Møte i Råd for menneske med nedsett funksjonsevne den 04.02.2016

Vedtak

Innkalling og sakliste vert godkjend.

Behandling

Rådet for menneske med nedsett funksjonsevne godkjender innkalling og sakliste.

Behandling

Møtebok frå førre møte vert lagt ved til orientering. Møteboka skal ikkje godkjennast av dette rådet.

Vedtak

Meldingar og referatsaker vart teke til orientering.

Behandling

Rådet for menneske med nedsett funksjonsevne (RMNF) og eldrerådet hadde fellesmøte, før dei gjekk kvar til sitt. Leiar i RMNF, Jannicke Helland, ønskte medlemane i begge dei to nyvalde råda velkomen til første møte.

Ordførar Jon Askeland ønskte råda lukke til med eit viktig arbeid framover. Han orienterte også om prosessane rundt bygging av ny kommune og tidsplanen fram mot ei endeleg avgjerd i kommunestyret 22.juni i år. Ordføraren oppmoda råda om å engasjera seg i kommunereform-saka, og sa at han gjerne kan koma tilbake for å gje ei breiare orientering i råda i vår.

Økonomisjef Sveinung Kvamme orienterte om det vedtekne 2016-budsjettet, og peika på ulike utfordringar framover. Økonomisjefen svara også på spørsmål.

Dei to råda gjekk kvart til sitt for mellom anna å drøfta det vidare arbeidet, og forventningar og mål i valperioden.
Råd for menneske med nedsett funksjonsevne ønskjer å vera eit talerør for heile breidda av rådet sine grupperingar. Rådet vil bli sett og brukt, og kan tenkja seg å invitera til eit fellesmøte med lag innanfor rådet sitt arbeidsfelt for å få innspel og få kartlagt behov frå brukarane. Brukarmedverknad er viktig, og rådet vil bli høyrd i alle relevante saker. Rådet er sjølv innstilt på å kjøra fram aktuelle saker og skapa engasjement.

Rådet er mellom anna opptatt av at det må leggast betre til rette for menneske med ulik nedsett funksjonsevne. Det gjeld mellom anna tilrettelegging av tilkomst både til offentlege bygg og anlegg. Særleg ved nybygg er rådet opptatt av å seia frå om at det må leggast til rette for rullestolbrukarar og andre grupper med nedsett funksjonsevne. Det gjeld også på skular og barnehagar. Rådet peikar også på behov for øyremerkte P-plassar både ved Gamle prestegarden og ved kyrkja. Rådet ser også klart behov for tilrettelagt badeplass og universell utforma turløype.

Rådet for menneske med nedsett funksjonsevne ser positivt på å ha fellesmøte med eldrerådet. RMNF tar sikte på å ha eit nytt møte i mars/april for å drøfta kommunereforma.

Vedtak

Råd for menneske med nedsett funksjonsevne vil gje ros til administrasjonen for ein innhaldsrik og detaljert plan, der det er breidt fokus på menneske i ulike aldrar, interesser og livssituasjonar. Rådet har følgjande framlegg til endringar/tilføyingar:

Pkt 5.2.3 - "Aktuelle prosjekt":

Administrasjonen har starta sonderingar for å finna kvar ein slik kan liggja (...), og vil ha dialog med Råd for menneske med nedsett funksjonsevne i planprosessen.

Pkt 6.2.2 - "Anlegg":

Delmål nr 8, strategi og ansvar - nytt avsnitt:
Kommunen skal leggja til rette for brukarmedverknad og ha dialog med Råd for menneske med nedsett funksjonsevne i planprosessane.

Pkt 4.2. (2.avsnitt):

Kva meiner ein med at utsette grupper og menneske med nedsett funksjonsevne lyt få ekstra merksemd? Kva konkrete tiltak tenkjer ein då på? Menneske med psykisk nedsett funksjonsevne og menneske med fysisk nedsett funksjonsevne har ulike behov for tilrettelegging. Menneske med psykisk nedsett funksjonsevne har meir samansette behov. Utfordringane med tanke på inkludering er vanskelegare enn tilrettelegging for til dømes ein rullestolbrukar. Det er det viktig å ta med i arbeidet vidare.

Kommentar:

Planar krev prioriteringar. Men rådet håpar at ein universelt utforma badeplass kan realiserast lenge før år 2028 (ref. pkt 7.3 Langtidsprogram, ikkje prioritert).
Til slutt utfordrar rådet administrasjonen og politikarane tidleg i planarbeidet til å ha større fokus på brukarmedverknad som har verknad for menneske med nedsett funksjonsevne.

Behandling

Rådgjevar kultur, Bente K. Hervik, orinterte om planen og planarbeidet, og svara på spørsmål.

Råd for menneske med nedsett funksjonsevne hadde ei grundig drøfting av kommunedelplan for idrett, friluftsliv og nærmiljø 2016-2026.

Rådet kjem med følgjande uttale til kommunedelplanen:

Råd for menneske med nedsett funksjonsevne vil gje ros til administrasjonen for ein innhaldsrik og detaljert plan, der det er breidt fokus på menneske i ulike aldrar, interesser og livssituasjonar. Rådet har fylgjande framlegg til endringar/tilføyingar:

Pkt 5.2.3, «Aktuelle prosjekt»:

Administrasjonen har starta sonderingar for å finna ut kvar ein slik kan ligga (…) og vil ha dialog med Råd for menneske med nedsett funksjonsevne i planprosessen.

Pkt 6.2.2, «Anlegg»:

Delmål nr 8, strategi og ansvar, nytt avsnitt:
Kommunen skal legga til rette for brukarmedverknad og ha dialog med Råd for menneske med nedsett funksjonsemne i planprosessane.

Pkt 4.2. (2.avsnitt):
Kva meiner ein med at utsette grupper og menneske med nedsett funskjonsevne lyt få ekstra merksemd? Kva konkrete tiltak tenkjer ein då på? Menneske med psykisk nedsett funksjonsevne og menneske med fysisk nedsett funksjonsevne har ulike behov for tilrettelegging. Menneske med psykisk nedsett funksjonsevne har meir samansette behov. Utfordringane med tanke på inkludering er vanskelegare enn tilrettelegging for til dømes ein rullestolbrukar. Det er det viktig å ta med seg i arbeidet vidare.

Kommentar:

Planar krev prioriteringar. Men rådet håpar at ein universelt utforma badeplass kan realiserast lenge før år 2028 (ref pkt 7.3 Langtidsprogram, ikkje prioritert). 

Til slutt utfordrar rådet administrasjonen og politikarane tidleg i planarbeidet til å ha større fokus på brukarmedverknad som har verknad for menneske med nedsett funksjonsevne.