Innkalling og saksliste vert godkjend.
Sakspapir til møtet er sendt ut både med post og i e-post. Men nokre av medlemane har ikkje fått sakspapira i posten.
Råd for menneske med nedsett funksjonsevne godkjende innkalling og saksliste, med merknad om at ikkje alle hadde fått sakspapira i posten.
Møtebok vert godkjend.
Rådet for menneske med nedsett funksjonsevne godkjende møtebok for 24. oktober 2017.
Meldingar og referatsaker vert tekne til orientering.
Velferdsteknologi: Det vart gitt munnleg referat frå konferansen om velferdsteknologi på Frekhaug 7. nov. 2017. Deltakarane frå eldrerådet og råd for menneske med nedsett funksjonsevne som var med på samlinga, gav uttrykk for at det var ein interessant og informativ konferanse. Dei peika på at velferdsteknologien vil gjera det lettare å bu og fungera på ein trygg måte heime lenger. Samtidig er det ei viss uro ute mellom folk at dette vil føra til mindre hjelp og meir overvaking. Difor er dei to råda opptatt av å få ut mest mogleg informasjon om kva velferdsteknologien konkret vil innebera for innbyggarane i Radøy. Det er viktig at t.d. tilsette i heimetenesta og støttekontaktar har god kunnskap om dette i møte med brukarane. Det vart også uttrykt interesse for å henta inn ein fagperson på området til eit fellesmøte for t.d. revmatikarlaget, LHL og pensjonistlaget.
Eldrekonferansen: Radøy eldreråd hadde tre representantar med på eldrekonferansen i Hordaland 7.-8. november. Magnar Klausen orienterte om interessante samlingar og viktige tema, t.d. info om den nye sjukeheimsforskrifta, erstatning for pasientreiser, og eldre si tannhelse. Klausen sa at temaet om tannhelse-utfordringar for eldre på sjukeheim gjorde eit sterkt inntrykk.
Samrådsmøte med formannskapet: Dei to råda hadde tidleg i år eit samrådsmøte med formannskapet. I samband med budsjetthandsaming i november var representantat for dei to råda i eit nytt møte med formannskapet og kom med innspel. Jannicke Helland er glad for at for at råda har fått gjennomslag for viktig saker i budsjett for 2018.
Pårørandekurs: Det vart orientert kort om kurs for pårørande til personar med demenssjukdom. Kurset gjekk over fire samlingar. Tilbakemeldingane er veldig gode, og det er aktuelt med fleire tilsvarande opplegg seinare.
Heis Manger skule: Utvalsleiar Jannicke Helland orienterte om skriv/klage på tilstand for heis ved vestfløyen på Manger skule. Vedkomande ber om at det vert gjort synfaring. I skrivet blir det peika på at forholda for rullestolbrukar ikkje er tilfredsstillande, og det vert også stilt spørsmål ved rutine og praksis ved straumbrot eller brann.
Rådet drøfta saka og understreka at det er viktig at det er trygt å bruka heisen. Rådet peikar på at det alltid skal vera nokon som er kyndige i bruk av elektriske installasjonar.
Rådet vil følgja opp denne saka og meiner vedkomande må få skriftleg svar.
Råd for menneske med nedsett funksjonsevne tok meldingar og referatsaker til orientering, med dei tillegg som kom fram i møtet.
Råd for menneske med nedsett funksjonsevne tek Kommunedelplan for Bø til orientering. Rådet peikar på at det må takast omsyn til universell utforming og trafikktryggleik i planområdet.
Arealplanleggar Rolf Raknes orienterte om kommunedelplanen for Bø og svara på spørsmål. Han viste til at det i planen vert lagt til rette for ei vesentleg bustadutbygging, både i ubebygde område og gjennom fortetting og høgare utnyttingsgrad i eksisterande bustadområde.
Planframlegget opnar også for ei utvikling av sentrumsområdet på Bø med tettare utbygging og sentrumsfunksjonar og fasilitetar. Raknes peika på trafikale utfordringar i planen, særleg knytt til området rundt barnehage og skule. Statens vegvesen set klare føringar for dette.
Raknes orienterte også om Asplan Viak si analyse av funksjonell strandsone, som også gjev føringar for arealbruken i strandsona i planområdet.
Rådet ønskjer å få informasjom om kommunedelplanen også ved seinare høve.
Det vart sett fram følgjande fellesframlegg:
Råd for menneske med nedsett funksjonsevne tek Kommunedelplan for Bø til orientering. Rådet peikar på at det må takast omsyn til universell utforming og trafikktryggleik i planområdet.
Rådet vedtok framlegg til vedtak sett fram i møtet.
Rådet tar budsjett for 2018 - med formannskapet sine endringar, til orientering. Rådet viser til tidlegare innspel og ber om at desse innspela blir følgde opp.
Økonomisjef Sveinung Kvamme orienterte om rådmannen si budsjettframlegg og endringar som er gjort i formannskapet.
Representant frå eldrerådet og råd for menneske med nedsett funksjonsevne har hatt samrådsmøte med formannskapet i samband med handsaminga av budsjett for 2018.
Rådet for menneske med nedsett funksjonsevne er tilfreds med at fleire av rådet sine innspela er blitt tatt omsyn til i budsjettet.
Det vart sett fram følgjande framlegg til vedtak:
Rådet tar budsjett for 2018 - med formannskapet sine endringar, til orientering. Rådet viser til tidlegare innspel og ber om at desse innspela blir følgde opp.
Rådet vedtok framlegg til vedtak sett fram i møtet.
Saka er utsett til neste møte.
Saka vart ikkje drøfta, og vart utsett til neste møte.
Politikar | Parti | Medlemstype | E-Post |
---|---|---|---|
Jannicke Helland | Radøy Arbeidarparti | Utvalsleiar | jannicke-h@hotmail.com |
May Britt Vågenes Gjerde | Radøy Senterparti | Nestleiar | maybritt@gjer.de |
Anna Hella Kartveit | Medlem | ||
Johannes Kolås | Medlem | ||
Berly Hella | Medlem | ||
Mai-Liss Sylta Møn (Ikke møtt) | Partiuavhengig | Medlem | lissmai@icloud.com |