Utval: | Formannskapet i Radøy |
---|---|
Dato: | 14.04.2016 09:00 |
Møtestad: | Kommunestyresalen |
Status: | Møtet er ferdig protokollert |
Sakskart: | |
Møteprotokoll: |
Forskrift om sal, skjenking og opningstider for alkoholhaldig drikke vert lagt ut til offentleg ettersyn med heimel i forvaltningslova § 37
Formannskapet vedtok samrøystes rådmannen sitt framlegg til vedtak.
Finansreglement for 2016 – 2019 vert vedteke i samsvar med vedlagt utkast.
Formannskapet vedtok samrøystes rådmannen sitt framlegg til vedtak.
Handsaming av rekneskap og årsmelding 2015 vert utsett.
Økonomisjef Sveinung Kvamme Netto driftsresultat i 2015 er om lag 4,5 mill. betre enn budsjettet. Det skuldast i hovudsak høgare rammetilskot og skatt enn pårekna (ca 1,7 mill.), lågare netto pensjonskostnad (ca 1,9 mill.) og netto auka flyktningetilskot (0,7 mill.). Alle einingar har betre resultat enn budsjett.
Rådmannen er godt nøgd med driftsresultatet i 2015. God budsjettdisiplin, tett oppfølging av økonomien gjennom månadsrapportering og vurdering av alle ledige stillingar i stillingsgruppa har medverka til resultatet. Rådmannen slo fast at kommunen får mykje ut av ressursane, og at kommunen har gode tenester. Men han viser til tilbakemeldingar frå tenestene om at det er krevjande med ei så stram drift som på dagens nivå.
Budsjettet for 2015 var i utgangspunktet tilnærma null, medrekna bruk av fond og med eit udekka underskot frå 2014. Månadsrapporteringa undervegs i året kunne tyda på meirforbruk, og det var ikkje rom for budsjettendringar i løpet av året.
Mindreforbruket i tenestene er på 3,2 mill. kroner i 2015-rekneskapet. Netto driftsresultat for 2015 viser 12,3 mill. kroner som «overskot». Ein stor del av denne summen er knytt til at Radøy kommune i rekneskapsåret har bokført om lag 8 mill. kroner i statleg tilskot til breibandutbygging. Dette er pengar som er sett av til bundne fond, og vil bli brukt først i 2016.
Ved å justera både for både bruk og avsetjing til bundne fond vert driftsresultatet for den «reine» drifta om lag 2,9 mill.
Pensjonspremien er kostnadsført med om lag 6,5 mill mindre enn budsjettert på dei ulike tenesteområda.
Økonomisjefen informerte om at for første gong i historia har sum eigendelar i balansen passert 1 milliard, og bokført verdi er kr 1.040.280.760. Avsette pensjonsmidlar er den største delen av dette, og utgjer kr 413.306.993.
Investeringane ligg samla sett lågare enn justert budsjett. Dei fleste prosjekta er rimeleg i samsvar med budsjett. Brannbilen – som var budsjettert i 2015, vart først levert i 2016. Ombygging lokale heimetenesta vart rimelegare enn føresett.
Formannskapet ønskjer eiga sak om disposisjon av mindreforbruket 2015.
Formannskapet vedtok i denne omgang ikkje å realitetshandsama årsrekneskap og årsmelding. Årsaka er at kontrollutvalet først skal gje uttale til rekneskapen før formannskapet gir si innstilling til kommunestyret.
Styringsgruppa hadde ei grundig drøfting av spørsmålstillinga i innbyggarundersøkinga.
Det var orientert om informasjonsmøtet for tilsette om ny kommune i Nordhordland. Møtet skal vera i kinosalen på rådhuset torsdag 21. april. Her vil forhandlingsutvalet prøva å svara på spørsmål om verknaden for dei tilsette i Radøy kommune i ein ny kommune.
Det vert også eit informasjonsmøte for 10.klassingane i samband med innbyggarundersøkinga også skal omfatta 16-åringar.
Ordføraren orienterte om at regionrådet har gått inn med ei heilside i lokalavisene for å informera om prosessen knytt til ny kommune i samband med innbyggarundersøking og folkerøysting i dei ulike kommunane i Nordhordland.
Formannskapet drøfta spørsmålsformuleringar i innbyggarundersøkinga, og kom med ulike innspel til endringar.
Det vert lagt vekt på at det skal vera mest mogleg likelydande spørsmål i dei tre kommunane som gjennomfører innbyggarundersøking som siste høyring før kommunestyret tar endeleg avgjerd i spørsmålet om å gå inn i ein ny og større kommune.
Rådmannen legg på neste møte fram for drøfting eit opplegg for opplæring/informasjon knytt til planstrategi og planarbeid i kommunestyret 15. juni.
Formannskapet ber administrasjonen i neste formannskap leggja fram eit opplegg for opplæring/informasjon i kommunestyret 15. juni. Bakgrunnen er eit framlegg frå Høgre/Frp i kommunestyret om ei grundig innføring i aktuelle tema og prosessar knytt til planstrategi og planarbeid i perioden.
Meldingar og referatsaker vert tekne til orientering.
Skjønsmidlar:
Ordføraren orienterte om at Nordhordland får vel to millionar i skjønsmidlar frå Fylkesmannen i Hordaland. Aktuelle prosjekt er kommunereform, helseprosjekt, brann og beredskap og miljø og landbruk.
Møte med Politimeisteren:
Ordføraren orienterte frå regionrådet sitt møte med Politismeisteren i Vest politidistrikt. Regionen sine representantar formidla at dei er godt tilfreds med Nordhordland lensmannskontor, og åtvara mot endringar som kan medføra at lensmannen for denne regionen blir plassert på Askøy eller Straume.
Flyktningmottak:
Ordføraren orienterte om brev frå Norsk Folkehjelp om at dei har lagt inn anbod på drift av flyktningmottak på Radøytunet. UDI ser for seg at det vert teke avgjerd i anbodsrunden tidlegast i byrjinga av mai.
Trafikkplan Nordhordland:
Skyss har invitert til dialog med kommunane i samband med arbeidet med kollektivtrafikk-plan for Nordhordland.
Formannskapet ønskjer å koma med innspel og ha møte med Skyss i denne prosessen. Formannskapet vil også inkludera ungdomsrådet, eldrerådet og råd for menneske med nedsett funksjonsevne i denne prosessen.
Stilling som kommunepsykolog:
Formannskapet drøfta evaluering av engasjement som kommunepsykolog. Tilbakemeldingane frå alle instansar og samarbeidspartar er eintydig gode. Det vert understreka at det er behov for denne stillinga. Rådmann Jarle Landås orienterte om at det er nasjonale føringar for at kommunepsykolog om nokre år vil bli ei meir pliktig tenestene.
Formannskapet er samde om å gjera stillinga som kommunepsykolog permanent.
Turløype Manger:
Rådmannen orienterte om møte og synfaring i prosjektgruppa, som har sett på alternative løysingar på bakgrunn av politiske signal som er gitt. Innanfor den økonomiske ramma legg arbeidsgruppa i første omgang opp til å etablert ei rundløype i området mellom Grønålen og Nesvatnet.
Ny barnehage:
Rådmannen orienterte om arbeidsgruppa sitt arbeid med ny Bø barnehage. Kommunen går ut med anbod på arkitektteikna skisseprosjekt på ulike løysingar, inkludert "nøkkelferdig" modulbygg.
Garderobeanlegg Manger skule:
Ordføraren orienterte om planane for nytt garderobeanlegg ved Manger skule. Dagens garderobeanlegg blir lagerrom, og det blir lagerrom der sykkelskuret står idag. Ombygginga blir gjort innanfor eksisterande bygningsmasse.
Mobilmast Hordabø skule
Ordføraren orienterte om at Telenor har montert mobilmast med 4G+ på taket på Hordabø skule. Det vil gje betydeleg betre mobildekning til fleire hundre personar i Bøvågen-området.
Sal av gamle Haugland skule:
Rådmannen informerte om at det på neste møte i formannskapet kjem opp sak om oppseiing av leigeforhold og mogleg sal av gamle Haugland skule, som idag er utleigd til Radøy Kunst Senter.
Formannskapet tok meldingar og referatsaker til orientering med dei tillegg som kom fram i møtet.
Politikar | Parti | Medlemstype | E-Post |
---|---|---|---|
Jon Askeland | Radøy Senterparti | Ordførar | jon.askeland@radoy.kommune.no |
Jostein Borlaug | Radøy Arbeidarparti | Varaordførar | jostein.borlaug@bkkfiber.no |
Kirsti Gjetle Floen | Radøy Arbeidarparti | Medlem | k-floen@bkkfiber.no |
Else Marie Skartveit Dale | Radøy Kristeleg folkeparti | Medlem | emsdale@online.no |
Anne Berit Bø Palmesen | Radøy Senterparti | Medlem | anneberitpalmesen@outlook.com |
Roy Bø | Radøy Fremskrittsparti | Varamedlem | royboe53@gmail.com |
Vidar Grindheim | Radøy Høgre | Varamedlem | VG@uiv.no |
Christel Villanger Håland (Ikke møtt) | Radøy Høgre | Medlem | christel@villanger.net |
Kenneth Taule Murberg (Ikke møtt) | Radøy Høgre | Medlem | kenneth.taule.murberg@no.issworld.com |