Møte i Formannskapet i Radøy den 23.02.2017

Vedtak

Radøy kommune har følgjande merknader til Høyring om oppheving av Vannskooterforskrifta:

• Radøy kommune er skeptisk til å oppheva vannskooterforskrifta. Skooterane har høgt farts- og støynivå, som ofte er både farefullt og til sjenanse.

• Dersom forskrifta vert oppheva, så ber Radøy kommune Regjeringa saman med KS om å arbeida vidare med ordningar som sikrar fornuftig samspel mellom vannskooterar og andre omsyn. Me ønskjer ikkje mange lokale forskrifter, då sjøområda grensar mellom kommunane. Me meiner dette gjer det vanskeleg for folk å halda seg orienterte om ulike regelverk. Det vert også vanskeleg å handheva.

• Radøy kommune viser til at ei rekkje friluftslivsorganisasjonar har forfatta ei 8-punkts liste som byggjer oppunder å avvisa framlegget til forskrift. Radøy kommune deler mange av desse vurderingane.

• Samstundes har Radøy mange vannskooterar, og me trur ikkje forbod er løysinga. Radøy kommune er oppteken av at statlege og kommunale styresmakter saman arbeider for eit betre samspel mellom vannskooterkøyring og omsynet til dyr, sjøfugl og fisk, og vidare bading og friluftsliv mm. Radøy kommune peikar på at også uvettig fritidsbåttrafikk gjev same utfordringar som uvettig vannskooterbruk.

Behandling

Det var 6 av 7 medlemar til stades under handsaminga av denne saka.

Formannskapet drøfta saka.

På bakgrunn av drøftinga sette ordførar Jon Askeland fram følgjande fellesframlegg:

Radøy kommune har følgjande merknader til Høyring om oppheving av Vannskooterforskrifta:

• Radøy kommune er skeptisk til å oppheva vannskooterforskrifta. Skooterane har høgt farts- og støynivå, som ofte er både farefullt og til sjenanse.

• Dersom forskrifta vert oppheva, så ber Radøy kommune Regjeringa saman med KS om å arbeida vidare med ordningar som sikrar fornuftig samspel mellom vannskooterar og andre omsyn. Me ønskjer ikkje mange lokale forskrifter, då sjøområda grensar mellom kommunane. Me meiner dette gjer det vanskeleg for folk å halda seg orienterte om ulike regelverk. Det vert også vanskeleg å handheva.

• Radøy kommune viser til at ei rekkje friluftslivsorganisasjonar har forfatta ei 8-punkts liste som byggjer oppunder å avvisa framlegget til forskrift. Radøy kommune deler mange av desse vurderingane.

• Samstundes har Radøy mange vannskooterar, og me trur ikkje forbod er løysinga. Radøy kommune er oppteken av at statlege og kommunale styresmakter saman arbeider for eit betre samspel mellom vannskooterkøyring og omsynet til dyr, sjøfugl og fisk, og vidare bading og friluftsliv mm. Radøy kommune peikar på at også uvettig fritidsbåttrafikk gjev same utfordringar som uvettig vannskooterbruk.

Formannskapet vedtok samrøystes fellesframlegg sett fram i møtet.

Vedtak

1. Radøy kommune protesterer mot at deler av noverande FV 565 vert omklassifisert til kommuneveg i samband med bygging av ny Fylkesveg over Radøy.Radøy kommune avviser saka i denne omgangen. Fylkeskommunen kjem her med framlegg til endringar for eit veganlegg, som enno kun eri planleggjingsfasen. Nordhordlandspakken er heller ikkje vedteken. Me ber Fylkeskommunen koma tilbake med ny vurdering når vegen er ferdig bygd.

Omlegging av fylkesveg har ikkje vore del av vilkåra for bygging av ny veg, og burde såleis vore med i drøftingane tidlegare. Me reagerer på at fylkeskommunen her sender ei uføresett rekning. Det er ikkje midlar i kommunale budsjett å drifta 11 km med tilleggsvegar. Dersom Fylkeskommunen skal overføra vegar til kommunane, må det i så fall følgja økonomiske driftsmidlar med.

Vidare har me gått gjennom tidlegare vedtak av omklassifisering, og me kan ikkje sjå at Fylkeskommunen fører ei konsekvent linje i omklassifiseringa. Me noterer oss at Fylkeskommunen gjennomgåande vedtek omklassifisering av Fylkesvegar til kommunane, medan det i mindre grad vert gjort overfor Statens Vegvesen. Det burde vore omvendt. Med tilvising til nylege vedtak der det ikkje vart omklassifisert ved Slæen i Voss, Skjervet i Voss og ved Børve i Kvam, så krev Radøy kommune likehandsaming med desse, og forventar at Fylkeskommunen framleis eig både noverande og ny FV 565 over Radøy.

2. Det vert forutsett at vegane har tilfredsstillande standard, jf. NA-rundskriv nr 13/97, før omklassifiseringa evt. trer i kraft. For å sikra dette meiner Radøy kommune at det bør gjennomførast synfaring av den enkelte vegstrekning, der representantar frå Statens vegvesen, Hordaland fylkeskommune og Radøy kommune tek del. Utbetringstiltak skal vera gjennomført før overtaking finn stad.

Behandling

Det var 6 av 7 medlemar til stades under handsaminga av denne saka.

Det er brei semje i formannskapet om å protestera mot omklassifisering av eksisterande fylkesveg 565 Marås-Soltveit i samband med bygging av ny fv 565 på denne strekninga.

På bakgrunn av drøftinga i formannskapet sette ordførar Jon Askeland fram følgjande fellesframlegg til nytt punkt 1:

Radøy kommune protesterer mot at deler av noverande FV 565 vert omklassifisert til kommuneveg i samband med bygging av ny Fylkesveg over Radøy.
Radøy kommune avviser saka i denne omgangen. Fylkeskommunen kjem her med framlegg til endringar for eit veganlegg, som enno kun eri planleggjingsfasen. Nordhordlandspakken er heller ikkje vedteken. Me ber Fylkeskommunen koma tilbake med ny vurdering når vegen er ferdig bygd.

Omlegging av fylkesveg har ikkje vore del av vilkåra for bygging av ny veg, og burde såleis vore med i drøftingane tidlegare. Me reagerer på at fylkeskommunen her sender ei uføresett rekning. Det er ikkje midlar i kommunale budsjett å drifta 11 km med tilleggsvegar. Dersom Fylkeskommunen skal overføra vegar til kommunane, må det i så fall følgja økonomiske driftsmidlar med.

Vidare har me gått gjennom tidlegare vedtak av omklassifisering, og me kan ikkje sjå at Fylkeskommunen fører ei konsekvent linje i omklassifiseringa. Me noterer oss at Fylkeskommunen gjennomgåande vedtek omklassifisering av Fylkesvegar til kommunane, medan det i mindre grad vert gjort overfor Statens Vegvesen. Det burde vore omvendt. Med tilvising til nylege vedtak der det ikkje vart omklassifisert ved Slæen i Voss, Skjervet i Voss og ved Børve i Kvam, så krev Radøy kommune likehandsaming med desse, og forventar at Fylkeskommunen framleis eig både noverande og ny FV 565 over Radøy.

Formannskapet vedtok samrøystes fellesframlegg til nytt punkt 1 sett fram i møtet, med tillegg til punkt 2 i rådmannen sitt framlegg til vedtak.

Vedtak

Teknisk drift kjøper inn utstyr som skissert i saksframlegget. Det vert sett ei øvre ramme på kroner 1 mill. Kostnadane vert dekka over posten «Mindre investeringar».

Behandling

Det var 6 av 7 medlemar til stades under handsaminga av denne saka.

Formannskapet vedtok samrøystes rådmannen sitt framlegg til vedtak.

Vedtak

Etter kommunestyret si handsaming i saka, prioriterer formannskapet slik:

Ordføraren følgjer opp overfor SVV/Fylkeskommunen, og melder særleg at Radøy kommunestyre vurderer flytting av arm til Manger til å gå mellom Namtveit og Kolstad som best.

Formannskapet etterlyser eigarmøte i Sambandet Vest, slik at plan- og reguleringsarbeid for samband mellom Radøy og Holsnøy kan prioriterast.

Formannskapet  ber ordføraren spørja SVV/Fylkeskommunen til råds om korleis ein skal planleggja prioriteringane på fylkesvegane,- skal me laga heilskapleg plan, eller punktvise utbetringar.

Formannskapet arbeider vidare med saka etter kvart som nye opplysingar ligg føre.

Behandling

Formannskapet drøfta saka. Det er stor semje å planlegga/regulera utbetring og oppgradering av eksisterande fylkesvegar for å ha regulerte prosjekt som kan realiserast på det tidspunkt Statens vegvesen måtte ha disponible midlar til slike prosjekt. Det er avgjerande å ha godkjende planar for å få noko gjort.

Kenneth Taule Murberg (H) understreka Sambandet Vest-prosjektet "bru Radøy-Holsnøy med tilførselsvegar" må regulerast samtidig med prosjekta i Nordhordlandspakken, slik Normann Sæbø (H) gjorde framlegg om og fekk kommunestyret si godkjenning for i møte 9. februar 2017.

Etter drøftinga i formannskapet sette ordførar Jon Askeland fram følgjande fellesframlegg:

Etter kommunestyret si handsaming i saka, prioriterer formannskapet slik:

Ordføraren følgjer opp overfor SVV/Fylkeskommunen, og melder særleg at Radøy kommunestyre vurderer flytting av arm til Manger til å gå mellom Namtveit og Kolstad som best.

Formannskapet etterlyser eigarmøte i Sambandet Vest, slik at plan- og reguleringsarbeid for samband mellom Radøy og Holsnøy kan prioriterast.

Formannskapet  ber ordføraren spørja SVV/Fylkeskommunen til råds om korleis ein skal planleggja prioriteringane på fylkesvegane,- skal me laga heilskapleg plan, eller punktvise utbetringar.

Formannskapet arbeider vidare med saka etter kvart som nye opplysingar ligg føre.

Formannskapet vedtok samrøystes fellesframlegg sett fram i møtet.

Vedtak

Tilsyn og oppfølging av lovbrot er lovpålagte oppgåver som kommunen ikkje har høve til å velje bort. Formannskapet støttar at rådmannen utarbeider ein strategiplan for dette, og legg det fram for kommunestyret til godkjenning.Formannskapet støttar rådmannen si tilnærming til kategorisering og prioriteringar av tilsyn og oppfølgjing, og ber rådmannen setja inn ressursar som gjev rom til i starten  å føra tilsyn og følgja opp dei mest prioriterte kategoriane. Ressursen må ikkje gå ut over ordinær byggjesakshandsaming, og ein skal arbeida for å føra mest mogleg saker til lovlege former. Oppgåva kan gjerne samordnast med Lindås og Meland.

Behandling

Det var 6 av 7 medlemar til stades under handsaminga av denne saka.

Rådmann Jarle Landås orienterte om saka og viste til at hovudutvalet for plan, landbruk og teknisk ser eit klart behov for å ta grep og følgja opp ulovlege tiltak. Talet på kjende ulovlege tiltak i Radøy er no oppe i rundt 300 tilfelle.
Rådmannen framheva at det er heilt avgjerande med politisk støtte og forankring i dette krevjande arbeidet. Det er også nødvendig med spisskompetanse og ressursar i oppfølginga av ulovlege tiltak. Rådmannen peika på at tilsynsstrategien kan delast i tre kategoriar - der helse og tryggleik er høgast prioritert. Rådmannen peika på at målet med oppfølginga er å føra flest mogleg saker til lovlege former.

Ordførar Jon Askeland oppsummerte drøftinga med at formannskapet støttar rådmannen sitt arbeid med ein tiltaksstrategi for å følgja opp brot på plan- og bygningslova, og at det må følgja ressursar med.

Ordføraren sette fram følgjande fellesframlegg:

Tilsyn og oppfølging av lovbrot er lovpålagte oppgåver som kommunen ikkje har høve til å velje bort. Formannskapet støttar at rådmannen utarbeider ein strategiplan for dette, og legg det fram for kommunestyret til godkjenning.
Formannskapet støttar rådmannen si tilnærming til kategorisering og prioriteringar av tilsyn og oppfølgjing, og ber rådmannen setja inn ressursar som gjev rom til i starten  å føra tilsyn og følgja opp dei mest prioriterte kategoriane. Ressursen må ikkje gå ut over ordinær byggjesakshandsaming, og ein skal arbeida for å føra mest mogleg saker til lovlege former. Oppgåva kan gjerne samordnast med Lindås og Meland.

Formannskapet vedtok samrøystes fellesframlegg sett fram i møtet.

Vedtak

Formannskapet går inn for alternativ 1 sine løysingar for ny barnehage. Barnehagen vert lokalisert om lag der noverande trygdebustader er. Rådmannen får fullmakt til å arbeida vidare med detaljplanlegging innan desse rammene for kostnadseffektive løysingar.

Formannskapet legg til grunn at ny barnehage ikkje blokkerer for drift og evt utbygging av skulen. Vidare skal byggjeplassen sikrast slik at både skule og noverande barnehage kan driftast i byggjeperioden. Formannskapet ynskjer at ny barnehage får innkøyring frå sør.

Behandling

Det vart lagt fram nye alternative skisser til ny barnehage på Bø. Ordførar Jon Askeland gjorde greie for ny plassering i området mellom skulen og dagens barnehagebygg. Med denne plasseringa vil eksisterande barnehage kunne vera i drift til nybygget står klart.

På vegne av SP, AP og KrF sette ordførar Jon Askeland fram følgjande fellesframlegg:

Formannskapet går inn for alternativ 1 sine løysingar for ny barnehage. Barnehagen vert lokalisert om lag der noverande trygdebustader er. Rådmannen får fullmakt til å arbeida vidare med detaljplanlegging innan desse rammene for kostnadseffektive løysingar.

Formannskapet legg til grunn at ny barnehage ikkje blokkerer for drift og evt utbygging av skulen. Vidare skal byggjeplassen sikrast slik at både skule og noverande barnehage kan driftast i byggjeperioden. Formannskapet ynskjer at ny barnehage får innkøyring frå sør.

Det vart frå fleire representantar gitt uttrykk for at alternativ 1 er den beste løysinga, som vil gje ein framtidsretta og god barnehage på Bø. Det vart også peika på at dette er eit alternativ som har fått støtte både frå tilsette og foreldregruppa.

Vidar Grindheim (H) legg vekt på at det må vera fokus på kostnadseffektive løysingar og bruk av matrialer som er lett å vedlikehalda. Kenneth Taule Murberg (H) gav uttrykk for at han ikkje har vore fornøgd med prosessen så langt, og at han er bekymra for den vidare prosessen med barnehageprosjektet.


Formannskapet vedtok samrøystes fellesframlegget frå SP, AP og KrF sett fram i møtet.

Vedtak

Meldingar og referatsaker vert tekne til orientering.

Behandling

Sterkt resultat for 2016: Økonomisjef Sveinung Kvamme presenterte eit førebels årsresultat for 2016 som er det beste kommunen har hatt nokon gong. Resultatet er om lag 10 millionar kroner betre enn budsjett, og korrigert netto driftsresultat vert 13,1 mill. - som tilsvarar 3,24 prosent av sum driftsinntekter.
Rådmannen er særs nøgd med driftsresultatet i 2016. God budsjettdisiplin og tett oppfølging av økonomien har medverka til det gode resultatet. Rådmannen peikar på at resultatet gjer at Radøy kommune kan setja av ressursar til å førebu overgangen til ny kommune på ein endå betre måte.

Den ordinære drifta syner om lag 2,4 mill. kroner lågare kostnader enn budsjettert. Det er først og fremst helse og omsorg som har medverka til dette. Auka skatteinngang og inntektsutjamning på 4,3 mill. kroner og integreringstilskot på 2,4 mill. kroner meir enn budsjettert er også betydelege bidrag til det gode resultatet. Kommunen har også fått 0,8 mill. i vertskommunetilskot for asylmottaket på Radøytunet som ein pluss i rekneskapen. Totalt utgjer dette totalt 9,9 mill. kroner.

Formannskapet uttrykte stor glede over resultatet, og gav rådmannen og dei tilsette i heile organisasjonen ros for god innsats.

Folketalsvekst: Ordføraren opplyste at Radøy kommune har 5138 innbyggarar ved årsskiftet 2016/17. Det er ein auke på 61 personar siste året. Folketalet var 5077 ved årskiftet 2015/16. Det har vore ein jamn vekst i folketalet i Radøy dei siste åra.

Verbalpunkt i 2017-budsjettet:
For å få ei best mogleg oppfølging av politiske vedtak og bestillingar, gjorde rådmannen og kommunalsjefane saman med formannskapet ein gjennomgang og ei presisering av verbalpunkta i 2017-budsjettet. I denne omgang var det kommunalsjef for oppvekst og kommunalsjef for teknisk drift og forvaltning sine budsjettområde som hadde fokus.
Både administrasjonen og formannskapet gav uttrykk for at dette var ein svært nyttig og god gjennomgang for å kunne leggja eit best mogleg løp for det vidare arbeid med verbalpunkta. Det blir lagt opp til ein tilsvarande gjennomgang for helse- og omsorgssektoren på neste møte i formannskapet.

Kommunale bygg: Ordførar Jon Askeland tok opp framtidig bruk av kommunale bygg i samband med kommunesamanslåinga frå 1.1.2020. Formannskapet gav rådmannen fullmakt til å arbeida vidare med denne prosessen, t.d. i samband med planar for utforming av framtidas Manger.

DPS-bygget: Rådmann Jarle Landås reiste spørsmålet om vidare bruk av det såkalla "DPS-bygget". Formannskapet legg opp til synfaring i bygget på neste møte.

Næringsområde: Regulering av eit næringsområde i samband med ny fylkesveg Marås-Soltveit er ei av dei politiske bestillingane til administrasjonen. Ordførar Jon Askeland gjorde framlegg om at dette punktet vert adressert vidare til fellesnemnda for dei tre kommunane som skal danna ny kommune. Formannskapet gav si tilslutning til dette.

Klassedeling: Vidar Grindheim (H) reiste spørsmål om mogleg klassedeling i grunnskulen. Kommunalsjef for oppvekst, Jo Tømmerbakke, svara på spørsmålet.

Formannskapet tok meldingar og referatsaker til orientering, med tillegg som kom fram i møte.