Delegerte saker vert tekne til orientering.
Utvalsleiar Christel Villanger Håland peika på at delegert sak 341/2016 er ei landbrukssak som høyrer til Austrheim kommune.
Hovudutvalet tok delegerte saker til orientering.
Meldingar og referatsaker vert tekne til orientering, med dei tillegg som vart sett fram i møtet.
Tilkopling kommunalt leidningsnett: Roy Bø (Frp) stilte spørsmål ved at tomteeigarar må dekka ein betydeleg kostnad med kumme og leidning for å kunna kopla seg på offentleg leidningsnett.
Leiar teknisk drift, Einar Færø viste til VA-normen, der det er spesifisert korleis prosedyrane er med å knyta seg til kommunalt vatn og avløp.
Utfordringar med avløp: Roy Bø (Frp) viste til utfordringar med avløpsnett knytt til området ved Sletta/Sletta kai. Bø meiner det er viktig for kommunen å få avklart forholda.
Leiar teknisk drift, Einar Færø orienterte om tilstanden knytt til forureining og slamavskiljar i området.
Leif Taule (Sp) viste til møtebok frå forrige møte og ba administrasjonen til neste møte å leggja fram ei grundig, skriftleg saksutgreiing, med forslag til aktuelle tiltak.
Dugnadsanlegg - vassverket: Leif Taule (Sp) spurde om status og framdrift knytt til søknad (dugnadsprosjekt) frå grunneigarar på Listveiten om framføring av kommunalt vatn.
Rådmann Jarle Landås informerte om at administrasjonen kjem attende med forslag til retningslinjer for tildeling av kommunale midlar til dugnadsanlegg. Han orienterte om at det er sett av midlar på 2017-budsjettet til slike prosjekt.
Badeplass for rørslehemma: Liv Berith Rath (Ap)
Kommunalsjef Lisbeth Alvær viste til at det er utfordringar knytt til å finna eigna område til baderampe. Friluftsområdet ved Nesvatnet er eit aktuelt område, men BOF krev at det vert sett opp godkjend toalett for at dei kan godkjenna etablering av baderampe for rørslehemma.
Hovudutvalet tok meldingar og referatsaker til orientering, med dei tillegg som vart sett fram i møtet.
Klage m/revidert søknad vert teke til følgje slik at det vert gjeve dispensasjon frå arealføremål i plan for oppføring av automatstasjon for drivstoff som omsøkt på følgjande vilkår:
Automatstasjonen skal utformast med liggjande tankar, kledd i same material som forretningsbygget.
Det skal ver universelt utforma gangbane frå inngangsparti for Bunnpris til inngangsparti for frisørsalongen. Utvendig salsområde for blomsterbutikken må søkjast om og utformast på ein måte som ikkje hindrar ferdsle. Om blomsterbutikken skal ha salsområde i godkjent gangareal, må det søkjast om - og opparbeidast nytt gangareal. Gangarealet skal ha fysisk skilje mot køyreareal for automatstasjonen.
Det skal vere fysisk skilje mellom parkeringsplass for Bunnpris og køyreareal for automatstasjonen.
Parkeringsplassar langs fasaden ved frisørsalongen skal takast bort.
Trafikkavviklinga kring automatstasjonen er ikkje tilfredsstillande løyst i revidert situasjonsplan og må løysast i byggesaka i tråd med det som fremgår av saksframstillinga. Det skal vurderast om det er tenleg å fysisk stenge mellom automatstasjonen og vareleveringa for å ivareta trafikktryggleiken kring vareleveringa. Det skal vurderast om automatstasjonen bare skal ha pumper på eine sida for å auke passasjebredde og avstand til bygningen. Bygningsstyresmakta kan med heimel i dette vilkåret avslå søknad om løyve til tiltak som ikkje tek i vare trafikktryggleik kring automatstasjonen.
Det skal ikkje etablerast returpunkt der dette er vist i situasjonsplanen
Tal parkeringsplasser for forretningsbygget må vere i samsvar med krav i reguleringsplanen.
Grunngjevinga går fram av saksutgreiinga.
Heimel for vedtaket er forvaltningslova § 33, jf. plan- og bygningslova § 19-2, jf. § 12-4.
Vedtaket vert sendt fylkesmannen i Hordaland for klagevurdering.
Det vart i møtet sett fram følgjande fellesframlegg:Nytt vilkår nr 2: Det skal ver universelt utforma gangbane frå inngangsparti for Bunnpris til inngangsparti for frisørsalongen. Utvendig salsområde for blomsterbutikken må søkjast om og utformast på ein måte som ikkje hindrar ferdsle. Om blomsterbutikken skal ha salsområde i godkjent gangareal, må det søkjast om - og opparbeidast nytt gangareal. Gangarealet skal ha fysisk skilje mot køyreareal for automatstasjonen.
Leiar teknisk forvaltning kom med følgjande retting: Vedtaket vert sendt fylkesmannen i Hordaland for klagevurdering.
Hovudutvalet vedtok samrøystes rådmannen sitt framlegg til vedtak, med endringsframlegg sett fram i møtet.
Det vert ikkje gjeve mellombels dispensasjon frå arealføremål industri til bustadføremål for eksisterande kontorfløy.
Grunngjevinga går fram av saksframstillinga.
Heimel for vedtaket er plan- og bygningslova § 19-2, jf. § 12-4.
Hovudutvalet vedtok samrøystes rådmannen sitt framlegg til vedtak.
Det vert gjeve dispensasjon frå arealføremål LNF for følgjande tiltak:
Tilbygg til fritidsbustad i form av terrasse på 34 kvm (tiltak F)
Fasadeendring/innbygging av takutspring på ca. 5,4 kvm på eksisterande anneks (tiltak B)
Oppføring av tilbygg til utedo på 10,61 (tiltak D)
Oppføring av markterrasser på 33,54 kvm og 18,10 kvm (tiltak G)
Rehabilitering av terrengstøttemur/oppføring av ny terrengstøttemur med lengde 5,86 meter og høgde 1,06 meter (tiltak H)
Etablering av avlaupsanlegg
Vilkår for vedtaket:
1. Det må søkjast om og etablerast lovleg avlaupsløysing frå eigedomen. Saman med søknad om utsleppsløyve må det om naudsynt sendast inn tinglyst rett til å føre leidningsnett over annan eigedom.2. Samla bygningsareal for eigedomen kan vere inn til 114 kvm BRA og BYA.
3. Utførte tiltak som ikkje er søkt om og godkjent skal førast tilbake. Dette gjeld bod v/anneks (tiltak E) og del av terrasse (tiltak F).
4. Terrasserekkverk (tiltak F) skal malast i mørk farge tilsvarande fritidsbustaden.
Grunngjeving for vedtaket går fram av saksutgreiinga.
Vedtaket har heimel i plan- og bygningslova § 19-2 jf. § 11-6 og naturmangfaldslova §§ 8-12.
Saka vert sendt Fylkesmannen i Hordaland for klagevurdering.
Det vart delt ut skriv frå Frode og Berit Schjetne i møtet.
Hovudutvalet vedtok samrøystes rådmannen sitt framlegg til vedtak.
Det vert gjeve dispensasjon frå byggegrense mot vassdrag som omsøkt for oppføring av gapahuk.
Grunngjeving for vedtaket går fram av saksutgreiinga.
Vedtaket har heimel i plan- og bygningslova (pbl) § 19-2, jf. § 12-4, samt naturmangfaldslova §§ 8-12.
Saka vert sendt Fylkesmannen i Hordaland for klagevurdering.
Hovudutvalet vedtok samrøystes rådmannen sitt framlegg til vedtak.
Det vert gjeve dispensasjon frå arealføremål LNF og løyve til deling av ny grunneigedom for heilårsbustad frå gbnr. 28/10 på følgjande vilkår:
Det må dokumenterast at eigedomen er sikra løysing for vatn og avlaup før oppmåling kan skje. Kommunen kan setja som vilkår for frådelinga at avlaup vert samordna med anna eigedom/eigedomar i området.
Det må liggje føre løyve frå Statens vegvesen til utvida bruk av avkjørsle til FV409 før oppmåling kan skje.
Det må sikrast landbrukstilkomst til gbnr 28/10 til dømes ved at eit areal mellom den frådelte teigen og gbnr 28/88 og 28/17 vert liggjande att på gbnr 28/10, eller ved at gbnr 28/10 får tinglyst vegrett over gbnr 28/10.
Eigedomen får gjerdeplikt.
Grunngjeving av vedtaket er at dei omsyna som ligg bak arealføremålet LNF ikkje vert vesentleg tilsidesett, og at fordelane ved å gje dispensasjon vert klart større enn ulempene, etter ei samla vurdering.
Vedtaket har heimel i plan- og bygningslova (pbl) § 20-og § 19-2 jf. § 11-6, samt
naturmangfaldslova §§ 8-12.
Saka vert sendt Fylkesmannen i Hordaland for klagevurdering. Grunna manglar ved nabovarslinga vert vedtaket også sendt eigar av gbnr 28/17, 88, 107 og 152, gbnr 28/54,66, gbnr 28/9 og gbnr 28/69 til klagevurdering.
Når det gjeld vilkår nr 1 og 2 er det søkjar sitt ansvar at kommunen får naudsynte opplysningar/dokumentasjon. Saka vert ikkje vidareført til oppmålingsavdelinga før vilkåra er oppfylt.
Hovudutvalet vedtok samrøystes rådmannen sitt framlegg til vedtak.
Det vert gjeve dispensasjon frå arealføremål LNF og løyve til deling/arealoverføring frå Gbnr 99/41 til gbnr 99/59 på følgjande vilkår:
Areal frådelt gbnr 99/41 skal samanføyast med gbnr 99/59.
Grunngjeving av vedtaket er at dei omsyna som ligg bak arealføremålet ikkje vert vesentleg tilsidesett, og at fordelane ved å gje dispensasjon vert klårt større enn ulempene, etter ei samla vurdering.
Vedtaket har heimel i plan- og bygningslova (pbl) § 20-1m og § 19-2 jf. § 11-6, samt naturmangfaldslova §§ 8-12 og matrikkellova § 33.
Saka vert sendt Fylkesmannen i Hordaland for klagevurdering.
Hovudutvalet vedtok samrøystes rådmannen sitt framlegg til vedtak.
Det vert gjeve dispensasjon frå arealføremål LNF og løyve til deling/arealoverføring frå gbnr. 55/5 til gbnr. 55/24 på følgjande vilkår:
Areal frådelt gbnr. 55/5 skal samanføyast med gbnr. 55/24.
Grunngjeving av vedtaket er at dei omsyna som ligg bak arealføremål ikkje vert vesentleg tilsidesett,
og at fordelane ved å gje dispensasjon vert klårt større enn ulempene, etter ei samla vurdering.
Vedtaket har heimel i plan- og bygningslova (pbl) § 20-1m og § 19-2 jf. § 11-6, samt naturmangfaldslova §§ 8-12 og matrikkellova § 33.
Saka vert sendt Fylkesmannen i Hordaland for klagevurdering.
Hovudutvalet vedtok samrøystes rådmannen sitt framlegg til vedtak.
Det vert gjeve dispensasjon frå arealføremål LNF for frådeling av ny grunneigedom for bustad som omsøkt på følgjande vilkår:
Eigedomen må vere sikra lovleg tilgang til vatn, avlaup og tilkomst til offentleg veg før deling kan skje.
Tiltak på eigedomen skal terrengtilpassast og det skal unngåast høge skjeringar, høge støttemurar og store planerte flater.
Grunngjeving for vedtaket:
Det omsøkte arealet ligg tett til vegen og eksisterande bustader. Eigedomen er samstundes tilbaketrekt frå den kommunale vegen og bustaden er ikkje eksponert frå vegen. Utvalet vurderer at eigedomen ikkje på uturvande måte vil råka landskapet, og at eigedomen har ei plassering som ikkje bryt med eksisterande bygningar i området. Det aktuelle arealet har liten verdi for landbrukseigedomen. Delinga vil ikkje føra til ulemper for kringliggjande landbruksareal eller friluftslivet. Utvalet ser frådelinga som fortetting, og det er positivt med tilflytting til bygda.
Vedtaket har heimel i plan- og bygningslova (pbl) § 19-2, jf. § 11-6, samt naturmangfaldslova §§ 8-12.
Vedtaket vert sendt Fylkesmannen i Hordaland for klagevurdering.
Utvalet har vore på synfaring på staden og ser positivt på omsøkte bustadtomt.
Det vart sett fram følgjande fellesframlegg i møtet:
Det vert gjeve dispensasjon frå arealføremål LNF for frådeling av ny grunneigedom for bustad som omsøkt på følgjande vilkår:
Eigedomen må vera sikra lovleg tilgang til vatn, avlaup og tilkomst til offentleg veg før deling kan skje.
Tiltak på eigedomen skal terrengtilpassast og det skal unngåast høge skjeringar, høge støttemurar og store planerte flater.
Grunngjeving for vedtaket:
Det omsøkte arealet ligg tett til vegen og eksisterande bustader. Eigedomen er samstundes tilbaketrekt frå den kommunale vegen og bustaden er ikkje eksponert frå vegen. Utvalet vurderer at eigedomen ikkje på uturvande måte vil råka landskapet, og at eigedomen har ei plassering som ikkje bryt med eksisterande bygningar i området. Det aktuelle arealet har liten verdi for landbrukseigedomen. Delinga vil ikkje føra til ulemper for kringliggjande landbruksareal eller friluftslivet. Utvalet ser frådelinga som fortetting, og det er positivt med tilflytting til bygda.
Vedtaket har heimel i plan- og bygningslova (pbl) § 19-2, jf. § 11-6, samt naturmangfaldslova §§ 8-12.
Vedtaket vert sendt Fylkesmannen i Hordaland for klagevurdering.
Det vert gjeve dispensasjon frå arealføremål LNF og løyve til frådeling av eksisterande tun (parsell 1) på følgjande vilkår:
Teigen kan plasserast og ha storleik som omsøkt.
Det skal ikkje delast i frå dyrkbar jord, jf. vedtak frå landbrukskontoret og AR5-markslagskart.
Eigedomen skal ha gjerdeplikt.
Vegen som gjev tilgang frå hovudvegen til dyrka mark på gbnr. 14/11 til dyrkamark skal ikkje delast i frå.
Det vert ikkje gjeve dispensasjon frå arealføremål LNF for frådeling av ny grunneigedom for bustad (parsell 2).
Grunngjeving går fram av saksutgreiinga.
Vedtaket har heimel i plan- og bygningslova (pbl) § 20-1m, jf. § 19-2 jf. § 11-6, samt naturmangfaldslova §§ 8-12.
Saka vert sendt Fylkesmannen i Hordaland for klagevurdering.
Hovudutvalet vedtok samrøystes rådmannen sitt framlegg til vedtak.
Saka vert utsett.
Hovudutvalet var på synfaring i saka.
Skriv frå Henning Haugland vart delt ut i møtet.
På bakgrunn av manglande avklaring rundt eigedomstilhøve fann Liv Berith Rath (Ap) det riktig å utsetja saka.
Rath sette fram følgjande framlegg:
Saka vert utsett.
Hovudutvalet vedtok samrøystes utsetjingsframlegget frå Liv Berith Ratj (Ap).
Det vert delegert mynde til Rådmannen for med heimel i Plan- og bygningslova § 12-14 å treffe vedtak om mindre reguleringsendring for detaljreguleringsplan Langhøyane bustadområde PlanID 12602011000100 som varsla i framlegg av 03.11.16 med endringar i samsvar med merknader og seinare dialog med Statens vegvesen.
Grunngjevinga for vedtaket er at Hovudutval for plan, landbruk og teknisk er samd med rådmannen sine vurderingar i saka og ser det som tenleg at mindre reguleringsendring kan vedtakast før neste møte i utvalet.
Heimel for vedtaket er Kommunelova § 23 nr 4.
Leiar for teknisk forvaltning, Tonje Nepstad Epland orienterte om saka og prosessane.
Hovudutvalet vedtok samrøystes rådmannen sitt framlegg til vedtak.
Framlegg til detaljreguleringsplan for Skårnesvika naust og småbåthamn, planID 12602016000500, med arealplankart, planskildring og føresegner levert 22.11.2016 vert lagt ut til høyring og offentleg ettersyn.
Vedtaket har heimel i Plan og Bygningslova § 12-10 og § 12-11.
Hovudutvalet vedtok samrøystes rådmannen sitt framlegg til vedtak.
Politikar | Parti | Medlemstype | E-Post |
---|---|---|---|
Christel Villanger Håland | Radøy Høgre | Utvalsleiar | christel@villanger.net |
Leif Gunnar Taule | Radøy Senterparti | Nestleiar | leif.taule@gmail.com |
Morgan Taule | Radøy Arbeidarparti | Medlem | morgan.taule@gmail.com |
Liv Berit Rath | Radøy Arbeidarparti | Medlem | livb.rath@gmail.com |
Roy Bø | Radøy Fremskrittsparti | Medlem | royboe53@gmail.com |
May Britt Vågenes Gjerde | Radøy Senterparti | Medlem | maybritt@gjer.de |
Dag Sætre | Radøy Senterparti | Medlem | dag.setre@radoy.kommune.no |