Utval: | Hovudutval for plan, landbruk og teknisk |
---|---|
Dato: | 27.04.2016 09:00 |
Møtestad: | Kommunestyresalen |
Status: | Møtet er ferdig protokollert |
Møteprotokoll: |
Delegerte saker vert tekne til orientering.
Henning Haugland (H) stilte spørsmål ved delegert sak 045/2016 og delegert sak 053/2016 - begge spørsmål knytt til Bø/Hordabøheimen. Leiar teknisk forvaltning, Tonje N. Epland svara på spørsmåla.
Hovudutvalet tok delegerte saker til orientering.
Meldingar og referatsaker vert tekne til orientering.
Hovudutvalet tok meldingar og referatsaker til orientering.
Det vert gjeve dispensasjon frå byggeforbod i strandsone for oppføring av tilbygg til fritidsbustad med avstand til sjø på 2,9 meter.
Grunngjevinga er at omsynet bak byggeforbodet ikkje vesentleg vert sett til side og at fordelane ved ein dispensasjon er klart større enn ulempene etter ei samla vurdering. Hovudutvalet legg vekt på at fritidsbustaden ligg innanfor regulert område og at strandsona er bygd og privatisert frå før. Omsøkte løysing vil etter hovudutvalet si vurdering gje mindre inngrep i naturen . Tilbygget vil verta estetiske finare med ein løysing som omsøkt.
Heimel for vedtaket er plan- og bygningslova §§ 1-8 og 11-6, og Kommuneplan for Radøy kommune pkt. 2.5, jf. plan- og bygningslova § 19-2, samt naturmangfaldslova §§ 8-12.
Hovudutvalet var på synfaring i saka og konstaterte at dei fekk eit anna inntrykk av tilhøva på staden enn det bilete- og kartvedlegg til søknaden gjev. For å opplysa saka best mogleg vil hovudutvalet at søkjer sender nye bilete som vert lagt inn i saka.
Hovudutvalet konkluderte med at det som tidlegare vart definert som vassdrag ikkje lenger har årssikker vassføring. Derimot blir ein liten kanal tilført sjø ved flo sjø. Hovudutvalet la difor til grunn at saka gjeld avstand sjø i staden for avstand vassdrag.
Det vart sett fram følgjande felles endringsframlegg:
Det vert gjeve dispensasjon frå byggeforbod i strandsone for oppføring av tilbygg til fritidsbustad med avstand til sjø på 2,9 meter.
Grunngjevinga er at omsynet bak byggeforbodet ikkje vesentleg vert sett til side og at fordelane ved ein dispensasjon er klart større enn ulempene etter ei samla vurdering. Hovudutvalet legg vekt på at fritidsbustaden ligg innanfor regulert område og at strandsona er bygd og privatisert frå før. Omsøkte løysing vil etter hovudutvalet si vurdering gje mindre inngrep i naturen enn alternativ plassering som krev sprenging av berg. Tilbygget vil verta estetiske finare med ei løysing som omsøkt.
Heimel for vedtaket er plan- og bygningslova §§ 1-8 og 11-6, og Kommuneplan for Radøy kommune pkt. 2.5, jf. plan- og bygningslova § 19-2, samt naturmangfaldslova §§ 8-12.
Hovudutvalet vedtok samrøystes framlegg sett fram i møtet.
Hovudutval for plan, landbruk og teknisk rår til at det vert gjeve dispensasjon frå arealføremål LNF for oppføring av einebustad med garasje, terrengstøttemur, minireinseanlegg og avkjørsle på følgjande vilkår:
Bustaden skal ha ein betre terrengtilpassing.
Tiltaka skal utførast i samsvar med kommuneplan for Radøy kommune 2011-23.
Avlaupsanlegg skal dimensjonerast for tilkopling av naboeigedomar.
Grunngjevinga går fram av saksframlegget.
Heimel for vedtaket er plan- og bygningslova § 19-2, jf. § 11-6 og naturmangfaldslova §§ 8-12.
Saka vert sendt på høyring til Fylkesmannen i Hordaland før administrativt vedtak i saka.
Rådmannen kom med følgjande endringspunkt i framlegg til vedtak, pkt 1:
Bustaden skal ha betre terrengtilpassing.
Hovudutvalet vedtok samrøystes rådmannen sitt framlegg til vedtak med endringsframlegg sett fram i møte.
Klagen vert ikkje teke til følgje og vedtak i delegasjonssak 354/2015 vert stadfesta.
Grunngjevinga går fram av saksutgreiinga.
Heimel for vedtaket er plan- og bygningslova § 20-1, jf. forvaltningslova § 33.
Klagen vert sendt fylkesmannen i Hordaland for endeleg avgjerd.
Kart og skisser sendt på e-post frå klagar i saka vart delt ut i møtet.
Hovudutvalet vedtok samrøystes rådmannen sitt framlegg til vedtak.
Det vert gjeve dispensasjon som omsøkt for planering, oppføring av støttemur og oppføring av tårnkran.
Grunngjevinga går fram av saksutgreiinga.
Heimel for vedtaket er plan- og bygningslova § 19-2, jf. § 12-4, og naturmangfaldslova §§ 8-12.
Vedtaket vert sendt Fylkesmannen i Hordaland, Statens vegvesen og eigar av gbnr 82/31 for klagevurdering.
Leiar teknisk forvaltning, Tonje N. Epland stadfesta på spørsmål at det ikkje er nødvendig med tilleggsvedtak for å kunna gå igang med etablering av krane på eigedomen før fylkesmannen har uttalt seg. Men ho presisterte at tiltakshavar gjer det på eigen risiko.
Hovudutvalet vedtok samrøystes rådmannen sitt framlegg til vedtak.
Forslag til «Forskrift om frist for spreiing av gjødselvarer av organisk opphav for Austrheim, Fedje og Radøy kommunar" vert lagt ut på høyring i 6 veker med følgjande endring:
§ 5
Landbruksføretak med tilstrekkeleg spreieareal, kan spreia gjødselvarer av organisk opphav utan nedmolding/nedfelling på eng og anna godkjent spreieareal i perioden 15. februar- 30. september men ikkje på snødekt eller frosen mark. Dei som ynskjer å spreia organisk gjødsel i tidsrommet 15/2 - 20/3, må melda frå til Felles landbrukskontor for Austrheim, Fedje og Radøy.
For all spreiing av gjødselvarer av organisk opphav utan nedmolding/nedfelling i perioden 1. - 30. september, kan det maksimalt spreiast 2 kubikk/daa. Mot alle vassdrag og sjø skal det setjast att ei sone på minst 6 meter som ikkje skal gjødslast. Det blir rådd frå å spreia gjødselsvarer mv. av organisk opphav på hellande mark mot vassdrag mv. og sjø i perioden 1. til 30. september.
Hovudutvalet drøfta grundig om spreieperioden for gjødselvarer av organisk opphav skal vera frå 15/2 eller frå 20/3.
Rådmannen kom med klart råd om å avgrensa spreietidspunktet til 20.mars. Administrasjonen understreka at landbruket har ein ikkje ubetydeleg påverknad på vasskvaliteten i vatna i Radøy. Det vart vist til framtidige nasjonale krav til vasskvalitet som gjer det nødvendig å setja bremsene på no for å avgrensa ulike forureiningskjelder.
Leif Taule (Sp) peika på at avrenninga frå landbruket er vesentleg redusert. Han oppmoda kommunen om å arbeida fram ein samla tiltaksplan for reduksjon av forureining av vatna i kommunen.
På vegne av Sp og Høgre sette Taule fram følgjande endringsframlegg:
§ 5
Landbruksføretak med tilstrekkeleg spreieareal, kan spreie gjødselvarer av organisk opphav utan nedmolding/nedfelling på eng og anna godkjent spreieareal i perioden 15. februar- 30. september men ikkje på snødekt eller frosen mark. Dei som ynskjer å spreia organisk gjødsel i tidsrommet 15/2 - 20/3, må melda frå til Felles landbrukskontor for Austrheim, Fedje og Radøy.
For all spreiing av gjødselvarer av organisk opphav utan nedmolding/nedfelling i perioden 1-30. september, kan det maksimalt spreiast 2 kubikk/daa. Mot alle vassdrag og sjø skal det setjast att ei sone på minst 6 meter som ikkje skal gjødslast. Det blir rådd frå å spreia gjødselsvarer mv. av organisk opphav på hellande mark mot vassdrag mv. og sjø i perioden 1. til 30. september.
Fellesframlegget vart vedteke med fire røyster (2 Sp, 2H) mot tre røyster (3 Ap).
Hovudutvalet er positiv til at forslagstillar går vidare med planprosessen og fremjar detaljreguleringsplan for Mangersnes bustadområde for høyring og offentleg ettersyn.
Hovudutvalet var på synfaring.
Leiar teknisk forvaltning, Tonje N. Epland orienterte om at forslagstillar før det vert sendt inn komplett revidert framlegg til reguleringsplan, ønskjer signal om planen vil kunne fremjast for høyring og offentleg ettersyn med den planavgrensing som no ligg føre. Revidert planavgrensing avvik framleis noko frå føremålsgrensa for bustadområdet i kommuneplanen, men forslagsstillar har redusert byggeområdet i omfang.
Hovudutvalet drøfta saka grundig. Utvalet er positiv til at forslagstillar går vidare med planprosessen og fremjar planen for høyring og offentleg ettersyn.
Utvalet har vore på synfaring og sett at planområdet er godt terrengtilpassa og utnyttar topografien på ein god måte. Utvalet meiner det er gode argument for dei endringar som er lagt fram i planarbeidet.
Det vart gjort følgjande fellesframlegget i møtet:
Hovudutvalet er positive til at forslagstillar går vidare med planprosessen og fremjar detaljreguleringsplan for Mangersnes bustadområde for høyring og offentleg ettersyn.
Hovudutvalet vedtok fellesframlegget sett fram i møtet.
Det vert gjeve dispensasjon frå arealføremål LNF og løyve til arealoverføring frå gbnr 60/6 til gbnr 59/12 og 59/16 som vist i kart datert 24.02.18.
Grunngjeving av vedtaket er at dei omsyna som ligg bak deleforbodet ikkje vert vesentleg tilsidesett, og at fordelane ved å gje dispensasjon vert klårt større enn ulempene, etter ei samla vurdering.
Vedtaket har heimel i plan- og bygningslova (pbl) § 20-1m (deling) og § 19-2 jf. § 11-6 (disp frå kommuneplan) og naturmangfaldslova §§ 8-12 samt matrikkellova § 33.
Saka vert sendt Fylkesmannen i Hordaland for klagevurdering.
Hovudutvalet vedtok samrøystes rådmannen sitt framlegg til vedtak.
Politikar | Parti | Medlemstype | E-Post |
---|---|---|---|
Christel Villanger Håland | Radøy Høgre | Utvalsleiar | christel@villanger.net |
Leif Gunnar Taule | Radøy Senterparti | Nestleiar | leif.taule@gmail.com |
Morgan Taule | Radøy Arbeidarparti | Medlem | morgan.taule@gmail.com |
Liv Berit Rath | Radøy Arbeidarparti | Medlem | livb.rath@gmail.com |
May Britt Vågenes Gjerde | Radøy Senterparti | Medlem | maybritt@gjer.de |
Edgar Grindheim | Radøy Arbeidarparti | Varamedlem | edgar.grindheim@hfk.no |
Henning Haugland | Radøy Høgre | Varamedlem | Henninghaugland@me.com |
Roy Bø (Ikke møtt) | Radøy Fremskrittsparti | Medlem | royboe53@gmail.com |
Dag Sætre (Ikke møtt) | Radøy Senterparti | Medlem | dag.setre@radoy.kommune.no |