Møte i Kommunestyret i Radøy den 08.12.2016

Vedtak

Meldingar og referatsaker vert tekne til orientering.

Behandling

Leiaren i Kontrollutvalet, Arild Tveranger, orienterte om sakene i KU-møte 14.november.

Kommunestyret tok meldingar og referatsaker til orientering.

Vedtak

Rådmannen sitt framlegg til vedtak:

Radøy kommune prioriterer spelemiddelsøknadene for søknadsrunde 2017 slik:

Ordinære anlegg

Nærmiljøanlegg

Behandling

Kommunestyret vedtok samrøystes formannskapstilrådinga.

Vedtak

Kommunestyret godkjenner intensjonsavtalen om vidareføring av tenester i Buisiness Region Bergen.

Radøy kommune betalar kr 7 pr innbyggjar i 2017 for dei to prosjekta Etablerarsenteret og Invest in Region Bergen. Det vert teke atterhald om at alle medlemskommunane og fylkeskommunen bidreg med same beløp pr innbyggjar.

Det vert utarbeidd ein eigen avtale som regulerer samarbeidet ytterlegare frå 2017.

Behandling

Kommunestyret vedtok samrøystes formannskapstilrådinga.

Vedtak

Siv Beate Marøy (H) går inn som nytt medlem i Kontrollutvalet

Karolina Vaktskjold (H) går inn som 3. varamedlem i Kontrollutvalet etter Siv Beate Marøy.

Høgre si varamedlem-liste til kommunestyret rykkjer opp når Ane Ottesen går ut. Varalista blir supplert med nytt 8. varamedlem - Stian Haukeland.

Behandling

Leif Taule (Sp) kom med følgjande tilleggsframlegg:

Høgre si varamedlem-liste til kommunestyret blir supplert med ny 8. varamedlem - Stian Haukeland.

Kommunestyret vedtok samrøystes valnemnda (formannskapet) sitt framlegg, med tilleggsframlegg i møtet.

Vedtak

Reglement – arbeidsvilkår og godtgjersle for medlemmar av førebuande fellesnemnd - vert vedteke slik det ligg føre - med kr. 1.000,- i møtegodtgjersle.

Behandling

Kommunestyret vedtok samrøystes innstilling frå Førebuande fellesnemnd.

Vedtak

Mandatet til førebuande fellesnemnd vert vedteke slik det ligg føre.

Førebuande fellesnemnd kan setja ned politiske arbeidsgrupper ved behov.

Behandling

Kommunestyret vedtok samrøystes innstilling frå Førebuande fellesnemnd.

Vedtak

Radøy kommunestyre godkjenner planprogram for kommunedelplan Bøvågen (arealplanid 12602016000100) revidert 11.11.2016.

Vedtaket har heimel i Plan og Bygningslova § 11 - 13.

Behandling

Kommunestyret vedtok samrøystes rådmannen sitt framlegg til vedtak.

Vedtak

Framlegg til politisk reglement med delegering til politiske organ og med delegering avmynde til rådmannen, vert godkjent slik det ligg føre.

Behandling

Rådmann Jarle Landås orienterte om arbeidet med Politisk reglement.

Kommunestyret vedtok samrøystes formannskapstilrådinga.

Vedtak

Radøy kommune garanterer med sjølvskuldnargaranti for lån i Kommunalbanken som Aufera AS tek opp til refinansiering.

Garantien gjeld for hovudstolen på lånet, maksimalt NOK 2.000.000, med tillegg på 10% av til ei kvar tid gjeldande hovudstol, til dekking av mogelege påkomne renter og kostnader. Kommunen sitt maksimale garantiansvar kan ikkje overstiga NOK 2.200.000.

Garantiansvaret vert redusert i takt med nedbetalinga av lånet, og opphøyrer etter 20 år, med tillegg av inntil 2 år, jf garantiforskrifta §3.

Garantivedtaket skal godkjennast av Fylkesmannen i Hordaland.

Behandling

Som styremedlem i Aufera AS sa Vidar Grindheim (H) seg inhabil i saka. Kommunestyret kjende Grindheim inhabil og han deltok ikkje i handsaminga av saka.

Kommunestyret vedtok samrøystes formannskapet si tilråding.

Vedtak

Budsjett 2016 vert regulering i samsvar med forenkla skjema 1A, 1B og 2B nedanfor

Behandling

Arild Tveranger (uavhengig) og Martin Soltveit (Sp) stilte spørsmål ved framdrift og finansiering av høgdebassing i Haukåsen.
Rådmann Jarle Landås opplyste at det ligg midlar i samlepost over investeringsprosjekt i 2017-budsjettet til dette prosjektet.

Kommunestyret vedtok samrøystes formannskapstilrådinga.

Vedtak

Kommunestyret vedtek ormannskapet sitt framlagde budsjett for 2017 og økonomiplan for 2017-20 med tilleggspunkt, og med følgjande tillegg vedteke i kommunestyret:

- Slamgebyret for 2017 vert fastsett til kr 1155,-

- 1.1.2 Helse- og omsorgsektoren

Kommunestyret helsar velkomen rådmannen sitt arbeid med ein overordna Kommunedelplan for Helse og omsorg. Arbeidet skal startast opp snarast i 2017. I dette arbeidet skal ein gjera analysar av framtidig tenestebehov på kort og lang sikt. Ein vil utarbeida ei omsorgstrapp som synleggjer dei ulike tenestenivåa i kommunen, slik at den einskilde får rett teneste til rett tid.
Under planarbeidet skal det:

o Undersøkjast ut om Radøy, Lindås og Meland kommunar kan etablera eit nærjordmorsenter i Knarvik - helst i løpet av 2017

o Gjerast ei utgreiing kring dagtilbod til heimebuande eldre og menneske med utfordringar innan psykisk helse og rus.

o Vurderast eit samarbeid med Lindås og Meland om samlivsterapi/familieterapi.

o Vera fokus på frivillig arbeid (Frivilligsentralen) opp mot born- og unge med særskilte behov, samt flyktningar, personar med psykiske lidingar og rusmiddelavhengigheit.

o Utgreiast bustadbehov for eldre og personar med særskilte behov.o Utgreing av avlastingstilbodet for barn med særskilte behov.

Sjølv om arbeidet med kommunedelplanen vert sett i gong snarast, skal kommunen likevel i 2017, få til

- ei styrking av tilboda innan psykisk helse og rus

- eit betre avlastings- og aktivitetstilbod for born/ungdom med særskilde behov

- ein god dialog med Frivilligsentralen om korleis rekruttera frivillige til arbeid for flyktningar og menneske med særskilde behov

Kommunestyret vil koma attende til ei styrking av aktuelle budsjettkapittel om det skulle vera nødvendig.

·  Kommunestyret ber om at sommartilbodet til barn og unge med særskilte behov vert vidareført og vidareutvikla. Det same gjeld tilbodet i andre deler av året når elevane har fri frå skulen.

·  Kommunestyret ønskjer ei snarleg orientering om status/tiltak i samband med nasjonalt vedtak om innføring av aktivitetsplikt for sosialhjelpsmottakarar under 30 år frå 1.1.2017.

·  Kommunestyret ønskjer status på busetjing av flyktningar med innvilga opphald, prognose og lokal behovsvurdering i løpet av 1. halvår.

·  Radøy kommune skal styrkja og vidareutvikla samarbeidet med Eldrerådet, Råd for menneske med nedsett funksjonsevne, og pårørande. 

- Nytt verbalpunkt investeringsbudsjettet:

Formannskapet får snarleg førelagt ei sak om behovet for utstyr ved teknisk drift. I denne saka må det liggja føre ei god kost-nytte-vurdering. Kostnadane med innkjøp av utstyr inntil 1 mill. kroner vert dekka over posten "Mindre investeringar".

Behandling

Rådmann Jarle Landås orienterte om budsjett og sa at det er lagt opp til ei drift på årets nivå. Han sa at budsjettet er så stramt at det krev sterk budsjettdisiplin og ingen overraskingar for å koma i hamn.

Økonomisjef Sveinung Kvamme gjorde greie for sentrale punkt i det framlagde budsjett-framlegget og peika på ulike utviklingstrekk knytt til drift og økonomi. Han la også fram endring i slamgebyret for neste år, basert på at NGIR har redusert gebyret. Administrasjonen sitt framlegg er at slamgebyret for 2017 vert fastsett til kr 1155,-

Leiaren i Radøy idrettsråd, Bjørn Ove Myking la fram idrettsrådet sine innspel til budsjettet. Han oppmoda til ei harmonisering av tilskotsmidlar til idretten, slik at dei tre kommunane som skal bli ein kommune frå 2020 er mest mogleg på linje når den tid.

I budsjettordskiftet opna ordføraren for inntil 4 minuttar taletid til dei seks gruppeleiarane og tre minuttar til andre innlegg i debatten.

Det vart bede om to gruppeleiarmøte under debatten.

Kenneth Taule Murberg (H) ønskjer at den kommunale byggenemnda må sterkare på bana i større investeringsprosjekt.
Han sette fram følgjande framlegg til nytt verbalpunkt:
”Radøy kommune opprettar byggenemda som styringsgruppe for investeringsbeslutningar tatt i budsjettet for 2017 og økonomiplanperioden fram til kommunesamanslåing. Byggenemda rapporterer framdrift til formannskap og kommunestyret.”

Framlegget vart seinare trekt. Denne saka vert å koma tilbake til i samband med reglement for byggenemnda.

Murberg ønskjer fortgang i arbeidet med belysning og tryggleik både i og utanfor Radøyhallen.
Han sette fram forslag til følgjande nytt verbalpunkt.

«Nedste del av rekkverket i Radøyhallen, har så stor ”glipe” at det er ein reell risiko for at barn fell gjennom og ned i hallen. Radøy kommune vil i løpet av april måned ha iverksett tiltak som tar høgde for nemnde risiko. Løysinga må også ta høgde for å tåla dei aktivitetar som finst i tilknyting til Radøyhallen»

Denne saka vart også trekt, og saka skal følgjast vidare opp av rådmannen.

Leif Taule (SP) sette fram følgjande fellesframlegg på vegne av Sp, Ap, KrF, H, Frp og V:

1.1.2 Helse- og omsorgsektoren · Kommunestyret helsar velkomen rådmannen sitt arbeid med ein overordna Kommunedelplan for Helse og omsorg. Arbeidet skal startast opp snarast i 2017. I dette arbeidet skal ein gjera analysar av framtidig tenestebehov på kort og lang sikt. Ein vil utarbeida ei omsorgstrapp som synleggjer dei ulike tenestenivåa i kommunen, slik at den einskilde får rett teneste til rett tid.

Under planarbeidet skal det: o Undersøkjast ut om Radøy, Lindås og Meland kommunar kan etablera eit nærjordmorsenter i Knarvik - helst i løpet av 2017 o Gjerast ei utgreiing kring dagtilbod til heimebuande eldre og menneske med utfordringar innan psykisk helse og rus. o Vurderast eit samarbeid med Lindås og Meland om samlivsterapi/familieterapi. o Vera fokus på frivillig arbeid (Frivilligsentralen) opp mot born- og unge med særskilte behov, samt flyktningar, personar med psykiske lidingar og rusmiddelavhengigheit.  o Utgreiast bustadbehov for eldre og personar med særskilte behov. o Utgreing av avlastingstilbodet for barn med særskilte behov.
Sjølv om arbeidet med kommunedelplanen vert sett i gong snarast, skal kommunen likevel i 2017, få til  - ei styrking av tilboda innan psykisk helse og rus - eit betre avlastings- og aktivitetstilbod for born/ungdom med særskilde behov - ein god dialog med Frivilligsentralen om korleis rekruttera frivillige til arbeid for flyktningar og menneske med særskilde behov Kommunestyret vil koma attende til ei styrking av aktuelle budsjettkapittel om det skulle vera nødvendig.
·  Kommunestyret ber om at sommartilbodet til barn og unge med særskilte behov vert vidareført og vidareutvikla. Det sa megjeld tilbodet i andre deler av året når elevane har fri frå skulen.
·  Kommunestyret ønskjer ei snarleg orientering om status/tiltak i samband med nasjonalt vedtak om innføring av aktivitetsplikt for sosialhjelpsmottakarar under 30 år frå 1.1.2017.
·  Kommunestyret ønskjer status på busetjing av flyktningar med innvilga opphald, prognose og lokal behovsvurdering i løpet av 1. halvår.
·  Radøy kommune skal styrkja og vidareutvikla samarbeidet med Eldrerådet, Råd for menneske med nedsett funksjonsevne, og pårørande. 

Leif Taule (SP) sette på vegne av Sp, Ap, KrF, H, Frp og V fram følgjande fellesframlegg til nytt verbalpunkt i investeringsbudsjettet:

Formannskapet får snarleg førelagt ei sak om behovet for utstyr ved teknisk drift. I denne saka må det liggja føre ei god kost-nytte-vurdering.
Kostnadane med innkjøp av utstyr inntil 1 mill. kroner vert dekka over posten "Mindre investeringar".

Ordførar Jon Askeland oppsummerte debatten og sette fram følgjande framlegg:

Kommunestyret vedtek budsjett 2017 og økonomiplan 2017 – 2020 som følgjer:

Kommunestyret vedtek formannskapet sitt framlagde budsjett og økonomiplan med tilleggspunkt, og tillegg vedteke i kommunestyremøtet.

Slamgebyret for 2017 vert fastsett til kr 1155,-.

Kommunestyret vedtok samrøystes fellesframlegg knytt til 1.1.2 Helse- og omsorgsektoren, sett fram i møtet.

Kommunestyret vedtok samrøystes fellesframlegg til nytt verbalpunkt i investeringsbudsjettet, sett fram i møtet.

Kommunestyret vedtok samrøystes ordførar Jon Askeland sitt framlegg, sett fram i møtet.