Čoahkkin Plan- og kommunalteknisk utval 12.06.2019

Behandling

Det vart ikkje gjort vedtak om merknader til innkalling og saksliste.

Vedtak

Møteprotokoll frå 08.05.19 vert godkjend.

Behandling

Ragnar J. Tyssebotn, FRP, hadde merknad til protokollen, sak 056/19: "I sak 056/19 vart det gjort ein sakshandsamingsfeil. Her vart det sett fram eit motforslag til rådmannen og dette vart røysta over. Mitt forslag fekk ei røyst, og dermed fekk rådmannen sitt framlegg 6 røyster. Rådmannen si innstilling vil alltid liggje som forslag til vedtak, og mitt forslag var då eit motforslag som fall. Så vart saka banka, og dermed avslutta. Deretter gjekk alle andre parti på gruppemøte, for så å setje fram forslag om utsetjing for synfaring og røyste for dette. Saka var då avslutta og forslaget om synfaring er feil handsama, og er ugyldig. Dette er ein sakshandsamingsfeil, og må noterast i protokollen. Dersom vedtaket om synfaring skulle vore gyldig, måtte saka vore tatt oppatt til handsaming før møtet var slutt. Dette til orientering."

-----------------------------------------

Utvalsleiaren viste i sitt svar til at innhaldet i denne merknaden til sak 056/19 ikkje gir ei rett framstilling av utvalet si sakshandsaming i møtet.

----------------------------------------

Protokoll frå møtet 08.05.2019 vart samrøystes godkjend.

Vedtak

"Referatsakene vert tekne til vitande."

Behandling

Fartsgrense FV 359 Haus-Mjeldalen

Utvalet bad om vidare oppfølgjing av denne saka, jfr. formannskapet si handsaming av same sak.

----------------------------------------

AVRØYSTING

----------------------------------------

Rådmannen sitt framlegg vart samrøystes vedteke.

Behandling

AVRØYSTING

Rådmannen sitt framlegg vart samrøystes vedteke.

Vedtak

"I medhald av plan og bygningslova §§ 12-10 og 12-11 vert framlegg til plan for Detaljregulering Hosanger Næring PlanID 12532016006 datert, plankart datert 02.05.2019, planskildring datert 02.05.2019, føresegner datert 24.05.2019, VA rammeplan datert 05.04.2017 og tilhøyrande vedlegg lagt ut til høyring og offentleg ettersyn.

Før endeleg vedtak av plan må reell flaumfarekartlegging gjennomførast og eventuelle rekkjefølgekrav knytt til sikring/flaumførebygging må formulerast i føresegnene. Dimensjonerande skredtype med gjentaksintervall (årleg nominellt sannsyn jamfør teknisk forskrift) må kartfestast og omtalast i føresegnene.

Planen erstattar deler av Hosanger sentrum PlanID 504_63 og heile Hosanger industriområde PlanID 2008300."

Behandling

Seksjonsleiar samfunnsutvikling var til stades ved utvalet si handsaming. Ho refererte og kort frå handsaminga av saka i formannskapet.

-------------------------------------------------

AVRØYSTING

Rådmannen sitt framlegg vart samrøystes tilrådd.

Vedtak

"Heradsstyret vedtek, med heimel i plan-og bygningslova §§ 12-1 og 12-3, oppstart av arbeid med privat detaljregulering Hoshovdstølen bustad og strandsone planID 12532019003 gbnr 87/3 m.fl. med planavgrensing dagsett 090519."

Behandling

Seksjonsleiar samfunnsutvikling var til stades i møtet ved utvalet si handsaming. Ho referte og kort frå handsaminga av saka i formannskapet.

------------------------------------------------------------

AVRØYSTING

Rådmannen sitt framlegg vart samrøystes tilrådd

Vedtak

"Klage motteke 03.05.2019 vert ikkje teke til fylgje, vedtak av 10.04.2019 saknr. 033/19 vert oppretthalde og saka vert send til Fylkesmannen i Vestland for vidaresending til Kommunal- og moderniseringsdepartementet for oppnemning av setjefylkesmann for handsaming, jf. plan- og bygningslova § 1-9, jf. forvaltningslova § 33."

Grunngjeving
Kommunen finn ikkje nye moment i klagen som fører til at tidlegare vurdering og vedtak bør endrast. Utvalet vil presisera at båten som framkomstmiddel er særs viktig på denne staden. Gangstien fram til hytta er særs ulendt og utfordrande og turen tar ca 25 minuttar.Me vil samstundes presisera at me meiner fylkesmannen i Vestland her har tatt ei feil avgjerd og vil oppmoda Fylkesmann/Setjefylkesmann på det sterkaste om å ta ei synfaring på staden før han tar ei beslutning i saka.Sjå vedlagte bilete frå gangstien då utvalet var på synfaring.

Sjå i tillegg rådmannen si vurdering."

Behandling

Lars Fjeldstad, SP, gjorde slikt framlegg om tillegg til vedtak: "Utvalet vil presisera at båten som framkomstmiddel er særs viktig på denne staden. Gangstien fram til hytta er særs ulendt og utfordrande og turen tar ca 25 minuttar.
Me vil samstundes presisera at me meiner fylkesmannen i Vestland her har tatt ei feil avgjerd og vil oppmoda Fylkesmann/Setjefylkesmann på det sterkaste om å ta ei synfaring på staden før han tar ei beslutning i saka.
Sjå vedlagte bilete frå gangstien då utvalet var på synfaring."

AVRØYSTING

Rådmannen sitt framlegg med slikt tillegg som foreslått i møtet - samrøystes

Vedtak

"Kommunen gjev dispensasjon frå plan- og bygningslova §§ 11-6 og 11-7 til arealoverføring av om lag 360 m2 frå gnr. 111/bnr. 40 til gnr. 111/bnr. 27,jfr. plan- og bygningslova § 19-2.

Grunngjeving: Omsyna bak regelen det er søkt dispensasjon i frå og omsyna i føremålsreglane i lova vert ikkje tilsidesette. Etter ei samla vurdering er fordelane med å gje dispensasjon større enn ulempene, jfr. jfr. plan- og bygningslova § 19-2, 2. ledd. Med å gje løyve kjem ein heller ikkje i konflikt med jordlova og intensjonen med lova då eigedomen ikkje har verdi som jordbruksland og allereie er delt frå ein landbrukseigedom. Den delinga det no er snakk om er ei overføring frå ein privat bustadtomt til ein fritidseigedom. Saka vil ikkje føra til presedens for seinare saker. Me ser på dette som ei opprydding i ein eigedomshandel som vart gjort for over 20 år sidan."

Behandling

Det vart halde pause i drøftingane frå kl. 14.45 - kl. 14.55 med gruppemøte for FRP, H, SP, MDG og KRF.

----------------------------------------------------------

Ragnar J. Tyssebotn, FRP, gjorde på vegner av FRP, H, KRF og SP slikt framlegg: "Kommunen gjev dispensasjon frå plan- og bygningslova §§ 11-6 og 11-7 til arealoverføring av om lag 360 m2 frå gnr. 111/bnr. 40 til gnr. 111/bnr. 27,jfr. plan- og bygningslova § 19-2.

Grunngjeving: Omsyna bak regelen det er søkt dispensasjon i frå og omsyna i føremålsreglane i lova vert ikkje tilsidesette. Etter ei samla vurdering er fordelane med å gje dispensasjon større enn ulempene, jfr. jfr. plan- og bygningslova § 19-2, 2. ledd. Med å gje løyve kjem ein heller ikkje i konflikt med jordlova og intensjonen med lova då eigedomen ikkje har verdi som jordbruksland og allereie er delt frå ein landbrukseigedom. Den delinga det no er snakk om er ei overføring frå ein privat bustadtomt til ein fritidseigedom. Saka vil ikkje føra til presedens for seinare saker. Me ser på dette som ei opprydding i ein eigedomshandel som vart gjort for over 20 år sidan."

--------------------------------------------

Det vart halde pause i drøftingane frå kl. 15.00 - kl. 15.05 med gruppemøte for AP og MDG.

--------------------------------------------

Øyvind Litland, AP, viste til fellesframlegget og at AP og MDG vil slutta seg til dette.

AVRØYSTING

Alternativ avrøysting

Rådmannen sitt framlegg - 0 røyster

Fellesframlegget frå FRP,H,SP,KRF, AP og MDG - samrøystes (1H,2AP,1MDG,1FRP,1SP,1KRF)

Vedtak

"Kommunen gjev dispensasjon frå plan- og bygningslova §§ 11-6 og 11-7, nr. 5, bokstav a, 12-4 og 12-5, nr. 5 til oppføring av garasje på eksisterande grunnmur på gnr. 89 bnr. 9, jf. plan- og bygningslova § 19-2."

Grunngjeving:
Omsyna bak regelen det er søkt om dispensasjon i frå og omsyna i føremålsreglane i lova vert ikkje vesentleg tilsidesett.
Etter ei samla vurdering er fordelen med å gje dispensasjon klårt større enn ulempene.
Sjå i tillegg rådmannen si vurdering."

Behandling

AVRØYSTING

Rådmannen sitt framlegg vart samrøystes vedteke.

Vedtak

"I medhald av plan- og bygningslova §§ 12-10 og 12-11 vert framlegg til plan for Detaljregulering Angelskår akvakulturområde – planID12532019001 – med føresegner datert 22.05.2019, plankart datert 22.05.2019 og planskildring datert 22.05.2019 og tilhøyrande dokument, lagt ut til høyring og offentleg ettersyn."

Behandling

AVRØYSTING

Rådmannen sitt framlegg - samrøystes vedteke

Vedtak

"Klagar får ikkje medhald i klage motteke 13.02.2019 med grunngjeving motteke 07.05.2019, vedtak av 23.01.2019 saksnr. 006/19 vert oppretthalde, og klagen vert send til Fylkesmannen i Vestland for handsaming, jf. plan- og bygningslova § 1-9, jf. forvaltningslova § 33."

Grunngjeving
Det har ikkje kome nye moment i klagen som fører til at kommunen sitt vedtak av 23.01.2019 saksnr. 006/19 skal endrast.
Sjå i tillegg rådmannen si vurdering."

Behandling

Det vart halde pause i drøftingane frå kl. 15.30 - kl. 15.40 med gruppemøte for FRP, H, MDG, SP og KrF.

------------------------------------

Ragnar J. Tyssebotn, FRP, gjorde slikt framlegg: "Kommunen gjev dispensasjon frå plan- og bygningslova §§ 11-6, 11-7, nr. 1 og 6 og § 11-9, nr. 5, samt § 12-14,nr. 2 til bygging av kaifront som omsøkt på gnr. 129/bnr. 87, jfr. plan- og bygningslova § 19-2. Grunngjeving: Me ser positivt på tiltaket då dette er snakk om samanføying av 2 eksisterande kaiseksjonar. Tiltaket vil opne opp for offentelg auka bruk av strandsona, då både skule, kyrkja, turisme, m.m. vil kunne nytte kaien. Det er og klart positivt i høve helse, miljø og tryggleik og tilgjenge for ålmenta. Me ser og at tiltaket vil opne opp for ferdsel og friluftsinteresser ved fjorden."

AVRØYSTING

Alternativ avrøysting

Rådmannen sitt framlegg - 5 røyster (2AP,1MDG,1SP,1KRF)

Ragnar J. Tyssebotn sitt framlegg - 2 røyster (1H,FRP)

Vedtak

"Vedtak i sak 137/19 handsama administrativt den 30/04/2019 vert oppretthalde.

Klagen vert send fylkesmannen i Vestland for endeleg avgjerd.

Grunngjeving: Kommunen legg til grunn at tiltaket er i tråd med gjeldande reguleringsplan. Sjå i tillegg rådmannen si vurdering."

Behandling

AVRØYSTING

Rådmannen sitt framlegg - samrøystes vedteke

Vedtak

"Klagarane får ikkje medhald i klager motteke 11.04.2019, 12.04.2019 og 15.04.2019, vedtak om rammeløyve av 21.03.2019 saknr. 099/19 vert oppretthalde, og klagene vert send til Fylkesmannen i Vestland for handsaming, jf. plan- og bygningslova § 1-9, jf. forvaltningslova § 33."

Grunngjeving:
Det har ikkje kome nye moment i klagene som fører til at kommunen sitt vedtak av 21.03.2019 saknr. 099/19 skal endrast.
Sjå i tillegg rådmannen si vurdering."

Behandling

Torunn Åsheim, AP, gjorde framlegg om utsetjing for synfaring.

Framlegget vart trekt før avrøysting.

AVRØYSTING

Rådmannen sitt framlegg - samrøystes vedteke

Vedtak

"Klage motteke 04.06.18 vert ikkje teke til fylgje, vedtak av 09.05.18 vert oppretthalde og saka vert send til Fylkesmannen i Vestland for handsaming jf. forvaltningslova § 33."

Grunngjeving

Kommunen har ikkje motteke nye moment i klagen som fører til at tidlegare vurdering og vedtak bør endrast.

Søknaden om frådeling av våningshuset på landbrukseigedomen Reigstad, gnr. 145 bnr. 7 blir avslått.

Vedtaket er heimla i jordlova §§1, 9 og 12 og blir grunngjeven med at frådelinga vil medføre reduksjon i inntektspotensialet til landbrukseigedomen og at oppretting av ein fritt omsetteleg bustadeigedom i eit viktig kulturlandskap aktivt jordbruksområde lett kan medføre konfliktar mellom bustadinteresser og landbruksinteresser. Ei slik frådeling vil og medføre eit auka press på nedbygging av eit flott kulturlandskap og eit viktig kjerneområde for landbruk.

Saka blir sendt til Fylkesmannen i Vestland for endeleg avgjerd."

Behandling

Det vart halde synfaring for utvalet før møtet.

----------------------------------------------

Det vart halde pause i drøftingane frå kl. 16.15 - kl. 16.40 med gruppemøte for SP, KRF, AP, MDG og H.

-------------------------------------------

Ragnar J. Tyssebotn, FRP, gjorde på vegner av FRP og H slikt framlegg: "Klagen vert teken til følgje. Det vert gjeve løyve til frådeling og oppretting av ny parsell som omsøkt.

AVRØYSTING

Alternativ avrøysting

Rådmannen sitt framlegg - 4 røyster (1AP,1MDG,1SP,1KRF)

Ragnar J. Tyssebotn sitt framlegg - 3 røyster (1H,1AP,1FRP)

Vedtak

"Kommunen gjev dispensasjon frå plan- og bygningslova §§ 11-6 og 11-7, nr. 5, bokstav a til oppføring av tilbygg til bustadhus med overbygd uteplass, og oppføring av garasje med tilbygg carport på gnr. 32, bnr. 16, Skistad, jf. plan- og bygningslova § 19-2.

Kommunen gjev dispensasjon frå gjeldande utnyttingsgrad i kommuneplanføresegn punkt 1.5, jf. plan- og bygningslova § 11-9, nr. 5, til auka utnyttingsgrad 32 % BYA på gnr. 32, bnr. 16, Skistad, jf. plan- og bygningslova § 19-2."

Grunngjeving:
Omsyna bak regelen det er søkt om dispensasjon i frå og omsyna i føremålsreglane i lova vert ikkje vesentleg tilsidesett.
Etter ei samla vurdering er fordelen med å gje dispensasjon klårt større enn ulempene.
Sjå i tillegg rådmannen si vurdering."

Behandling

AVRØYSTING

Rådmannen sitt framlegg vart samrøystes vedteke.

Vedtak

"Klage motteke 06.06.18 vert ikkje teke til fylgje, vedtak av 08.05.18 vert oppretthalde og saka vert send til Fylkesmannen i Vestland for handsaming jf. forvaltningslova § 33."

Grunngjeving:

Kommunen har ikkje motteke nye moment i klagen som fører til at tidlegare vurdering og vedtak bør endrast.

Søknaden om løyve til omdisponering av jordbruksareal for bygging av nytt våningshus på landbrukseigedomen «Mæle», gnr. 41 bnr. 7 i Osterøy kommune blir avslått.

Vedtaket er heimla i jordlova §§ 1 og 9. Vedtaket blir bl.a. grunngjeven med at det ut frå drifta som er på eigedomen ikkje er trong for to bustadhus på eigedomen og at det går ut over dyrka jord som kan føre til auka nedbygging av jordbruksareal i eit viktig jordbruksområde. Det blei seinast i 2007 frådelt dåverande kårhus i frå gardsbruket med grunngjeving av at det ikkje var trong for huset."

Behandling

Det vart halde synfaring for utvalet før møtet.

----------------------------------------------

Ragnar J. Tyssebotn, FRP, gjorde slikt framlegg på vegner av FRP og H: "Klage motteke 06.06.18 vert teken til følgje, og vedtak av 08.05.18 vert gjort om, og det vert gjeve løyve som omsøkt til oppretting av ny grunneigedom. Grunngjeving: Dette er ein eigedom som i dag er utan drift. Her vil ein ung familie flytte heim og drive garden, og etablere seg på Osterøy. Dette vurderer me som vesentleg for å kunne gje løyvet. Det vert synt til at det vart frådelt eit hus frå dene eigedomen i 2007, då det ikkje var trong for huset på garden. No er situasjonen at den som eig garden bur i Bergen, men vil flytta heim. Dette er ei vesentleg endring som vil bidra til at det vert liv på garden att. Dette stettar krava i jordlova § 1 og er ikke i konflikt med jordlova § 9 då området som er søkt frådelt er lite eigna som jordbruksland."

-----------------------------------------------

Det vart halde pause i drøftingane frå kl. 16.50 - 17.05 med gruppemøte for SP, AP, KRF og MDG og for H og FRP frå kl. 16.55 - kl. 17.00

----------------------------------------------

AVRØYSTING

Alternativ avrøysting

Rådmannen sitt framlegg - 5 røyster (2AP,1MDG,1SP,1KRF)

Felles framlegg frå FRP og H - 2 røyster (1H,1FRP)

Vedtak

"Klage motteke 06.02.2019 vert teke til fylgje, vedtak av 17.01.2019 etter jordlova vert gjort om og gjort tilsvarande vedtak av 30.11.18 i administrativ sak 306/18.Det vert gjeve løyve til omdisponering, frådeling og oppretting av ny grunneigedom.Grensa mot nordvest vert justert slik at tomtestorleiken vert omlag 1100m2.

Saka vert send til Fylkesmannen i Vestland for handsaming jf. forvaltningslova § 33."Grunngjeving:Tomta vil ha ei betre landskapstilpassing og vere meir hensiktsmessig for bruk. Tilgongen til ålmenta vil ikkje verte hindra.Hyttetomta ligg tett i regulert hyttefelt og det fell uheldig ut at denne tomta skal handerast etter andre reglar.Tomta har minimal landbruksverdi.Samordningsplikta tilseier at vedtak av plan og bygningslova og jordlova burde vore samordna frå kommuneadministrasjonen. Planutvalet ser det som uheldig at søkjar har fått to motstridande vedtak til forskjellig tid."

Behandling

Det vart halde synfaring for utvalet før møtet.

-----------------------------------------------

Til møtet vart skriv med tilleggsinformasjon frå klagar delt ut.

--------------------------------------------------------

Det vart halde pause i drøftingane frå kl. 17.15 - kl. 17.35 med gruppemøte for SP, H, AP, MDG og KRF.

---------------------------------------

Atle Solberg, H, viste til det utdelte dokumentet og det vart halde pause i møtet for å lesa skrivet.

----------------------------------------

Lars Fjeldstad, SP, gjorde på vegner av SP, H, AP, KRF og MDG slikt framlegg:
Det vert gjeve løyve til omdisponering, frådeling og oppretting av ny grunneigedom.
Grensa mot nordvest vert justert slik at tomtestorleiken vert omlag 1100m2.

Saka vert send til Fylkesmannen i Vestland for handsaming jf. forvaltningslova § 33."

Grunngjeving:
Tomta vil ha ei betre landskapstilpassing og vere meir hensiktsmessig for bruk. Tilgongen til ålmenta vil ikkje verte hindra.
Hyttetomta ligg tett i regulert hyttefelt og det fell uheldig ut at denne tomta skal handerast etter andre reglar.
Tomta har minimal landbruksverdi.
Samordningsplikta tilseier at vedtak av plan og bygningslova og jordlova burde vore samordna frå kommuneadministrasjonen. Planutvalet ser det som uheldig at søkjar har fått to motstridande vedtak til forskjellig tid."

Ragnar J. Tyssebotn, FRP, gjorde slikt framlegg: "Saka vert avvist då det allereie er gjeve løyve, jfr. brev med arkivreferanse 18/1649-18/22572, datert 30.11.2018. Dette vedtaket er ikkje påklaga innan fristen og er difor gjeldande. Grunngjeving: I tråd med forvaltningslova vart dette vedtaket sendt ut på høyring. Innan fristen gjekk ut, var det ikkje motteke merknader, men derimot melding om at ikkje Fylkesmannen hadde merknader til saka. Altså partar med rettsleg klageinteresse, jfr. fvl. §28. Det vert synt til at saka ikkje var handsama etter jordlova. Det er feil då denne saka var handsama av heradsagronom Totland, samt i fylkslandbruksstyret i Hordaland då tomta vart bygd i 1977.. . Saka bryt med fvl. § 35, bokstav a) som seier at "forvaltningsorganet kan omgjøre sitt eget vedtak dersom endringen ikke er til skade for noen som vedtaket retter seg mot eller direkte tilgodeser." Det er vanskeleg å sjå at det er positivt for søkjar dersom rådmannen sitt framlegg vert ståande."

AVRØYSTING - avvising

Ragnar J. Tyssebotn sitt framlegg - fall med 6 røyster (1H,2AP,1MDG,1SP,1KRF) mot 1 røyst (1FRP)

AVRØYSTING

Alternativ avrøysting

Rådmannen sitt framlegg - 0 røyster

Fellesframlegg frå SP,H, MDG, KRF og AP - samrøystes vedteke

Vedtak

"Saka vert utsett inntil spørsmål frå formannskapet er avklarte, jfr. handsaming av saka i formannskapet 05.06.19."

Behandling

Utvalsleiar gjorde slikt framlegg: "Saka vert utsett inntil spørsmål frå formannskapet er avklarte, jfr. handsaming av saka i formannskapet 05.06.19."

AVRØYSTING - utsetjing

Utsetjingsframlegget vart samrøystes vedteke.

Vedtak

"Klagar får medhald i klage motteke 03.05.2019 og vedtak av 10.04.2019 saksnr. 033/19 vert oppheva, jf. forvaltningslova § 33, 2. ledd."

Nytt vedtak i saka:
"Kommunen gjev ikkje dispensasjon frå arealføremålet sentrumsføremål, jf. kommuneplanføresegn punkt 2.27, jf. plan- og bygningslova §§ 11-6 og 11-7, nr. 1 til bygging/forlenging av bryggje/kai på gnr. 92, bnr. 9 og 13, jf. plan- og bygningslova § 19-2."

Grunngjeving:
Det er krav om 5 dispensasjonssøknader for å gjennomføre det planlagde tiltaket. Handsaminga av dei 2 første dispensasjonssøknadene er endeleg avgjort og er avslått av Fylkesmannen i Rogaland i vedtak av 07.05.2019. Slik saka står er det ikkje grunnlag for å gjennomføre tiltaket før det er gjennomført ei grundig vurdering av arealdisponeringa i området.
Sjå i tillegg rådmannen si vurdering."

Behandling

AVRØYSTING

Rådmannen sitt framlegg - vedteke med 5 røyster (2AP,1MDG,1SP,1KRF) mot 2 røyster (1H,1FRP)