Rådet godkjende innkalling og saksliste.
Møtebok vert godkjend med tillegg sett fram i møtet.
Rådet har ikkje handsama høyringssak om nye retningsliner for tildeling av kulturmidlar. Rådet ønskjer å slutta seg til eldrerådet sin uttale.
I sak 13/2016 gjorde eldrerådet følgjande vedtak:
Eldrerådet ønskjer at tilskot til RUFY på 10 000,- vert vidareført. Subisidiert ønskjer eldrerådet at kommunen overtar driftsutgiftene til lokalet.
RMNF godkjende møtebok med tillegg sett fram i møtet.
Bogatunet/Syltastova:
Kulturrådgjevar Bente K. Hervik orienterte om mogleg kommunal overtaking av Bogatunet og Syltastova. Nord- og Midthordland sogelag har tilbydd kommunen å overta dei kulturhistoriske bygningane vederlagsfritt. Hervik orienterte om utfordringar knytt til drift og vedlikehald, og ho viste til kva potensiale som t.d. ligg i større aktivitet og utvikling av Bogatunet.
Ny kommune:
Rådmann Jarle Landås orienterte om arbeidet fram mot kommunesamanslåing mellom Radøy, Lindås og Meland frå 1.1.20. Han sa at det på dette tidspunkt er lite som er avklart om organisering og drift av den nye kommunen, og at denne prosessen ikkje vil koma skikkeleg igang før til våren/hausten 2017. Rådmannen viste til ambisjonane om at den nye kommunen skal vera ein "digital-kommune", og at det er søkt Fylkesmannen i Hordaland om prosjektmidlar til utvikling av IT-system.
Rådmannen oppmoda råda til å koma med innspel til prosessen knytt til organisering og drift av den nye kommunen.
Rådet kjem med uttale til 2017-budsjett i samsvar med innspel i behandlinga.
Rådmann Jarle Landås gav ein kort status for arbeidet med budsjettet for 2017, og konstaterte at det ser rimeleg greitt ut.
Rådet drøfta ei rekkje aktuelle utfordringar og tiltak og kjem med følgjande innspel til handsaminga av 2017-budsjettet:
- Baderampe for rørslehemma ved badeplass – BOF set ikkje opp rampe utan handicap-toalett er på plass. Kommunen må få fortgang i denne saka – baderampe er eit lenge omsnakka prosjekt.
- Sjølvbetjent heis i terapibassenget – slik at brukarar kan koma seg i og ut av bassenget ved eiga hjelp.
- Rampe for rullestol på baksida av rådhuset – inngang kommunestyresalen (rullestolbrukar kom seg ikkje inn i kommunestyresalen via heisen på forrige møte)
- Må oppretthalda stillinga som ungdomskoordinator (førebyggande helsearbeid og viktig ungdomstiltak)
- Må styrka skulehelsetenesta og få etablert helsestasjon for ungdom lokalt.
- Psykisk helse og rusomsorg er eit område som framleis må ha stort fokus.
- Viktig med dagtilbod til flest mogleg heimebuande eldre – mange er einsame. Brukarstyrte dagtilbod må byggast ut.
- Rådet etterlyser bustadsosial handlingsplan – det er behov for kommunalt bustadtilbod til ulike grupper.
- Framhevar den viktige funksjonen Frivilligsentralen gjer på ulike felt – særleg overfor eldre heimebuande – med middagskjøring – eit viktig tiltak som bidreg til å skapa tryggleik i heimen. Frivilligsentralen bidreg også med hjelpande hender på mange andre område.
Frivilligsentralen må inkludera alle – også menneske med nedsett funksjonsevne – t.d. på turar til sørlegare breiddegrader – der denne gruppe ikkje får vera med.
Utvalsleiar Jannicke Helland tok initiativet til ei drøfting om eit samarbeid med tilsvarande råd i Meland og Lindås før det blir ein ny kommune frå 1.1.20.
Rådet drøfta om det i den nye kommunen skal vera både eldreråd og råd for menneske med nedsett funksjonsevne. Det var stor semje om at det vil vera riktig å halda på ordninga med to råd, slik det er i Radøy og Lindås også no. Det vart peika på at eldrerådet og Råd for menneske med nedsett funksjonsevne representerer ulike grupper med ulike agenda.
Rådet ønskjer å ha dialog med råda i Lindås og Meland for å bli kjend og drøfta ulike utfordringar. I første omgang vil det bli teke initiativet til eit møte mellom rådsleiarane i dei tre kommunane.
Politikar | Parti | Medlemstype | E-Post |
---|---|---|---|
Jannicke Helland | Radøy Arbeidarparti | Utvalsleiar | jannicke-h@hotmail.com |
May Britt Vågenes Gjerde | Radøy Senterparti | Nestleiar | maybritt@gjer.de |
Johannes Kolås | Medlem | ||
Anna Hella Kartveit | Medlem | ||
Mai-Liss Sylta Møn | Radøy Senterparti | Medlem | lissmai@icloud.com |
Gro Borgund | Varamedlem | ||
Berly Hella (Ikke møtt) | Medlem |