Møte i Radøy eldreråd den 30.04.2018

Vedtak

Innkalling og saksliste vert godkjend.

Vedtak

Møtebok vert godkjend

Vedtak

Meldingar og referatsaker vert tekne til orientering

Behandling

Kommunalsjef Grete Herøy orienterte om kommunedelplan helse, sosial og omsorg, arbeidet med bustadsosial handlingsplan og velferdsteknologi.

Vedtak

Eldrerådet stiller seg bak framlegget til kommunedelplan for helse, sosial og omsorg 2018 - 2028

Behandling

Kommunalsjef Grete Herøy orienterte om kommunedelplan for helse og omsorg. Ho peika på følgjande innsatsområde i handlingsplanen:
- Forebygging, tidleg innsats og kvardagsmeistring
- Frivilleg arbeid
- Innovasjon og velferdsteknologi
- Heilskaplege og saumlause tenester
- Rekruttering og kompetanse

Kommunalsjefen framheva at planen har fokus på forebygging. Mellom anna er det gjort framlegg om tilbod om forebyggande heimebesøk til innbyggarar over 70 år.
Systematisk integrering av flyktningar og oppfølging av personar med låg bukompetanse, velferdsteknologi, kompetanseheving og ergoterapeut er andre viktige tiltak i planen. Kommunalsjefen peika på utfordringar knytt til tal yrkesaktive i høve tal forventa behov for bistand. Rekruttering og kompetanse er også ein del av utfordringsbiletet.

Kommunalsjefen viste til at Radøy har redusert netto driftsutgifter innan forebygging, helsestasjons- og skulehelseteneste, diagnose, behandling, re-/habilitering og anna forebyggande helsearbeid samanlikna for tre år sidan. Driftsutgiftene er lågare enn gjennomsnittet i K10-gruppa.
Driftsutgifter til diagnose, behandling og rehabilitering har auka (og ligg over K10).
Kommunalsjefen peika også på at netto driftsutgifter til sosialtenesta pr. innbyggar har gått opp i perioden 2015 til 2016, og er høgare enn i dei andre kommunane i samanlikninga.

Råda understreka at det er viktig at det vert bygd opp tverrfagleg kompetanse utover pleie og omsorg, slik at ein kan vere ein ressurs med tanke på tilrettelegging for heimebuande.
Tilbod om førebyggande heimebesøk til innbyggarar over 70 vart helsa velkomen, og det er viktig at denne gjev god og grunnleggande informasjon. For råda er brukarmedverknad eit viktig element og den enkelte må få påverka sin situasjon og få vere med å definere "kva som er greitt for meg".

Råda ser at einsemd er ein utfordring og er oppteken av at ein må ha dette med seg når ein arbeidar inn velferdsteknologiske løysingar.

Eldrerådet konkluderte med at planen stettar behovet i planperioden og er dekkande for arbeidet inn i ny kommune tildet er lagt fram ein god plan og stiller seg bak framlegget til kommunedelplan for helse, sosial og omsorg.

Vedtak

Eldrerådet har ingen merknader til planen.

Behandling

Saka vart drøfta og det vart vist til det grundige arbeidet som har vore gjort både administrativt og politisk for å få på plass planen.

Vedtak

Eldredagen vert markert i Radøy kommune måndag 1. oktober 2018.

Behandling

Eldrerådet ønskjer å halde fram med å markere eldredagen den 1. oktober. Liste over arbeidsoppgåver vart gått igjennom og oppgåver fordelt.