Møte i Heradsstyret den 20.02.2019

Behandling

Det vart varsla nokre spørsmål/saker til slutten av møtet.

----------------------------------------------

Det var ikkje merknader til innkalling og saksliste.

Vedtak

Møteprotokoll frå 12.12.18 vert godkjend.

Behandling

Det var ikkje merknader til utsend protokoll frå 12.12.18.

Behandling

AVRØYSTING

Rådmannen sitt framlegg vart samrøystes vedteke.

Vedtak

"Melding om delegerte vedtak vert teken til vitande."

Behandling

AVRØYSTING

Rådmannen sitt framlegg vart samrøystes vedteke.

Vedtak

"Heradsstyret vedtek i medhald av plan og bygningslova § 12-12 detaljregulering for Fosslia bustad 12532016006, med plankart datert 23.05.2018, føresegner datert 22.01.2019, planskildring datert 08.01.2019, VA-rammeplan notat datert 17.06.2018 og VA-rammeplan kart datert 03.01.2019."

Behandling

Rita Tveiten, AP, bad om vurdering av sin gildskap då broren eig arealet som planen gjeld - Geir Olsen, AP, møtte som vara 26 medlemmer/varamedlemmer til stades.

AVRØYSTING GILDSKAP

Rita Tveiten, AP, vart samrøystes kjend ugild.

Vedtaket vart gjort med heimel i fvl. § 6, bokstav b .. En offentlig tjenestemann er ugild til å tilrettelegge grunnlaget for en avgjørelse eller til å treffe avgjørelse i en forvaltningssak ...; når han er i slekt eller svogerskap med en part i opp- eller nedstigende linje eller sidelinje så nær som søsken;.. .

-----------------------------------------------

Turid B. Njåstad, SP, kom til møtet no - 27 medlemmer/varamedlemmer til stades.

----------------------------------------------

AVRØYSTING

Formannskapet sitt framlegg vart samrøystes vedteke.

Vedtak

"1. I medhald av plan og bygningslova § 12-12 vert framlegg til Detaljregulering masseutttak Vevletveit Plan ID

12532016001 med føresegner, plankart og planskildring datert 22.01.2019, VA rammeplan 20.06.18. og tilhøyrande

vedlegg vedteke.

2. Detaljregulering masseuttak Vevletveit gjeld framfor deler av Reguleringsplan for RV 567 Hauge – Lonevåg."

Behandling

Andrea Hartveit, AP, bad om vurdering av sin gildskap i saka som niese til eigar av knuseverket, og med tilvising til at ho ved tidlegare behandlingar av saka har vore kjend ugild - ho tok ikkje del i møtet ved avgjerd om gildskap.

Kim A. Hartveit, FRP, bad om vurdering av sin gildskap i saka som nevø til eigar av knuseverket, og med tilvising til at han ved tidlegare behandlingar av saka har vore kjend ugild - han tok ikkje del i møtet ved avgjerd om gildskap.

Ragnar J. Tyssebotn, FRP, bad om vurdering av sin gildskap i saka som onkel til eigar av knuseverket, og med tilvising til at han ved tidlegare behandlingar av saka har vore kjend ugild - han tok ikkje del i møtet ved avgjerd om gildskap.

Geir Olsen, AP, møtte som vara for Andrea Hartveit, John Tysse, FRP, møtte som vara for Kim A. Hartveit og Svein J. Bernes, FRP, møtte som vara for Ragnar J. Tyssebotn - 27 medlemmer/varamedlemmer til stades.

AVRØYSTING GILDSKAP

Andrea Hartveit, AP, vart samrøystes kjend ugild.

Kim Andre Hartveit, FRP, vart samrøystes kjend ugild.

Ragnar J. Tyssebotn, FRP, vart samrøystes kjend ugild.

Vedtak om ugildskap vart gjort med heimel i fvl. § 6, 2. ledd .... Likeså er han ugild når andre særegne forhold foreligger som er egnet til å å svekke tilliten til hans upartiskhet; blant annet skal legges vekt på om avgjørelsen kan innebære særlig fordel, tap eller ulempe for ham selv eller noen han har nær personlig tilknytning til.

------------------------------------------------------

AVRØYSTING

Formannskapet sitt framlegg vart samrøystes vedteke.

Vedtak

«Osterøy kommune buset 10 flyktningar i 2019 i tråd med førespurnaden frå IMDI. Familiesameining kjem i tillegg."

Behandling

Alf Terje Mortensen, FRP, gjorde slikt framlegg: "Osterøy kommune tek ikkje imot flyktningar i 2019. Grunngjeving: Med situasjonen som har oppstått kring bustadene på Valestrand, er det ikkje eit tilbod som kan nyttast av noko menneske. I tillegg er me gjennom ulike kanalar gjort merksam på legesituasjonen i kommunen. Me fryktar for at me ikkje kan levere eit godt legetilbod."

AVRØYSTING

Alternativ avrøysting

Formannskapet sitt framlegg - 20 røyster (4KRF,2SP,1V,3H,8AP,2MDG)

FRP sitt framlegg - 7 røyster (6FRP,1H)

Vedtak

«I medhald av alkohollova §§ 1-4a, 1-4b, 1-6, 1-7, 1-7a, 1-7b, 1-7c, 3-1, andre ledd og 3-7 vert det gjeve salsløyve for drikk med inntil 4,7% alkoholinnhald (gruppe 1) for:

Løyvehavar: Bjørndal Handel AS, org. nr. 921 785 119. Salsstad: Butikklokale i Osterøyvegen 3390.

Styrar for løyvet: Silje Hjellvik, f. 25.11.84 Stedfortredar: Thomas Rene Barlow-Wiggin, f. 30.08.79.

Løyveperiode: 22.02.2019 – 30.09.2020.

Sal- og utlevering av alkholhaldig drikk gruppe 1 kan skje i butikken si opningstid, då avgrensa til tida mellom kl. 08.00 – kl. 20.00 på kvardagar og kl. 08.00 – kl. 18.00 på dagar før sun- og heilagdagar med unntak for dagen før Kristi Himmelfartsdag, 1. mai og 17.mai, jfr. alkohollova § 37. Løyvehavar, styrar og stedfortredar vert godkjende.»

Behandling

AVRØYSTING

Formannskapet sitt framlegg vart samrøystes vedteke.

Vedtak

"Det vert gjort slikt val til representantskapet i Interkommunalt arkiv i Hordaland IKS: Medlem: Arkivleiar Hilde Kristine Bøe, vara: 1. Astrid Kollvangsnes, sekretær, 2. Beate Iren Bakkemo, sekretær."

Behandling

Ordføraren gjorde framlegg om val av medlemmer og varamedlemmer i samsvar med rådmannen sitt framlegg.

AVRØYSTING

Framlegget vart samrøystes vedteke.