Møte i Radøy eldreråd den 24.10.2017

Vedtak

Innkalling og sakliste vert godkjend.

Behandling

Eldrerådet godkjente innkalling og sakliste

Vedtak

Møtebok vert godkjend

Behandling

Eldrerådet godkjente møtebok frå 28.08.17

Vedtak

Meldingar og referatsaker vart tekne til orientering

Behandling

Innspel til budsjett for 2018:
På møtet orienterte økonomisjef Sveinung Kvamme om kva føringar framlegg til statsbudsjettet gir for Radøy kommune sitt budsjett for 2018. Pris- og lønsveksten er i statsbudsjettet anslått til 2,6%. For Radøy kommune aukar rammetilskot og skatt frå 284,4 mill i 2017 til 290,1 mill i 2018, ein vekst på 2%, altså mindre enn prisveksten.

Eldrerådet gjev desse innspela til budsjettet for 2018:

1. Eldrerådet etterlyser eit dagtilbod for ulike brukargrupper blant eldre og blant personarknytt til rus- og psykriatriomsorga som ikkje har lovfesta rett til tilbod. Rådet har inntrykk atdet er eit udekkja behov, og ber om ei kartlegging. Å sikra dagtilbod for personar medbehov vil vera forebyggjande og gje stor auke i livskvaliteten. Eldrerådet vil beadministrasjonen om å vurdera bruk av midtre del av tidlegare Radøy sjukeheim tildagsenter.

2. Rådet hadde ei drøfting kring situasjonen for omsorgspersonar som treng avlastning. Detkan hjelpa mykje på motivasjonen deira dersom dei kan forutsjå feriar og fridagar. Eiordning der det vert avsett eit visst tal rom som inngå i ei rullerande avlastningsordning,

kan spara mykje krefter. Eldrådet vil i første omgang be om at behovet vert kartlagt. Rådetvurderer avlastning som eit området der ein bør få på plass ei god og stabil ordning.Eldrerådet ber om at behovet for avlastningsplassar vert kartlagt. Det er viktig atomsorgspersonar får ein forutsigbar kvardag der dei til ei kvar tid veit når dei fåravlastning.

Ruskoordinator: Elin Skråmestø Hinriksson er tilsett som ruskoordinator i ei toårig prosjektstilling i Radøy kommune. Stillinga er knytt til tenesta Psykisk helse og rusteneste.
Hinriksson presenterte seg og fortalde om arbeidet sitt. Ho sa at det er sterkt behov for eit auka fokus på rusområdet, også knytt til rus og psykiatri. Ruskoordinatoren yter direkte pasientretta tenester og koordinerer ulike tenestetilbod opp mot andre kommunale og offentlege instansar.

Bustadsosial handlingsplan: Kommunalsjef Mette Fauskanger orienterte om planarbeid innan helse- og omsorgssektoren. Denne planen skal leggast fram til politisk handsaming i løpet av første kvartal 2018, og tiltak i planen vil bli starta i løpet av neste år. Arbeidet med ein overordna helse- og omsorgsplan er også i startfasen.

OMSUT: Kommunalsjefen orienterte om gjennomgang av tilbodet knytt til OMSUT - teneste for omsorg og utvikling. Mellom anna er det igang eit prosjekt innan pasienttryggleik i Prestmarka, eit tiltak som vil halda fram også i 2018. Parallelt er det sett igang eit utviklingsprosjekt for heile OMSUT, der arbeid med kompetanse og kvalitetssikring er to av fleire tema.

Pårørandeskulen: Radøy kommune har arrangert pårørandeskule for dei som har demente i familien. Kommunalsjef Mette Fauskanger opplyste at interessa for å vera med på pårørandeskulen var så stor at det ikkje var plass til alle som ønskte å vera med. Kommunalsjefen fortel om svært gode tilbakemeldingar på opplegget, og sa at det blir vurdert å ha pårørandeskule også neste år.

Kommuneoverlege: Kommunalsjefen informerte også om at Radøy kommune har inngått samarbeidsavtale med Meland kommune om at kommuneoverlegen i Meland, Tord Moltumyr, frå 1. november 2017 skal vera kommuneoverlege i 20 prosent stilling i Radøy.

Velferdsteknologi: Kommunalsjefen orienterte om eit fellesprosjekt i velferdsteknologi mellom ti kommunar i regionen. Prosjektet har fokus på innfasing av velferdsteknologi i kommunane. Ho peika på at utbygging av fibernettet og digital motorveg gjer situasjonen gunstig for utvikling av velferdsteknologi i Radøy. Fauskanger peika også på at det er eit stort info-behov knytt til velferdsteknologi. Kommunane i velferdsteknologi-prosjektet samlast til konferanse på Nordhordland folkehøgskule 7. november.


Rådet tok meldingar og referatsaker til orientering, med tillegg sett fram i møtet.

Vedtak

Eldrerådet støttar Kulturminneplanen slik den ligg føre.

Behandling

Bente Kopperdal Hervik presenterte Kulturminneplanen og eldrerådet ser at det er gjort eit grundig arbeid med planen og støttar den slik den ligg føre.

Vedtak

Eldrerådet stiller seg bak valget av Nesvatnet som universelt utforma badeplass.

Eldrerådet understrekar at det er viktig at minst ein av tilkomstvegane er tilrettelagt for rullestolbrukarar slik at alle har trygg tilkomst.

Behandling

Eldrerådet er positive til valget av Nesvatnet som universelt utforma badeplass. Det vert understreka at det er viktig med gode tilkomstvegar og at minst ein av desse er tilrettelagt for rullestolbrukarar slik at alle har trygg tilkomst. To av tilkomstvegane er bratte for rullestolbrukarar og den vegen som er minst bratt gjev lang veg frå parkering til badeplass. Det vart oppfordra til at ein finn gode løysingar for tilkomstveg og parkering for rullestolbrukarar.