Delegerte saker vert tekne til orientering.
Hovudutvalet tok delegerte saker til orientering.
Meldingar og referatsaker vert tekne til orientering
Orientering - Kjebogen industriområde v/leiar teknisk forvaltning, Tonje Nepstad EplandDet er kome to naboklager på administrativt vedtak om byggeløyve på Kjebogen industriområde. Kommunen har gitt løyve til å setja igang arbeidet med planering, kai/kaifront og undervassprenging, i samsvar med søknad frå RadøyGruppen og reguleringsplan for området. Begge klagene er i hovudsak retta mot sakshandsaminga.
Kommunen har åtte vekes frist til å handsama klagene og eventuelt videresende til fylkesmannen i Hordaland for endeleg avgjerd. Grunna ferie i politisk organ vil sakshandsamingafrista ikkje kunne overheldast om hovudutvalet skal ha klagene på sakslista til neste møte. Rådmannen rår difor til at sakene vert sendt direkte til fylkesmannen etter administrativ vurdering i samsvar med orientering gitt i møte.
Hovudutvalet gjorde følgjande vedtak:
Hovudutvalet har fått rådmannen si orientering om klager og status vedk. Kjebogen industriområde. Utvalet delegerer til rådmannen å gjera vidare administrativt vurdering av klagene før klagene vert sendt til fylkesmannen i Hordaland for endeleg avgjerd.
Hovudutvalet sitt fram til vedtak, sett fram i møtet, vart samrøystes vedteke.
Oppfølging skrothaug:
Leif Taule (SP) stilte spørsmål om framdrift knytt til oppfølging av skrothaug.
Rådmannen svara at denne saka blir følgd opp, men at det har vore utfordringar knytt til korleis det skal følgjast opp.
Hus til sals:
Leif Taule ville også vita om administrasjonen er kjend med eit hus ved sjøen i Austmarka, som er til sals. Han spurde om kommunen har vore i kontakt med meklar vedk. moglege ulovlege tiltak på eigedomen.
Administrasjonen er ikkje kjend med salsprosessen, men skal følgja opp saka.
Hovudutvalet tok meldingar og referatsaker til orientering, med dei tillegg som vart gjort i møtet.
Det vert gjeve dispensasjon frå arealføremål LNF for bruksendring av løe til selskapslokale for inn til 40 gjestar på følgjande vilkår:
Dispensasjonen er ein mellombels dispensasjon og gjeld i 3 år frå vedtaksdato.
Selskapslokalet skal ha tal parkeringsplassar i samsvar med Kommuneplan for Radøy kommune 2011-23.
Selskapslokalet skal ha godkjent avlaup.
Eigedomen skal ha lovleg avkjørsle.
Det vert gjeve dispensasjon frå arealføremål LNF for markterrasse m/overbygg som omsøkt.
Det vert gjeve dispensasjon frå byggeforbod i strandsone og aralføremål LNF for markterrasse m/overbygg som omsøkt.
Grunngjeving for vedtaket går fram av saksutgreiinga.
Vedtaket har heimel i plan- og bygningslova § 19-2 jf. § 11-6 og naturmangfaldslova §§ 8-12.
Saka vert sendt Fylkesmannen i Hordaland og Statens vegvesen for klagevurdering.
Hovudutvalet var på syfaring.
Leiar teknisk forvaltning, Tonje Nepstad Epland, orienterte om situasjonen for Brattetaule gård, og sa at delar av drift og tiltak på staden ikkje er i samsvar med det det er søkt om. Ho peika også på at avkjørsle til eigedomen ikkje er godkjend av Statens vegvesen. Ho signaliserte at administrasjonen må opna sak om ulovlege tiltak på bakgrunn av det som vart oppdaga under synfaringa.
Leif Taule (SP) meiner administrasjonen i brev til verksemda må seia tydeleg frå om kva verksemda ikkje har løyve til å driva med, t.d. overnatting i løa, og peika på kva han må søkja om.
Hovudutvalet vedtok samrøystes rådmannen sitt framlegg til vedtak.
Det vert gjeve dispensasjon frå arealføremål fritidsbustad og plankrav for oppføring av naust på 64/112 på følgjande vilkår:
1. Naustet må reisast innanfor det allereie planerte området og dei murar som er ført opp i bakkant.
2. Det kan ikkje gjerast tiltak i sjø, jf. byggegrense og føresegner i gjeldande kommuneplan.
Grunngjevinga for vedtaket er at allmenta sin tilkomst vert ikkje skadelidande. Naustet vil ikkje vera til hinder for allmenta. Det krevst ikkje store terrengmessige inngrep. Dei fleste andre hytter i området har naust.
Heimel for vedtaket er plan- og bygningslova paragraf 19-2, jf. 11-6, samt naturmangfaldslova paragraf 8-12.
Vedtaket vert sendt Fylkesmannen i Hordaland for klagevurdering.
Hovudutvalet var på synfaring.
Edgar Grindheim (AP) peika på at det er bygt treplatting ut i sjøen og gjort andre moglege ulovlege tiltak i strandsona, utan at det er søkt om dette. Han meiner difor utvalet ikkje kan seia ja til at det vert sett opp bygg på same plassen.
Leif Taule (SP) meiner utvalet ikkje må blanda dei to sakene, og ser ingen problem med å godkjenna naustet.
Leiar teknisk forvaltning, Tonje Nepstad Epland. gjorde merksam på at eit ja til dette tiltaket, vil skapa presedens i andre tilsvarande saker. Ho peika på at dette tiltaket vil vera i strid med kommuneplanen og at det bryt med ein praksis i handsaminga av slike saker frå 2009.
Utvalsleiar Christel Villanger Håland ønskjer å gje dispensasjon for oppføring av naust. Naustet vil ikkje vera til hinder for allmenta. Ho peikar vidare på at naustet må reisast innanfor det planerte området og dei murar som er i bakkant, og ingen tiltak i sjø - utfrå byggegrense i gjeldande kommuneplan. Villanger Håland legg også vekt på at det ikkje vil medføra store terrengmessige inngrep. Ho peika på at dei fleste hytter i området har naust.
Villanger Håland sette fram følgjande endringsframlegg:
Det vert gjeve dispensasjon frå arealføremål fritidsbustad og plankrav for oppføring av naust på 64/112 på følgjande vilkår:
1. Naustet må reisast innanfor det allereie planerte området og dei murar som er ført opp i bakkant.
2. Det kan ikkje gjerast tiltak i sjø, jf. byggegrense og føresegner i gjeldande kommuneplan.
Grunngjevinga for vedtaket er at allmenta sin tilkomst vert ikkje skadelidande. Naustet vil ikkje vera til hinder for allmenta. Det krevst ikkje store terrengmessige inngrep. Dei fleste andre hytter i området har naust.
Heimel for vedtaket er plan- og bygningslova paragraf 19-2, jf. 11-6, samt naturmangfaldslova paragraf 8-12.
Vedtaket vert sendt Fylkesmannen i Hordaland for klagevurdering.
Hovudutvalet vedtok Christel Villanger Håland sitt endringsframlegg mot ei røyst.
Edgar Grindheim (AP) røysta for rådmannen sitt framlegg til vedtak.
Klagen vert ikkje teke til følgje og vedtak i delegasjonssak 098/2017 vert stadfesta.
Grunngjevinga går fram av saksutgreiinga.
Vedtaket har heimel i forvaltningslova § 33, jf. plan- og bygningslova § 19-2 og 12-4.
Klagen vert sendt Fylkesmannen i Hordaland for endeleg avgjerd.
Leif Taule (SP) ba om gruppemøte.
Utvalsleiar Christel Villanger Håland signaliserte at ho ønskjer å markera at det ikkje er greitt å ta seg til rette.
Hovudutvalet vedtok samrøystes rådmannen sitt framlegg til vedtak.
Det vert gjeve dispensasjon for oppføring av tilbygg til eksisterande fritidsbustad som omsøkt på følgjande vilkår:
1. Det må søkjast om utsleppsløyve for gråvatn.
2. Eigedomen må ha tinglyst rett til parkering.
Grunngjeving for vedtaket går fram av saksutgreiinga.
Når det gjeld vilkår nummer to er grunngjevinga at eit tilbygg legg til rette for auka bruk og bruk av fleire personar samstundes. Det er allereie trafikale utfordringar knytt til parkering i offentleg veg og kai. Samstundes set Kommuneplan for Radøy kommune pkt 2.7 krav til to parkeringsplassar per fritidsbustad. Det vil vera ei klar ulempe å leggja til rette for auka bruk om eigedomen ikkje samstundes vert sikra parkering.
Vedtaket har heimel i plan- og bygningslova (pbl) § 19-2 jf. § 11-6 og § 1-8, samtnaturmangfaldslova §§ 8-12.
Vedtaket vert sendt fylkesmannen i Hordaland for klagevurdering.
Edgar Grindheim (AP) peika på trafikale problem i kaiområdet på grunn av parkerte bilar.
Grindheim sette fram følgjande tilleggsframlegg som vilkår nr 2:
Eigedomen må ha tinglyst rett til parkering.
Når det gjeld vilkår nummer to er grunngjevinga at eit tilbygg legg til rette for auka bruk og bruk av fleire personar samstundes. Det er allereie trafikale utfordringar knytt til parkering i offentleg veg og kai. Samstundes set Kommuneplan for Radøy kommune pkt 2.7 krav til to parkeringsplassar per fritidsbustad. Det vil vera ei klar ulempe å leggja til rette for auka bruk om eigedomen ikkje samstundes vert sikra parkering.
Hovudutvalet vedtok samrøystes rådmannen sitt framlegg til vedtak, med tilleggsframlegg sett fram i møtet.
Det vert gjeve dispensasjon frå arealføremål LNF og bygge/deleforbod i strandsone og løyve til deling for oppretting av ny grunneigedom for heilårsbustad på følgjande vilkår:
Det må sendast inn tinglyst rett til å knyte eigedomen til eksisterande leidningsnett for vatn og avlaup.
Det må sendast inn tinglyst vegrett.
Det må søkjast om utsleppsløyve.
Det må søkjast om tilknyting til offentleg vassverk.
Det må søkjast om utvida bruk av eksisterande avkjørsle.
Saka vert ikkje overført til oppmåling før vilkåra i delingsløyvet er oppfylt.
Grunngjeving går fram av saksframstillinga.
Vedtaket har heimel i plan- og bygningslova (pbl) § 20-1m (deling) og § 19-2 jf. § 11-6.
Vedtaket vert sendt Fylkesmannen i Hordaland og nabo som har merknad i saka for klagevurdering.
Hovudutvalet vedtok samrøystes rådmannen sitt framlegg til vedtak.
Det vert gjeve dispensasjon frå arealføremål LNF og løyve til deling av ny grunneigedom for det eksisterande våningshuset med hage på gbnr 25/5,18 Haugland på følgjande vilkår:
1. Landbrukseigedomen gbnr 25/5,18 skal samanføyast med gbnr 25/105.
2. Den nye grunneigedomen vert i tråd med nytt forslag til tomtegrenser etter synfaring og eit areal på 2,07 dekar.
Grunngjeving av vedtaket er at dei omsyna som ligg bak deleforbodet ikkje vert vesentleg tilsidesett, og at fordelane ved å gje dispensasjon vert klårt større enn ulempene, etter ei samla vurdering.
Vedtaket har heimel i plan- og bygningslova (pbl) § 20-1m (deling) og § 19-2 jf. § 11-6 (disp frå kommuneplan) og naturmangfaldslova §§ 8-12 samt matrikkellova § 33.
Saka vert sendt Fylkesmannen i Hordaland for klagevurdering.
Hovudutvalet vedtok samrøystes rådmannen sitt framlegg til vedtak.
Det vert gjeve dispensasjon frå arealføremål LNF og løyve til deling av ny grunneigedom for heilårsbustad på ca. 1 daa på følgjande vilkår:
Det skal etablerast ein samla avkjørsle i samsvar med tilsagn frå Statens vegvesen.
Det må søkjast om utsleppsløyve og tilkopling til kommunalt vassverk.
Det må leggjast fram for tinglysing rett til å føra leidningsnett over anna eigedom og rett til å kopla seg til eksisterande privat leidningsnett.
Eigedomen får gjerdeplikt.
Plassering av bustaden skal tilpassast terrenget, og ikkje framstå dominerande og eksponert i landskapet.
Grunngjevinga for vedtaket er at deling vil styrka busetnaden i Risnes-krinsen. Det har vore løyvd midlar frå Fylkesmannen i Hordaland og kommunen til Liv og lyst-prosjektet i Risnes-krinsen, og det er eit viktig lokalpolitisk mål å styrka busettinga i krinsen.
Det aktuelle arealet er ikkje viktig for landbruksdrifta. Eksisterande tilkomstveg over dyrka mark er bygd med vegklasse for liten lastebil og kan med mindre oppgradering nyttast som tilkomstveg til bustad.
Det vil ikkje vera driftsmessig eller miljømessige utfordringar knytt til deling. Støy og lukt vil vera svært avgrensa då tomta ligg inntil svært lite fulldyrka areal.
Det aktuelle arealet er lite interessant for friluftsliv. Landbruksvegen vil framleis kunne nyttast av allmenta som tilkomst til utmarka.
I vektinga av fordelar og ulemper er det lagt vekt på at tre avkjørsler vert samla i ei avkjørsle til fylkesveg.
Heimel for vedtaket er plan- og bygningslova §§ 20-1d, jf. §19-2 og § 11-6, samt naturmangfaldslova §§ 8-12.
Vedtaket vert sendt Fylkesmannen i Hordaland for klagevurdering.
Det vart sett fram felles følgjande framlegg i møtet:
Det vert gjeve dispensasjon frå arealføremål LNF og løyve til deling av ny grunneigedom for heilårsbustad på ca. 1 daa på følgjande vilkår:
Det skal etablerast ein samla avkjørsle i samsvar med tilsagn frå Statens vegvesen.
Det må søkjast om utsleppsløyve og tilkopling til kommunalt vassverk.
Det må leggjast fram for tinglysing rett til å føra leidningsnett over anna eigedom og rett til å kopla seg til eksisterande privat leidningsnett.
Eigedomen får gjerdeplikt.
Plassering av bustaden skal tilpassast terrenget, og ikkje fremstå dominerande og eksponert i landskapet.
Grunngjevinga for vedtaket er at deling vil styrka busetnaden i Risnes-krinsen. Det har vore løyvd midlar frå Fylkesmannen i Hordaland og kommunen til Liv og lyst-prosjektet i Risnes-krinsen, og det er eit viktig lokalpolitisk mål å styrka busettinga i krinsen.
Det aktuelle arealet er ikkje viktig for landbruksdrifta. Eksisterande tilkomstveg over dyrka mark er bygd med vegklasse for liten lastebil og kan med mindre oppgradering nyttast som tilkomstveg til bustad.
Det vil ikkje vera driftsmessig eller miljømessige utfordringar knytt til deling. Støy og lukt vil vera svært avgrensa då tomta ligg inntil svært lite fulldyrka areal.
Det aktuelle arealet er lite interessant for friluftsliv. Landbruksvegen vil framleis kunne nyttast av allmenta som tilkomst til utmarka.
I vektinga av fordelar og ulemper er det lagt vekt på at tre avkjørsler vert samla i ei avkjørsle til fylkesveg.
Heimel for vedtaket er plan- og bygningslova §§ 20-1d, jf. §19-2 og § 11-6, samt naturmangfaldslova §§ 8-12.
Vedtaket vert sendt Fylkesmannen i Hordaland for klagevurdering.
Hovudutvalet vedtok samrøystes felles framlegg sett fram i møtet.
Det vert gjeve løyve til omdisponering av omsøkt areal for bygging av bustad og tilkomstveg på gbnr 23/13,18 Marøy på følgjande vilkår:
- Jord som vert fjerna i samband med bygging av hus og tilkomstveg skal nyttast til oppgradering av jordbuksarealet på eigedomen.
Grunngjevinga for vedtaket er at det er naudsynt med hus nr. 2 på garden for å sikra landbruksdrifta. Neste generasjon ønskjer å overta garden og dei har på synfaring uttalt at dei sjølv vil driva garden med blant anna sauehald. Eksisterande hus på garden er i dårleg stand og dessutan nytta som bustad av foreldra til søkjr. Ny tilkomstveg vil betra tilkomst til jodbruksareala med maskinelt utstyr og og letta drifta.
Hovudutvalet vedtoksamrøystes endringsframlegg sett fram i møtet.
Hovudutvalet var på synfaring.
I utvalet si drøfting vart det peika på at det er viktig å innvilga omdisponering for å sikra framtidig drift på bruket. Det vart også peikt på at ei omdisponering vil gje betre tilkomst til teigane også med maskinelt utstyr, noko som vil gjera drifta lettare og gje høgare avkastning.
Hovudutvalet set som krav at jord som blir fjerna for å gje betre vegtilkomst og lettare bruk av maskinelt utstyr, må brukast til å oppgradera jordbruksarealet på eigedomen. Det vart også peika på at eit nytt hus ikkje vil bli ruvande i terrenget eller dominerande frå sjøsida, og at ei utbygging vil vera ei fortetting i området. Det vart også vist til at det eksisterande huset er i dårleg forfatning og at eit nytt hus vil leggja grunnlag for at ungdomar kan busetja seg og driva jordbruk her, i staden for at jorda skal bli liggjande brakk.
Rådmannen peika på at det i grunngjevinga for eit ja til omdisponering må leggast vekt på at det er nødvendig med hus nummer to for landbruksdrifta.
Det vart sett fram felles følgjande endringsframlegg i mø
Det vert gjeve løyve til omdisponering av omsøkt areal for bygging av bustad og tilkomstveg på gbnr 23/13,18 Marøy på følgjande vilkår:
- Jord som vert fjerna i samband med bygging av hus og tilkomstveg skal nyttast til oppgradering av jordbuksarealet på
Grunngjevinga for vedtaket er at det er naudsynt med hus nr. 2 på garden for å sikra landbruksdrifta. Neste generasjon ønskjer å overta garden og dei har på synfaring uttalt at dei sjølv vil driva garden med blant anna sauehald. Eksisterande hus på garden er i dårleg stand og dessutan nytta som bustad av foreldra til søkjar. Ny tilkomstveg vil betra tilkomst til jodbruksareala med maskinelt utstyr og og letta drifta.
Hovudutvalet vedtoksamrøystes endringsframlegg sett fram i møtet.
Politiker | Parti | Medlemstype | E-Post |
---|---|---|---|
Christel Villanger Håland | Radøy Høgre | Utvalsleiar | christel@villanger.net |
Leif Gunnar Taule | Radøy Senterparti | Nestleiar | leif.taule@gmail.com |
Liv Berit Rath | Radøy Arbeidarparti | Medlem | livb.rath@gmail.com |
Roy Bø | Radøy Fremskrittsparti | Medlem | royboe53@gmail.com |
Dag Sætre | Radøy Senterparti | Medlem | dag.setre@radoy.kommune.no |
Edgar Grindheim | Radøy Arbeidarparti | Varamedlem | edgar.grindheim@hfk.no |
Laila Seilfaldet Pletten | Radøy Senterparti | Varamedlem | plettenlaila@gmail.com |
Morgan Taule (Ikke møtt) | Radøy Arbeidarparti | Medlem | morgan.taule@gmail.com |
May Britt Vågenes Gjerde (Ikke møtt) | Radøy Senterparti | Medlem | maybritt@gjer.de |