Møte i Hovudutval for plan, landbruk og teknisk den 24.01.2018

Vedtak

Delegerte saker vert tekne til orientering.

Behandling

Det vart peika på feil i delegert sak 279/2017. Her er det gjort ein tastefeil. Rett gbnr er 17/1 Rossnes, slik det framgår i tittelen på saka.

Hovudutvalet tok delegerte saker til orientering.

Vedtak

Meldingar og referatsaker vert tekne til orientering, med tillegg sett fram i møtet.

Behandling

Parkeringssak Risnes: I samband med handsaming av byggesak gnr 19 bnr 28 - Risnes - tilbygg til fritidsbustad - vilkår for dispensasjon, har fylkesmannen omgjort ein del av vedtaket i hovudutvalet.
Edgar Grindheim (AP) stilte spørsmål om om rådmannen kan finna ut om det er Radøy kommune som har heimel til Risnes-kaien. Utvalet ønskjer å få slutt på parkeringsproblema knytt til den kommunale snuplassen ved Risnes-kaien, og vil få sett opp "parkering forbode"-skilt ved snuplassen. Rådmann Jarle Landås skal følgja opp saka og kjem tilbake med rapport i neste møte.

Vassleidning til Listveiten: Leif Taule (SP) etterlyste status for vassframføring til Listveiten.
Rådmannen orienterte om framdrifta med vassleidningen, og sa at det er god dialog mellom kommunen sin entreprenør og oppsitjarane sin entreprenør, som skal legga siste del av leidningen fram til busetnaden. Rådmannen reknar også med at kommunen og oppsitjarane skal finna ei løysing på det økonomiske forholdet ved denne delen av prosjektet.

Store inngrep: Leif Taule (SP) viste til skader på kommunal veg i Sæbøvågen, gardsvegen frå Sæbøvågen til Litlavatnet og i elveløp i samband med arbeid på ny vassleidning og kraftig nedbør. Taule meiner entreprenøren må ta sin del av ansvaret for å setja i stand veg, og steinar som er dumpa i elva må fjernast.
Kommunalsjef Lisbeth Alvær viste til at det i kontrakten med entreprenøren som har oppdraget med vassverksutbygginga er tatt med at han skal rydda opp etter seg.

Status felles landbrukskontor: Landbrukssjef Kjartan Nyhammer orienterte om status for bemanninga ved felles landbrukskontor. Eli Bjørklid har ein periode vore engasjert i 50 prosent stilling (fram til januar 2018) ved felles landbrukskontor. I februar kjem det ny person på felles landbrukskontor/landbrukskontoret i Lindås, Øystein Kolstad, som er tilsett i 80 prosent stilling. Størstedelen av tida skal han ha base på Radøy.
Landbrukssjefen lufta også nokre bekymringsmeldingar som har kome om bemanninga ved felles landbrukskontor. Landbrukssjefen og rådmannen skal i møte med representantar for bonde- og småbrukarlaget i Radøy, for å drøfta situasjonen og bemanninga ved landbrukskontoret.

Rådmann Jarle Landås informerte om at landbrukskontoret er peikt ut som ei av dei første tenestene som går saman i Alver kommune. Planen er at landbrukskontoret i den nye kommunen skal vera på plass frå 1. janaur 2019. Landås peika på at plassering av landbrukskontoret blir avgjort i prosjektet som no er i ferd med å bli rigga.
I dag er Radøy saman med Austrheim og Fedje med i felles landbrukskontor. Edgar Grindheim (AP) stilte spørsmål om kva som skjer med desse to kommunane når Radøy blir ein del av Alver. Jarle Landås sa at det i prosjektarbeidet må avklarast om Fedje og Austrheim blir med i eit felles landbrukskontor med Alver, eller om dei eventuelt kan kjøpa tenester frå Alver kommune.

Vassforskrift: Landbrukssjef Kjartan Nyhammer informerte om landbruket sitt arbeid knytt til ny vassforskrift frå 2020. Det skal i denne omgang utarbeidast ein arbeidsmetodikk for korleis landbruket skal jobba med desse utfordringane. Den enkelte kommune skal plukka ut eitt vassdrag som skal vera med i dette pilotprosjektet, og i Radøy er det Gjerde-vassdraget (Ystebø). Eli Bjørklid er engasjert som prosjektleiar.

Klagesaker: Leif Taule (SP) etterlyste raskare tilbakemelding på klagesaker frå fylkesmannen i Hordaland. Han peika særleg på at det tar svært lang tid å få svar i saker der det må setjast inn settefylkesmann. Han stilte spørsmål om kor lenge fylkesmannen kan bruka på å gje svar.
Leiar teknisk forvaltning, Tonje N. Epland opplyste at fylkesmannen har 12 veker på seg til å gje svar. Men det får ingen konsekvensar om denne fristen ikkje blir halde. Epland sa at administrasjonen førebur folk på at det kan ta tid å få svar.

Brakker: Edgar Grindheim (A) viste til brakker som er tatt i bruk ved Velferdssenteret som mellombels ordning. Han stilte spørsmål om det er planar om å gjera noko permanent her. Rådmann Jarle Landås svara at i samband med nødvendig flytting av brannstasjonen, er det lagt opp til å utvida kapasiteten i bygget med t.d. dagsenter.

Hovudutvalet tok meldingar og referatsaker til orientering, med tillegg sett fram i møtet.

Vedtak

Saka vert utsett.

Behandling

Utvalsleiar Christel Villanger Håland viste til skriv frå søkjar, der han ber utvalet koma på synfaring.

Med bakgrunn i ønskje frå søkjar om synfaring, vart det sett fram felles utsetjingsframlegg.

Hovudutvalet vedtok utsetjingsframlegget.

Vedtak

Rådmannen sitt framlegg til vedtak:

Det vert gjeve dispensasjon frå arealføremål LNF og byggeforbod i strandsone for oppføring av ny einebustad på følgjande vilkår:

1. Våningshuset skal etablerast på allereie oppført ringmur, og med høgdeplassering og volum som det fremgår av søknaden.

2. Terreng og vegetasjon på eigedomen elles skal takast vare på og bustaden skal plasserast i terrenget. Det skal ikkje planerast rundt bustaden eller førast opp tiltak som terrasseplatting ol. som eksponerer tiltaket i landskapet og gjev fjernverknad.

3. Bygningen skal ha tradisjonell utforming, og fargeval som er gunstig i høve til landskap, refleksjon og fjernverknad.

4. Det må søkjast om utsleppsløyve etter Forureingslova .

5. Godkjent stignigsgrad på veg må dokumenterast før det vert gjeve byggeløyve.

6. Føresegner i Kommuneplan for Radøy kommune 2011-23 gjeld.

7. Bustaden skal ikkje delast I frå landbrukseigedomen.

   Grunngjeving for vedtaket går fram av saksutgreiinga.
   Vedtaket har heimel i plan- og bygningslova § 19-2, jf. plan- og bygningslova § 1-8, samt naturmangfaldslova §§ 8-12.
   
   Vedtaket vert sendt Fylkesmannen i Hordaland for klagevurdering.

Behandling

Leif Taule (SP) peika på eit par forhold i saksframstillinga.
Under punkt om "Vatn og avløp" er avstanden altfor lang til at huset kan knyttast til offentleg leidningsnett.
Under "Vurdering" - 3. avsnitt skal det vera "våningshus på gbnr 73/3".

Leif Taule advara mot for stor detaljstyring for tiltak ved den indre farleia.
Taule sette fram følgjande endringsframlegg:
Punkt 4 i vilkåra i rådmannen sitt framlegg vert tatt vekk.

Morgan Taule (AP) uttrykte skepsis til for sterk detaljstyring på fargeval på takstein.
Han sette fram følgjande endringsframlegg:
Siste setning i punkt 3 i vilkåra vert tatt vekk.

Hovudutvalet vedtok samrøystes å fjerna siste setning i punkt 3.
Hovudutvalet vedtok mot 2 røyster (AP) å fjerna punkt 4 i vilkåra.

Vedtak

Saka vert utsett, og sendt på høyring.

Behandling

Henning Haugland (H) sa seg ugild i denne fordi han er part i saka.
Hovudutvalet erklærte Haugland, ugild, og han deltok ikkje i handsaminga.

Leif Taule (SP) sa at SP ønskjer fortetting og ser ikkje problem med at det blir bygt på dei to omsøkte tomtane. Han viste mellom anna til at Bøvågen er peika ut som nærsenter i Alver kommune, og han meiner det omsøkte arealet er ein naturleg del av ei sentrumsnær fortetting.

Leiar teknisk forvaltning, Tonje N. Epland, viste til den ferske strandsone-analysen som er utarbeidd i samband med arbeidet med kommunedelplan for Bø. I denne analysen er det omsøkte arealet på "feil side" av den funksjonelle strandsona. Epland informerte utvalet om at fylkesmannen har signalisert klart at han ikkje vil gå med på ei utbygging som bryt med funksjonell strandsone.

Hovudutval for plan, landbruk og teknisk ønskjer å gje dispensasjon og løyve til deling. Rådmannen har negativ innstilling i saka og saka har difor ikkje vorte sendt på høyring til regionale styresmakter. Regionale og statlige myndigheter hvis saksområde blir direkte berørt, skal få mulighet til å uttale seg før det gis dispensasjon fra planer, plankrav og forbudet i § 1-8.».

Etter denne avklaringa vart det sett fram følgjande fellesframlegg:
Saka vert utsett, og sendt på høyring.

Hovudutvalet vedtok framlegg til vedtak sett fram i møtet.

Vedtak

Det vert gjeve dispensasjon frå arealføremålet LNF og løyve til deling av bustadeigedom på ca. 2 daa. på følgjande vilkår:

1. Rett til åtkomst over gnr. 28 bnr. 13 skal leggjast fram for tinglysing.

2. Rett til vass- og avløpsleidning i grunn over gnr. 28 bnr. 13, samt rett til vedlikehald av denne, skal leggjast fram for tinglysing.

3. Eigedomen får gjerdeplikt.

Saka vert ikkje sendt til oppmåling før vilkår 1 og 2 er oppfylt.

Grunngjeving for vedtaket går fram av saksutgreiinga.

Vedtaket har heimel i plan- og bygningslova (pbl.) § 20-1 m, jf. § 26-1, § 11-6, § 19-2 og §§ 27-1, 27-2 og 27-4, samt naturmangfaldslova §§ 8-12.

Saka vert sendt Fylkesmannen i Hordaland for klagevurdering.

Behandling

Hovudutvalet vedtok rådmannen sitt framlegg til vedtak.

Vedtak

Vedtak i sak 050/2017 vert oppheva.

Det vert gjeve dispensasjon frå arealføremål LNF og løyve til frådeling av to nye grunneigedomar for eksisterande bustad på følgjande vilkår:

1. Tomt 1 rundt eksisterande hus nr 1 og driftsbygning kan ha eit areal på inn til 3,1 daa. Eigedomen får nytt gards- og bruksnummer.

2. Tomt 2 rundt eksisterande hus nr 2 og uthus kan ha eit areal på inn til 1,7 daa. Eigedomen får nytt gards- og bruksnummer.

3. Tomtene skal arronderast slik at areal som er bygd med felles tilkomstveg skal liggje att på jorda.

4. Gbnr 46/8 og gbnr 46/9 skal samanføyast og seljast som tilleggsareal til gbnr 43/11. Alle rettar og pliktar skal følgje jorda.

5. Begge bustadeigedomene skal ha lovleg avlaup før oppretting av nye eigedomar.

6. Det må leggjast fram for tinglysning rett til å føre fram leidningsnett for vatn og avlaup over gbnr 46/8,9.

7. Det må leggjast fram for tinglysing vegrett over gbnr 46/8,9.

8. Dei frådelte eigedomane får gjerdeplikt.

Grunngjeving for vedtaket går fram av saksutgreiinga.

Vedtaket har heimel i plan- og bygningslova (pbl) § 20-1m (deling) og § 19-2 jf. § 11-6 (disp frå kommuneplan) / § 12-4 (disp frå reguleringsplan) og naturmangfaldslova §§ 8-12.

Saka vert sendt Fylkesmannen i Hordaland, Statens vegvesen og naboer for klagevurdering.

Behandling

Hovudutvalet drøfta ei mogleg løysing, jf. søknaden, om at ein av to rettar (t.d. naustrettar) knytt til bruket, kan bli verande att på hus nr. 1 som då får behalda gnr. 46/9. Dette med bakgrunn i at kjøpar primært ønskjer å kjøpa jorda for å sikra drifta for bruket sitt på Toska, og ikkje ønskjer/har bruk for alle rettar (t.d. naustrettar) som følgjer med jorda, og som det må betalast marknadspris for.

Leif Taule (SP) signaliserte at SP ville fremja forslag i tråd med dette, og fekk tilslutning frå fleirtalet i utvalet for dette synet.
Taule ba om gruppemøte.

Edgar Grindheim (AP) peika på at kommunen ikkje kan gjera vedtak som kjem i strid med sameigelova. Naustretten ligg i eit uregistrert jordsameige og overføring av naustretten krev samtykke frå øvrige sameigarar.

Rådmann Jarle Landås peika på at det kan få negative verknader for landbruksdrifta dersom rettar knytt til landbrukseigedom blir verande att når eigedomen vert fråskild. Dersom desse rettane ikkje følgjer med landbrukseigedommen, så er dette noko som må vurderast etter jordlova.

Etter denne avklaringa røysta hovudutvalet samla inn for rådmannen sitt framlegg til vedtak.

Vedtak

Det vert gjeve dispensasjon og løyve til deling av eksisterande våningshus med ca. 2 daa eigedom som omsøkt på følgjande vilkår:

1. Det må dokumenterast at eigedomen har lovleg avlaup, vassforsying og tilkomst.

2. Det må leggjast fram for tinglysing erklæring om vegrett.

3. Det må leggjast fram for tinglysing erklæring om rett til å føre leidningsnett for vatn- og avlaup over anna eigedom.

4. Eigedomen får gjerdeplikt.

Saka vert ikkje sendt til oppmåling før vilkår 1-3 er oppfylt.

Grunngjeving for vedtaket går fram av saksutgreiinga.

Vedtaket har heimel i plan- og bygningslova (pbl) § 20-1m, jf. § 26-1, § 19-2, § 11-6 og §§ 27-1, 27-2 og 27-4, samt naturmangfaldslova §§ 8-12.

Saka vert sendt Fylkesmannen i Hordaland for klagevurdering.

Behandling

Leif Taule (SP) opplyste at han er søskenbarn til søkjar, men meiner han ikkje er inhabil i saka.
Hovudutvalet erklærte han habil til å delta i handsaminga.

Hovudutvalet vedtok rådmannen sitt framlegg til vedtak.

Vedtak

a. Planframlegg for Fløholmen, planid 12602010000300, er ikkje revidert i samsvar med PLT-vedtak 015/11 og KS-vedtak 014/14 og det har følgjeleg ikkje vore grunnlag for å leggje planframlegget ut til høyring og offentleg ettersyn. Tidlegare plansak for Fløholmen, planid 12602010000300, er avslutta av Radøy kommune, jf. KS-vedtak 015/11 og kommunen sitt brev av 23.06.14. Hovuduvtalet er postivit til at det vert starta nytt arbeid med privat framlegg til reguleringsplan for Fløholmen i tråd med Kommuneplan for Radøy kommune 2011-23.

b. Planstrategi for Radøy kommune skal leggjast til grunn for kva planarbeid kommunen skal utføre og ta del i. Endring av arealbruk for Byngja til næringsføremål er i strid med Kommuneplan for Radøy kommune 2011-23, og ligg ikkje inne i kommunen sin planstrategi for perioden 2016-2020.

Behandling

Administrasjonen orienterte om pkt a i søkjar sitt innspel - knytt til reguleringsplan for småbåthamn.
Kommunen har i PLT-sak 015/11 av 23.03.11 gjort vedtak om å leggja reguleringsplan for Fløholmen ut til høyring og offentleg ettersyn på vilkår:

Detaljplan for Fløholmen med næringsareal og småbåthamn vert godkjent for offentleg ettersyn. Før planen kan leggjast ut må følgjande endrast:

- Planområdet vert utvida slik at fylkesvegen vert inkludert fram til krysset med Marøyvegen
- Na 1 må utvidast i sørvest
- Grønholmen må inn som naturområde
- Det må inn sanitæranlegg i planen
- Føresegnene må oppdaterast etter endringar i kartet
- Føresegnene må innehalde eit punkt om rekkjefølgje på utbyggingstiltaka
- Alle arealføremål må beskrivast i føresegnene.

Kommunestyret har i sak 014/14 av 10.04.14 stadfesta hovudutvalet sitt vedtak. Kommunen har ikkje motteke revidert planframlegg i tråd med vilkåra i vedtaket. Når vilkåra ikkje er oppfylt kan planen ikkje leggjast ut til høyring og offentleg ettersyn, jf. kommunen sitt brev av 23.06.14:

Kommunestyret sitt vedtak i saka vil ikkje vera gjenstand for klage. Om vedtaket ikkje vert følgt opp, vert plansaka
avslutta.

Frå det tidspunkt det er gjort vedtak om offentleg ettersyn vert eit privat framlegg til reguleringsplan ein offentleg plan, og den vidare planprosessen er opp til kommunen som planstyresmakt. Mynde til å avslutte plansaken ligg hjå kommunen. Kommunen si avgjerd om å avslutta plansaka er ikkje gjenstand for klage, jf. plan- og bygningslova § 12-11.

Hovudutvalet si drøfting av pkt b:

Regulering av Byngja til næringsområde vil vera i strid med overordna plan. Vurdering av ny arealbruk skal etter plan- og bygningslova skje gjennom ein kommuneplanprosess der kommunen får høve til å vurdere både alternativ plassering og 0-alternativet. Kommunen kan ikkje vurdere arealbruk gjennom prosesser som ligg utanfor den prosessformen som er lovfesta i plan- og bygningsloven.

Hovudutvalet er også sterkt i tvil til om Fløholmen-Byngja er rette staden for denne type verksemd. Ein alternativ vurdering gjennom ein kommuneplanprosess vil såleis vere naudsynt for å kunne ta stilling til initiativet.

Hovdutuvalet peika også på prosjekt knytt til interkommunal plan for sjøområda i Nordhordland som Radøy tek del i. Gjennom utarbeiding av ein interkommunal plan for aralbruk i sjø vert tenleg plassering av mellom anna oppdrettsanlegg vurdert heilskapleg for heile regionene. Det vil vere i strid med føremålet bak det regionale planarbeidet om Radøy kommune tek del i privat initiativ for etablering av ny arealbruk i sjø på sida av alle prosessformer.

Hovudutvalet viste også til at regulering av omårdet Fløholmen-Byngja ikkje ligg inne i kommunen sin planstrategi for perioden 2016-2020. Ressursane på planavdelinga skal nyttast til å gjennomføre planarbeid som er prioritert gjennom planstrategien, og det vil ikkje vera rom for aktivt å ta del i planarbeid som ikkje ligg inne i planstrategien.

Hovudutvalet peika forøvrig på at det er vanskeleg å ta stilling til planar som er så lite konkrete. Skissa viser ei blanding av arealbruk, oppdrett, hytter mm, og det kjem ikkje fram at det er ein konkret aktør/næring som er aktuell for området.

Det vart sett fram følgjande felles framlegg til vedtak:a. Planframlegg for Fløholmen, planid 12602010000300, er ikkje revidert i samsvar med PLT-vedtak 015/11 og KS-vedtak 014/14 og det har følgjeleg ikkje vore grunnlag for å leggje planframlegget ut til høyring og offentleg ettersyn. Tidlegare plansak for Fløholmen, planid 12602010000300, er avslutta av Radøy kommune, jf. KS-vedtak 015/11 og kommunen sitt brev av 23.06.14. Hovuduvtalet er positivt til at det vert starta nytt arbeid med privat framlegg til reguleringsplan for Fløholmen i tråd med Kommuneplan for Radøy kommune 2011-23.

b. Planstrategi for Radøy kommune skal leggjast til grunn for kva planarbeid kommunen skal utføre og ta del i. Endring av arealbruk for Byngja til næringsføremål er i strid med Kommuneplan for Radøy kommune 2011-23, og ligg ikkje inne i kommunen sin planstrategi for perioden 2016-2020.


Hovudutvalet vedtok felles framlegg til vedtak sett fram i møtet.

Vedtak

Framlegg til detaljregulering for Mangersneset bustadområde med planID 1260201100400 vert

godkjent for 1. gongs høyring og offentleg ettersyn på følgjande vilkår:

1. Føresegn § 1.11.10. vert endra til:
   Møteplassar langs kommunal veg skal vere ferdigstilt før det vert gjeve igangsettingsløyve for tiltak i planområdet. Rekkefølgjekravet gjeld ikkje mindre tiltak på bygd eigedom.

2. Føresegn § 1.11.11. vert endra til:
   Kommunal veg og fortau skal vere opparbeidd i samsvar med plan og ferdigstilt før det vert gjeve ferdigattest/mellombels bruksløyve for bustadene i BFS11-BFS26, BBB1 og BKS1.

3. I føresegna § 1.4.3 er det falt ut eit «ikkje». Dette må rettast slik at det ikkje kan førast opp tiltak i branngate.

4. Det må utarbeidast trafikkanalyse for anleggstrafikken.

5. Arealbruk i strandsona utanfor utbyggingsføremål i kommuneplan må KU og ROS vurderast. Det bør regulerast felles, køyrbar universelt utforma gangveg til eventuelle fellesareal i strandsona.

6. Plangrense i sjø må justerast i samsvar med oppstartsvarsel.

7. Referansar i kart, føresegner og planskildring må synkroniserast, samt generell språkvask og feilretting i føresegna.

Grunngjevinga for vedtaket går fram av saksutgreiinga.

Vedtaket har heimel i plan- og bygningslova § 12-10.

Behandling

Leif Taule (SP) sa seg ugild i denne saka, med grunnlag i at han tidlegare har vore involvert i saka administrativt i kommunen.
Hovudutvalet erklærte Taule ugild, og han deltok ikkje i handsaminga.

Hovudutvalet drøfta saka og drøfta mellom anna utfordringane knytt til den dårlege standarden på kommunevegen.

Det vart på bakgrunn av drøftingane konkludert med eit behov for å få lagt fram ein trafikkanalyse for anleggstrafikk langs kommunevegen.

Det vart sett fram følgjande felles tilleggsframlegg i møtet:
- Det er eit vilkår at trafikkanalyse for anleggstrafikken vert lagt fram før reguleringsplanen for Mangersneset bustadområde vert godkjend for 1. gongs høyring og offentleg ettersyn.

Hovudutvalet vedtok tilleggsframlegg sett fram i møtet.

Vedtak

Klagen vert ikkje teke til følgje og vedtak i PLT-sak 267/3017 vert stadfesta.
Grunngjevinga går fram av saksutgreiinga.

Heimel for vedtaket er forvaltningslova § 33, jf. plan- og bygningslova § 20-1 a, §§ 20-2 a og 20-3.

Behandling

Hovudutvalet vedtok samrøystes rådmannen sitt framlegg til vedtak.