Utval: | Formannskapet i Radøy |
---|---|
Dato: | 16.03.2017 09:00 - 15:40 |
Møtestad: | Kommunestyresalen |
Status: | Møtet er ferdig protokollert |
Sakskart: |
Manger skulemusikklag får kr 15 000 i støtte til deltaking i EM for skulekorps 2017. Tilskotet vert kostnadsført på konto for aktivitets- og prosjekttilskot.
Formannskapet vedtok samrøystes rådmannen sitt framlegg til vedtak.
Radøy kommune gjev Vetås bygdelag kr 20 000 i støtte til grusing av turveg frå Storheimstemma og sørover til gnr 85/8. Det vert sett som vilkår for støtta at alle grunneigarar skriv under standard avtale om tilrettelegging og merking av turstiar.
Ordførar Jon Askeland peika på at det aktuelle området er det einaste i kommuneplanen som er utpeikt som såkalla LNFF-område - og dermed er spesielt øyremerkt til friluftsbruk.
Formannskapet vedtok samrøystes rådmannen sitt framlegg til vedtak.
Radøy kommune gir kommunal garanti for lån inntil 1,5 mill til Kviste/Bognøy småbåtlag. Garantitida er maksimalt 20 år, og garantien skal nedskrivast til resterande beløp kvart år. Det er ein føresetnad at tiltaket er godkjent av byggesaksavdelinga i Radøy kommune. Garantivedtaket må godkjennast av fylkesmannen i Hordaland.
Formannskapet drøfta bruk av kommunal garanti og ulike problemstillingar knytt til dette. Kenneth Murberg (H) peika mellom anna på prinsippielle sider ved å gje kommunal garanti. Taule Murberg og Else Marie Skartveit Dale (KrF) gjorde det klart at dei med eit visst atterhald røystar for rådmannen sitt framlegg til vedtak.
Formannskapet vedtok samrøystes rådmannen sitt framlegg til vedtak.
Forskrift om gebyr for teknisk forvaltningsteneste i Radøy kommune vert godkjent.
Forskrifta trer i kraft 01.03.17 og gjeld til det vert vedteke ny revidert forskrift.
Grunngjevinga for vedtaket går fram av saksutgreiinga.
Heimel for vedtaket er Lov om planlegging og byggesaksbehandling (pbl) av 27. juni 2008 § 33-1, Lov om eigedomsregistrering av 17. juni 2005 (matrikkellova) § 32 og Forskrift av 26. juni 2009 nr 864 (matrikkelforskrifta) § 16, Lov om eierseksjoner av 20. mars 1997 § 7, Lov om vern mot forurensning av 13. mars 1981 nr 6 § 52 a og Forskrift av 5. mai 2003 nr 1909 om delegering av myndighet til kommunene etter forurensningsloven, Lov om behandlingsmåter i forvaltningssaker § 27 a og Forskrift av 14. desember 2011 nr 1336 om gebyr for behandling av konsesjonssaker m.v.
Vedtaket er ikkje eit enkeltvedtak og kan ikkje påklagast, jf. forvaltningslova § 28, jf. § 2 b og c.
Formannskapet drøfta saka og kva prinsipp som ligg til grunn for sjølvkost-modellen.
Formannskapet ber rådmannen om ei nærare utgreiing av sjølvkost-modellen i samband med budsjetthandsaminga til hausten.
Formannskapet vedtok samrøystes rådmannen sitt framlegg til vedtak.
Strategiplan for tilsyn etter plan- og bygningslova 2017-2019 vert godkjent.
Grunngjevinga går fram av saksframstillinga.
Heimel for vedtaket er plan- og bygningslova § 25-1, jf. Forskrift om byggesak § 15-2.
Rådmann Jarle Landås peika på at det i strategien for oppfølging av ulovlege tiltak er lagt opp til ei prioritering av saker knytt til liv og helse, men at også andre saker kan bli følgt opp. Målet er ikkje å straffa nokon, men å få tiltak inn i lovlege former.
Rådmannen viste også til at det vert arbeidd med å organisera eit interkommunal byggetilsyn som er retta mot ansvarlege søkjarar og ansvarleg utførande føretak. Dette vil vera eit føretakstilsyn som vil bidra til å førebygga ulovlege tiltak. Rådmannen varsla at han vil koma tilbake med sak om interkommunalt byggetilsyn.
Formannskapet vedtok vedtok samrøystes rådmannnen sitt framlegg til vedtak.
Meldingar og referatsdakerr vert tatt til orientering, med dei tillegg som vart sett fram i møtet.
Samrådsmøte mellom formannskapet og eldrerådet og råd for menneske med nedsett funksjonsevne:
Ordføraren kalla dette for eit historisk møte og inviterte råda til å koma med innspel og forvetningar til politisk og administrasjon. Leiarane i dei to råda, Jannicke Helland i RMNF og Norvald Elvik i eldrerådet informerte om kva saker dei jobbar med og er opptekne av. Dei gav uttrykk for at råda har greie
arbeidsvilkår. Formannskapet framheva dei to råda som ein viktig ressurs i sitt arbeid. Det vart drøftakorleis dei to råda kan verta betre kjend og profilert mellom innbyggarane og brukargruppene, t.d.gjennom heimeside.
Kommunalsjef for helse og omsorg, Mette Fauskanger, orienterte om planar og sentrale oppgåver på sektoren framover. Kommunedelplan for helse og omsorg, omsorgs/velferdsteknologi, og betre rusomsorg står sentralt. Kommunalsjefen informerte også om at Radøy kommune skal i gang med pårørande-skule innan demensomsorga i løpet av året. Kommunalsjefen sa også at ho gjerne vil ha innspel og besøk av leiarane i dei to råda, Ordninga med avlastningsplassar på Velferdssenteret var også ei sakene som vart drøfta.
Kommunalsjef for helse og omsorg, Mette Fauskanger, orienterte om planar og sentrale oppgåver på sektoren framover. Kommunedelplan for helse og omsorg, omsorgs/velferdsteknologi, og betre rusomsorg står sentralt. Kommunalsjefen informerte også om at Radøy kommune skal i gang med pårørande-skule innan demensomsorga i løpet av året. Kommunalsjefen sa også at ho gjerne vil ha innspel og besøk av leiarane i dei to råda, Ordninga med avlastningsplassar på Velferdssenteret var også ei sakene som vart drøfta.
Ordføraren inviterte til eit vidare samarbeid mellom formannskapet og råda, noko medlemane i råda helsar velkomen. I første omgang legg ordføraren opp til eit nytt samrådsmøte i samband med budsjettprosessen til hausten.
Verbalpunkt 2017-budsjettet – helse og omsorg: Kommunalsjef for helse og omsorg gjekk dei ulike verbalpunkta knytt til helse og omsorg i 2017-budsjettet. Ho orienterte om status og svara på spørsmål, og det vart dialog rundt ulike tema.
Dei tre kommunalsjefane har i dei to siste møta hatt gjennomgang av verbalpunkt knytt til sin sektor. Formannskapet Jon Askeland ønskjer ei kort løypemelding frå dei tre kommunalsjef-områda i kommunestyret.
Inkludering/integrering:s skisserte ein modell for ei tilskotsordning, som formannskapet gav rådmannen grønt lys til å legga fram sak om.
Reinseanlegg Manger: Rådmannen orienterte om status for eit reinseanlegg på Manger. Formannskapet ber rådmannen legga fram eit notat og be om innspel frå byggenemnda, før saka igjen vert lagt fram for formannskap og kommunestyre.
Kirkens SOS: innhenta meir informasjon og sjekka ut korleis nabokommunar handterer slike søknader. Ordføraren fekk fullmakt til å gje eit tilskot innanfor ei ramme på 5000 kroner. Ordføraren kjem tilbake med melding til formannskapet.
Fø Ordføraren orienterte om det vidare arbeidet i førebuande fellesnemnd for ny kommune. Han informerte at det blir felles kommunestyremøte 22. juni, som fylkesmannen kallar inn til og er møteleiar for. I forkant skal kvart av dagens kommunestyre gjera vedtak knytt til ny kommune, t.d. kva namnet skal vera på den nye kommunen.
Ordføraren orienterte om komitear som skal setjast ned for å førebu ulike sider av den nye kommunen.
Formannskapet tok meldingar og refersatsaker til orientering, med dei tillegg som vart sett fram i møtet.
Politikar | Parti | Medlemstype | E-Post |
---|---|---|---|
Jon Askeland | Radøy Senterparti | Ordførar | jon.askeland@radoy.kommune.no |
Jostein Borlaug | Radøy Arbeidarparti | Varaordførar | jostein.borlaug@bkkfiber.no |
Kirsti Gjetle Floen | Radøy Arbeidarparti | Medlem | k-floen@bkkfiber.no |
Kenneth Taule Murberg | Radøy Høgre | Medlem | kenneth.taule.murberg@no.issworld.com |
Else Marie Skartveit Dale | Radøy Kristeleg folkeparti | Medlem | emsdale@online.no |
Anne Berit Bø Palmesen | Radøy Senterparti | Medlem | anneberitpalmesen@outlook.com |
Roy Bø | Radøy Fremskrittsparti | Varamedlem | royboe53@gmail.com |
Christel Villanger Håland (Ikke møtt) | Radøy Høgre | Medlem | christel@villanger.net |