Utval: | Formannskapet i Radøy |
---|---|
Dato: | 11.05.2016 09:00 |
Møtestad: | Kommunestyresalen |
Status: | Møtet er ferdig protokollert |
Sakskart: |
Radøy kommune ønskjer å koma med innspel til Skyss sitt arbeid med Trafikkplan for Nordhordland. Ordførar og rådmann får fullmakt til å gå i drøftingar med Skyss for å fremja desse innspela.
Representantar frå ungdomsrådet, eldrerådet og råd for menneske med nedsett funksjonsevne deltok på innspelmøte i formannskapet om Trafikkplan for Nordhordland.
Det vart peika på ulike utfordringar i rutetilbodet i Radøy. Fredrik Soltveit Gabrielli frå ungdomsrådet peika på behovet for betre korrespondanse mellom buss og skuletid på Austrheim vidaregåande. Han vart også peika på behovet for at betre busstilbod i Radøy på kveldstid. I dag gjer manglande tilbod det vanskeleg å få vera med på kveldsaktivitetar i t.d. Austrheim og Knarvik.
Det vart i drøftinga peikt på at ein del "mjølkeruter" gjer det mindre interessant å bruka kollektivtilbodet.
Leiaren i råd for menneske med nedsett funksjonsevne, Jannicke Helland, peika også på for dårleg korrespondanse for skuleruter i Radøy, mellom anna buss som kjører frå Manger skule og den som kjem frå Hordabø skule. Ho viste til innspel frå foreldre som seier at bussen kjører frå Manger forbi Hella 3-5 minuttar før bussen frå Bø kjem til Hella. Med betre samordning kunne borna som kjem frå Bø - og som skal til Grindheim og Sætre, gått på bussen frå Manger på Hella, og på den måten kome seg heim med buss.
Basert på drøftingane gav formannskapet ordføraren fullmakt til å forfatta eit skriftleg innspel frå Radøy kommune til Skyss sitt arbeid med Trafikkplan for Nordhordland.
Formannskapet vedtok samrøystes rådmannen si tilråding.
Radøy kommune vil koma med følgjande innspel til NTP 2018-29:
Nyborgtunnelen er eit særs viktig prosjekt som må realiserast tidlegast mogleg i perioden.
Kommunen vil også prioritera E39-prosjektet Eikefet-Romarheim.
Det må arbeidast for å få realisert Sambandet Vest.
Radøy kommune ber om at løyvingane til fylkesvegane vert auka.
Det vert stilt forventningar til at høgaste økonomiske ramme vert lagt til grunn i arbeidet med Nasjonal Transportplan.
Radøy kommune ber Regionrådet senda uttale på vegne av kommunane i regionen.
Formannskapet vedtok samrøystes rådmannen sitt framlegg til vedtak.
Rekneskap og årsmelding for 2015 vert godkjent slik dei ligg føre.
Formannskapet vedtok samrøystes rådmannen sitt framlegg til vedtak.
Driftsbudsjettet for 2016 vert regulert i samsvar med skjema 1A og 1B:
Forenkla skjema 1a | Budsjett 2016 | Regulering | Regulert 2016 |
Skatt på inntekt og formue | 122 257 000 | - | 122 257 000 |
Rammetilskot | 147 523 000 | 1 000 000 | 148 523 000 |
Eigedomsskatt | 11 931 000 | 400 000 | 12 331 000 |
Generelle statstilskot | 9 920 000 | -480 000 | 9 440 000 |
Renteinntekter og utbytte | 3 713 000 | - | 3 713 000 |
Renteutgifter | 5 482 000 | - | 5 482 000 |
Avdragsutgifter | 7 800 000 | 400 000 | 8 200 000 |
Sum frie inntekter | 282 062 000 | 520 000 | 282 582 000 |
Netto bruk/avsetjing fond | 616 000 | - | 616 000 |
Til fordeling drift | 282 678 000 | 520 000 | 283 198 000 |
Drift (skjema 1b) | |||
Stab og fellestenester | 18 119 849 | - | 18 119 849 |
Oppvekst | 107 779 821 | - | 107 779 821 |
Helse og omsorg | 125 757 318 | - | 125 757 318 |
Drift og forvaltning | 27 421 868 | 257 000 | 27 678 868 |
Sum drift | 279 078 856 | 257 000 | 279 335 856 |
Mindreforbruk | 3 599 144 | 263 000 | 3 862 144 |
Investeringsbudsjettet for 2016 vert endra slik:
Skjema 2A | |
Tilskot frå fylkeskommunen | 1 000 000 |
Mva-kompensasjon | 494 000 |
Bruk av lån | 2 377 000 |
Sum | 3 871 000 |
Skjema 2B | |
Mobilmast Austebygd | 1 400 000 |
Brannbil | 2 471 000 |
Sum | 3 871 000 |
Formannskapet vedtok samrøystes rådmannen sitt framlegg til vedtak.
Radøy kommune forskotterer kompensasjon for meirverdiavgift knytt til kunstgrasbane på Bø med inntil kr 1.474.394 til Hordabø IL. Det er ein føresetnad at Hordabø IL skal betala attende heile det forskotterte beløpet, uansett storleiken på mva-kompensasjonen laget faktisk får. Kompensasjonsbeløpet Hordabø IL får overført etter søknad, skal straks overførast Radøy kommune. Heile det forskotterte beløpet skal vera betalt tilbake seinast 31.12.2018.
Leiaren i idrettsrådet i Radøy, Bjørn Ove Myking, orienterte kort om momskompensasjons-ordninga.
Formannskapet vedtok samrøystes rådmannen sitt framlegg til vedtak.
Radøy kommune gir kommunal garanti for lån i Kommunalbanken til Aufera AS, med inntil
NOK 2.000.000. Garantien vert gitt som sjølvskuldnarkausjon. Løpetida for garantien er maksimalt 20 år. Garantien skal nedskrivast kvart år til restsaldo ved årsskiftet. Garantivedtaket skal godkjennast av Fylkesmannen i Hordaland.
Formannskapet vedtok samrøystes rådmannen sitt framlegg til vedtak.
Ca 600 respondentar i Radøy blir spurd i innbyggarundersøkinga i Radøy. Undersøkinga vil vera ferdig før 17. mai.
Styringsgruppa drøfta reaksjonar og innspel til spørsmål og gjennomføring av innbyggarundersøkinga. Det har kome ein del kritiske innspel til undersøkinga, men også Ordføraren informerte om at han har sendt brev til prosjektleiar for undersøkinga, som har tatt saka opp med Opinion AS. Byrået har svara at undersøkinga er gjort etter deira prosedyre.
Det blir gitt ei orientering i kommunestyret om innbyggarundersøkinga.
Radøy kommune avslår tilbod frå Radøy Kunst Senter om kjøp av deler av eigedomen gnr 25 bnr 19 for kr. 350.000.
Deler av gnr 25 bnr 19 blir lagt ut for sal hausten 2016. Radøy kommune deler opp og beheld tilstrekkeleg areal til å ta i vare interessene knytt til høgdebassenget på eigedomen.
Åse Eriksen og Roger Gjerstad får tilbod om forlenging av leigekontrakten ut 2016.
Det vert lagt fram ei vurdering frå takstmann om marknadsverdi av eigedomen.
Rådmannen fekk ros for god saksutgreiing.
Formannskapet drøfta om eigedomen skal seljast innanfor den reguleringsstatus den har i dag, eller om kommunen skal gå til omregulering i forkant av eit sal. Det vart peika på at reguleringsformål vil leggja føringar for om Radøy Kunst Senter vil kunne vera med og by på eigedomen, som idag er lokale for kunstsenteret.
Ordføraren meiner det vil vera rett å vera fleksibel med forlenga leigeforhold dersom RKS vil kunna skaffa kapital til å kjøpa eigedomen og vidareføra drifta.
Formannskapet ber rådmannen innhenta ei vurdering frå takstmann av mogleg marknadsverdi på eigedomen.
Formannskapet vedtok rådmannen sitt framlegg til vedtak, med følgjande tillegg:
I sak til kommunestyret blir det lagt med ei vurdering frå takstmann om marknadsverdi av eigedomen.
Formannskapet sluttar seg til planane for første byggetrinn av ei etappevis utbygging av turløype på Manger.
Leiaren i idrettsrådet, Bjørn Ove Myking, ber om at idrettsrådet får vera med i utarbeiding av samarbeidsavtale mellom Manger IL og Radøy kommune om turløype.
Formannskapet har ambisjonar om å gjera ferdig turløypa etter dei planar som er lagt fram, men med ei etappevis utbygging.
Formannskapet går inn med ein million kroner i løyving til første etappe, og forskotterer ein million kroner i spelemidlar. Ordførar Jon Askeland har fått stadfesta at regelverket opnar for å gje spelemidlar også til eit prosjekt som blir delt opp i fleire delar.
Formannskapet vedtok samrøystes rådmannen sitt framlegg til vedtak.
Meldingar og referatsaker vert tekne til orientering, med tillegg sett fram i møtet.
Reiselivssamarbeid: Det går mot at Radøy og andre kommunar i Nordhordland blir tilslutta Bergen reiselivslag. Ordføraren informerte om at Radøy må ut med ei årleg medlemsavgift på 100 000 kroner. Saka vil koma opp til politisk handsaming til hausten i samband med revidert budsjett.
Status Nordhordlandspakken: Ordføraren orienterte om status for Nordhordlandspakken. Det er tilsett prosjektleiar for vegpakken, som skal førebu dei ti første prosjekta som er regulerte. Vegprosjektet Marås-Soltveit står først i køen.
Traktorforbod: NGIR ønskjer å innføra traktorforbod ved gjenvinningsstasjonen på Manger. Det har utløyst reaksjonar frå ulike hald. Formannskapet drøfta saka, og oppmodar NGIR å operera med fleksible opningstider som opnar for traktorar utanfor den ordinære opningstida. Ordføraren fekk fullmakt til å senda uttale til NGIR.
Hamnesamarbeid: Omdanning av hamnesamarbeidet var tema på eit ordførarmøte i Bergen og Omland havnevesen. Ordføraren peika på at det handlar det om å finna løysingar der alle medlemskommunane er med vidare, og at ein unngår etableringa av to selskap.
Planstrategi: Planansvarleg Rolf Raknes orienterte om kommunal planstrategi. Han viste til at dette ikkje er ein plantype, men eit hjelpemiddel til å fastleggja vidare planarbeid. Føremålet er å klargjera kva for planoppgåver kommunen bør starta opp eller vidareføra for å leggja til rette for ei positiv utvikling. Raknes peika på at kommunal planstrategi ikkje er ein arena for å ta stilling til mål og strategiar, men for å drøfta utviklingstrekk og vurdera planbehovet til det.
Det blir eit temamøte om planstrategi i kommunestyret 15. juni.
Møteplan hausten 2016: Formannskapet godkjende utkast til møteplan hausten 2016.
Radøyhallen - ansiktsløft: Rådmannen med innspel knytt til planlagt arbeid med fasade og lager i Radøyhallen, samt lyssetjing av uteområdet ved hallen, som no er på anbod. Han peika på at det med enkle grep kan gjerast meir triveleg og finare i området. Rådmannen har vore i kontakt med Cubus arkitekter, som har jobba med "moglegheitsstudie for Manger". Selskapet kan gjera ein analyse av Radøyhallen innanfor ei ramme på 50 000 kroner.
Formannskapet er positiv til at det innanfor budsjett kan gjennomførast eit slikt "løft" for området ved Radøyhallen.
Breibandsutbygging: Under formannskapsmøtet inviterte ordførarane i Radøy og Austrheim til pressekonferanse om utbygginga av breiband/fiber. Telenor har fått anbodet på utbygging av breibandsnettet innanfor ei ramme på 8 mill. kroner, og med denne satsinga vil så godt som alle husstandar i Radøy og Austrheim kunna bli knytt til den "digitale motorvegen".
Formannskapet tok meldingar og orienteringssaker til orientering, med tillegg sett fram i møtet.
Politikar | Parti | Medlemstype | E-Post |
---|---|---|---|
Jon Askeland | Radøy Senterparti | Ordførar | jon.askeland@radoy.kommune.no |
Jostein Borlaug | Radøy Arbeidarparti | Varaordførar | jostein.borlaug@bkkfiber.no |
Kirsti Gjetle Floen | Radøy Arbeidarparti | Medlem | k-floen@bkkfiber.no |
Else Marie Skartveit Dale | Radøy Kristeleg folkeparti | Medlem | emsdale@online.no |
Anne Berit Bø Palmesen | Radøy Senterparti | Medlem | anneberitpalmesen@outlook.com |
Roy Bø | Radøy Fremskrittsparti | Varamedlem | royboe53@gmail.com |
Normann Sæbø | Radøy Høgre | Varamedlem | normann@morenot.no |
Christel Villanger Håland (Ikke møtt) | Radøy Høgre | Medlem | christel@villanger.net |
Kenneth Taule Murberg (Ikke møtt) | Radøy Høgre | Medlem | kenneth.taule.murberg@no.issworld.com |