Møte i Råd for menneske med nedsett funksjonsevne den 04.04.2016

Vedtak

Innkalling og sakliste vert godkjend.

Behandling

RMNF godkjende innkalling og sakliste.

Vedtak

Møtebok vert godkjend.

Behandling

RMNF godkjende møtebok frå førre møte i rådet.

Vedtak

Meldingar og referatsaker vert tekne til orientering.

Behandling

Turløype på Manger:
Prosjektleiar Tore Rikstad orienterte om planane og arbeidet med turløype i Manger sentrum. Han viste til at kostnadane med løype har vorte betydeleg dyrare enn det er lagt opp til i kommunen sitt 2016-budsjett.

Formannskapet har gitt klare signal om at den økonomiske situasjonen i kommunen ikkje gjer det mogleg med eit prosjekt til fem millionar kroner. Rikstad orienterte om at det vert jobba med ulike alternativ - t.d. ei etappevis utbygging av den planlagde turløypa. Det vert lagt stor vekt på å få ei sentrumsnær løype. Tore Rikstad svara på spørsmål frå medlemane i råda.

Kartlegging av friluftsområde:
Kulturrådgjevar Bente K. Hervik orienterte om arbeidet med kartlegging av friluftsområde i Radøy. Dette er ei statleg satsing og Radøy kommune har fått 60 000 kroner til prosjektet. Radøy samarbeidar med Austrheim og Meland om kartlegging av friluftsområde, og har engasjert Gunhild Laxaa frå Bergen og Omegn Friluftsråd som prosjektleiar. I Radøy er mellom anna barnehagar, skular og ressurspersonar vore engasjerte i prosjektet.

Det vert halde informasjonsmøte i dei tre kommunane. Kartlegginga handlar om å samla inn kunnskap om friluftsområde i kommunen, og i neste omgang skal dette overførast til digitale kart. Det enkelte område blir verdivurdert utfrå 14 kriterier og blir rangert frå A til D.

Hervik viste til kartlegginga som så langt er gjort. Ho peika på at det er viktig å ha dette kunnskapsgrunnlaget når arealplanar skal utarbeidast og nye tiltak skal realiserast. Kartlegginga vil også vera eit grunnlag for utveljing av aktuelle område for statleg sikring, planlegging av sti og løyper, og det er grunnlag for utvikling av tiltak innanfor friluftsliv og folkehelse. Det gir også grunnlag for stad- og lokalsamfunnsutvikling.

Så langt er det identifisert 85 større og mindre friluftsområde i Radøy (14 A-område, 23 B-område og 47 C-område).
Bente K. Hervik svara på spørsmål frå medlemane i rådet.

Råd for menneske med nedsett funksjonsevne tok meldingar og referatsaker til orientering.

Vedtak

Kapittel 2 Visjon,

• 3.avsnitt: Tenestetilbodet skal vera desentralisert, og kommunen skal ha tenelege tilbod i alle lokal- og nærsenter.

Kap 7 Prinsipp for tenestetilbod og kompetanse, Tenesteyting,

• 1.avsnitt: Dagens tenestetilbod skal oppretthaldast, samtidig som ein sikrar at innbyggjarane ikkje får dårlegare tenester enn dei har i dag.

• 2.avsnitt: ….for å sikra lokal identitet og nærleik til tenestene. Faste institusjonsplassar skal, så langt det let seg gjere, tildelast i nærleiken av der brukarane bur.

• 4.avsnitt; Bibliotek, institusjonskjøkken, frivilligsentralar og idrettsanlegg vert vidareførte med dagens lokalisering.

I tillegg vil me understreka kor viktig det er med gode tenestetilbod i dei føreslegne lokal- og nærsentra. Innbyggjarane er, etter vår meining, best tent med å ha tenestetilbod i nærleiken av der dei bur. På Manger har me i dag tenester som lege, fysioterapi, helsesøster, tannhelseteneste, psykiatriteneste, institusjonsplassar, ulike dagtilbod, m.m. Det er viktig at gode, etablerte fagmiljø vert vidareutvikla der dei er lokalisert i dag.

Me i Råd for menneske med nedsett funksjonsevne i Radøy, vil og trekkje fram ungdomskoordinatoren som eit særs viktig satsingsområde også i framtida. Me oppmodar om at denne stillinga vert vidareført ved ei eventuell kommunesamanslåing.

Når det gjeld siste avsnitt under Samfunns- og næringsutvikling, kapittel 7, er det særs viktig at ein ikkje legg ned tilbod til dei som av ein eller annan grunn fell ut av vanleg arbeidsliv. Tilrettelagte bedrifter/ tilbod skal ikkje falle vekk i ein evt. ny kommune. Då tenkjer me til dømes på AUFERA, RAS og NIS. Desse arbeidstakarane skal ikkje stå utan arbeid etter 01.01.2020. RMNF ynskjer at intensjonsavtalen skal omtala fokus på, og utvikling av, arbeidsmarknads- og vekstbedrifter.

Til slutt vil me påpeika at intensjonsavtalen ikkje seier noko om kultur og idrett. Etter vår meining bør dette takast med i intensjonsavtalen. For vår del er Radøyhallen eit viktig annlegg for dei innbyggjarane me representerer. Hallen er tilrettelagt for menneske med ulike nedsette funksjonevner, og bassenga, spesielt terapibassenget, vert mykje nytta av denne gruppa. Tilboda i Radøyhallen må oppretthaldast.

Behandling

Ordførar Jon Askeland gav ei grundig orientering om intensjonsavtalane for 3-kommunar-alternativet og 8-kommunar-alternativet.

Ordføraren peika på avtalen mellom 8 kommunar i all hovudsak er ein volumforstørra versjon av tre-kommunar-avtalen mellom Radøy, Meland og Lindås. Han meiner kommunane har vorte einige om gode prinsipp for bygging av ein ny kommune.

Rådmann Jarle Landås svara på spørsmål om korleis dei tilsette er involverte i prosessen. I styringsgruppa for kommunereform i Radøy er dei tilsette sine organisasjonar representert med hovudtillitsvald Else Soltveit i Fagforbundet og Elisabeth Bygstad i Utdanningsforbundet. Dei tillitsvalde er også representert i forhandlingsutvalet sentralt.

Rådmannen informerte også om at tenesteleiarane i Radøy vert løpande orientert om prosessen, og det vert orientert i møte med dei hovudtillitsvalde.

Rådet for menneske med nedsett funksjonsevne gjorde ei grundig drøfting av saka om kom med fleire innspel til intensjonsavtalen.

May Liss Sylta Møn meiner det er viktig at det vert sagt noko om kultur og idrett i intensjonsavtalen. Ho og resten av rådet meiner t.d. det er viktig at Radøyhallen og bassengdrifta vert oppretthalde. Terapibassenget er eit svært viktig tilbod til ulike brukarargrupper.

Idrettsanlegga i kommunen må med i opplistinga saman med bibliotek, frivilligsentralen og kommunalt institusjonskjøkken.

Jannicke Helland ønskjer å få endå tydelegare presisert kva det inneber at tenestene skal vera der folk bur. Rådet er opptatt av at det skal vera eit desentralisert tenestetilbod, og at det skal ytast tenester der brukarane bur.

Rådet legg også stor vekt på at Manger som nærsenter må ha viktig funksjonar også innan offentlege tilbod og tenester, inkludert tannklinikk.

Rådet ønskjer også understreka verdien av å ha ein ungdomskoordinator knytt til ungdomsmiljøet lokalt.

På bakgrunn av drøftinga i rådet vil rådet koma med følgjande uttale/tillegg til intensjonsavtale:

Kapittel 2 Visjon,

• 3.avsnitt: Tenestetilbodet skal vera desentralisert, og kommunen skal ha tenelege tilbod i alle lokal- og nærsenter.

Kap 7 Prinsipp for tenestetilbod og kompetanse, Tenesteyting,

• 1.avsnitt: Dagens tenestetilbod skal oppretthaldast, samtidig som ein sikrar at innbyggjarane ikkje får dårlegare tenester enn dei har i dag.

• 2.avsnitt: ….for å sikra lokal identitet og nærleik til tenestene. Faste institusjonsplassar skal, så langt det let seg gjere, tildelast i nærleiken av der brukarane bur.

• 4.avsnitt; Bibliotek, institusjonskjøkken, frivilligsentralar og idrettsanlegg vert vidareførte med dagens lokalisering.

I tillegg vil me understreka kor viktig det er med gode tenestetilbod i dei føreslegne lokal- og nærsentra. Innbyggjarane er, etter vår meining, best tent med å ha tenestetilbod i nærleiken av der dei bur. På Manger har me i dag tenester som lege, fysioterapi, helsesøster, tannhelseteneste, psykiatriteneste, institusjonsplassar, ulike dagtilbod, m.m. Det er viktig at gode, etablerte fagmiljø vert vidareutvikla der dei er lokalisert i dag.

Me i Råd for menneske med nedsett funksjonsevne i Radøy, vil og trekkje fram ungdomskoordinatoren som eit særs viktig satsingsområde også i framtida. Me oppmodar om at denne stillinga vert vidareført ved ei eventuell kommunesamanslåing.

Når det gjeld siste avsnitt under Samfunns- og næringsutvikling, kapittel 7, er det særs viktig at ein ikkje legg ned tilbod til dei som av ein eller annan grunn fell ut av vanleg arbeidsliv. Tilrettelagte bedrifter/ tilbod skal ikkje falle vekk i ein evt. ny kommune. Då tenkjer me til dømes på AUFERA, RAS og NIS. Desse arbeidstakarane skal ikkje stå utan arbeid etter 01.01.2020. RMNF ynskjer at intensjonsavtalen skal omtala fokus på, og utvikling av, arbeidsmarknads- og vekstbedrifter.

Til slutt vil me påpeika at intensjonsavtalen ikkje seier noko om kultur og idrett. Etter vår meining bør dette takast med i intensjonsavtalen. For vår del er Radøyhallen eit viktig annlegg for dei innbyggjarane me representerer. Hallen er tilrettelagt for menneske med ulike nedsette funksjonevner, og bassenga, spesielt terapibassenget, vert mykje nytta av denne gruppa. Tilboda i Radøyhallen må oppretthaldast.

Råd for menneske med nedsett funksjonsevne vedtok samrøystes tilleggsframlegg sett fram i møtet.