Ingen delegerte saker lagt fram.
Meldingar og referatsaker vert tekne til orientering
Leif Taule (SP) tok opp spørsmålet om få ei saksbehandling knytt til omfanget og mogleg handtering av ulovlege tiltak i Radøy.
Etter ei drøfting i hovudutvalet vart det semje om at administrasjonen på første møte til hausten kjem med ei orientering om temaet.
Det vert gjeve dispensasjon frå arealføremål LNF og plankrav for bruksendring av Risnes skule til bustadføremål for to bueiningar, tilbygg og fasadeendring (terrasse) som omsøkt.
Grunngjeving for vedtaket går fram av saksutgreiinga.
Vedtaket har heimel i plan- og bygningslova § 19-2 jf. § 11-6 og naturmangfaldslova §§ 8-12.
Saka vert sendt Fylkesmannen i Hordaland for klagevurdering.
Hovudutvalet vedtok samrøystes rådmannen sitt framlegg til vedtak.
Det vert gjeve dispensasjon frå byggegrense mot sør-aust for oppføring av nytt våningshus på følgjande vilkår:
Tiltaket skal plasserast innafor byggegrense mot nord og vest.
Våningshuset skal plasserast lågt i terrenget og tilpassast terrenget. Eigedomen skal ikkje flatplanerast og det skal ikkje utførast terrenginngrep ut over byggegropen.
Terreng og vegetasjon på eigedomen elles skal takast vare på.
Endeleg plassering, høgdeplassering og utforming skal godkjennast i byggesaken innanfor rammene i dispensasjonssaka.
Bygningen skal ha eit fargeval som er gunstig i høve eksponering i landskapet.
Det må senast inn målsett situasjonsplan som viser at krav til parkering og snuplass på eiga grunn er stetta.
Det må søkjast om tilkopling til offentleg leidningsnett.
Føresegner i Kommuneplan for Radøy kommune 2011-23 gjeld.
Grunngjeving for vedtaket går fram av saksutgreiinga.
Vedtaket har heimel i plan- og bygningslova § 19-2, jf. plan- og bygningslova § 1-8, samt naturmangfaldslova §§ 8-12.
Saka vert sendt Fylkesmannen i Hordaland for klagevurdering.
Hovudutvalet vedtok samrøystes rådmannen sitt framlegg til vedtak.
Det vert gjeve dispensasjon frå utnyttingsgrad (BRA) i reguleringsplan § C.3. på følgjande vilkår:
Fritidsbustaden kan førast opp i ein høgde og med eit areal på inn til 150 kvm BRA og BYA, inkludert 36 kvm parkering.
Fritidsbustaden skal plasserast som omsøkt, og med maks planeringshøgde på kote +14.
Det vert gjeve dispensasjon fråbyggegrense mot sjø etter kommuneplanen pkt. 2.5 for et hjørne av fritidsbustaden, terrengstøttemur og planering på følgjande vilkår:
Fritidsbustaden skal plasserast som omsøkt med eit mindre avvik i høve byggegrense mot sjø.
Konkret plassering, høgde og utforming av terrengstøttemur og planert område skal takast stilling til i byggesaken innafor rammene i dispensasjonssaka. Bygningsstyresakta kan i byggesaka sette krav som tek i vare terreng og estetikk, herunder krav til terrassering og oppfylling.
Det vert gjeve dispensasjon frå avstand eigedomsgrense etter plan- og bygningslova § 29-4 i sør på følgjande vilkår:
Fritidsbustaden kan plasserast som omsøkt og minimum 3 meter frå eigedomsgrensa mot gbnr 24/207.
Plassering av fritidsbustaden må ikkje hindre bruk av friområdet i tråd med plan.
Det vert gjeve dispensasjon frå arealføremål friområde i reguleringsplan for etablering av avkjørsle på følgjande vilkår:
Avkjørsle skal opparbeidast med 2, 5 meter breidde.
Avkjørsle skal opparbeidast definert og trafikksikkert og med naudsynt frisikt.
Sti mot sjø over arealet skal etter omlegging vere tilrettelagt og ope for ålmenn ferdsle.
Det vert gjeve dispensasjon frå byggegrense mot sjø etter kommuneplanen pkt. 2.5 for oppføring av naust på følgjande vilkår:
Naust skal førast opp i samsvar med føresegner i Kommuneplan for Radøy kommune 2011-23, særskilt pkt 2.6(3), 2.8.2 og 2.8.3.
Det vert ikkje gjeve dispensasjon frå byggegrense mot sjø etter kommuneplanen pkt. 2.5 for oppføring av kai.
Grunngjeving for vedtaket går fram av saksutgreiinga.
Vedtaket har heimel i plan- og bygningslova (pbl) § 19-2 og naturmangfaldslova §§ 8-12.
Saka vert sendt Fylkesmannen i Hordaland for klagevurdering.
Hovudutvalet vedtok samrøystes rådmannen sitt framlegg til vedtak.
Det vert løyve til deling og dispensasjon frå arealføremål LNF og deleforbod i strandsona på følgjande vilkår.
Storleik på teigen kan vere inn til 8,0 x7,5 m / 60 kvm.
Ny eigedom skal samanføyastmed eller inngå i realsameige medgbnr.14/86
Grunngjeving for vedtaket går fram av saksutgreiinga.
Vedtaket har heimel i plan- og bygningslova § 20-1m og § 19-2 jf. § 11-6, samt naturmangfaldslova §§ 8-12.
Saka vert sendt Fylkesmannen i Hordaland for klagevurdering.
Hovudutvalet vedtok samrøystes rådmannen sitt framlegg til vedtak.
Det vert gjeve dispensasjon frå arealføremål LNF og løyve til deling av gbnr 24/23 på følgjande vilkår:
Eigedomen kan ha ein storleik på inn til 1,6 mål og plasserast som omsøkt, men slik at eigedomsgrensa vert lagt nord for dyrka mark som vist på flyfoto.
Det skal i samband med oppmåling vurderast om eigedomsgrensa skal følgje grense
for Gnr/Bnr 24/101 mot veg for å leggje til rette for å plassere tilkomstveg så langt mot nord som mogleg.
Føresegner i kommuneplanen for Radøy kommune gjeld.
Det må leggjast fram tinglest rett til å føre leidnignsnett for vatn og avlaup over gbnr 24/23.
I samband med søknad om løyve til tiltak skal tilkomstveg plasserast så langt mot nord som mogleg.
Grunngjeving av vedtaket er at dei omsyna som ligg bak bygge- og deleforbodet ikkje vert vesentleg tilsidesett, og at fordelane ved å gje dispensasjon vert klårt større enn ulempene, etter ei samla vurdering.
Vedtaket har heimel i plan- og bygningslova (pbl) § 20-1m (deling) og § 19-2 jf. § 11-6 (disp frå kommuneplan) og naturmangfaldslova §§ 8-12 samt matrikkellova § 33.
Saka vert sendt Fylkesmannen i Hordaland for klagevurdering.
Hovudutvalet vedtok samrøystes rådmannen sitt framlegg til vedtak.
Det vert gjeve løyve til deling, ogdispensasjon frå arealføremål LNF og deleforbodet i strandsone etter pbl § 1-8 for to naustparsellane med eksisterande naust på følgjande vilkår:
Grenselina mellom gbnr69/24 og gbnr69/5 vert klargjort og innmålt før deling, jf. plan- og bygningslova § 21-4(5) a.
Grenselinene ut i sjø vert beskrive i oppmålingsforretninga og skal følgje regelar for eigedomsrett i sjø.
Grunngjeving for vedtaket går fram av saksutgreiinga.
Vedtaket har heimel i plan- og bygningslova (pbl) § 20-1m (deling) og § 19-2 jf. § 11-6 (disp frå kommuneplan) / § 12-4 (disp frå reguleringsplan) og naturmangfaldslova §§ 8-12.
Saka vert sendt Fylkesmannen i Hordaland for klagevurdering.
Hovudutvalet vedtok samrøystes rådmannen sitt framlegg til vedtak.
Mindre endring av reguleringsplan for Selfallet med planID 12602006000400vert vedteke.
Grunngjevinga går fram av saksutgreiinga.
Vedtaket har heimel i plan- og bygningslova § 12-14.
Ny planID etter endring vert 12602016000300.
Utvalsleiar Christel Villanger Håland tok opp spørsmål om ho er inhabil ettersom søkjar i denne saka er svogeren hennar. Utvalet erklærte ho habil.
Hovudutvalet vedtok samrøystes rådmannen sitt framlegg til vedtak.
Det vert gjeve dispensasjon frå byggeforbod i strandsona for oppføring av bølgjebrytar som omsøkt på følgjande vilkår:
Bølgjebrytaren skal ikkje tilretteleggast for fortøying av båt.
Grunngjeving for vedtaket er følgjande:
- Tiltaket vil ikkje medføra auka bruk og privatisering i området.
- Bølgebrytaren vil ikkje vera fysisk knytt til ulovlege tiltak på eigedomen.
- Bølgebrytaren vil gje trygg tilkomst til eigedom frå sjø.
- Bølgebrytaren skal ha maks. lengde på 6 meter som omsøkt.
- Bølgebrytaren må forankrast på omsøkt punkt på land og ved to iler i sjø.
Utvalet har gjort seg kjend med nabomerknad. Nabomerknaden gjeld tilhøve som er regulert i hamne- og farvasslova, og utvalet kan ikkje sjå at nabomerknaden har relevans for handsaminga etter plan- og bygningslova. Tiltakshavar må søkja om løyve etter hamne- og farvasslova før bølgjebrytaren vert etablert.
Heimel for vedtaket er plan- og bygningslova 19-2, jf. 1-8.
Vedtaket vert sendt Fylkesmannen i Hordaland og nabo som har hatt merknad i saka for klagevurdering.
Utvalsleiar Christel Villanger Håland orienterte om saka og peika på at denne saka har vore ein gjengangar i fleire periodar. Hovudutvalet har ved tidlegare høve vist til ulovlege tiltak på eigedomen og har avvist etablering av bølgebrytar.
Hovudutvalet drøfta korleis utvalet vil gripa tak i ulovlege tiltak både på denne eigedomen og elles i området. Fleirtalet i utvalet viser til at den omsøkte bølgebrytaren ikkje er i fysisk kontakt med kai og båtopptrekk, og er ikkje knytt direkte til ulovlege tiltak.
Det vart sett fram følgjande fellesframlegg:
Det vert gjeve dispensasjon frå byggeforbod i strandsona for oppføring av bølgjebrytar som omsøkt på følgjande vilkår:
Bølgjebrytaren skal ikkje tilretteleggast for fortøying av båt.
Grunngjeving for vedtaket er følgjande:
- Tiltaket vil ikkje medføra auka bruk og privatisering i området.
- Bølgebrytaren vil ikkje vera fysisk knytt til ulovlege tiltak på eigedomen.
- Bølgebrytaren vil gje trygg tilkomst til eigedom frå sjø.
- Bølgebrytaren skal ha maks. lengde på 6 meter som omsøkt.
- Bølgebrytaren må forankrast på omsøkt punkt på land og ved to iler i sjø.
Utvalet har gjort seg kjend med nabomerknad. Nabomerknaden gjeld tilhøve som er regulert i hamne- og farvasslova, og utvalet kan ikkje sjå at nabomerknaden har relevans for handsaminga etter plan- og bygningslova. Tiltakshavar må søkja om løyve etter hamne- og farvasslova før bølgjebrytaren vert etablert.
Heimel for vedtaket er plan- og bygningslova 19-2, jf. 1-8.
Edgar Grindheim (A) sa at han ikkje kunne støtta fellesframlegget. Han peika på dei ulovlege tiltaka på eigedomen og fryktar at eit positivt vedtak på søknaden vil skapa presedens i mange andre saker. Han støtta rådmannen sitt framlegg til vedtak.
Hovudutvalet vedtok fellesframlegg i møtet med 6 røyster mot 1. Edgar Grindheim (AP) utgjorde mindretalet.
Vedtaket vert sendt Fylkesmannen i Hordaland og nabo som har hatt merknad i saka for klagevurdering.
Det vert ikkje gjeve dispensasjon frå arealføremål friområde, arealføremål hamneområde, byggegrense mot sjø og plankrav for oppføring av kai og flytebryggje som omsøkt.
Grunngjeving for vedtaket går fram av saksutgreiinga.
Vedtaket har heimel i plan- og bygningslova § 19-2 jf. § 11-6 og naturmangfaldslova §§ 8-12.
Hovudutvalet erklærte utvalsleiar Christel Villanger Håland inhabil på grunn av nært slektskap, og ho deltok ikkje i handsaminga av saka. Nestleiar Leif Taule overtok møteleiinga i saka.
Leif Taule (SP) peika på at det er blitt bygt kai til alle andre naust i dette området. Han viste til at tiltakshavar slit med å koma seg til naustet med båt, særleg på fjæra sjø. Han meiner det må vera mogleg å bruka naustet på skapleg vis, men stilte spørsmål ved storleik på kai det er søkt om. Den omsøkte kaien er på 4,5x7 m.
Hovudutvalet drøfta saka.
Med tilvising til drøftinga knytt til storleik på kai, vedtok hovudutvalet samrøystes rådmannen sitt framlegg til vedtak.
Radøy kommune har vurdert momenta i klagen, men opprettheld sitt syn i saka, jf. sak 16/80.
Vedtaket har heimel i forvaltningslova § 33, jf. jordlova §9.
Saka vert oversendt fylkesmannen for endeleg avgjersle.
Hovudutvalet vedtok samrøystes rådmannen sitt framlegg til vedtak.
Saka vert sendt tilbake til administrasjonen for vidare utgreing og vurdering av busettings-aspektet.
Hovudutvalet meiner busetjings-aspektet ikkje er godt nok utgreidd og vektlagt i saksutgreiinga, og ber om ei ny vurdering frå administrasjonen. Det vart peika på at Risnes-krinsen gjennom fleire prosjekt har lagt stor vekt på å fremja busetjing, t.d. gjennom Liv og Lyst-prosjektet og "Trivselsgrenda". Dette er prosjekt som det er løyvd betydelege offentlege midlar til.
Leif Taule (SP) sette fram følgjande framlegg:
Saka vert sendt tilbake til administrasjonen for vidare utgreiing og vurdering av busettings-aspektet.
Hovudutvalet vedtok samrøystes Leif Taule (SP) sitt framlegg sett fram i møtet.
Det vert gjeve dispensasjon og løyve til deling av gbnr 14/27 som omsøkt på følgjande vilkår:
Eigedomen kan ha ein storleik på inn til 2 mål og plasserast som omsøkt. Sørvestre grense skal følgje kommunevegen.
Det skal søkjast om og etablerast avløp i samsvar med gjeldande forskrift.
Avkjørsle skal opparbeidast i samsvar med løyve frå kommunal vegstyresmakt og eksisterande avkjørsle skal stengast. Altarnativt må det sendast inn dokumentasjon for at eksisterand avkjørsle er godkjent med bustadføremål.
Det må leggjast fram for tinglysing rett til å føre leidningsnett over gbnr 14/27.
Eigedomen får gjerdeplikt.
Grunngjeving av vedtaket går fram av saksutgreiinga.
Vedtaket har heimel i plan- og bygningslova (pbl) § 20-1m og § 19-2 jf. § 11-6 og naturmangfaldslova §§ 8-12.
Saka vert sendt Fylkesmannen i Hordaland og naboar for klagevurdering.
Hovudutvalet vedtok samrøystes rådmannen sitt framlegg til vedtak.
Politikar | Parti | Medlemstype | E-Post |
---|---|---|---|
Christel Villanger Håland | Radøy Høgre | Utvalsleiar | christel@villanger.net |
Leif Gunnar Taule | Radøy Senterparti | Nestleiar | leif.taule@gmail.com |
Liv Berit Rath | Radøy Arbeidarparti | Medlem | livb.rath@gmail.com |
Roy Bø | Radøy Fremskrittsparti | Medlem | royboe53@gmail.com |
May Britt Vågenes Gjerde | Radøy Senterparti | Medlem | maybritt@gjer.de |
Dag Sætre | Radøy Senterparti | Medlem | dag.setre@radoy.kommune.no |
Edgar Grindheim | Radøy Arbeidarparti | Varamedlem | edgar.grindheim@hfk.no |
Morgan Taule (Ikke møtt) | Radøy Arbeidarparti | Medlem | morgan.taule@gmail.com |