildskap. Han tok ikkje del i avgjerda av gildskap. Det var ingen vara som møtte for han - 26 medlemmer/ varamedlemmer til stades.

Atle Solberg, H, stilte spørsmål om sin gildskap til å handsame lovlegkontrollen, då lovlegkontrollen er basert på manglande vurdering av hans gildskap. Han tok ikkje del i avgjerda av gildskap. Kathrine Ahmer, H, møtte som vara - 26 medlemmer/ varamedlemmer til stades.

Annbjørg B. Herland, KRF, vart samrøystes vald som setjevaraordførar.

AVRØYSTING - gildskap

Jarle Skeidsvoll - samrøystes kjend gild til å handsame lovlegkontrollen.

Heradsstyret fann ikkje grunnlag for kjenne han ugild etter fvl. § 6, 1. ledd, bokstav a-e, då han ikkje har tilknytning til partar i saka, og heller ikkje 2. ledd, då det ikkje ligg føre"andre særegne forhold som er egnet til å svekke tillliten til hans upartiskhet", … .

Johannes Bysheim vart samrøystes kjend ugild til å handsame lovlegkontrollen. Vedtaket vart gjort i medhald av fvl. § 6, 1. ledd, bokstav a. ... En offentleg tjenestemann er ugild til å tilrettelegge grunnlaget for en avgjørelse eller til å treffe en avgjørelse i en forvaltningssak ... når han selv er part i saken; ... .

Atle Solberg vart samrøystes kjend ugild til å handsame lovlegkontrollen. Vedtaket vart gjort i medhald av fvl. § 6, 1. ledd, bokstav a. ... En offentleg tjenestemann er ugild til å tilrettelegge grunnlaget for en avgjørelse eller til å treffe en avgjørelse i en forvaltningssak ... når han selv er part i saken; ... .

--------------------------------------------------------------------------------------------------

Det vart halde pause i forhandlingane frå kl. 21.27 - kl. 21.32 med gruppemøte for FRP.

--------------------------------------------------------------------------------------------------

Hjalti H. Gislason, H, gjorde slikt framlegg:

"1. Osterøy heradsstyre sine vedtak i sakene 029/18 og 030/18 vert oppretthaldne, og 2. Krav om lovlegkontroll vert sendt til Fylkesmannen i Hordaland for endeleg avgjerd."

Alf Terje Mortensen, FRP, gjorde slikt framlegg: "Saka vert oppheva. saka vert tatt opp til ny førehaving."

AVRØYSTING

Alternativ avrøysting

FRP sitt framlegg: 6 røyster (6FRP)

Hjalti H. Gislason sitt framlegg: 20 røyster (4KRF, 7AP, 4H, 1V, 2SP, 2MDG)

Vedtak

"Kommunen gjev dispensasjon frå kommuneplanføresegn punkt 2.28, jf. plan- og bygningslova §§ 11-6 og 11-9, nr. 1, til oppføring av nytt bygg for familiens hus på gnr. 14, bnr. 193, jf. plan- og bygningslova § 19-2.

Riving av eksisterande bygning og oppføring av ny bygning på gnr. 14, bnr. 193 vil ikkje vanskeleggjere planarbeidet med områdeplan Lonevåg, og det kan gjevast samtykke til tiltaket som er søkt oppført på eigedomen, jf. plan- og bygningslova § 13-1, 3. ledd.

Kommunen gjev dispensasjon frå arealføremål i reguleringsplan Lonevåg - Hatland planID 504_51 byggeområde forretning, kontor / forretning, bank, jf. plan- og bygningslova §§ 12-4 og 12-5, nr. 1, til oppføring av nytt bygg for familiens hus på gnr. 14, bnr. 193, jf. plan- og bygningslova § 19-2.

Kommunen gjev dispensasjon frå gjeldande utnyttingsgrad i reguleringsplan Lonevåg - Hatland planID 504_51, jf. plan- og bygningslova §§ 12-4 og 12-7, nr. 1, til auka utnyttingsgrad TU = 60 % på gnr. 14, bnr. 193, jf. byggeforskrift 1987 FOR-1987-05-27-458 kap. 22 nr. 22:1, bokstav c, jf. plan- og bygningslova § 19-2. Parkering skal ikkje reknast med."

Behandling

Alf Terje Mortensen, FRP

"Søknad om dispensasjon vert utsett. Saka må førebuast på nytt der det går tydeleg fram av saksutgreiing kvifor det skal gjerast unntak frå gjeldande vedtak om byggestopp i Lonevåg. Det må og førebuast sak på finansiering og endeleg vedtak om bygget. Gjeldande vedtak seier ombygging av eksisterande bygning, og kontraktssum er høgare enn det heradstyret har gjort vedtak på i budsjettvedtaket. Det må liggje ein plan for finansiering og eit vedtak på tiltaket før det vert gjeve dispensasjon. Det er heller ikkje dokumentert at det har vore anbodsrunde i tråd med lov om offentlige anskaffelser og forskrift om offentlige anskaffelser i denne saka."

Ragnar Tyssebotn, FRP, gjorde slikt framlegg: "Saka vert sendt over til kontrollutvalet."

AVRØYSTING

Alternativ avrøysting

Framlegg frå FRP: 6 røyster (6 FRP)

Planutvalet si innstilling: 21 røyster (4KRF, 8AP, 4H, 1V, 2SP, 2MDG)

AVRØYSTING

Framlegg frå Ragnar Tyssebotn: fall med 6 røyster (6FRP) mot 21 røyster (4KRF, 8AP, 4H, 1V, 2SP, 2MDG)

Vedtak

"Utbyggingsavtale for realisering av reguleringsplan for Vevleheiane planid. 2013003 med

Karl Jonny og Linda Birkeland vert underteikna av kommunen. Avtalen skal overførast til eit føretak før kommunen oppfyllar sine forpliktingar."

Behandling

AVRØYSTING

Rådmannen sitt framlegg vart samrøystes vedteke.

Vedtak

"Rapportar etter skjenkekontroll 24.02.2018 og 24.03.2018 ved Osterøykroa, Lonevåg, vert tekne til vitande.Grunngjeving:Gamle emaljerte øl-skilt og serveringsbrett som skjenkekontrollane viser til, sjølv om dei har merke til produsentar av alkohol, er ikkje montert med føremål om å fremja sal av desse produkta eller tilsvarande produkt, ref. «Helsedirektoratets merknader til alkohollovens bestemmelser om alkoholreklame, gjeldende fra 1.11.2015» §9.2.2.2. Dei er utelukkande til dekorasjon i lokalet."

Behandling

Vurdering av gildskap

Lars Fjeldstad bad om vurdering av sin gildskap fordi dagleg leiar og eigar av Osterøykroa er sambuar med hans mor. Han tok ikkje del i avgjerda om gildskap. , møtte som vara - 27 medlemmer/ varamedlemmer til stades.

AVRØYSTING - gildskap

Lars Fjeldstad, SP vart samrøystes kjend ugild. Vedtaket vart gjort med heimel i fvl. § 6, 1. ledd, bokstav b .... En offentlig tjenestemann er ugild til å tilrettelegge grunnlaget for en avgjørelse eller til å treffe avgjørelse i en forvaltningssak når han er i slekt eller svogerskap med en part i opp- eller nedstigende linje eller i sidelinje så nær som søsken; ... .

--------------------------------------------------------------------------------------------------------

Hjalti H. Gislason, H, gjorde slikt framlegg:

"Rapportar etter skjenkekontroll 24.02.2018 og 24.03.2018 ved Osterøykroa, Lonevåg, vert tekne til vitande.

Grunngjeving:
Gamle emaljerte øl-skilt og serveringsbrett som skjenkekontrollane viser til, sjølv om dei har merke til produsentar av alkohol, er ikkje montert med føremål om å fremja sal av desse produkta eller tilsvarande produkt, ref. «Helsedirektoratets merknader til alkohollovens bestemmelser om alkoholreklame, gjeldende fra 1.11.2015» §9.2.2.2. Dei er utelukkande til dekorasjon i lokalet."

Alf Terje Mortensen, FRP

Framlegget vart trekt før avrøysting.

--------------------------------------------------------------------------------------------------

AVRØYSTING

Alternativ avrøysting

Formannskapet si innstilling: 2 røyster (1KRF, 1AP)

Framlegg frå Hjalti H. Gislason: 25 røyster (6FRP, 3KRF, 7AP, 4H, 1V, 2SP, 2MDG)

--------------------------------------------------------------------------------------------------

Vedtak

«Rapportar etter skjenkekontroll 25.03.18 ved Ole Bull Kro, Valestrandsfossen, vert tekne til vitande.»

Behandling

Formannskapet si innstilling vart samrøystes vedteke.

Vedtak

Det vart ikkje gjort vedtak i tilknytning til interpellasjonen.

Behandling

Det vart ikkje gjort vedtak i tilknytning til interpellasjonen.