Delegerte saker vert tekne til orientering.
Hovudutvalet tok Delegerte saker til orientering.
Meldingar og referatsaker vert tekne til orientering.
Forvaltningsplan gås: Edgar Grindheim (AP) gav ros til administrasjonen for ein veldig god plan og solid utgreiing. Roy Bø (FrP) etterlyste status for veglys på «Trævegen». Kommunalsjefen svara at det er bestilt lys både til Sjøvegen og Ystebøtræet. Etter planen skal desse prosjekta gjennomførast i løpet av hausten. Leif Taule (SP) stilte spørsmål om dette er ein temaplan knytt til hovudutvalet sitt arbeidsområde, og som dermed vil vera naturleg å handsama i hovudutvalet. Rådmannen sjekkar dette. |
Klagen vert ikkje teke til følgje og vedtak i sak 16/1156 datert 25.05.2018 vert stadfesta.
Grunngjevinga går fram av saksutgreiinga.
Heimel for vedtaket er forvaltningslova § 33, jf. plan- og bygningslova §§ 32-4 og 20-1 bokstav l).
Klagen vert sendt Fylkesmannen i Hordaland for endeleg avgjerd.
Hovudutvalet var på synfaring.
Administrasjonen ettersendte etterspurde dokument på e-post til utvalsmedlemmane.
Utvalet stilte spørsmål om verknaden av rettsforliket. Leiar teknisk forvaltning gjorde greie for at rettsforliket berre avgjer det privatrettslege og at tiltaket også må avklarast i høve offentlegrettslege regelverk. Ein privatrettsleg avtale gjeld berre så langt tiltaket også er lovleg etter offentlegrettslege regelverk, og tilsvarande vil ein berre kunne gjera seg nytta av eit offentleg løyve så langt ein også har dei privatrettslege rettane i orden. Det er kommunen som vurderer om tiltaket er søknadspliktig etter plan- og bygningslova og forskrift om landbruksveger. Når det gjeld spørsmålet om arbeidet er å sjå som vedlikehald av landbruksveg sa ho at det ikkje berre er omfanget av masseutskiftinga som er tema, men om det faktisk er noko veg å vedlikehalda i utgangspunktet. Søknadsplikt gjeld forøvrig ikkje berre nyetablering av landbruksveg, men også opprusting av landbruksveg vil på nærmare vilkår vera søknadspliktig. Leiar teknisk forvaltning gjorde det også klart at ein veg som er godkjent som landbruksveg uansett ikkje lovleg kan nyttast som køyreveg for bil fram til fritidsbustad.
Leif Taule (SP) gjorde det klart at han prinsipielt meiner det er ein fordel for alle at landbruksvegar blir vedlikehaldne. Han meiner at denne vegen bør bli vedlikehalde tilbake til tidlegare standard. Det vart i utvalet lagt fram foto av området, og Taule er av den oppfatning at det her ser ut til at vegen har vore i forholdsvis bra standard opprinneleg, noko han ser stemmer overeins med gamle dokument der vegen er omtalt. Taule sa at han slit med å krevja søknadsprosess, men ser samtidig problemstillingane administrasjonen peikar på.
Taule ba om gruppemøte, og gjorde det etterpå klart at gruppa - med bakgrunn i drøftingane i utvalet og informasjon som er gitt, finn det vanskeleg å gå i mot rådmannen sitt framlegg til vedtak.
Leiar Christel Villanger Håland beklagar at vegen ikkje har vorte vedlikehalden tidlegare, og ho håpar det kan vera mogleg å finna ei god løysing. Samtidig er ho tydeleg på at utgraving av massar er for omfattande og må tilbakeførast.
Edgar Grindheim (AP) peika på at den omstridde vegen er ein landbruksveg og difor må vedlikehaldast og nyttast som landbruksveg, og ikkje lovleg kan nyttast som bilveg.
Dag Sætre (SP) meiner det må vera mogleg å rusta opp vegen slik den ein gong var, utan noko form for utviding.Roy Bø (FrP) viste til at det er grave av så store massar at det i dette tilfellet ikkje kan vera snakk om vedlikehald tilbake til tidlegare standard, men er eit tiltak som dermed vil vera søknadspliktig etter plan- og bygningslova.
Rådmann Jarle Landås gjorde det klart at det er nødvendig med ein søknadsprosess for å få den oppgraderinga av vegen som klagar ønskjer. Han advara mot oppgradering av landbruksveg til bilveg, og viste til at dette vil kunne skapa presedens i fleire liknande saker.
Hovudutvalet konkluderte drøftinga med at tiltaket som er sett igang er søknadspliktig.
Hovudutvalet vedtok samrøystes rådmannen sitt framlegg til vedtak.
Hovudutval for plan, landbruk og teknisk si innstilling til kommunestyret:
Klagen vert ikkje teke til følgje og vedtak i sak 21-2018 datert 21.06.2018 vert stadfesta.
Grunngjevinga går fram av saksutgreiinga.
Heimel for vedtaket er forvaltningslova § 33, jf. plan- og bygningslova §§ 13-2.
Klagen vert sendt Fylkesmannen i Hordaland for endeleg avgjerd.
Edgar Grindheim (AP) advara mot ei så omfattande omsynssone at det kan sparka beina under dei som driv med beiting. Han sa at området i denne samanheng ikkje lenger vil ha nokon verdi dersom det blir slutt på beitinga.
Fungerande møteleiar Leif Taule kom med følgjande innspel under behandlings-delen i møteprotokollen:
I samband med rulleringa av kommuneplanen ber hovudutvalet om at det blir sett nøyare på ei avgrensing av omsynssone i beiteområde.
Han fekk tilslutning i utvalet for dette innspelet.
Hovudutvalet vedtok samrøystes rådmannen sitt framlegg til vedtak.
Mindre endring av detaljplan for Hylla Austmarka, planid. 12602012000600, vert godkjent med plankart datert 26.07.18 og føresegner datert 28.08.18.
Grunngjeving for vedtaket går fram av saksutgreiinga.
Heimel for vedtaket er plan- og bygningslova § 12-14.
Fungerande møteleiar Leif Taule orienterte om saka. Han meiner planendringa gjev ei betre løysing enn tidlegare plan.
Leiar for teknisk forvaltning, Tonje N. Epland, sa at planendringa handlar om relativt bagatellmessige justeringar.
Hovudutvalet vedtok samrøystes rådmannen sitt framlegg til vedtak.
Politikar | Parti | Medlemstype | E-Post |
---|---|---|---|
Christel Villanger Håland | Radøy Høgre | Utvalsleiar | christel@villanger.net |
Leif Gunnar Taule | Radøy Senterparti | Nestleiar | leif.taule@gmail.com |
Jannicke Helland | Radøy Arbeidarparti | Medlem | jannicke-h@hotmail.com |
Roy Bø | Radøy Fremskrittsparti | Medlem | royboe53@gmail.com |
Dag Sætre | Radøy Senterparti | Medlem | dag.setre@radoy.kommune.no |
May Britt Vågenes Gjerde | Radøy Senterparti | Medlem | maybritt@gjer.de |
Edgar Grindheim | Radøy Arbeidarparti | Varamedlem | edgar.grindheim@hfk.no |
Morgan Taule (Ikke møtt) | Radøy Arbeidarparti | Medlem | morgan.taule@gmail.com |