Møte i Formannskapet i Radøy den 24.01.2017

Vedtak

1. Sjappen as (organisasjonsnr. 917656282) får tildelt serveringsløve. Som vilkår vert det sett at verksemda melder i frå til det lokale Mattilsynet og har godkjenning frå Arbeidstilsynet.

2. Skjenkeløyvet gjeld all alkoholhaldig drikk.

3. Skjenkeløyvet gjeld frå 1.10.2016 til 30.06 2020.

4. Skjenkeløyvet gjeld i bygg på gnr. 24 , bnr. 295 for innandørs lokale på omlag 150m2, og for uteservering på terrasse (omlag 85 m2) i tilknyting til nemnde lokale.

5. Som skjenkestyrar vert Jostein Rikstad godkjent med Svein Rikstad som stedfortredar.

6. Løyvehavar og styrar for løyvet pliktar å sjå til at alkohollova sine føresegner vert følgte.

7. Skjenketider gitt i Forskrift om sal, skjenking og opningstider for alkoholhaldig drikke vedteken av kommunestyret i Radøy kommune september 2016, skal følgjast.

8. Tilsette kan ikkje konsumera og/eller vera påverka av rusmidlar i arbeidstida.

9. Nødvendige offentlege godkjenningar for å driva servering- og skjenkestaden skal til ei kvar tid føreliggja.

Behandling

Formannskapet vedtok samrøystes rådmannen sitt framlegg til vedtak.

Vedtak

Radøy kommune set av kroner 50 000 til gjennomføring av nynorskdagar i 2017. Midlane vert henta frå disposisjonsfond merka nynorskmidlar.

Løyving til nynorskdagar i 2019 kjem opp som ei eiga sak i budsjettåret 2019.

Behandling

Formannskapet vedtok samrøystes rådmannen sitt framlegg til vedtak.

Vedtak

Radøy kommune gir følgjande prioritering av søknadar om tilskot til Nasjonal tilskotsordning mot barnefattigdom 2017:
1. Radøy kommune - aktivitetstilbod til born i sommar- , haust- og vinterferie
2. Radøy ungdomsklubb - sommarcamp for ungdom sommaren 2017

Behandling

Formannskapet gav ros for gode prosjekt og gode søknader.

Anne Berit Bø Palmesen (SP) la i si priotering avgjerande vekt på tilbodet som omfattar barn og familiar.
Bø Palmesen sette fram følgjande forslag:

Radøy kommune gir følgjande prioritering av søknadar om tilskot til Nasjonal tilskotsordning mot barnefattigdom 2017:
1. Radøy kommune - aktivitetstilbod til born i sommar- , haust- og vinterferie
2. Radøy ungdomsklubb - sommarcamp for ungdom sommaren 2017

Formannskapet vedtok samrøystes framlegget frå Anne Bø Palmesen.

Vedtak

Formannskapet vert valstyre for perioden 2017-2019. Valstyret får fullmakt i saker som omhandlar kommuneval og fylkes- og stortingsval.

Behandling

Formannskapet vedtok samrøystes rådmannen sitt framlegg til vedtak.

Vedtak

Søknaden om framføring av kommunalt vatn til Listveiten gjennom Mykingsvatnet til kum på Listveiten som grunneigarane kan kopla seg til, vert imøtekomen. Det er eit vilkår at fleirtalet av oppsitjarane på Listveiten inngår avtale med kommunen om å knyta seg til det kommunale vassverket. Kommunen ser positivt på at grunneigarane tek på seg kostnadene med grøfta opp frå Mykingsvatnet til kum på Listveiten. Arbeidet vert å starta opp snarast slik at anlegget vert ferdigstilt i 2017. Kostnaden med anlegget vert dekka av løyvde midlar til vassverket i budsjettet for 2017.

Behandling

Rådmannen orienterte om at den kommunale byggenemnda hadde handsama saka og gjort følgjande vedtak:Tiltaket inngår ikkje i hovudplan for vatn og byggjenemnda ser ikkje på dette som ei kommunal utbygging i planperioden. Byggjenemnda vil tilrå at dersom oppsitjarane likevel ønskjer å føra fram vatnet via eit dugnadsprosjekt kan det søkjast om tilskot til dekning av noko av utgiftene. Retningslinene for tildeling er under arbeid.

I møtet oppmoda ordførar Jon Askeland om at det i hovudplan for vatn vert laga ei liste over bygder som ikkje har kommunalt vatn. Han delte ut brev frå grunneigarane på Lilletveit der det kjem fram at dei tar på seg kostnaden med å grava og sprenga grøft frå Mykingvatnet og fram til planlagt kum og brannhydrant på gnr 26 bnr 3.

Ordføraren sette fram følgjande fellesframlegg:
Søknaden om framføring av kommunalt vatn til Listveiten gjennom Mykingsvatnet til kum på Listveiten som grunneigarane kan kopla seg til, vert imøtekomen. Det er eit vilkår at fleirtalet av oppsitjarane på Listveiten inngår avtale med kommunen om å knyta seg til det kommunale vassverket. Kommunen ser positivt på at grunneigarane tek på seg kostnadene med grøfta opp frå Mykingsvatnet til kum på Listveiten. Arbeidet vert å starta opp snarast slik at anlegget vert ferdigstilt i 2017. Kostnaden med anlegget vert dekka av løyvde midlar til vassverket i budsjettet for 2017.

Formannskapet vedtok samrøystes fellesframlegg sett fram i møtet.

Vedtak

Framlegg til reglement for byggenemnd vert godkjent slik det ligg føre.

Framlegget til reglement vert sendt på høyring til byggenemnda før saka kjem til handsaming i kommunestyret.

Behandling

Rådmann Jarle Landås orienterte om framlegg til endring i reglement for kommunal byggenemnd. Han viste til at byggenemnda utfrå det nye reglementet vil få ein pådrivarolle og fagleg innspelrolle i dei ulike prosjekta. Rådmannen peika på at kommunen no er i ferd med å gå over til større grad av prosjektorganisering, og i den samanheng meiner han det vil vera ei god ordning med byggenemnda som styringsgruppe for større prosjekt.

Kenneth Taule Murberg (H) sette fram følgjande tilleggsforslag:
Framlegget til reglement vert sendt på høyring til byggenemnda før saka kjem til handsaming i kommunestyret.

Formannskapet vedtok samrøystes rådmannen sitt framlegg med tilleggsframlegg sett fram i møtet.

Vedtak

Formannskapet legg følgjande innstilling fram som drøftingsgrunnlag i kommunestyret:

Prioriterte samferdselsprosjekt - tilråding

Prioritet 1:
- Fv. 565 Marås - Tolleshaug inkl. arm til Manger
- Fv. 409 - utbetringstiltak Kolstad-Manger-Bø-Soltveit
- Fv. 565 Alversundbrua

Prioritet 2:
- Sambandet Vest

Planarbeid Radøy - tilråding
- Reguleringsplan for Marås - Tolleshaug med ny arm Namtveit - Kolstad
- Vegutgreiing for fv. 409 Kolstad - Manger - Bø - Soltveit med prioriteringsplan for utbetringspunkt/delstrekningar
Reguleringsplanar etter behov.

Finansiering - tilråding
- Posisjonering av nye Radøy-prosjekt opp mot Nordhordlandspakken, fase 2:
- Ny veg Marås - Tolleshaug med arm Namtveit-Kolstad
- Utbetringstiltak Kolstad - Manger - Bø - Soltveit
- Alversundbru; føreset fylkeskommunal finansiering
- Sambandet Vest: langsiktig prosjekt. Evt deling: arbeida for statleg finansiering av regionalt samband Askøy - Meland og internt samband Meland - Radøy i Nordhordlandspakken - fase 3.

Organisering - tilråding
- Eit aktivit pådrivarselskap for planlegging og gjennomføring av nye samferdselstiltak i Nordhordland (Nordhordlandspakken AS?)
- Evt dela opp Sambandet Vest i i eit pådrivarselskap for ny bru Askøy - Meland inkl. utbetringstiltak på Askøy og eit pådrivarselskap for planlegging av tiltak i Nordhordland (Nordhordlandspakken AS?)
- FInansering av reguleringsplanarbeid for Marås - Tolleshaug inkl. arm Namtveit - Kolstad, gjennom pådrivarselskapet i Nordhordland. Praktisk gjennomføring i tett organisatorisk samarbeid med Statens vegvesen og Hordaland fylkeskommune.
- Evt kommunal finansiering av utgreiing og planlegging av utbetringstiltak Kolstad - Manger - Bø - Soltveit.

Behandling

Sivilingeniør Helge Hopen la fram eit drøftingsnotat i formannskapet, der han skisserte mogelege vegval og kom med tilrådingar i samband med politisk handsaming av samferdselsstrategi for Radøy kommune.

På bakgrunn av Hopen sin presentasjon vart det ei grundig drøfting i formannskapet om vidare vegval.

Formannskapet legg følgjande innstilling fram som drøftingsgrunnlag i kommunestyret:
Prioriterte samferdselsprosjekt - tilråding

Prioritet 1:
- Fv. 565 Marås - Tolleshaug inkl. arm til Manger
- Fv. 409 - utbetringstiltak Kolstad-Manger-Bø-Soltveit
- Fv. 565 Alversundbrua

Prioritet 2:
- Sambandet Vest

Planarbeid Radøy - tilråding
- Reguleringsplan for Marås - Tolleshaug med ny arm Namtveit - Kolstad
- Vegutgreiing for fv. 409 Kolstad - Manger - Bø - Soltveit med prioriteringsplan for utbetringspunkt/delstrekningar
Reguleringsplanar etter behov.

Finansiering - tilråding
- Posisjonering av nye Radøy-prosjekt opp mot Nordhordlandspakken, fase 2:
- Ny veg Marås - Tolleshaug med arm Namtveit-Kolstad
- Utbetringstiltak Kolstad - Manger - Bø - Soltveit
- Alversundbru; føreset fylkeskommunal finansiering
- Sambandet Vest: langsiktig prosjekt. Evt deling: arbeida for statleg finansiering av regionalt samband Askøy - Meland og internt samband Meland - Radøy i Nordhordlandspakken - fase 3.

Organisering - tilråding
- Eit aktivit pådrivarselskap for planlegging og gjennomføring av nye samferdselstiltak i Nordhordland (Nordhordlandspakken AS?)
- Evt dela opp Sambandet Vest i i eit pådrivarselskap for ny bru Askøy - Meland inkl. utbetringstiltak på Askøy og eit pådrivarselskap for planlegging av tiltak i Nordhordland (Nordhordlandspakken AS?)
- FInansering av reguleringsplanarbeid for Marås - Tolleshaug inkl. arm Namtveit - Kolstad, gjennom pådrivarselskapet i Nordhordland. Praktisk gjennomføring i tett organisatorisk samarbeid med Statens vegvesen og Hordaland fylkeskommune.
- Evt kommunal finansiering av utgreiing og planlegging av utbetringstiltak Kolstad - Manger - Bø - Soltveit.

Vedtak

Meldingar og referatsaker vert teke til orientering, med dei tillegg som vart sett fram i møtet.

Behandling

Kommunedelplan Bø - løypemelding:
Planansvarleg Rolf Raknes orienterte om arbeidet og planprosessen med kommunedelplan for Bø. Han peika på ulike konsekvensar som følgjer av at områdeplanen for Bø no blir omgjort til kommunedelplan, og han svara på spørsmål.

Ny barnehage Bø - løypemelding:
Rådmann Jarle Landås la fram fem ulike alternativ som arkitekten har lagt fram som moglege planløysingar for ny barnehage på Bø. Her er alternativ som inneber ny barnehage med seks avdelingar, og alternativ som inneber nybygg med fire avdelingar i kombinasjon med oppgradering av eksisterande barnehage. Det er utarbeidd kostnadskalkyle for dei ulike alternativa, inkludert veg- og parkeringsplass i området.

Kenneth Taule Murberg (H) ønskjer å få lagt på bordet eit meir kompakt bygg frå arkiktekten, utan utstikk - eit alternativ han meiner må bli eit rimelegare løysing.

Ordførar Jon Askeland oppsummerte drøftinga, og konkluderte med at rådmannen til neste møte ber arkitekten leggja fram eit meir kompakt bygg utan utstikkarar. Formannskapet tar stilling til alternativ på neste møte.

Gjesteplassar på Velferdssenteret:
Radøy kommune har inngått avtale med Osterøy kommune om leige av to sjukeheimsplassar på Velferdssenteret i ein korttidsperiode. Det er i dag ein del ledig sengekapasitet på Velferdssenteret, og rådmannen peika på at ordninga med gjesteplassar gjer det mogleg å oppretthalda kapasitet og kompetanse.

Lønsoppgjeret 2017:
Formannskapet kjem ikkje med innspel til KS sitt debatthefte for tariffoppgjeret i år, som er eit mellomoppgjer. Kirsti Gjetle Floen meiner kommunen på eit seinare tidspunkt bør leggja opp til ei drøfting knytt til punbkt 4 og 5 i debattheftet. Ordføraren ba Radøy sine utsendingar til KS sitt fylkesårsmøte ha fokus på desse tema under fylkesmøtet, for i neste runde å ha ei drøfting politisk i kommunen.

Utviding/flytting av oppdrettsanlegg:
Ordføraren peika på moglege interessekonflikter i samband med ei mogleg utviding/flytting av Lingalaks sitt oppdrettsanlegg ved Toska sør.

Verbalpunkt i budsjettet:
Rådmannen gav ei samla oversikt over verbalpunkt som ligg i kommunestyret sitt vedtekne budsjett for 2017. Formannskapet gav grønt lys for ein gjennomgang av dei ulike punkta, saman med rådmannen og kommunalsjefane.

Reinseanlegg Manger:
Rådmannen orienterte om status i spørsmålet om stadval for reinseanlegg på Manger.

Flytting av bibliotek:
Rådmannen orienterte om planane for mogleg flytting av biblioteket, og informerte om innkome tilbod på leige av lokale i gamle Rema 1000-bygget. Formannskapet gav si tilslutning til ei breiare vurdering av moglege lokale til biblioteket.
Rådmannen la fram tankar om ei mogleg utnytting av rådhuset og anna kommunal bygningsmasse i samband med kommunesamanslåinga. Formannskapet støtta tanken om å setja ned ei arbeidsgruppe.

Rufy/tilskot inkludering:
Else Marie Skartveit (KrF) etterlyste sak om tilskotsordning til ungdomsklubben Rufy. Rådmannen svara at det er planlagt ei sak om tilskot til inkludering/integrering.

Tolking av skjenkereglane:
Else Marie Skartveit Dale (KrF) tok opp eit innspel frå David Pletten Aasgard (KrF) knytt til tolking av skjenkereglane. Det gjeld pkt 2b i reglementet som kommunestyret vedtok i 2016. Formannskapet konkluderte med at kommunen praktiserer vedtaket slik kommunestyret har meint.

Trivselsgrenda Risnes:
Ordføraren orienterte om invitasjon frå Trivselsgrenda Risnes til å leggja neste møte i formannskapet til denne krinsen. Trivselsgrenda vil presentera kva tankar krinsen har for arealdisponering og ulike planar.

Formannskapet tok meldingar og referatsaker til orientering, med dei tillegg som vart sett fram i møtet.