Utval: | Formannskapet i Radøy |
---|---|
Dato: | 01.06.2017 09:00 |
Møtestad: | Kommunestyresalen |
Status: | Møtet er ferdig protokollert |
Sakskart: |
Vedtektene for Radøy ungdomsråd vert endra i samsvar med saksutgreiinga.
Formannskapet vedtok samrøystes rådmannen sitt framlegg til vedtak.
Det vert løyvd kr 100 000 frå Nærings- og infrastrukturfondet for å dekke ekstra kostnader knytt til trafo og straumframføring for søkar.
Rådmann Jarle Landås peika på at administrasjonen vurderer ny trafo som eit infrastrukturtiltak som styrkar straumforsyning og leveringsstabilitet for fleire bruk og aktørar, i eit område med landbruksdrift, og at dette burde gått klarare fram i saksutgreiinga.
Kenneth Taule Murberg (H) meiner grunnlaget for å gje tilskot frå næringsfondet er for tynt dokumentert. Han viste til at det ikkje er i tråd med praksis å gje tilskot frå fondet til enkeltføretak. Han fryktar at tilskot til dette tiltaket vil skapa presedens.
Taule Murberg sette fram følgjande framlegg:
Det vert etablert eit landbruksfond med t.d. 400 000 kroner frå næringsfondet, der aktuelle søknader om tilskot til landbruksføremål vert prioritert. Det vert utarbeidd retningsliner for eit landbruksfond.
Ordførar Jon Askeland og fleirtalet i formannskapet legg vekt på at kraftselskapet påfører heile kostnaden på den aktøren som utløyser eit behov for større trafo. Han peika på at andre også vil ha nytte av større kapasitet i straumforsyninga, og at dette handlar om eit infrastruktur-tiltak som kjem også andre aktørar i lokalsamfunnet til gode.
Fleirtalet i formannskapet vil innvilga søknaden om tilskot, og samtidig be rådmannen koma tilbake med ei utgreiing om bruk av næringsfondet knytt til infrastruktur i landbruket.
Kenneth Taule Murberg gjorde det klart at han trekkjer framlegget sitt vil røysta i mot rådmannen sitt framlegg til vedtak.
Formannskapet vedtok mot 1 røyst (Kenneth Taule Murberh, H) rådmannen sitt framlegg til vedtak.
Tertialmelding for januar – april 2017, med vedlegg, vert godkjent slik den ligg føre.
Formannskapet vedtok samrøystes rådmannen sitt framlegg til vedtak.
Det vart ikkje gjort vedtak i saka.
Rådmannen ønskjer ei «fri» politisk drøfting kring investeringstiltak i økonomiplanperioden 2018-21. Han understreka at arbeidet med økonomiplan er eit viktig arbeid inn mot ny kommune. Rådmannen peika på at utgangspunktet for oppstillinga nedanfor er basert på politiske signal som er fanga opp så langt, knytt til økonomiplan og intensjonsavtalen for kommunesamanslåinga.
Ein av strategiane er å gjera Manger sentrum meir attraktivt. Ordførar Jon Askeland peika på at tiltak for å sikra tenester og vekst på Manger er særs viktig på veg inn i ein ny kommune.
Kommunalsjef for drift og forvaltning, Lisbeth Alver, orienterte om arbeidet som er igang for å sjå på framtidas bruk av mellom anna rådhuset og gamle Prestegarden, for å sikra at det er liv og aktivitet i desse bygga også etter at kommunesamanslåinga. Det blir no gjennomført ein "moglegheitsstudie" for å få vurdert kva aktivitetar det er mogleg å leggja inn av tenester og aktivitetar innanfor bygningsmassen, og kva kostnadene vil vera. Alver sa at plassering av bibliotek er ein del av denne vurderinga. Målet er å bidra til å skapa liv i Manger sentrum. Eit konsulentfirma vil leggja fram skisser og kostnadsvurderingar til ulike løysingar.
Kommunalsjef Jo Tømmerbakke orienterte om behovet som melder seg for fleire klasseroms i tilknytning til større kull på Manger skule om nokre få år. På ungdomsskulen er det behov for å gjera noko med naturfagsalen, som er slitt. Det er også behov for å utvida kapasiteten knytt til Utstillingshallen frå 170 til 250 personar, ikkje minst for å kunne samla alle elevane på skulen.
Det vart også ei drøfting av vidare bruk av DPS-bygget. Ein mogleg bruk av bygget kan vera å samla barnehageavdelingane knytt til Prestmarka barnehage her.
Formannskapet drøfta også ei mogleg flytting av brannstasjonen (ved Velferdssenteret) og ta i bruk desse lokale til t.d. omsorgsbustader. Kommunalsjef helse og omsorg, Mette Fauskanger, reknar med at det vil vera behov for fleire omsorgsbustader framover, og synest det er ein spennande tanke med slike bustader tett sentralt ved institusjonen. Ho peika også på at det kan vera naturleg med eit utvida dagsenter knytt til denne "omsorgsklynga".
Formannskapet helsa velkommen rådmannen sine vurderingar og aktuelle problemstillingar knytt til økonomiplan-arbeidet og sett i samanheng med kommunesamanslåinga.
Oppstillinga nedanfor var lagt fram for formannskapet som eit grunnlag for vidare drøfting, og som grunnlag for vidare saksutgreiing, først og fremst til økonomiplan 2018-21, utan at oppstillinga legg føringar for endelege prioriteringar.
Prosjekt | 2018 | 2019 | 2020 | 2021 | Seinare |
Manger skule – tilbygg, ombygging | |||||
Radøy ungdomsskule, oppgradering utstillingshall, naturfagavd. | |||||
Austebygd barnehage, småbarnsavd | |||||
Hordabø skule, tilbygg? | |||||
Barnehageløysing Manger | |||||
Omsorgsbustader, dagsenter knytt til Velferdssenteret (krev flytting av brannstasjon og teknisk stasjon) | |||||
Omdisponering, ombygging, bustader omsut, ref også Grønålen | |||||
Oppgradering Prestegarden | |||||
Ombygging rådhuset | |||||
Ny brannstasjon, teknisk stasjon | |||||
Kollektivterminal Manger - Austmarka? | |||||
Radøyhallen, området rundt? | |||||
Formannskapet gjorde ikkje vedtak i saka.
Radøy kommune sluttar seg til at selskapsavtalen §7-4 vert endra og at høgaste ramme for selskapet sitt samla låneopptak vert sett til kr 640 millionar kroner under føresetnad at leigetakarane underteiknar leigeavtalane.
Rådmann Jarle Landås orienterte om prosjektet. Bygget blir betydeleg større enn først planlagt, på grunn av at behovet har auka. No er det ikkje mogleg å utvida dei fysiske rammene for helsehuset, og bygget er omtrent fylt med leigetakarar. Rådmannen peika på at den nye storkommunen vil ha ein betydeleg plass i bygget. Lindås kommune har planlagt fleire av sine tenester i bygget, og dette vil no bli storkommunen si forplikting. Mellom anna skal felles barnevernkontor få plass her.
Kenneth Taule Murberg (H) synest det er uheldig at leigeprisen i det regionale helsehuset ikkje er lagt fram. Han er også bekymra over det han kalla ei uheldig kostnadsutvikling for prosjektet. Også Roy Bø (Frp) uttrykte skepsis til kostnadsutviklinga.
Kenneth Taule Murberg og Roy Bø sette fram følgjande protokollmerknad:
Høgre og Frp er skeptiske til kostnadsutviklinga for regionalt helsehus.
Formannskapet vedtok samrøystes rådmannen sitt framlegg til vedtak.
Kommunestyret i Radøy kommune godkjenner i medhald av kommunelova § 28-1 b samarbeidsavtale for Nordhordland og Gulen interkommunale tilsyn, jf. revidert avtaledokument datert 10.05.2017.
Kommunestyret gir i medhald av kommunelova § 28-1 b nr 3 instruks til rådmannen i Radøy kommune om delegasjon av mynde som avtalen omfattar til rådmannen i Lindås.
Kommunestyret godkjenner i medhald av plan- og bygningslova § 25-1 overordna tilsynsstrategi for samarbeidskommunane, jf. revidert tilsynsstrategi datert 10.05.2017.
Formannskapet vedtok samrøystes rådmannen sitt framlegg til vedtak.
Kommunestyret vedtek Alver kommune som namnet på den nye kommunen.
Jostein Borlaug (AP) orienterte om arbeidet i namnekomiteen. Komiteen stod tilbake med 11 namneforslag etter å ha silt ut forslag etter gitte kriterier.
Referansegruppa kom tilbake til namnekomiteen med fire namn; Alver, Knarvik, Radfjord og Kvernafjord.
Borlaug opplyste at namnekomiteen etter drøftingar landa på Alver som kommunenamn. Han konstaterer at Knarvik er litt for kontroversielt for ein del av innbyggarane, og at Alver er det namnet som folk i dei tre kommunane kan samla seg om.
Førebuande fellesnemnd samla til slutt også om Alver.
Roy Bø (Frp) sa at han hadde fått ein del negative tilbakemeldingar på at Alver blir namnet på den nye kommunen. Han signaliserte at han i kommunestyret vil fremja forslag om at namnet vert Nordhordland.
Formannskapet vedtok rådmannen sitt framlegg til vedtak.
Følgjande medlemmer vert valde frå Radøy i fellesnemnda:
Val til fellesnemnda vert gjort i kommunestyret.
Else Marie Skartveit Dale (KrF) og Laila Seifaldet Pletten (SP) har vore med i førebuande fellesnemnd, men har meldt frå at dei takkar nei til å vera medlem i den permanente fellesnemnd for ny kommune.
Formannskapet drøfta saka.
Det vart sett fram følgjande framlegg til vedtak:
Følgjande medlemmer vert valde frå Radøy i fellesnemnda:
Val til fellesnemnda vert gjort i kommunestyret.
Formannskapet vedtok samrøystes framlegg sett fram i møtet.
Meldingar og referatsaker vert tekne til orientering.
Kartlegging av dysleksi i grunnskulen:
Leiar ved PPT, Unni Helle Nordberg, orienterte om kartlegging av skulane sitt arbeid med utfordringar knytt til dysleksi (lese- og skrivevanskar). Bakgrunnen for orienteringa er eit verbalpunkt i kommunestyret sitt budsjettvedtak for 2017.
Helle Nordberg har gjennomført ei spørjeundersøking mellom lærarar for å finna ut korleis skulane arbeider med lese- og skrivevanskar. Undersøkinga viser at "felles program for leseopplæringa i Radøy" og SOL-programmet er kjend for alle. Skulane er flinke på kartlegging og vurdering om eleven har vanskar. Helle Nordberg peikar på at det er nødvendig å ha sterkare fokus på målretta tiltak straks ein ser at ein elev strevar med lese-/skriveutviklinga på kvart trinn. Undersøkinga avdekka varierande svar om lese-/skriveopplæringa og opplæringa i bruk av kompenserande hjelpemiddel. Alle skulane legg vekt på å byggja tillit gjennom informasjon til heimane, om opplegget og om eleven si utvikling.
Skulane meiner dei langt på veg oppfyller "Dysleksivenleg skule" si 10 punkts kriterieliste. Nokre av skulane har gode rutinar og har systematikk i opplegget, medan andre vurderer at dei kan verta betre på rutinar og prosedyrar.
Helle Nordberg peikar på at sertifiseringa ikkje er mål i seg sjølv, men at det er eit mål å utvida kunnskap og dermed kunne styrka tiltak.
Kommunalsjef Jo Tømmerbakke sa at undersøkinga og utfordringane knytt til dysleksi vil bli drøfta vidare på rektormøte.
Melding e - "Kulturhus"/verkstad/galleri:
Innspelet frå Radøy Kunst Senter vart omtalt som spennande tankar. Formannskapet konkluderte med at bruk av bygningsmasse knytt til gamle Prestegarden må takast opp i ei samla vurdering av utviklinga av Manger sentrum og framtidig bruk av både gamle Prestegarden og rådhuset i samband med at Radøy går saman med Lindås og Meland i ny kommune frå 2020.
Melding k - TV-aksjonen - kommunekomite:
Ordføraren informerte om at det Radøy følgjer same praksis som før med samansetjing av kommunekomite for TV-aksjonen. Ordføraren er leiar i kommunekomiteen.
Formannskapet vedtok også å gje 10 000 kroner i tilskot til årets TV-aksjon - altså ca to kroner per innbyggar.
Melding l - Levering av avfall med traktor – brev frå NGIR:
Formannskapet ønskjer at NGIR ser vidare på denne saka. Ordføraren følgjer opp saka overfor NGIR.
Risnes grendalag:
Formannskapet fekk 4. mai orientering og synfaring i Risnes-krinsen, med grendalaget og grunneigarlaget som vertskap. I ettertid har grendalaget hadde styremøte, og peikar på at tiltak for auka busetjing må vera første prioritet for krinsen.
I ettertid har grunneigarlaget hatt styremøte, og slik dei ser det må tiltak for auka busetjing vera første prioritet for krinsen. Grunneigarlaget kjem med følgjande innspel:
- Tilgang til bustadtomter
- Kommunen går inn og overtar og utarbeider reguleringsplan for større tomteprosjekt. Kommunen fråfell krav om reguleringsplan for mindre bustadfelt og spreidd bustadbygging.
- Det vert lagt til rette for tilgang til båtplassar og båthamner. Dette for å tiltrekkja seg ungdom som ønskjer å etablera seg i området.
Grendalaget og grunneigarlaget vonar at innspelet blir tatt omsyn til, og at forholda vert lagt til rette gjennom kommunen sin arealplan, slik at det vert enklare for folk å busetja seg i denne delen av Radøy kommune.
Møteplan 2. halvår 2017:
Formannskapet godkjende følgjande møteplan for politiske møte 2. halvår 2017:
7. sept. Formannskapet/valstyret
11. sept. Valstyret
12. sept. Valstyret
13. sept. Hovudutvalet
21. sept. Kommunestyret
19. okt. Formannskapet
25. okt. Hovudutvalet
26. okt. Kommunestyret
9. nov. Formannskapet
23. nov. Formannskapet
6. des. Hovudutvalet
7. des. Kommunestyret (budsjettmøte)
Formannskapet tok meldingar og referatsaker til orientering.
Kommunestyret godkjenner forskrift om rett til langtidsopphald ved sjukeheim eller tilsvarande bustad særskilt tilrettelagt for heildøgntenester i Radøy kommune datert 29.05.17 (vedlegg). Kommunal forskrift trer i kraft frå og med 01.07.17.
Formannskapet vedtok samrøystes rådmannen sitt framlegg til vedtak.
I medhald av plan- og bygningslova § 4-1 og § 11-3 vert framlegg til planprogram for kommundelplan helse og omsorg lagt til høyring og offentleg ettersyn 1. juni 2017. Høyringsfrist vert sett til 17 juli 2017.
Formannskapet vedtok rådmannen sitt framlegg til vedtak.
Politikar | Parti | Medlemstype | E-Post |
---|---|---|---|
Jon Askeland | Radøy Senterparti | Ordførar | jon.askeland@radoy.kommune.no |
Jostein Borlaug | Radøy Arbeidarparti | Varaordførar | jostein.borlaug@bkkfiber.no |
Kirsti Gjetle Floen | Radøy Arbeidarparti | Medlem | k-floen@bkkfiber.no |
Kenneth Taule Murberg | Radøy Høgre | Medlem | kenneth.taule.murberg@no.issworld.com |
Else Marie Skartveit Dale | Radøy Kristeleg folkeparti | Medlem | emsdale@online.no |
Anne Berit Bø Palmesen | Radøy Senterparti | Medlem | anneberitpalmesen@outlook.com |
Roy Bø | Radøy Fremskrittsparti | Varamedlem | royboe53@gmail.com |
Christel Villanger Håland (Ikke møtt) | Radøy Høgre | Medlem | christel@villanger.net |