Møte i Kommunestyret i Radøy den 27.01.2016

Vedtak

Meldingar og referatsaker vert tekne til orientering.

Behandling

Arild Tveranger (FrP), som er leiar i kontrollutvalet orienterte kort om arbeidet i det nyvalde kontrollutvalet.

Kommunestyret vedtok samrøystes rådmannen sitt framlegg til vedtak.

Vedtak

Som medlemer og varamedlemer til Radøy eldrerådfor valperioden 2016-2019, vert desse valde:

Behandling

Kommunestyret vedtok samrøystes valnemnda sitt framlegg til vedtak.

Vedtak

Som medlemer i Råd for menneske med nedsett funksjonsevne i perioden 2016-2019, vert desse valde:

Leiar: Jannicke Helland Nestleiar: May Britt V. Gjerde

Behandling

Kommunestyret vedtok samrøystes valnemnda sitt framlegg til vedtak.

Vedtak

Følgjande reglement for godtgjersle for kommunale tillitsverv vert gjeldande frå 22. oktober 2015:

1. Fast årleg godtgjersle (i tillegg til møtegodtgjersle):
Medlemer i formannskapetkr20 000
Medlemer i hovudutval for plan, landbruk og teknisk kr15 000
Leiar i hovudutval for plan, landbruk og teknisk kr 25 000
Leiar i kontrollutvalet og byggjenemnda kr 15 000 

Fråvær frå meir enn 25 % av møta fører til høvesvis reduksjon.
Vararepresentant som har meir enn 25 % frammøte, får utbetalt høvesvis del
av fast årleg godtgjersle.

Satsane for godtgjersler under punkt 1 vert frå 2017 årleg indeksregulert basert på
konsumprisindeksen den 31/12 2016. Satsane vert avrunda opp til næraste tusen.

2. Leiarar av andre råd/utval, samt fungerande leiar ved forfall, jf. pkt.1 (pr. møte)kr   1 200
3. Møtegodtgjersle (pr. møte) kr      600

Det vert berre utbetalt ei møtegodtgjersle der fleire møte er lagt etter
kvarandre på same dag.

4. Eventuelt vederlag for tapt arbeidsforteneste kjem i tillegg til ovannemnde godtgjersler. Høgaste kronesum som kan ytast for ulegitimerte tap, vert sett til kr 1000,- pr. dag dersom møta er lagt til eit tidspunkt slik at vedkomande må ta fri frå det ordinære arbeid for å utøva vervet. For legitimerte tap og utgifter kan det betalast ut inntil kr 3000,- pr. dag. For sjølvstendig næringsdrivande kan det betalast ut inntil kr 3600,- når tapet er dokumentert med oppgåve frå firma.

5. Når det gjeld skyss, kost og overnatting i samband med reiser, vert det godtgjort etter det kommunale reiseregulativet.

6. Det vert gjeve refusjon for nødvendige utgifter til barnepass.

7. Formannskapet får fullmakt til å ta avgjerd i tolkingsspørsmål som gjeld dette reglementet.

8. Kommunestyremedlemar og faste medlemar i utval får kr. 1000,- pr. år for bruk av eige datautstyr.
Dette inkluderer bruk av privat PC, brett, skrivar, papir og anna utstyr – inkludert tilgang til internett.

Behandling

Ordføraren presiserte at dei folkevalde ikkje er inhabile i fastsetjing av si eiga godtgjersle –jfr Kommunelova §40. Det gjeld også ved fastsetjing av godtgjersle til ordførar og varaordførar.

Kommunestyret vedtok samrøystes formannskapet si tilråding.

Vedtak

1. Ordføraren si godtgjersle vert sett til 90% av stortingsrepresentantane si godtgjersle. Godtgjersla vert gjort gjeldande f.o.m. 1.januar 2016. Godtgjersla vert regulert automatisk etter auke i stortingsrepresentantane si godtgjersle kvart år. Godtgjersla gjeld for tenestegjering i alle kommunale verv.

2. Ved fråtreding får ordføraren ettergodtgjersle fram til 31. desember ved valperiodens slutt.

Dersom ordføraren trer inn i ny stilling på eit tidlegare tidspunkt, fell ettergodtgjersla bort

frå same tid.

3. Ordføraren skal vera innmeldt i pensjonsordning for folkevalde (KLP) samt ordninga

tilsvarande HTA, kap. 1 § 10 når det gjeld ”ytingar etter dødsfall/gruppelivsforsikring”.

4. Retten til sjukepengar vert som for dei kommunalt tilsette arbeidstakarane.

5. Varaordførar si godtgjersle vert fastsett til 20% av ordførar si godtgjersle frå 1.januar 2016.

Godtgjersla gjeld for tenestegjering i alle kommunale verv.

Behandling

Ordføraren informerte om at han og varaordføraren har blitt samde om ikkje å ta ordet i handsaminga av si eiga godtgjersle.

Ordføraren fekk honnør frå fleire for at han har tatt initiativet til å gå ned i godtgjersle – frå 100 til 90 prosent av stortingsrepresentant si løn. Ei viktig årsak til dette er at ordføraren i inneverande periode også har fast plass i fylkestinget, og får ei viss godtgjersle der. Samtidig blir godtgjersla til varaordføraren auka frå 10 til 20 prosent av ordføraren si godtgjersle.

Vedtak

Radøy kommune gjennomfører opinionsundersøking som siste høyring av innbyggjarane før kommunestyret gjer vedtak om eventuell samanslåing.

Behandling

Ordføraren orienterte innleiingsvis om den vidare tidsplanen for prosessen fram mot endeleg avgjerd om kommunesamanslåing. Styringsgruppa skal på neste møte (18. februar) drøfta framlegg til intensjonsavtale mellom kommunane Lindås, Meland og Radøy. Kommunestyret skal ta stilling til intensjonsavtalen 3. mars.

Leif Taule (Sp) kom med følgjande framlegg på vegne av Radøy SP:Radøy kommune gjennomfører difor både opinionsundersøkjing og rådgjevande folkerøysting i høyringa av innbyggjarane før kommunestyret gjer vedtak i sak om framtidig kommunestruktur.

Representantar for dei ulike partia gjorde greie for sitt syn i spørsmålet om korleis innbyggarane skal høyrast i spørsmålet om Radøy skal gå inn i ein ny kommune.
Kenneth Taule Murberg (H) ba om gruppemøte og informerte deretter at Høgre hadde bestemt seg for å stilla sine representantar fritt.

Avrøysting:SP sitt framlegg vart sett opp mot formannskapet si tilråding.
Formannskapet si tilråding vart vedteke med 13 (Ap, 4H, KrF, Frp) mot 12 røyster (Sp, V, Henning Haugland, H)