Utval: | Kommunestyret i Radøy |
---|---|
Dato: | 15.06.2017 18:00 |
Møtestad: | Kommunestyresalen |
Status: | Vedtak er påført møtet |
Sakskart: |
Meldingar og referatsaker vert tekne til orientering, med dei tillegg som vart sett fram i møtet.
Kontrollutvalet: Leiar i kontrolltutvalet i Radøy, Arild Tveranger, orienterte om siste møte i utvalet og om aktuelle saker knytt til ny kommune.
Ny kommune: Ordføraren orienterte om arbeidet i førebuande fellesnemnd. Mellom anna er ein godt igang med å få avklart mogleg rettskrav i samband med prosessen knytt til tilsetjing av prosjektansvarleg (rådmann) i den nye kommunen.
Ordføraren sa at arbeidet med å få utarbeidd styringsdokumentet for arbeidet i den nye kommunen er omfattande. Det blir lagt opp til seminar i fellesnemnda 4.-5. september om dette temaet. For å sikra at styringsdokumentet får best mogleg forankring i dei ulike kommunane, signaliserte ordføraren at det er aktuelt å handsama dokumentet i kommunestyret. I så fall vil det bli eit ekstramøte i kommunestyret rundt skulestart.
DPS-bygget: Rådmannen orienterte om forhandlingane om kommunal overtaking av DPS-bygget på Manger frå Helse Vest. Formannskapet har vore informert om forhandlingane undervegs og politikarane har gitt uttrykk for at det er interessant å overta bygget til ein akseptabel pris.
Ordføraren konkluderte med at rådmannen har forhandla fram ei løysing og ein kjøpesum som er innanfor den ramma som formannskapet kan godta.
Rådmann Jarle Landås peikar på at kommunen i dag har betydelege leigekostnader i DPS-bygget, og at ein kjøpesum på rundt 12 mill. kroner er ein sum kommunen kan vera tilfreds med. Han peika også på at eit kommunalt overtak av bygget vil løysa utfordringar på barnehagesektoren.
Kommunestyret signaliserte at dei ser positivt på at kommunen overtek DPS-bygget innanfor den aktuelle kjøpesum. Kommunestyret vil få ei sak om kommunalt kjøp av DPS-bygget til handsaming i haust.
Kommunestyret tok meldingar og referatsaker til orientering, med dei tillegg som vart sett fram i møtet.
Radøy kommune sluttar seg til at selskapsavtalen §7-4 vert endra og at høgaste ramme for selskapet sitt samla låneopptak vert sett til kr 640 millionar kroner under føresetnad at leigetakarane underteiknar leigeavtalane.
Dagleg leiar Rune Heradstveit i Nordhordland Utviklingsselskap IKS orienterte om det regionale helsehus-prosjektet. Han sa at brukarprosessane har vore særs grundige og det er gått fleire rundar med endringar og revisjonar. Bygget er fullt, og leigetakarane har fått det arealet dei har bestilt. Heradstveit viste til at bygget utnyttar potensialet som områdeplanen og tomta gir rom for.
Bygget har eit bruttoareal på 13 230 kvm, pluss underetasje på 3594 kvm. Kostnadskalkylen ligg på 664 mill. kroner, som med innlagt usikkerheitsanalyse er oppe i 719 mill. Som fråtrekk kjem 86 mill. i mva-refusjon og 10 mill. i tilskot frå Husbanken.
Rune Heradstveit viste til at forprosjekt/kalkyle er 190 mill. høgare enn det som er signalisert. Dette skuldast mellom anna at bygget har auka med over 700 kvm, krav i Tek 10 og Tek 17 gir auka kostnader, mykje teknisk krevjande areal - til t.d. ambulanse, legevakt, ØDH-plassar, tannlege dialyse og lydtette behandlarkontor. Heradstveit framheva mellom anna at bygget vil få dei mest moderne lokale for dialysebehandling i Hordaland.
Det er rekna med byggjestart i april 2018 / ferdigstilling av bygg og innflytting 2020.
Kenneth Taule Murberg (H) stilte spørsmål ved økonomien i helsehus-prosjektet og han fryktar at dette vil bli eit tapsprosjekt for eigarkommunane. I følgje hans reknestykke vil ikkje leigeinntektene dekka kostnadane med renter, avdrag vedlikehald. Han understreka at kommunestyret har behov for å vita kva som er økonomien i prosjektet.
Rune Heradstveit understreka at økonomien i helsehus-prosjektet er grundig gjennomgått av eksterne ekspertar. Han viste til at lånet skal tilbakebetalast over 40 år. Lånekostnadane skal finansierast av leigetakarane i bygget, og leigeavtalane går over 20 år. Heradstveit peika på at det er tatt atterhald om at leigeavtalane blir reforhandla dersom rentekostnadane skulle bli høgare enn det er lagt til grunn.
Normann Sæbø (H) meiner det er behov for å kvalitetssikra tala som ligg til grunn for finansiering og låneopptak.
Sæbø sette fram følgjande tilleggsframlegg:
Det er ein føresetnad at det blir gjort ei ekstern kvalitetssikring av økonomien i helsehus-prosjektet.
Under avrøysting vart formannskapstilrådinga sett opp mot formannskapstilrådinga med tilleggsframlegg frå Normann Sæbø H).
Formannskapstilrådinga vart vedteken mot sju røyster (Høgre og Frp).
Radøy kommune godkjenner framlegg til samarbeidsavtale mellom Bergen Reiselivslag og kommunane i Region Nordhordland.
Silje Namtvedt (Sp) gav uttrykk for at ho meiner det har gått for lang tid å få samarbeidsavtalen i hamn. Ho har så langt ikkje funne noko frå Nordhordland på Bergen reiselivslag sine heimesider. Namtvedt meiner næringshagen i Austrheim burde ha vore trekt med i arbeidet med å utarbeida forretningsmodell.
Dagleg leiar Rune Heradstveit i Nordhordland Utviklingsselskap IKS peika på ulike årsaker til at det har tatt tid å få samarbeidsavtalen ferdig, mellom anna at Osterøy har sagt nei til å vera med. Han viste til at Bergen reiselivslag er godt igang med å utarbeida brosjyrematriale som også omfattar Nordhordland.
Kommunestyret vedtok samrøystes formannskapstilrådinga.
Vedtektene for Radøy ungdomsråd vert endra i samsvar med saksutgreiinga.
Kommunestyret vedtok samrøystes formannskapstilrådinga.
Kommunestyret i Radøy kommune godkjenner i medhald av kommunelova § 28-1 b samarbeidsavtale for Nordhordland og Gulen interkommunale tilsyn, jf. revidert avtaledokument datert 10.05.2017.
Kommunestyret gir i medhald av Kommunelova § 28-1 b nr 3 instruks til rådmannen i Radøy kommune om delegasjon av mynde som avtalen omfattar til rådmannen i Lindås.
Kommunestyret godkjenner i medhald av plan- og bygningslova § 25-1 overordna tilsynsstrategi for samarbeidskommunane, jf. revidert tilsynsstrategi datert 10.05.2017
Om ikkje alle kommunane seier ja, ber kommunestyret rådmannen ta initiativ til eit interkommunalt byggetilsyn for Lindås, Meland og Radøy.
Ordførar Jon Askeland opplyste at formannskapet i Lindås har utsett saka og viste til signal om at dei folkevalde i nabokommunen ikkje vil slutta seg til etableringa av eit interkommunalt vertskommunesamarbeid for tilsyn etter plan- og bygningslova.
Då Meland kommunestyre handsama saka 14. juni 2017 vart det vedteke følgjande tillegg:
Om ikkje alle kommunane seier ja, ber kommunestyret rådmannen ta initiativ til eit interkommunalt byggetilsyn for Lindås, Meland og Radøy.
I debatten i Radøy kommunestyre gav representantar frå ulike parti uttrykk for støtte til Meland kommunestyre sitt tillegg.
Det vart sett fram følgjande felles framlegg:
Om ikkje alle kommunane seier ja, ber kommunestyret rådmannen ta initiativ til eit interkommunalt byggetilsyn for Lindås, Meland og Radøy.
Kommunestyret vedtok samrøystes formannskapstilrådinga med tillegg sett fram i møtet.
Kommunestyret godkjenner forskrift om rett til langtidsopphald ved sjukeheim eller tilsvarande bustad særskilt tilrettelagt for heildøgntenester i Radøy kommune datert 29.05.17 (vedlegg). Kommunal forskrift trer i kraft frå og med 01.07.17.
Kommunestyret vedtok samrøystes formannskapstilrådinga.
I medhald av plan- og bygningslova § 4-1 og § 11-3 vert framlegg til planprogram for kommundelplan helse og omsorg lagt til høyring og offentleg ettersyn 1. juni 2017. Høyringsfrist vert sett til 17. august 2017».
Kirsti Gjetle Floen (A) gav uttrykk for at det er lagt opp til for kort høyringsfrist.
Gjetle Floen sette fram følgjande endringsframlegg:Høyringsfristen for planprogram for kommunedelplan helse og omsorg vert utvida med 4 veker til 17. august.
Kommunestyret vedtok samrøystes formannskapstilråding, med tilleggsframlegg frå Kirsti Gjetle Floen (A) sett fram i møtet.
Tertialmelding for januar – april 2017, med vedlegg, vert godkjent slik den ligg føre.
Økonomisjef Sveinung Kvamme orienterte om tertialmeldinga for januar-april, som er ei løypemelding til administrasjonen. Han peika på at det framleis er ei rekkje usikra faktorar i høve til det vedtekne 2017-budsjettet, men at det meste ser ut til å vera i rute. Pensjonskostnadane er høgare enn det er rekna med, samtidig er skatteinngangen og eigedomsskatten noko større. På oppvekstsektoren ser det ut til å gå mot eit meirforbruk.
Formannskapet vedtok samrøystes formannskapstilrådinga.
Kommunestyret vedtek Alver kommune som namnet på den nye kommunen.
Varaordførar Jostein Borlaug (A) har vore medlem i namnekomiteen og gav ei orientering om komiteen sitt arbeid. Etter å ha sendt elleve namneforslag til vurdering i referansegruppa, fekk namnekomiteen tilbake fire namn: Alver, Knarvik, Kvernafjord og Radfjord. Med utgangspunkt i innstillinga frå referansegruppa drøfta namnekomiteen seg fram til ei samrøystes innstilling om at Alver vert namnet på den nye kommunen. Komiteen drøfta seg fram til Alver som si samrøystes innstilling.
I kommunestyret vart det eit godt og engasjert ordskifte om namneval for den nye kommunen, der Alver og Nordhordland vart fronta som dei mest aktuelle namna.
Roy Bø (Frp) sette fram følgjande framlegg:
Kommunestyret vedtek Nordhordland kommune som namnet på den nye kommunen.
Det vart halde to prøverøystingar.
I første prøverøysting røysta 12 representantar for Alver kommune, medan framlegget om Nordhordland fekk 11 røyster. Ein representant røysta blankt.
I andre prøverøysting røysta 12 representantar for Alver kommune og 12 representantar for Nordhordland kommune.'
I endeleg avrøysting røysta 12 representantar for Alver kommune og 12 representantar for Nordhordland kommune.
Følgjande representantar røysta for Alver kommune:
Jon Askeland (SP), Silje Namtvedt (SP), Anne Berit Bø Palmesen (SP), May Britt Vågenes Gjerde (SP), Laila Seilfaldet Pletten (SP), Sara Hamre Sekkingstad (SP), Jostein Borlaug (AP), Kirsti Gjetle Floen (AP), Liv Berith Rath (AP), Torill Helland (AP), Edgar Grindheim (AP), Agnes Hoshovde Bernes (V).
Følgjande representantar røysta for Nordhordland kommune:
Kenneth Taule Murberg (H), Vidar Grindheim (H), Normann Sæbø (H), Henning Haugland (H), Thomas Rikstad (H), Leif Taule (SP), Dag Sætre (SP), Martin Soltveit (SP), Roy Bø (Frp), Wenche Kalnes Tveranger (Frp), David Pletten Aasgard (KrF), Else Marie Skartveit Dale (KrF).
Med like stemmetal (12-12) vart ordføraren si dobbeltrøyst avgjerande for Alver kommune.
Følgjande medlemmer vert valde frå Radøy kommune til fellesnemnda:
Medlemer:1. Jon Askeland (SP)
2. Jostein Borlaug (AP)
3. Kenneth Taule Murberg (H)
4. Kirsti Gjetle Floen (AP)
5. May Britt Vågenes Gjerde (SP)
Varamedlemmer:
1. Normann Sæbø (H)
2. Roy Bø (Frp)
3. Silje Namtvedt (SP)
4. David Pletten Aasgard (KrF)
5. Anne Berit Bø Palmesen (SP)
6. Torill Helland (AP)
7. Agnes Hoshovde Bernes (V) til 31.1. 2018 / Frode Hervik (V) frå 1.2. 2018
Leif Taule (Sp) leverte følgjande listeframlegg til val av fellesnemnd på vegne av SP/AP/Høgre/Frp/KrF:
Medlemer:
1. Jon Askeland (SP)
2. Jostein Borlaug (AP)
3. Kenneth Taule Murberg (H)
4. Kirsti Gjetle Floen (AP)
5. May Britt Vågenes Gjerde (SP)
Varamedlemmer:
1. Normann Sæbø (H)
2. Roy Bø (Frp)
3. Silje Namtvedt (SP)
4. David Pletten Aasgard (KrF)
5. Anne Berit Bø Palmesen (SP)
6. Torill Helland (AP)
7. Vidar Grindheim (H)
Agnes Hoshovde Bernes (V) viste til at Venstre har hatt varaplass til førebuande fellesnemnd, og sa at partiet også ville ha varaplass i den permanente fellesnemnda. Ho motsette seg difor avtaleval.
Vidar Grindheim (H) sette fram følgjande framlegg:
Vidar Grindheim (H) blir erstatta med Agnes Hoshovde Bernes (V) fram til 31.1. 2018 / Frode Hervik (V) frå 1.2. 2018 som 7. varamedlem i fellesnemnda.
Kommunestyret vedtok samrøystes framlegg til valliste sett fram av Leif Taule (SP), med endringsframlegg frå Vidar Grindheim (H).
Framlegg til hovudplan for avløp vert godkjent slik den ligg føre, med merknad om at plan for avløp Vetås-Haukeland –Storheim vert lagt inn i planen.
Handlingsplanen vert tatt opp til revisjon i løpet av 1. halvår 2018.
Dag Sætre (SP) peika på at nye tiltak medfører behov for større ressursar på vann- og avløpssektoren.
Sætre sette fram følgjande tilleggsframlegg:
Handlingsplanen vert tatt opp til revisjon i løpet av 1. halvår 2018.
Kommunestyret vedtok samrøystes formannskapstilrådinga med Dag Sætre (SP) sitt tilleggsframlegg.
Framlegg til hovudplan for vassforsyning vert godkjent med merknad om at vassforsyning til Listveiten kjem med i planen for utføring i 2017.
Handlingsplanen vert tatt opp til revisjon i løpet av 1. halvår 2018.
Dag Sætre (SP) sette fram følgjande tilleggsframlegg:
Handlingsplanen vert tatt opp til revisjon i løpet av 1. halvår 2018.
Kommunestyret vedtok samrøystes formannskapstilrådinga med Dag Sætre (SP) sitt tilleggsframlegg sett fram i møtet.
Politikar | Parti | Medlemstype | E-Post |
---|---|---|---|
Torill Helland | Radøy Arbeidarparti | Medlem | torill_helland@yahoo.no |
Kirsti Gjetle Floen | Radøy Arbeidarparti | Medlem | k-floen@bkkfiber.no |
Liv Berit Rath | Radøy Arbeidarparti | Medlem | livb.rath@gmail.com |
Jostein Borlaug | Radøy Arbeidarparti | Medlem | jostein.borlaug@bkkfiber.no |
Roy Bø | Radøy Fremskrittsparti | Medlem | royboe53@gmail.com |
Wenche Linda Kalnes Tveranger | Radøy Fremskrittsparti | Medlem | kalnes@hotmail.com |
Vidar Grindheim | Radøy Høgre | Medlem | VG@uiv.no |
Normann Sæbø | Radøy Høgre | Medlem | normann@morenot.no |
Kenneth Taule Murberg | Radøy Høgre | Medlem | kenneth.taule.murberg@no.issworld.com |
Henning Haugland | Radøy Høgre | Medlem | Henninghaugland@me.com |
David Pletten Aasgard | Radøy Kristeleg folkeparti | Medlem | davidpaa@outlook.com |
Else Marie Skartveit Dale | Radøy Kristeleg folkeparti | Medlem | emsdale@online.no |
Leif Gunnar Taule | Radøy Senterparti | Medlem | leif.taule@gmail.com |
Laila Seilfaldet Pletten | Radøy Senterparti | Medlem | plettenlaila@gmail.com |
May Britt Vågenes Gjerde | Radøy Senterparti | Medlem | maybritt@gjer.de |
Silje Namtvedt | Radøy Senterparti | Medlem | Siljenamtvedt@hotmail.com |
Dag Sætre | Radøy Senterparti | Medlem | dag.setre@radoy.kommune.no |
Anne Berit Bø Palmesen | Radøy Senterparti | Medlem | anneberitpalmesen@outlook.com |
Jon Askeland | Radøy Senterparti | Medlem | jon.askeland@radoy.kommune.no |
Sara Hamre Sekkingstad | Radøy Senterparti | Medlem | sara.sekkingstad@gmail.com |
Martin Soltveit | Radøy Senterparti | Medlem | msoltveit@hotmail.no |
Agnes Hoshovde Bernes | Radøy Venstre | Medlem | bernesagnes@gmail.com |
Edgar Grindheim | Radøy Arbeidarparti | Varamedlem | edgar.grindheim@hfk.no |
Thomas Rikstad | Radøy Høgre | Varamedlem | |
Morgan Taule (Ikke møtt) | Radøy Arbeidarparti | Medlem | morgan.taule@gmail.com |
Christel Villanger Håland (Ikke møtt) | Radøy Høgre | Medlem | christel@villanger.net |
Ståle Villanger (Ikke møtt) | Radøy Venstre | Medlem | svillanger45@hotmail.com |