Møte i Råd for menneske med nedsett funksjonsevne den 24.10.2017

Vedtak

Innkalling og saksliste vert godkjend.

Behandling

Rådet godkjende innkalling og saksliste.

Vedtak

Møtebok vert godkjend

Behandling

Rådet godkjende møtebok frå førre møte.

Vedtak

Meldingar og referatsaker vert tekne til orientering

Behandling

Innspel til budsjett for 2018:
På møtet i Råd for menneske med nedsett funksjonsevne 24.10.17 orienterte økonomisjef Sveinung Kvamme om kva føringar framlegg til statsbudsjettet gir for Radøy kommune sitt budsjett for 2018. Pris- og lønsveksten er i statsbudsjettet anslått til 2,6%. For Radøy kommune aukar rammetilskot og skatt frå 284,4 mill i 2017 til 290,1 mill i 2018, ein vekst på 2%, altså mindre enn prisveksten.

Rådet drøfta saka og kjem med følgjande innspel til budsjettet:

- Det må leggast til rette badeplass for rørslehemma (universell utforming og tilkomst)
- Det må monterast handikap-inngang til kommunestyresalen. Ordninga med heis er ei dårleg og usikker løysing for rullestolbrukarar
- Det er behov for brukarstyrt heis i terapibassenget i Radøyhallen
- Det er behov for breiare badestige i terapibassenget, for å gjera tilgangen lettare for rørslehemma
- Det er viktig å få ut informasjon til alle husstandar om velferdsteknologi

Ruskoordinator: Elin Skråmestø Hinriksson er tilsett som ruskoordinator i ei toårig prosjektstilling i Radøy kommune. Stillinga er knytt til tenesta Psykisk helse og rusteneste.
Hinriksson presenterte seg og fortalde om arbeidet sitt. Ho sa at det er sterkt behov for eit auka fokus på rusområdet, også knytt til rus og psykiatri. Ruskoordinatoren yter direkte pasientretta tenester og koordinerer ulike tenestetilbod opp mot andre kommunale og offentlege instansar.

Bustadsosial handlingsplan: Kommunalsjef Mette Fauskanger orienterte om planarbeid innan helse- og omsorgssektoren. Denne planen skal leggast fram til politisk handsaming i løpet av første kvartal 2018, og tiltak i planen vil bli starta i løpet av neste år. Arbeidet med ein overordna helse- og omsorgsplan er også i startfasen.

OMSUT: Kommunalsjefen orienterte om gjennomgang av tilbodet knytt til OMSUT - teneste for omsorg og utvikling. Mellom anna er det igang eit prosjekt innan pasienttryggleik i Prestmarka, eit tiltak som vil halda fram også i 2018. Parallelt er det sett igang eit utviklingsprosjekt for heile OMSUT, der arbeid med kompetanse og kvalitetssikring er to av fleire tema.

Pårørandeskulen: Radøy kommune har arrangert pårørandeskule for dei som har demente i familien. Kommunalsjef Mette Fauskanger opplyste at interessa for å vera med på pårørandeskulen var så stor at det ikkje var plass til alle som ønskte å vera med. Kommunalsjefen fortel om svært gode tilbakemeldingar på opplegget, og sa at det blir vurdert å ha pårørandeskule også neste år.

Kommuneoverlege: Kommunalsjefen informerte også om at Radøy kommune har inngått samarbeidsavtale med Meland kommune om at kommuneoverlegen i Meland, Tord Moltumyr, frå 1. november 2017 skal vera kommuneoverlege i 20 prosent stilling i Radøy.

Velferdsteknologi: Kommunalsjefen orienterte om eit fellesprosjekt i velferdsteknologi mellom ti kommunar i regionen. Prosjektet har fokus på innfasing av velferdsteknologi i kommunane. Ho peika på at utbygging av fibernettet og digital motorveg gjer situasjonen gunstig for utvikling av velferdsteknologi i Radøy.Fauskanger peika også på at det er eit stort info-behov knytt til velferdsteknologi. Kommunane i velferdsteknologi-prosjektet samlast til konferanse på Nordhordland folkehøgskule 7. november.


Rådet tok meldingar og referatsaker til orientering, med tillegg sett fram i møtet.

Vedtak

Rådet for menneske med nedsett funksjonsevne støttar kulturminneplanen slik han ligg føre.

Behandling

Rådgjevar kultur Bente K. Hervik orienterte om planen og svara på spørsmål. Planen omhandlar faste kulturminne og har ein eigen handlingsdel med konkrete tiltak. Det er gjort ei verdisetjing av kulturminna i planen, rangert i a, b og c-kategori. Handlingsplanen og kategoriane skal skal rullerast årleg. Kulturminne som er prioriterte vil lettare få offentlege tilskot.

Formidling har ein sentral plass i kulturminneplanen. Rådet peikar på at det er gjort eit veldig godt arbeid med planen, og er opptatt av at planen må ut til flest mogleg.

Rådet for menneske med nedsett funksjonsevne støttar kulturminneplanen slik han ligg føre.

Vedtak

Området ved Nesvatnet (nedanfor Radøyhallen) er den rette plasseringa av ein universelt utforma badeplass.

Behandling

Kommunalsjef Lisbeth Alvær orienterte om saka. Ho peika på at det i området ved Nesvatnet er bygt gapahuk, og at det er konkrete planar for universelt tilrettelagt toalettanlegg. Det er også bygt universelt turløype hit. Alvær gav uttrykk for at det vil liggja godt til rette for å få på plass ein baderampe for rørslehemma/rullestolbrukarar her.
og gav uttrykk for at det fine friluftsområdet ved Nesvatnet (nedanfor Radøyhallen) vil vera ein god plass.
Samtidig vart det peika på at tilkomsten til området kan vera utfordrande for dei som t.d. brukar manuell rullestol. Det vart vidare peika på at trebruene langs vegen kan bli glatte og ser behovet for tiltak for tryggare tilkomst.

Rådet vurderer også om det kan vera aktuelt med synfaring før universell badeplass blir bygt.

Det vart sett fram følgjande fellesframlegg i møtet:
Området ved Nesvatnet (nedanfor Radøyhallen) er den rette plasseringa av ein universelt utforma badeplass.

Rådet vedtok framlegg til vedtak sett fram i møtet.