Møte i Formannskapet i Radøy den 29.09.2016

Vedtak

Følgjande vert valde som Radøy kommune sine medlemer i forliksrådet for Austrheim, Fedje og Radøy:

Olav Steinar Namtvedt, Birthe H. Frotaule
2. varamedlem: Finn Frantzen

Olav Steinar Namtvedt vert leiar i forliksrådet.

Behandling

Silje Namtvedt (Sp) kjende seg inhabil i saka. Formannskapet kjende Namtvedt inhabil, og ho deltok ikkje i handsaminga.

Det vart sett fram følgjande framlegg på kandidatar til forliksrådet for Austrheim, Fedje og Radøy:

Medlemer: Olav Steinar Namtvedt, Birthe H. Frotaule
2. varamedlem: Finn Frantzen

Olav Steinar Namtvedt vert leiar i forliksrådet.

Valnemnda vedtok samrøystes framlegg sett fram i møtet.

Vedtak

Kommunestyret godkjenner Selskapsavtale for IKA Hordaland IKS, gjeldande frå 1.1.2017.

Behandling

Kenneth Taule Murberg (H) er Radøy sin medlem i representantskapen i Interkommunalt Arkiv Hordaland IKS. Han orienterte frå styremøte i IKAH og meiner det vil vera naturleg å invitera dagleg leiar til å presentera verksemda for dei folkevalde i Radøy. Murberg peika mellom anna på utfordringar som må løysast knytt til arkiv i samband med ny kommune.

Formannskapet vedtok samrøystes rådmannen sitt framlegg til vedtak.

Vedtak

Saka vert trekt.

Behandling

Ordføraren trekte saka frå sakskartet. Saka vert lagt fram for formannskapet på neste møte-

Vedtak

Tertialmelding for januar – august 2016 vert teken til orientering.

Behandling

Rådmann Jarle Landås orienterte om tertialmeldinga for januar - august, og han konstaterte at det økonomisk ser bra ut i høve til budsjett.

Det kom ulike spørsmål og innspel i drøftinga av terialmeldinga. Etter bestilling frå kommunestyret blir det i denne tertialmeldinga rapportert på status for oppfølging av verbalpunkt i budsjettet.

Kenneth Taule Murberg (H) stilte spørsmål ved om politisk bestilling knytt til nytt barnehagebygg på Bø er følgt godt nok opp. Han etterlyser alternativet med "nøkkelferdig" bygg, som Murberg meiner vil vera den mest effektive og rimelegaste løysinga.

Arbeidsgruppa for ny barnehage har så langt vore ute med anbod for å få grove skisser som kan danna grunnlag for kva barnehage som skal byggast. Skisser og vidare framdrift vil verta lagt fram for formannskapet til drøfting på neste møte.

Formannskapet vedtok samrøystes rådmannen sitt framlegg til vedtak.

Vedtak

Radøy kommune er positiv til forskrifta, og støttar høyringsutkastet, med følgjande merknader:

1. Radøy kommune meiner at så langt det er råd innan EØS-avtalen må norske lærlingar favoriserast.2. Radøy kommune meiner ein må sikra at forskrifta ikkje medfører utilsikta uheldige verknader for små lokale foretak, dersom bransjen opplever negative marknadssvingingar med pressa økonomi.

Behandling

Formannskapet drøfta høyringsutkast til forskrift om plikt til å stilla krav om bruk av lærlingar ved offentlege anskaffelsar.
Det vart peika på både plussfaktorar og utfordringar knytt til utkastet. Mellom anna vart det vist til at forskrifta vil stimulera til fleire lærlingeplassar. Samtidig vart det uttrykt ei viss frykt for at forskrifta vil kunna ramme mindre, lokale verksemder.

Det vart sett fram følgjande framlegg til uttale:

Radøy kommune er positiv til forskrifta, og støttar høyringsutkastet, med følgjande merknader:

1. Radøy kommune meiner at så langt det er råd innan EØS-avtalen må norske lærlingar favoriserast.

2. Radøy kommune meiner ein må sikra at forskrifta ikkje medfører utilsikta uheldige verknader for små lokale foretak, dersom bransjen opplever negative marknadssvingingar med pressa økonomi.

Formannskapet vedtok framlegg til vedtak, sett fram i møtet.

Vedtak

Radøy kommune gir ikkje uttale til NOU 2016: 4 Ny kommunelov.

Behandling

Formannskapet drøfta kort «NOU 2016: 4 Ny kommunelov», som Kommunal- og moderniseringsdepartementet har sendt ut på høyring. Det var semje om at kommunane sitt organ, KS, er rette instans til å fremja kommunane si interesse på ein god måte i denne saka.

Ordføraren sette fram følgjande framlegg:

Radøy kommune gir ikkje uttale til NOU 2016: 4 Ny kommunelov.

Formannskapet vedtok ordføraren sitt framlegg til vedtak.

Vedtak

Kva oppgåver som skal overførast til kommunane er vanskeleg å ta stilling til før ein veit meir om korleis dei nye regionane vert organisert og kva oppgåver desse vil få.

Fleire av dei føreslegne endringane er «svært smale» og har liten innverknad på innbyggjarane sin kvardag, og representerer berre små fliser i ein stor bjelke av oppgåver kommunane kan og bør overta frå statlege/ regionale etatar.

Radøy formannskap vil peika på følgjande område som kommunane bør kunna overta frå staten på vilkår om at det følgjer ressursar og verkemidlar med som sikrar god tenesteproduksjon og trygg forvaltning:

· Bustadsosiale tiltak/tilskotsordningar, gitt at det vert fullfinansiert frå staten
Ved lokal forvaltning av desse midlane kan ein lettare samarbeida med andre kommunale tenester, og leggja til rette for målretta tilbod til mottakarar som kommunane lokalt ser treng bustadsosiale tiltak. Storleiken på kommunen treng ikkje vera avgjerande for om denne tenesta kan overførast.

· Tannhelsetenestene bør snarast gå inn som ein del av det totale kommunale helsetilbodet, og tannhelselova må difor endrast slik at det vert lagt til rette for denne overføringa. Storleiken på kommunen treng ikkje vera avgjerande for om denne tenesta kan overførast.

· Rehabiliteringstenester innanfor mange fagfelt, dette for å sikre at tiltak for spesielle brukargrupper vert forvalta/organisert så nær brukaren som råd er, og for å få til god samhandling og langsiktig oppfølging med både pårørande/ ressurspersonar og lokale helse- og pleietenester. Storleiken på kommunen kan vera avgjerande for om ein del rehabiliteringstenester kan overførast.

· Basishjelpemidlar kan overførast til kommunane for brukarar som ikkje har kompliserte behov, men viktig med god dialog med dei ulike brukargruppene før dette skjer. Ei overføring av ansvaret frå Hjelpemiddelsentralane til kommunane kan føra til ei meir effektiv og betre samhandling mellom brukarane og dei heimebaserte tenestene. Storleiken på kommunen treng ikkje vera avgjerande for om denne tenesta kan overførast.

· Kollektivtransport er eit område som framleis bør liggja på regionalt nivå, dette for å sikra at dei kollektivreisane kjem fram på ein effektiv måte uavhengig av kommunegrensene.

Behandling

Etter ei drøfting vart det sett fram følgjande felles framlegg til uttale:

Kva oppgåver som skal overførast til kommunane er vanskeleg å ta stilling til før ein veit meir om korleis dei nye regionane vert organisert og kva oppgåver desse vil få.

Fleire av dei føreslegne endringane er «svært smale» og har liten innverknad på innbyggjarane sin kvardag, og representerer berre små fliser i ein stor bjelke av oppgåver kommunane kan og bør overta frå statlege/ regionale etatar.

Radøy formannskap vil peika på følgjande område som kommunane bør kunna overta frå staten på vilkår om at det følgjer ressursar og verkemidlar med som sikrar god tenesteproduksjon og trygg forvaltning:

· Bustadsosiale tiltak/tilskotsordningar, gitt at det vert fullfinansiert frå staten
Ved lokal forvaltning av desse midlane kan ein lettare samarbeida med andre kommunale tenester, og leggja til rette for målretta tilbod til mottakarar som kommunane lokalt ser treng bustadsosiale tiltak. Storleiken på kommunen treng ikkje vera avgjerande for om denne tenesta kan overførast.

· Tannhelsetenestene bør snarast gå inn som ein del av det totale kommunale helsetilbodet, og tannhelselova må difor endrast slik at det vert lagt til rette for denne overføringa. Storleiken på kommunen treng ikkje vera avgjerande for om denne tenesta kan overførast.

· Rehabiliteringstenester innanfor mange fagfelt, dette for å sikre at tiltak for spesielle brukargrupper vert forvalta/organisert så nær brukaren som råd er, og for å få til god samhandling og langsiktig oppfølging med både pårørande/ ressurspersonar og lokale helse- og pleietenester. Storleiken på kommunen kan vera avgjerande for om ein del rehabiliteringstenester kan overførast.

· Basishjelpemidlar kan overførast til kommunane for brukarar som ikkje har kompliserte behov, men viktig med god dialog med dei ulike brukargruppene før dette skjer. Ei overføring av ansvaret frå Hjelpemiddelsentralane til kommunane kan føra til ei meir effektiv og betre samhandling mellom brukarane og dei heimebaserte tenestene. Storleiken på kommunen treng ikkje vera avgjerande for om denne tenesta kan overførast.

· Kollektivtransport er eit område som framleis bør liggja på regionalt nivå, dette for å sikra at dei kollektivreisane kjem fram på ein effektiv måte uavhengig av kommunegrensene.

Formannskapet vedtok samrøyste felles framlegg sett fram i møtet.

Vedtak

1.Radøy kommune er positivt innstilt til forretningsplanen for å styrka reiselivssatsinga i Nordhordland, og at den skal vera grunnlaget for ein samarbeidsavtale mellom Region Bergen Reiseliv og kommunane i Nordhordland, representert ved Nordhordland Utviklingsselskap IKS.

2. Samarbeidsavtale vert utarbeidd av Region Bergen Reiseliv og Nordhordland Utviklingsselskap IKS med grunnlag i forretningsplanen og vedtaka i kommunestyra.
Endeleg samarbeidsavtale skal til godkjenning i kommunestyret før signering.

3. Under føresetnad av at endeleg samarbeidsavtale blir godkjent melder Radøy kommune seg inn i Region Bergen Reiseliv frå 1.1.2017, og betalar medlemskontingent i tråd med forslag til forretningsplan og saksgrunnlaget. Midlane blir henta frå disposisjonsfondet.

4. Kommunestyret ser det som viktig med tydeleg nærvær lokalt. Region Bergen Reiseliv må vidareføra og styrka samarbeidet med lokale reiselivsaktørar og Nordhordland Utviklingsselskap IKS. Region Bergen Reiseliv rapporterer årleg til Nordhordland Utviklingsselskap IKS og kommunane.

Behandling

Dagleg leiar Rune Heradstveit i regionrådet orienterte om det nye reiselivssamarbeidet og svara på spørsmål.

Formannskapet vedtok samrøystes rådmannen sitt framlegg til vedtak.

Vedtak

Formannskapet tok orienteringa frå rådmannen til orientering.

Behandling

Rådmann Jarle Landås orienterte om arbeidet med rullering av politisk reglement. Han ba om innspel til justeringar/endringar.

Formannskapet drøfta ulike problemstillingar, mellom anna kva form Spørjetimen skal ha.

Medlemane i formannskapet tar saka med seg til sine partigrupper og drøftar kva framlegg til endringar dei vil koma med. På bakgrunn av innspel vil rådmannen koma tilbake med framlegg til nytt politisk reglement.

Vedtak

Meldingar og referatsaker vert teke til orientering, med tillegg sett fram i møtet.

Behandling

Utfordringar samferdselssektoren: Ordførar Jon Askeland presenterte ei skisse til utfordringar på samferdselssektoren og ein strategi knytt til vidare arbeid og tiltak. Dette vil bli lagt fram for formannskapet/kommunestyret til politisk handsaming.

Sal av unytta tomtar: Nokre tomtar som kommunen har selt, er ikkje blitt bygt ut innan gitt tidsfrist. Rådmann Jarle Landås ba om tilbakemelding på korleis administrasjonen skal følgja opp desse tomtane. Han viste til at det er kome konkret spørsmål frå interessent som vil overta tomtane. Formannskapet gav rådmannen ryggdekking for å krevja tilbakekjøp.

Leigeavtale Radøy Kunst Senter: Rådmannen orienterte om førebuing av salsprosessen for gamle Haugland skule. Radøy Kunst Senter, som har sin base her, har søkt om å få forlenga leigekontrakten til august neste år, og viser til at kunstsenteret har spennande prosjekt på gang i vårhalvåret 2017. Rådmannen vil gje forlenga leigefrist til ut april, evt. til ny kjøpar seier opp leigeavtalen, noko som fekk tilslutning i formannskapet.

Meldingar a og b vert lagt fram til ny drøfting under "Meldingar og referatsaker" i neste møte.

Formannskapet tok meldingar og referatsaker til orientering, med tillegg sett fram i møtet.