Delegerte saker vert tekne til orientering
Hovudutvalet tok Delegerte saker til orientering.
Meldingar og referatsaker vert tekne til orientering.
Leif Taule (SP) etterlyste status for sak om kloakkforureining på Sletta.
Leiar for teknisk forvaltning orienterte om situasjonen og kva tiltak som er gjort. Det vart drøfta ulike tiltak for å få ei løysing på problemet med kloakkforureining. Leiar teknisk forvaltning peika på at det kan vera ei mogleg løysing å forlenga det kommunale avløpsnettet til det aktuelle problemområdet.
Hovudutvalet tok meldingar og referatsaker til orientering.
Hovudutval for plan, landbruk og teknisk si innstilling til Kommunestyret i Radøy:
Reguleringsplan for Mangervåg kloakkanlegg, planid 12602017000600, vert godkjent med plankart datert 20.12.17, føresegner datert 28.05.18, planskildring datert 10.01.18 og ROS-analyse datert 20.12.17.
Grunngjevinga for vedtaket går fram av saksframlegget.
Heimel for vedtaket er plan- og bygningslova § 12-12.
Hovudutvalet vedtok rådmannen sitt framlegg til vedtak.
Kommunen gjer avgjerd om at privat planinitiativ for omregulering av del av reguleringsplan for Olsvollstranda næringsområde, planid. planid 12602014000600, vert stoppa.
Grunngjevinga går fram av saksutgreiinga.
Heimel for vedtaket er plan- og bygningslova § 12-8(2), jf. § 12-3(3).
Avgjerda er ikkje eit enkeltvedtak og kan ikkje klagast på, men forslagsstillar kan krevje saka lagt fram for Kommunestyret i Radøy kommune for endeleg avgjerd.
Hovudutvalet vedtok rådmannen sitt framlegg til vedtak.
Det vert ikkje gjeve dispensasjon frå arealføremål LNF.
Grunngjeving for vedtaket går fram av saksutgreiinga.
Vedtaket har heimel i plan- og bygningslova § 19-2 jf. § 11-6 og naturmangfaldslova §§ 8-12.
Hovudutvalet vedtok rådmannen sitt framlegg til vedtak.
Det vert ikkje gjeve dispensasjon frå arealføremål LNF for tilbygg til driftsbygning, bruksendring av driftsbygning og fasadeendring, eller frå byggeforbod i strandsone for tilbygg til driftsbygning ogbruksendring av driftsbygning som omsøkt i alternativ 1 og 2.
Det vert gjeve dispensasjon frå byggeforbod i strandsone for bruksendring og frå arealføremål LNF for bruksendring og fasadeendring i samsvar med alternativ 3 levert 14.06.18 på følgjande vilkår:
Eigedomen (våningshuset) skal ha avlaupsanlegg som stettar dagens krav.
Grunngjeving for vedtaket:
I vektinga av fordelar og ulemper har utvalet lagt avgjerande vekt på at det ikkje er drift på bruket og at det er ønskjeleg at eksisterande bygningar vert halde ved like og brukt, i staden for å stå til nedfalls. Det er ikkje søkt om bruksendring av første høgda og bruket vil framleis ha naudsynt lagringsplass for maskinar og liknande for å ivareta jorda.
Søkjar har etter råd frå utvalet levert eit alternativ 3 som etter utvalet si vurdering tek i vare omsynet til estetikk og den historiske verdien av tunet. Tiltaket skjer innafor eksisterande bygningskropp, men med eit takoppløft for å få naudsynt innvendig høgde. Terrasser er teke bort, og erstatta av ei ekstra gangbru.
Bruksendringa legg til rette for auka bruk. Eigedomen har tørrklosett og gråvatn til terreng. Når det vert auka bruk på eigedomen aukar også utsleppet, og utvalet finn det naudsynet å setja krav om at eigedomen får eit utslepp som stettar dei reinsekrav som gjeld i dag.
Vedtaket har heimel i plan- og bygningslova § 19-2 jf. § 11-6 og naturmangfaldslova §§ 8-12.
Vedtaket vert sendt Fylkesmannen i Hordaland for klagevurdering.
Hovudutvalet var på synfaring i saka.
Etter ei drøfting bestemte utvalet seg for å utsetja saka til dag 2 i møtet, for å skaffa seg eit betre grunnlag for endeleg vedtak.
Det vart sett fram følgjande felles endringsframlegg i møtet:
Det vert ikkje gjeve dispensasjon frå arealføremål LNF for tilbygg til driftsbygning, bruksendring av driftsbygning og fasadeendring, eller frå byggeforbod i strandsone for tilbygg til driftsbygning og bruksendring av driftsbygning som omsøkt i alternativ 1 og 2.
Det vert gjeve dispensasjon frå byggeforbod i strandsone for bruksendring og frå arealføremål LNF for bruksendring og fasadeendring i samsvar med alternativ 3 levert 14.06.18 på følgjande vilkår:
Eigedomen (våningshuset) skal ha avlaupsanlegg som stettar dagens krav.
Grunngjeving for vedtaket:
I vektinga av fordelar og ulemper har utvalet lagt avgjerande vekt på at det ikkje er drift på bruket og at det er ønskjeleg at eksisterande bygningar vert halde ved like og brukt, i staden for å stå til nedfalls. Det er ikkje søkt om bruksendring av første høgda og bruket vil framleis ha naudsynt lagringsplass for maskinar og liknande for å ivareta jorda.
Søkjar har etter råd frå utvalet levert eit alternativ 3 som etter utvalet si vurdering tek i vare omsynet til estetikk og den historiske verdien av tunet. Tiltaket skjer innafor eksisterande bygningskropp, men med eit takoppløft for å få naudsynt innvendig høgde. Terrasser er teke bort, og erstatta av ei ekstra gangbru.
Bruksendringa legg til rette for auka bruk. Eigedomen har tørrklosett og gråvatn til terreng. Når det vert auka bruk på eigedomen aukar også utsleppet, og utvalet finn det naudsynet å setja krav om at eigedomen får eit utslepp som stettar dei reinsekrav som gjeld i dag.
Vedtaket har heimel i plan- og bygningslova § 19-2 jf. § 11-6 og naturmangfaldslova §§ 8-12.
Vedtaket vert sendt Fylkesmannen i Hordaland for klagevurdering.
Hovudutvalet si innstill til kommunestyret:
Det vert vedteke mellombels forbod mot tiltak etter pbl. § 1-6 på eigedommar som har kulturminne med verneklasse A etter Radøy kommune sin Kulturminneplan 2017-2027, jf. pbl. § 13-2.
Område forbodet gjeld kjem fram av vedlegg; Kartutsnitt – kulturminne verneklasse A.
Grunngjeving til vedtaket går fram av saksutgreiinga og vedlegga.
Hovudutvalet vedtok samrøystes rådmannen sitt framlegg til vedtak.
Hovudutvalet sitt vedtak går vidare som innstilling til kommunestyret.
Det vert løyvd 111 500 kr i tilskot frå Radøy kommune sitt viltfond til montering av 7 elektroniske skiver på baneanlegget. Dokumentasjon på bruk av midlane vert sendt Radøy kommune når tiltaket er gjennomført.
Hovudutvalet vedtok rådmannen sitt framlegg til vedtak.
Det vert løyvd 3400 kroner i tilskot frå Radøy kommune sitt viltfond til bygging av jaktbu for revejakt.
Hovudutvalet vedtok rådmannen sitt framlegg til vedtak.
Det vert løyvd 11 500 kr i tilskot frå Radøy kommune sitt viltfond til kurs og etablering av 2 åteplassar.
Hovudutvalet vedtok rådmannen sitt framlegg til vedtak.
Klagen vert ikkje teke til følgje og vedtak i sak 017/2018 vert stadfesta.
Grunngjevinga går fram av saksutgreiinga.
Heimel for vedtaket er forvaltningslova § 33, jf. plan- og bygningslova §§ 26-1 og 19-2.
Klagen vert sendt Fylkesmannen i Hordaland for endeleg avgjerd ved setjefylkesmann.
Hovudutvalet var på synfaring i området.
Utvalet peikar på at det aktuelle arealet ikkje er dyrka mark, og at markslagskartet er feil i dette tilfellet.
Hovudutvalet vedtok rådmannen sitt framlegg til vedtak.
Klaga vert ikkje teke til følgje og vedtak datert 15.02.2018 vert stadfesta.
Grunngjevinga går fram av saksutgreiinga.
Heimel for vedtaket er forvaltningslova § 33, jf. plan- og bygningslova §§ 19-2 og 11-6.
Klagen vert sendt Fylkesmannen i Hordaland for endeleg avgjerd.
Hovudutvalet vedtok rådmannen sitt framlegg til vedtak.
Det vert gjeve dispensasjon frå arealføremål LNF for arealoverføring som omsøkt.
I vektinga av fordelar og ulemper har utvalet lagt avgjerande vekt på at eigedomen har ein krevjande topografi og at det er vanskeleg å plassera garasje på eksisterande eigedom. Utvalet ser det også som en fordel at arealet under høgspentlina vert nytta og halde, slik at ikkje vegetasjonen kjem i konflikt med høgspentlina.
Heimel for vedtaket er plan- og bygningslova § 19-2, jf. § 11-6.
Vedtaket vert sendt Fylkesmannen i Hordaland for klagevurdering.
Hovudutvalet har vore på synfaring på eigedomen. Markslaget er ikkje overflatedyrka areal slik det går fram av markslagskartet (sjå bilete).
Det vart sett fram følgjande felles endringsframlegg i møtet:
Det vert gjeve dispensasjon frå arealføremål LNF for arealoverføring som omsøkt.
I vektinga av fordelar og ulemper har utvalet lagt avgjerande vekt på at eigedomen har ein krevjande topografi og at det er vanskeleg å plassera garasje på eksisterande eigedom. Utvalet ser det også som en fordel at arealet under høgspentlina vert nytta og halde, slik at ikkje vegetasjonen kjem i konflikt med høgspentlina.
Heimel for vedtaket er plan- og bygningslova § 19-2, jf. § 11-6.
Vedtaket vert sendt Fylkesmannen i Hordaland for klagevurdering.
Hovudutvalet vedtok framlegg til vedtak sett fram i møtet.
Det vert gjeve dispensasjon og rammeløvye til bruksendring til barnehage, ombygging, fasadeendring og opparbeiding av uteareal som søkt om på følgjande vilkår;
Barnehagen skal gjerdast inn slik at den ligg skjerma frå den delen av bygningen som er i bruk av Radøy interkommunal busenter.
Det må sikrast skjerming mellom busenter og barnehagen. Skjerming kan gjerast med levegg og/eller beplanting med vintergrøne plantar.
Det må planleggjast for avbøtande tiltak for å sikra gangtilkomst for mjuke trafikantar frå fylkesvegen til inngangen til barnehagen i sør før søknad om igangsetjingsløyve.
Det må ligga føre løyve til utvida bruk av avkjørsle til kommunal veg før søknad om igangsetjingsløyve.
Det må ligg føre godkjenning frå Arbeidstilsynet før søknad om igangsetjingsløyve.
Saman med søknad om igangsetjingsløyve må det sendast inn oppdatert erklæring om ansvarsrett for PRO brannkonsept i samsvar med gjennomføringsplan.
Grunngjeving for vedtaket går fram av saksutgreiinga.
Vedtaket har heimel i plan- og bygningslova (pbl) § 20-1 a, c, d og l og § 19-2 jf. §§ 11-6 og 12-4 og naturmangfaldslova §§ 8-12.
Saka vert sendt Fylkesmannen i Hordaland og Statens vegvesen for klagevurdering.
Hovudutvalet drøfta utfording knytt til parkeringsplassar og trafikkavvikling i området.
Hovudutvalet vedtok rådmannen sitt framlegg til vedtak.
Klaga vert ikkje teke til følgje og vedtak i sak 044/2018 vert stadfesta.
Grunngjevinga går fram av saksutgreiinga.
Heimel for vedtaket er forvaltningslova § 33, jf. plan- og bygningslova §§ 29-4, 12-4 og 19-2.
Klagen vert sendt Fylkesmannen i Hordaland for endeleg avgjerd.
Hovudutvalet var på synfaring.
Hovudutvalet vedtok rådmannen sitt framlegg til vedtak.
Det vert gjeve dispensasjon og løyve til etablering av trapper, utviding av eksisterande båtopptrekk, sikring av steinfylling og molo, snuplass og planering av grøntareal mot aust på følgjande vilkår:
Tiltaka skal plasserast som vist på situasjonsplan, korrigert i storleik og plassering i samsvar med rådmannen si vurdering over.
Det kan planerast og grusast ein snuplass med ein storleik på inntil 10 X 7 meter. Tiltaket kan ikkje plasserast på dyrka/dyrkbar mark. Snuplassen kan ikkje nyttast som lagringsplass eller parkeringsplass, og kan ikkje asfalterast
Det kan planerast og grusast eit areal mot aust på inn til 20 X 8 meter. Tiltaket kan ikkje plasserast på dyrka/dyrkbar mark. Planering og grusing skal skje på ein slik måte at arealet over tid gror til. Plassen kan ikkje asfalterast. Plassen kan nyttast til lagring av naudsynt sand, gjødsel ol. for landbruksdrift, rundballar og nokre båtar tilhøyrande grunneigar. Plassen kan ikkje nyttast til opplagsplass for båt for andre. Det som lagrast på plassen skal plasserast slik at det ikkje hindrar ferdsle i strandsone og ikkje er til fare for ålmenta.
Sikring av steinfyllingar og molo skal skje i tilnærma likt omfang som eksisterande tiltak og det skal nyttast eksisterande steinar eller tilsvarande stein. Betong skal bere nyttast i den grad det er naudsynt av omsyn til tryggleiken i konstruksjonane og bør nyttast som skjult konstruksjon.
Før tiltaka vert sette i gang skal det liggja føre løyve frå Bergen Havn.
Det vert gjeve avslag på dispensasjon til utviding av eksisterande molo med dekke og front i tre, snuplass på meir enn 10 x 7 meter og lagringsplass på meir enn 20 x 8 meter.
Grunngjeving for vedtaket går fram av saksutgreiinga.
Vedtaket har heimel i plan- og bygningslova § 19-2 jf. § 11-6 og naturmangfaldslova §§ 8-12.Saka vert sendt Fylkesmannen i Hordaland for klagevurdering.
Hovudutvalet var på synfaring.
Hovudutvalet vedtok rådmannen sitt framlegg til vedtak.
Det vert ikkje gjeve dispensasjon frå arealføremål friområde for terrenginngrep som omsøkt. Det vert gjeve dispensasjon frå arealføremål friområde for å leggja til rette for gangsti på terreng tilsvarande gangstiar som er i området for øvrig. Terrenget kan eventuelt hevast noko for å jamna ut stien i det området der terrenget ligg lågast.
Det vert gjeve dispensasjon frå forbod mot utfylling i sjø i kommuneplanen pkt. 2.8.3 for utfylling inn til byggegrense sett i Kommuneplan for Radøy kommune 2011-23 for dei fem første nausta mot aust (gbnr 17/127, 17/128, 17/129 og 17/133).
Situasjonsplan for naustområdet Ospholmneset vert ikkje godkjent som den ligg føre, men det vert gjeve førehandstilsagn for godkjenning av revidert situasjonsplan på følgjande vilkår:
Situasjonsplanen kan i utgangspunktet berre leggje til rette for 5 naust (gbnr 17/127, 17/128, 17/129 og 17/133). Nausta skal etablerast innafor arealføremål naust etter reguleringsplanen, ikkje i friområde.
Eventuelle fyllingar i sjø må skje innafor byggegrense i kommuneplan.
Terrenginngrep skal avgrensast til det som er naudsynt for å plassere sjølve nausta. Nausta bør plasserast på minimum kote + 2,5 i samsvar med Kommuneplan for Radøy kommune pkt. 2.8.1. Høgdeplasseringa bør også skje med omsyn til å redusers skjæring i bakkant.
Føresegna i kommuneplanen pkt. 2.8.2 skal leggjast til grunn ved utforming og plassering av nausta.
Tilhøva når det gjeld avstand nabogrense må vere avklart anten gjennom samtykke eller dispensasjon.
Det må sendast inn revidert situasjonsplan i samsvar med vilkår ovanfor for endeleg godkjenning.
Grunngjeving for vedtaket går fram av saksutgreiinga.
Vedtaket har heimel i plan- og bygningslova § 19-2, jf. §§ 11-6 og 12-4, reguleringsplan for Rossneset § 4 og naturmangfaldslova §§ 8-12.
Vedtaket vert sendt Fylkesmannen i Hordaland og nabo for klagevurdering.
Christel Villanger Håland, Leif Taule og May Britt Gjerde har vore på synfaring på eigedomen.
Det vart sett fram følgjande felles endringsframlegg:
Det vert ikkje gjeve dispensasjon frå arealføremål friområde for terrenginngrep som omsøkt. Det vert gjeve dispensasjon frå arealføremål friområde for å leggja til rette for gangsti på terreng tilsvarande gangstiar som er i området for øvrig. Terrenget kan eventuelt hevast noko for å jamna ut stien i det området der terrenget ligg lågast.
Det vert gjeve dispensasjon frå forbod mot utfylling i sjø i kommuneplanen pkt. 2.8.3 for utfylling inn til byggegrense sett i Kommuneplan for Radøy kommune 2011-23 for dei fem første nausta mot aust (gbnr 17/127, 17/128, 17/129 og 17/133).
Situasjonsplan for naustområdet Ospholmneset vert ikkje godkjent som den ligg føre, men det vert gjeve førehandstilsagn for godkjenning av revidert situasjonsplan på følgjande vilkår:
Situasjonsplanen kan i utgangspunktet berre leggje til rette for 5 naust (gbnr 17/127, 17/128, 17/129 og 17/133). Nausta skal etablerast innafor arealføremål naust etter reguleringsplanen, ikkje i friområde.
Eventuelle fyllingar i sjø må skje innafor byggegrense i kommuneplan.
Terrenginngrep skal avgrensast til det som er naudsynt for å plassere sjølve nausta. Nausta bør plasserast på minimum kote + 2,5 i samsvar med Kommuneplan for Radøy kommune pkt. 2.8.1. Høgdeplasseringa bør også skje med omsyn til å redusers skjæring i bakkant.
Føresegna i kommuneplanen pkt. 2.8.2 skal leggjast til grunn ved utforming og plassering av nausta.
Tilhøva når det gjeld avstand nabogrense må vere avklart anten gjennom samtykke eller dispensasjon.
Det må sendast inn revidert situasjonsplan i samsvar med vilkår ovanfor for endeleg godkjenning.
Grunngjeving for vedtaket går fram av saksutgreiinga.
Vedtaket har heimel i plan- og bygningslova § 19-2, jf. §§ 11-6 og 12-4, reguleringsplan for Rossneset § 4 og naturmangfaldslova §§ 8-12.
Vedtaket vert sendt Fylkesmannen i Hordaland og nabo for klagevurdering.
Hovudutvalet vedtok endringsframlegget sett fram i møtet.
Det vert ikkje gjeve dispensasjon frå arealføremål hamn i sjø og byggegrense mot sjø for etablering av flytebryggje.
Grunngjevinga for vedtak går fram av saksutgreiinga.Det vert gjeve dispensasjon frå arealføremål hamn i sjø, byggegrense mot sjø og føresegna pkt. 3.1.3 til naustområdet for oppføring av kaifront på 2 x 12 meter.
Grunngjeving for vedtaket er at omsynet bak arealføremåla ikkje vert vesentleg sett til side. I vektinga av fordelar og ulemper har utvalet lag avgjerande vekt på tryggleik, tilgjenge og vedlikehald av naustet.
Kommunen har ikkje teke stilling til søknad om parkering då tiltaket krev dispensasjon frå plankrav og slik dispensasjon ikkje er søkt.
Heimel for vedtaket er plan- og bygningslova § 19-2, jf. § 11-6.
Vedtaket vert sendt Fylkesmannen i Hordaland for klagevurdering.Hovudutvalet vedtok endringsframlegg sett fram i møtet.
Hovudutvalet har vore på synfaring på eigedomen.
Det vart sett fram følgjande felles endringsframlegg:
Det vert ikkje gjeve dispensasjon frå arealføremål hamn i sjø og byggegrense mot sjø for etablering av flytebryggje.
Grunngjevinga for vedtak går fram av saksutgreiinga.Det vert gjeve dispensasjon frå arealføremål hamn i sjø, byggegrense mot sjø og føresegna pkt. 3.1.3 til naustområdet for oppføring av kaifront på 2 x 12 meter.
Grunngjeving for vedtaket er at omsynet bak arealføremåla ikkje vert vesentleg sett til side. I vektinga av fordelar og ulemper har utvalet lag avgjerande vekt på tryggleik, tilgjenge og vedlikehald av naustet.
Kommunen har ikkje teke stilling til søknad om parkering då tiltaket krev dispensasjon frå plankrav og slik dispensasjon ikkje er søkt.
Heimel for vedtaket er plan- og bygningslova § 19-2, jf. § 11-6.
Vedtaket vert sendt Fylkesmannen i Hordaland for klagevurdering.
Hovudutvalet vedtok endringsframlegg sett fram i møtet.
Klagen vert ikkje teke til følgje og vedtak i sak 024/2018 vert stadfesta.
Grunngjeving for vedtaket går fram av saksutgreiinga.
Heimel for vedtaket er forvaltningslova § 33, jf. plan- og bygningslova § 19-2.
Klagen vertsend Fylkesmannen i Hordaland for endeleg avgjerd.
Hovudutvalet vedtok rådmannen sitt framlegg til vedtak.
Det vert gjeve dispensasjon for oppføring av kaifront på naust tilhøyrande gbnr 38/7 og 37/2 som omsøkt.
Kaiane er tilpassa sjølina og kjem etter utvalet si vurdering ikkje i konflikt med andre omsyn. Utforming og plassering er gjenomtenkt og tek i vare både bruk av nausta og bruk av området.Kaiane vil leggja til rette for ferdsle i området, også på framsida av nausta.
Når det gjeld kai tilhøyrande gbnr 37/8 er avviket i høve den kaistorleiken kommuneplanen opnar for berre på 2,9 kvm.
Når det gjeld kai tilhøyrande gbnr 38/2 er det grundt og naudsynt med kai med storleik som omsøkt for å få tilstrekkjeleg djupne i front av naustet. Utvalet presiserer at det er djupnetilhøva som her er avgjerande for utvalet si vurdering og at storleiken på kaien ikkje vil gje presedens for framtidige kaiar i området.
Dispensasjonen vil ikkje vanskeleggjere framtidig utarbeiding av reguleringsplan, og det er utvalet si vurdering at omsynet bak plankravet ikkje vert vesentleg sett til side.
Heimel for vedtaket er plan- og bygningslova § 19-2, jf. § 11-6.
Vedtaket vert sendt Fylkesmannen i Hordaland for klagevurdering.
Hovudutvalet har vore på synfaring.
Hovudutvalet vil sterkt tilrå at det vert utarbeidd reguleringsplan for Skuthamna for framtidig tiltak. Ein reguleringsplan vil sikra tenleg arealbruk i området og vil gje føreseielege tilhøve for grunneigarar og rettshavarar. Gjennom ein reguleringsplan vil området verta avklart i høve regionale styresmakter, mellom anna Statens vegvesen når det gjeld avkjørsleproblematikk.
Utvalet ønskjer likevel å leggja til rette for at nausta i denne saka kan førast opp med kaifront.
Det vart sett fram følgjande felles endringsframlegg i møtet:
Det vert gjeve dispensasjon for oppføring av kaifront på naust tilhøyrande gbnr 38/7 og 37/2 som omsøkt.
Kaiane er tilpassa sjølina og kjem etter utvalet si vurdering ikkje i konflikt med andre omsyn. Utforming og plassering er gjenomtenkt og tek i vare både bruk av nausta og bruk av området.Kaiane vil leggja til rette for ferdsle i området, også på framsida av nausta.
Når det gjeld kai tilhøyrande gbnr 37/8 er avviket i høve den kaistorleiken kommuneplanen opnar for berre på 2,9 kvm.
Når det gjeld kai tilhøyrande gbnr 38/2 er det grundt og naudsynt med kai med storleik som omsøkt for å få tilstrekkjeleg djupne i front av naustet. Utvalet presiserer at det er djupnetilhøva som her er avgjerande for utvalet si vurdering og at storleiken på kaien ikkje vil gje presedens for framtidige kaiar i området.
Dispensasjonen vil ikkje vanskeleggjere framtidig utarbeiding av reguleringsplan, og det er utvalet si vurdering at omsynet bak plankravet ikkje vert vesentleg sett til side.
Heimel for vedtaket er plan- og bygningslova § 19-2, jf. § 11-6.
Vedtaket vert sendt Fylkesmannen i Hordaland for klagevurdering.
Framlegg til områdereguleringsplan for Bø skule og barnehage, planid 12602017000900, med planskildring, plankart, føresegner og ROS-analyse mottatt 31.05.18 vert lagt ut til høyring og offentleg ettersyn i medhald av plan- og bygningslova §§ 12-10 og 12-11 på følgjande vilkår:
Planskildring vert omsett til nynorsk målform.
Det må leggjast inn påskrift på alle føremål i kartet.
Rådmannen får fullmakt til generell feilretting og oppstramming av føresegna. Mellom anna må følgjande rettast:
Det må gå fram av pkt. 2.4.1 kva føremål som inngår i kombinasjonen.
Estetikkføresegna i pkt 1.1 er ikkje treffande for arealbruken og må endrast.
Det må vurderast om føresegna i pkt 5.1.1 om sprenging er tenleg.
Pkt LNF er ikkje eit arealføremål i planområdet og må takast ut.
Pkt 5.1 følgjer av lov og må takast ut.
Det må takast inn rekkefølgjekrav knytt til parkering til barnehagen.
Det må rettast i nummerering.
Det må leggast inn frisiktsone i alle kryss i offentleg veg.
Edgar Grindheim (AP) peika på trafikkfarleg situasjon når bilar skal snu på Nordbøvegen og svinga mot sør igjen. Her er det dårleg sikt, og Grindheim meiner det er nødvendig å fjerna ein knaus for få betre svingradius.
Hovudutvalet sette fram følgjande felles tilleggsframlegg i møtet - som nytt vilkår:
h) det må leggjast inn frisiktsone i alle kryss i offentleg veg
Hovudutvalet vedtok rådmannen sitt framlegg til vedtak, med tilleggsframlegg sett fram i møtet.
Områdereguleringsplan for – Bustadområde Haukeland søndre - PlanID 12602016000600 vert godkjent med planskildring datert 04.06.18, plankart datert 28.03.2018 og planføresegner datert 30.05.2018.
Grunngjevinga går fram av saksutgreiinga.
Vedtaket har heimel i plan- og bygningslova § 12-12.
Hovudutvalet vedtok rådmannen sitt framlegg til vedtak.
Politikar | Parti | Medlemstype | E-Post |
---|---|---|---|
Christel Villanger Håland | Radøy Høgre | Utvalsleiar | christel@villanger.net |
Leif Gunnar Taule | Radøy Senterparti | Nestleiar | leif.taule@gmail.com |
Roy Bø | Radøy Fremskrittsparti | Medlem | royboe53@gmail.com |
Dag Sætre | Radøy Senterparti | Medlem | dag.setre@radoy.kommune.no |
May Britt Vågenes Gjerde | Radøy Senterparti | Medlem | maybritt@gjer.de |
Edgar Grindheim | Radøy Arbeidarparti | Varamedlem | edgar.grindheim@hfk.no |
Johnny Ystebø | Radøy Senterparti | Varamedlem | |
Morgan Taule (Ikke møtt) | Radøy Arbeidarparti | Medlem | morgan.taule@gmail.com |
Jannicke Helland (Ikke møtt) | Radøy Arbeidarparti | Medlem | jannicke-h@hotmail.com |