Utval: | Formannskapet i Radøy |
---|---|
Dato: | 19.10.2016 09:00 |
Møtestad: | Kommunestyresalen |
Status: | Vedtak er påført møtet |
Sakskart: |
Steinar Haugland får avslag på søknaden om tilskot til restaurering av notnaustet på Haugland.
Arne Nordeide får 26 500 kroner til skifte av kledning på våningshuset på Kartveit. Arne Villanger får inntil 6500 kroner til restaurering av kvernhusa på Villanger til dekking av faktiske utlegg.
Vilkåra for utbetaling av midlane er sett i statuttane for kulturminnefondet.
Rådgjevar kultur, Bente K. Hervik, orienterte om dei ulike søknadsprosjekta.
Ho opplyste at det går føre seg samtalar mellom ein av søkjarane, Steinar Haugland og bevaringstenesta for å finna finansieringsløysingar.
Det deltok 6 av 7 medlemar i handsaminga av denne saka.
Formannskapet vedtok samrøystes rådmannen sitt framlegg til vedtak.
Radøy kommune overtar eigarskapen av Bogatunet og Syltastova frå Nord- og Midhordland sogelag.
Administrasjonen tar kontakt med aktuelle samarbeidspartnarar med sikte på å få på plass faste rutinar og avtalar for drift, tilsyn og vedlikehald, og faste opningsdagar frå sommaren 2017.
Rådgjevar kultur, Bente K. Hervik, gav ei orientering om dei to viktige kulturhistoriske bygningane frå 1500-1600-talet, og peika på potensialet som ligg i ei satsing på Bogatunet. Nord- og Midthordland sogelag har gitt Radøy kommune tilbod om å overta bygningane vederlagsfritt, og Hervik trekte fram ulike modellar for mogeleg eigarskap.
Fleire representantar meiner det er riktig at kommunen overtek eigarskapen til dei to bygningane.
Kenneth Taule Murberg (H) trur derimot ikkje at kommunen er den beste eigar og forvaltar av bygningane - og heller ikkje er den som best kan få ut potensialet som særleg Bogatunet representerer. Han advara mot nye faste kostnader for kommunen. Murberg meiner kommunen kan bidra, men at det er andre som eig.
Ordførar Jon Askeland meiner kommunen dei seinare åra har vist seg som ein god eigedomsforvaltar. Han understreka at det er kritisk viktig at desse to verdfulle eigedomane no vert sikra for framtida. Askeland er positiv til at andre kan koma inn på driftssida.
Det var seks medlemer i formannskapet under handsaminga av denne saka.
Formannskapet vedtok rådmannen sitt framlegg til vedtak mot 1 røyst (Kenneth Taule Murberg (H).
Rådmannen sitt framlegg til vedtak:
Radøy kommune fordeler midlane til idrettsanlegg for 2016 som følgjer:
Hordabø IL kr 129167
Radøy IL kr 102083
Manger IL kr 47917
Radøy skyttarlag kr 20 833
Formannskapet vedtok samrøystes rådmannen sitt framlegg til vedtak.
Radøy kommune innvilgar søknad om årleg driftstilskot til Industriutvikling Vest AS på kr 125 000. Det årlege tilskotet vert finanisert gjennom kommunen sitt nærings- og infrastrukturfond.
Formannskapet vedtok samrøystes rådmannen sitt framlegg til vedtak.
Formannskapet tek Tilstandsrapport for grunnskulen i Radøy 2016 til orientering
Kommunalsjef oppvekst, Jo Tømmerbakke gav ei grundig og god orientering om tilstandsrapporten for Radøy-skulen.
Kommunalsjefen sa at Tilstandsrapporten må sjåast på som ei løypemelding inn mot det utviklingsarbeidet som kommunen har sett i gang langs La linea, som vart godkjent i april 2011.
Han viste til at sidan forrige tilstandsrapport er elevundersøkinga i Radøy gjort obligatorisk for alle elevar i kommunen frå 5. - 10. trinn kvart år, for å få eit breiare vurderingsgrunnlag.
Kommunen og skulane sitt lovpålagte internkontrollsystem i høve elevane sitt skulemiljø etter kap 9a i Opplæringslova er blitt revidert, oppdatert og vidareutvikla våren 2016.
Alle skulane har fokus på læringsmiljøet - både med direkte trivselstiltak, og ved å satsa meir på meistring for alle i fag. Elevane sitt psykososiale miljø skal vera tema på begge klasseforeldremøta gjennom året. Eleven sitt psykososiale skulemiljø er eit fast punkt på elev og foreldresamtale haust og vår.
Kommunalsjefen sa at det er eit mål for Radøy å ha ein tilfredsstillande lærartettleik, dvs. at det ikkje vert for mange elevar pr lærar.
Kvalitetsmeldinga frå 2011 drog opp retninga for det vidare arbeidet med å utvikla skulen i Radøy (La Linea). Det skjer mykje langs La linea - både når det gjeld implementering av dei tiltaka som var skisserte pr. medio april 2011, og når det gjeld påfyll av nye aktørar og tiltak. Kommunalsjefen opplyste at det i desse dagar vert arbeidd med å laga ei oppdatert og elektronisk utgåve av La Linea, der Radøy er med som Pilotkommune.
Han informerte vidare om at Radøy kommune i lag med Fylkesmannen i Hordaland har starta eit samarbeid med Hordaland Fylkeskommune for å få kunnskap om og oversikt over korleis det går med våre elevar på vidaregåande skule. Gjennom dette samarbeidet er målet å utarbeida årlege rapportar for kvar einskild kommune i Hordaland med oversikt over mellom anna fråfall, gjennomføring, fråver og karakterutvikling. Dette vil gje oss viktig informasjon om korleis elevane frå Radøy klarar seg etter grunnskulen, samanlikna med elevar frå andre kommunar.
Formannskapet vedtok samrøystes rådmannen sitt framlegg til vedtak.
Meldingar og referatsaker vert tekne til orientering, med tillegg som kom fram i møtet.
Allmennsoge (melding a og b):
Formannskapet drøfta eit innspel om allmennsoge som avslutning på gards- og ættesoga for Radøy kommune.
Formannskapet drøfta saka og viser til vedtak i kommunestyresak 033/2014:
"Kommunestyret er positiv til at det vert utarbeidd ei allmennsoge for kommunen. På grunn av særs trong økonomi og utsiktene til andre store oppgåver innan kultur- og kulturminneområdet, ser ikkje kommunen seg førebels i stand til å gje ut allmennsoge og avsluttar bygdebokprosjektet etter fem bind med gards- og ættesoge. Kommunen er positiv til å stilla allereie innsamla materiale til disposisjon dersom andre ynskjer å gje ut ei allmennsoge for kommunen."
Budsjettarbeidet: Økonomisjef Sveinung Kvamme orienterte om arbeidet med 2017-budsjettet.
Busetjing flyktningar: Rådmann Jarle Landås informerte om busetjing av flyktningar i Radøy. Til no i år er det busett 14 personar, og kommunestyret har opna for 25. Det vil koma fleire i løpet av året.
Rådmannen orienterte også om at det kan vera aktuelt å busetja personar på Radøytunet statlege mottak som har fått opphaldsløyve i Norge.
Regionalt helsehus:Ordføraren orienterte om det vidare arbeidet med regionalt helsehus. Else Marie Skartveit Dale (KrF) tok opp spørsmål om lokale for jordmor-tenesta i bygget.
Passkø: Kenneth Taule Murberg (H) tok opp utfordringa med lang passkø ved lensmannskontoret i Knarvik. Han peika på at denne tenesta har blitt vesentlege dårlege. Ordføraren tar saka opp i Politirådsmøte.
Skyss-opplegg: Ordføraren orienterte om Skyss sitt framlegg til nytt ruteopplegg. Han peika på at det ligg ei styrking av dei kollektivreisande med snøggbåten, i form av materuter frå ulike kantar.
Formannskapet tok meldingar og referatsaker til orientering, med tillegg som kom fram i møtet.
Politikar | Parti | Medlemstype | E-Post |
---|---|---|---|
Jon Askeland | Radøy Senterparti | Ordførar | jon.askeland@radoy.kommune.no |
Jostein Borlaug | Radøy Arbeidarparti | Varaordførar | jostein.borlaug@bkkfiber.no |
Kirsti Gjetle Floen | Radøy Arbeidarparti | Medlem | k-floen@bkkfiber.no |
Kenneth Taule Murberg | Radøy Høgre | Medlem | kenneth.taule.murberg@no.issworld.com |
Else Marie Skartveit Dale | Radøy Kristeleg folkeparti | Medlem | emsdale@online.no |
Anne Berit Bø Palmesen | Radøy Senterparti | Medlem | anneberitpalmesen@outlook.com |
Normann Sæbø | Radøy Høgre | Varamedlem | normann@morenot.no |
Christel Villanger Håland (Ikke møtt) | Radøy Høgre | Medlem | christel@villanger.net |