Čoahkkin Formannskapet 23.11.2022

Vedtak

Innkalling og sakliste vert godkjent med slik endring: sak 107/22 vert trekt ut frå sakslista.

Behandling

Ordføraren sette fram slikt framlegg: Som varsla til medlemmane pr. e-post vert sak 107/22 trekt frå sakslista då saka ikkje er klar frå Alver kommune si side, det er difor ikkje noko avtale å ta stilling pr. i dag. Saka kjem til handsaming på nyåret 2023.

AVRØYSTING:
Samrøystes vedteke
-----------------------------------
Hjalti H. Gislason, H, varsla kort orientering om toalettet på Tysse til slutten av møtet.

---------------------------------------

Det var elles ingen merknader til innkalling og saksliste

Vedtak

Møteprotokoll frå 02.11.2022 vert godkjend.

Behandling

Det var ingen merknader til møtebok

Vedtak

Med verknad frå 1.1.23 vedtek heradsstyret framlegg til gebyrregulativ for teknisk forvaltningsteneste 2023 med heimel i plan- og bygningslova § 33-1.

Behandling

AVRØYSTING:
Rådmannen sitt framlegg vert vedteke mot 2 røyster (FRP)

Vedtak

Budsjett for 2023, økonomiplan 2023-2026 samt investeringsplan 2023 til 2026 vert vedteke på grunnlag av rådmannen si saksutgreiing til formannskapet inkl budsjettdukument og hovudoversikter, og med slike driftsrammer for 2023:

Midlar til fordeling (frå 1A) (tal oppgitt i 1000) 523 732

Rådmannen/stabsseksjonar 46 700

Oppvekst, undervisning og kultur 208 418

Helse, omsorg og sosial 230 222

Samfunnsutvikling (inkl sjølvkost) 51 306

Sum inkl sjølvkost 536 646

-

Sentrale postar (24 424)

Lønsreserve 11 500

Sum skjema 1B 523 722

-

Meir-/mindreforbruk 10

1. Alle kommunale avgifter, gebyr, betalingssatsar og vederlag vert auka med 3,7 % frå 01.01.23 med mindre anna er nemnd særskild i budsjettpremissane, dette vedtaket eller andre reglar som fylgjer av lov eller føresegn.

1. Føresegner for tømming av slamavskiljarar, tette tankar m.v. for Osterøy kommune vert, i medhald av Lov av 13.03.1981 nr. 6 om vern mot forureining og om avfall(Forureinsingslova) § 26, 3. ledd, § 30, 2. og 3. ledd og §34, endra i tråd med vedlagde framlegg datert 13.11.2018, gjeldande frå 01.01.2023.

1. Med verknad frå 01.01.2023 vert gebyr- og avgiftssatsane innan dei tekniske tenestene vatn, avlaup, slam, og feiing (sjølvkost) endra/fastsett i tråd med vedlagte dokument: «Framlegg til gebyr Tekniske tenester 2023»

2. Gebyrsatsane for tekniske forvaltningstenester vert fastsett frå 1.1.23 i tråd med vedlagte dokument: «Gebyrregulativ 2023 Plan-teknisk forvaltning - framlegg».

1. Renovasjonsgebyr:

   1. Osterøy kommune vedtek at BIR Privat AS får delegert fullmakt til fakturering og innkrevjing av avfallsgebyret på vegne av Osterøy kommune, jfr § 12 i Forskrift om handtering av avfall frå hushaldning. Avfallgdgebyret tilhører Osterøy Kommune.

   2. Prisen på renovasjonstenesta for 2023 vert sett ned med 1,0 %, med unntak av eigendelen for levering til gjenvinningsstasjonane og einskilde tenester utanfor standard renovasjon. Desse vert uendra. Kommunal påslag vert sett til kr 0,- for 2023.

   3. Osterøy kommune vedtek avfallsgebyr i tråd med vedlagte prismatrise i dokumentet: Pristabell renovasjonsgebyr Osterøy kommune 2023.

1. Satsane for foreldrebetaling i barnehage vert halde i samsvar med statlege føringar i statsbudsjettet (maksimalpris).

1. Betalingssatsane for Skulefritidsordning (SFO) vert slik:

   1. Korttidsplass Minndre enn 9 timar veke kr.2 000 (økt med 5 %)

   2. Halvplass 10-14 timar veke kr.2 400 (økt med 9 %)

   3. Heil plass Meir enn 15 timar veke kr.2 900 (økt med 16 %)

   4. 12 timars grats tilbod 1.klasse kr. 0,-

   5. 13 timar eller meir 1.klasse kr. 1 000,-

   6. Dagsats kr. 400,- (økt med 33 %)

   7. Sats enkelttimar kr. 100,- (økt med 43 %)

   8. Gebyr ved sein henting kr. 300,- (økt med 9 %)

1. Brukarbetaling for kulturskulen vert sett til kr 4 536,- pr år (ingen endring).

1. Fribeløp og eigendelar for kommunale helse- og omsorgstenester vert fastsett i samsvar med I-rundskriv for 2023 frå helse- og omsorgsdepartementet.

1. Husleige i kommunale bygg for løpande avtalar vert auka tilsvarande endringa i konsumprisindeks sidan siste regulering, så langt anna ikkje følgjer av tidlegare vedtak i heradsstyret eller lov/føresegn. Ved inngåing av nye leigeavtalar vert husleiga tilpassa marknadspris.

1. Låneopptak (nye lån) til finansiering av investeringsprosjekt budsjettert i 2023 vert kr 80,76 millionar, herav sjølvkostlån kr 35 millionar.

1. Låneopptak til formidlingslån (Husbanken) vert sett til kr 18 millionar.

1. Heradsstyret vedtek gjeldande låneportefølje for Osterøy kommune som følgjer som vedlegg til saka. Rådmannen står fritt til å betale budsjetterte avdrag på dei låna rådmannen finn det føremålstenleg, uavhengig av opprinneleg vedtak.

1. Eigedomsskatt vert vidareført på alle eigedomar i Osterøy kommune for 2023.

   1. Eigedomsskattesatsen vert sett til 7 promille (lova sin maksimalsats).

   2. Eigedomsskattesatsen for bustad- og fritidseigedomar vert sett til 4,0 promille, jfr. eigedomsskattelova paragraf 12 bokstav a.

   3. Botnfrådrag for bustaddelen på eigedomar vert sett til kr 0.

   4. Det vert nytta formuesverdiar frå Skatteetaten som grunnlag for eigedomsskattegrunnlaget for bustadeigedomar der slike verdiar ligg føre

   5. Klagenemnda for eigedomsskatt får kompetanse til å handsama klager etter paragraf 19 i eigedoms-skattelova, jfr. paragraf 20 i eigedomsskattelova.

1. Saker som kan medføra endring av dei vedtekne budsjettrammene skal leggjast fram for formannskap/heradsstyre til avgjerd før tiltak vert sett i verk.

1. Rådmannen har framleis fullmakt til å gjera unntak i særskilde høve. I slike høve skal formannskapet/heradsstyret snarast orienterast om dette.

1. Budsjettoverskridingar skal dekkast innan eige budsjettområde.

1. Budsjettramma til Kyrkjeleg Fellesråd vert sett til kr 5,4 millionar inkl kommunal tenesteyting.

Behandling

Ragnar Tyssebotn, FRP, sette fram slikt framlegg: "Rådmannen sitt framlegg vert vedteke med følgande tillegg:
Tenestepensjon er det største einskildinnkjøpet til Osterøy kommune. Det er konkurranse i tenestepensjonsmarknaden og Osterøy bør difor gjennomføre ein anbodsprosess for å finna ut om me har den beste leverandøren etter ei samla vurdering av pris og kvalitet i ein profesjonell anbodsprosess.

Tilsette sine rettar og ytelsar er tariffesta, og identisk uavhengig av leverandør. Dei tilsette sine organisasjonar skal involverast i saksutgreiinga i henhold til tarifavtala og AML. Det skal haldast drøftingsmøter med dei tilsette sine organisasjonar.

Rådmannen får fullmakt til å organisere og gjennomføra ein anbodsprosess for den kommunale tenestepensjonsordninga i 2023, slik at eit eventuelt skifte av leverandør kan skje frå 01.01.2024. Endeleg framlegg til vedtak om val av tenestepensjonsleverandør skal leggast fram til heradsstyret seinast i løpet av oktober 2023."

Ragnar Tyssebotn, FRP, sette fram slikt framlegg: "Rådmannen sitt framlegg vert vedteke med følgjande tillegg:
I ein del år har det vist seg at heimetenesta er ein av dei meir kostbare driftene i kommunen har. Denne tenesta har ein del kommunar vald å konkurranseutsetje og dermed funne potensiale for rimelegare drift på denne måten. Rådmannen får fullmakt til å organiere og gjennomføra ein anbodsprosessfor den kommunale heimetenesta i fyrste halvår 2023. Endeleg framlegg til vedtak om val av løysing skal leggast fram til heradsstyret for endeleg vedtak."

Hjalti H. Gislason, H, satt fram slikt framlegg: "Punkt 12: Låneopptak til formidlingslån (Husbanken) vert sett til kr 18 millionar."

AVRØYSTING:
Rådmannen sitt framlegg - Samrøystes vedteke
Hjalti H. Gislason, H, sitt endringsframlegg - Samrøystes vedteke
Ragnar Tyssebotn, FRP, sitt framlegg om tenestepensjon - fall, 4 røyster mot 5 røyster (2SP, 2AP, KRF)
Ragnar Tyssebotn, FRP, sitt framlegg om heimetenesta - fall, 3 røyster (FRP, 1H) mot 6 røyster
Samla budsjett med endringane - Samrøystes vedteke

Vedtak

Rådmannen får mynde til å underteikne og gjennomføre avtalen.

Behandling

AVRØYSTING:
Samrøystes vedteke

Vedtak

Utbyggingsavtale for realisering av reguleringsplan for Espevoll næringsområde planid. 2010 002 med Osterøy Entreprenør AS vert underteikna av kommunen.

Behandling

Turid B. Njåstad ønskja sin gildskap vurdert då hennar dotter er eigar av nabogarden til området og vil såleis verte svært påverka av det som skjer på området.
AVRØYSTING:
Turid B. Njåstad, SP, vert samrøystes kjend ugild etter fvl. §6 første ledd bokstav b.
-------------------------------------------
Turid B. Njåstad, SP, forlet møte. Ingen vara møtte.

8 av 9 medlemmar tilstades-----------------------------------------
Samrøystes vedteke

Vedtak

Rådmannen får mynde til å søke om statleg sikring av område som vist med grøn skravur i vedlagte kart dagsett 8.11.22.

Behandling

AVRØYSTING:
Samrøystes vedteke

Vedtak

I medhald av Sivilbeskyttelseslova § 14 vert Heilskapleg risiko- og sårbaranalyse for Osterøy kommune 2022 vedteken slik den ligg føre.

Behandling

Jarle Skeidsvoll, KRF, sette fram slikt endringsframlegg til s. 14: "NOKRE av verksemdene er lokalisert i eller nær bustadområde og i nærleiken av offentleg tenesteyting som skule, barnehage og sjukeheim.TILLEGG: Fleire, større private verksemder er og lokalisert i mindre bygder og sentra i kommunen. Dette gjer det viktig å leggja til rette for busetnad også nær desse verksemdene for å redusera transportbehovet."

AVRØYSTING:
Jarle Skeidsvoll, KRF, sitt endringsframlegg fell 1 røyst (KRF) mot 8 røyster
Rådmannen sitt framlegg vert samrøystes vedteke

Vedtak

Saka vert trekt

Vedtak

Det vert ikkje gjort noko vedtak i saka

Behandling

Hjalti H. Gislason hadde slik orientering omkring toalettet på Tysse: Eg har prøvd å få tak i vedkommande som har stengt toalettet utan å lukkast. Eg, Rita Tveiten og Ragnar Tyssebotn hadde eit flott møte med grendarådet på Tysse kor vi forklarte situasjonen og ga dei nokre tips til vegen vidare.