Møte i Formannskapet i Radøy den 23.11.2017

Vedtak

Radøy kommune prioriterer spelemiddelsøknadene for søknadsrunde 2018 slik:

Ordinære anlegg

Nærmiljøanlegg

Behandling

Formannskapet vedtok samrøystes rådmannen sitt framlegg til vedtak.

Vedtak

Nøtlevåg meieri får kr 33 000 i tilskot frå Radøy kommune sitt kulturminnefond til å setja i stand taket på meieribygget.

Vilkåra for utbetaling av midlane er sett i statuttane for kulturminnefondet.

Behandling

Formannskapet vedtok rådmannen sitt framlegg til vedtak.

Vedtak

Kulturminneplan for Radøy kommune 2017-2027 vert vedtatt slik den ligg føre.

Behandling

Ordførar Jon Askeland viste til at kulturminneplanen har fått svært gode tilbakemeldingar, mellom anna i det fylkeskommunale utvalet KIRU, som har hatt planen til handsaming.

Rådgjevar kultur, Bente K. Hervik svara på spørsmål. Ho gir ei orientering om planen i kommunestyret.

Formannskapet vedtok rådmannen sitt framlegg til vedtak.

Vedtak

Kommunestyret utnemner Tord Moltumyr som smittevernlege og Kari Færøy som stadfortredande smittevernlege. Oppnemning som smittevernlege eller stadfortredar gjeld så lenge den aktuelle lege er tilsett i kommunen, eller til kommunestyret har fatta anna vedtak.

Behandling

Formannskapet vedtok rådmannen sitt framlegg til vedtak.

Vedtak

Rådmannen sitt framlegg til budsjett 2018 og økonomiplan 2018-21 vert vedteke med følgjande endringar:

Verbalpunkt til budsjett 2018

Kommunestyret ber rådmannen prioritera ny bakre stolrekkje på tribuna i Radøyhallen, og elles melda tilbake til formannskapet på nødvendige vidare tiltak i og rundt Radøyhallen.

• Kommunestyret ber rådmannen utgreia oppgradering av lokale i helsestasjonen.

• Kommunestyret ber rådmannen om å styrkja og systematisera tilbodet om avlastingstilbodet for heimebuande eldre og andre brukargrupper.

• Kommunestyret ber rådmannen oppgradera venterommet på helsehuset, og gjera det «lunare».

• Kommunestyret ber om at samla plan for kommunale bygg i Manger vert aktivt følgt opp i formannskapet i 2018.

• Kommunestyret understrekar viljen til at planstrategien vert følgt aktivt opp, og at prioriterte planar vert ferdigstilte i 2018 og 2019.

• Belysning gangveg Austmarka og Trævegen (vert å utføra innan TS-tiltaka).

Behandling

Representantar for dei ulike partia la fram sine innspel og synspunkt.

Etter nærare drøftingar vart det lagt fram felles framlegg til budsjett 2018 og økonomiplan 2018-21:
Rådmannen sitt framlegg til budsjett 2018 og økonomiplan 2018-21 vert vedteke med følgjande endringar:

Det vart også sett fram følgjande fellesframlegg til verbalpunkt i budsjett 2018.:

• Kommunestyret ber rådmannen prioritera ny bakre stolrekkje på tribuna i Radøyhallen, og elles melda tilbake til formannskapet på nødvendige vidare tiltak i og rundt Radøyhallen.

• Kommunestyret ber rådmannen utgreia oppgradering av lokale i helsestasjonen.

• Kommunestyret ber rådmannen om å styrkja og systematisera tilbodet om avlastingstilbodet for heimebuande eldre og andre brukargrupper.

• Kommunestyret ber rådmannen oppgradera venterommet på helsehuset, og gjera det «lunare».

• Kommunestyret ber om at samla plan for kommunale bygg i Manger vert aktivt følgt opp i formannskapet i 2018.

• Kommunestyret understrekar viljen til at planstrategien vert følgt aktivt opp, og at prioriterte planar vert ferdigstilte i 2018 og 2019.

• Belysning gangveg Austmarka og Trævegen (vert å utføra innan TS-tiltaka).
  

Framlegg til vedtak sett fram i møte vart samrøystes vedteke.

Vedtak

Radøy kommune har ikkje høve til å delta i Vest brann- og redning på det noverande tidspunkt. Formannskapet ber om at saka blir drøfta i Fellesnemnda med tanke på at nye Alver kommune kan ha ei tilknyting tilbrannsamarbeidet også fram til 2020 (t.d. observatørstatus).

Vedtaket blir lagt fram for kommunestyret som melding.

Behandling

Ordførar Jon Askeland meiner det vil vera fornuftig at Radøy kommune følgjer opp Meland kommunestyre sitt vedtak i denne saka.
Ordføraren sette fram følgjande framlegg til vedtak:
Radøy kommune har ikkje høve til å delta i Vest brann- og redning på det noverande tidspunkt. Formannskapet ber om at saka blir drøfta i Fellesnemnda med tanke på at nye Alver kommune kan ha ei tilknyting tilbrannsamarbeidet også fram til 2020 (t.d. observatørstatus).
Vedtaket blir lagt fram for kommunestyret som melding.

Formannskapet vedtok ordføraren sitt framlegg til vedtak.

Vedtak

Kommunestyret vedtek at det ikkje vil bli halde ny allmenn taksering etter eigedomsskattelova paragraf 8 A-3 (2) før kommunesamanslåinga 1. januar 2020.

Behandling

Rådmann Jarle Landås orienterte i saka, og sa at kommunestyra i dei tre Alver-kommunane må ta stilling til om tidspunkt for taksering skal endrast/utsetjast.

Formannskapet vedtok rådmannen sitt framlegg til vedtak.

Vedtak

Meldingar og referatsaker vert tekne til orientering.

Behandling

Verneplan for Lurefjorden: Fylkesmannen i Hordaland rår til at Lurefjorden med Lindåsosane er eitt av tre marine område i Hordaland som blir verna. Etter ei kort drøfting konkluderte formannskapet med at vern av Lurefjorden med Lindåsosane er positivt og ikkje vil ha vesentlege konsekvensar for Radøy.

Suppleringsval: Morgan Taule har takka ja til stilling som ny dagleg leiar i Knarvik Industri og Miljø AS (KIM). Samtidig har Taule varsla at han trekkjer seg frå styret i GLØDE as. Han er også medlem i generalforsamlinga i AUFERA as. Formannskapet konkluderte med at Radøy kommune oppnemner nytt medlem til generalforsamlinga i AUFERA.

Glatt veg til Knarvik kai: Kenneth Taule Murberg (H) tok opp manglande salting og strøing - og glatt vegar på veg frå avkjørsle fv 57 og ned mot Knarvik kai. Ordførar Jon Askeland sender e-post til Lindås-ordføraren om dette forholdet.
Roy Bø (Frp) tok opp spørsmål om klager på salting på fylkesveg til Sletta.

Kommunalsjef sluttar: Rådmann Jarle Landås informerte om at kommunalsjef for helse og omsorg har sagt opp stillinga. Rådmann kjem tilbake med ei orientering om korleis denne situasjonen skal løysast.

Kontordag for Alver-rådmannen: Ordføraren informerte om at den nytilsette programansvarlege/rådmann i Alver kommune, Ørjan Raknes Forthun, skal ha kontordag ein dag i veka (onsdag) på rådhuset på Manger.

Brannvern-status: Formannskapet ber brannsjefen gje ein status for brannvernet i Radøy i januarmøtet i formannskapet.

Kai Austmarka - avtale: Rådmann Jarle Landås informerte om administrasjonen si oppfølging av formannskapsvedtak i sak 059/2017. Kommunen og noverande grunneigar på gbnr 79/42 i Søre Austmarka har blitt samde og det er laga utkast til avtale som er klar til underskriving. I avtalen tar grunneigar på seg vedlikehald av offentleg friareal med kaianlegg.

Formannskapet tok meldingar og referatsaker til orientering, med tillegg som kom fram i møtet.