Utval: | Råd for menneske med nedsett funksjonsevne |
---|---|
Dato: | 30.04.2018 10:00 |
Møtestad: | Kommunestyresalen |
Status: | Møtet er ferdig protokollert |
Sakskart: |
Innkalling og saksliste vert godkjend.
Rådet godkjende innkalling og saksliste.
Møtebok vert godkjend
Rådet godkjende møtebok.
Meldingar og referatsaker vert tekne til orientering.
Bustadsosial handlingsplan: Kommunalsjef Grete Herøy og ruskoordinator Elin Skråmestø Hinriksson orienterte om arbeidet med bustadsosial handlingsplan. Herøy sa at kommunen med denne planen skal ha ein strategi for å legga til rette for eit godt butilbod til ulike grupper - både eldre, dei som slit med rus, psykiatri, menneske med nedsett funksjonsevne, og dei som har store økonomiske utfordringar.
Rådet for menneske med nedsett funksjonsevne konkluderte med at det er gjort eit godt arbeid med bustadsosial handlingsplan.
Velferdsteknologi: Kommunalsjef Grete Herøy orienterte om arbeidet med å utvikla velferdsteknologi. Nye tryggleiksalarmar er det første tiltaket som vert sett i verk, og det vil etter kvart også bli installert ulike former for sensorar (t.d. dørsensor, fallsensor) hjå heimebuande eldre og andre med hjelpebehov. Kommunalsjefen understreka at det vil bli gitt grundig opplæring i bruk av dei ulike hjelpemidlane. Det vil bli informert om tilboda innan velferdsteknologi både på heimeside og i brev til den enkelte brukar. Kommunalsjefen sa at det blir gjort ein individuell samtale med den enkelte for å avklara kva som kan vera aktuelt og nyttig å ta i bruk. Dei første tiltaka vert sett i drift i løpet av hausten.
SFO-BETALING: Foreldre til barn med nedsett funksjonsevne har sendt søknad til kommunen om fritak frå foreldrebetaling for SFO på 5.-7. klassetrinn. Kommunen tilbyr i dag SFO for alle barn på 1.-4. trinn, og for barn med nedsett funksjonsevne også på 5.-7. trinn - og foreldrebetalinga er 3000 kroner for alle. I brevet vert det peika på at denne særavgifta for foreldre med barn med nedsett funksjonsevne vil koma på ca 100.000 kroner per barn i desse tre åra. Dette er ein meirkostnad foreldra til barn i 5.-7. trinn føler er sterkt urettferdig. Dei viser til at foreldre med funksjonsfriske barn ikkje vil ha denne kostnaden. Dei søkjer difor om fritak for foreldrebetaling for SFO på 5.-7. trinn for barn med nedsett funskjonsevne frå komande skuleår.
Medlemane i rådet hadde fått tilsendt brevet dagen før møtet.
Etter drøfting i rådet vart det sett fram følgjande framlegg:
Rådet oppmodar kommunen om å innvilga søknaden om fritak for foreldrebetaling i SFO for barn med nedsett funksjonsevne i 5.-7. trinn. På generelt grunnlag meiner rådet at det ikkje skal krevjast foreldrebetaling for SFO-tilbod til barn med nedsett funksjonsevne på 5.-7. trinn.
Rådet slutta samrøystes opp om framlegget sett fram i møtet.
Aktivitetstilbod - oppmoding frå forelder: Leiar i råd for menneske med nedsett funksjonsevne la fram eit brev frå ein forelder som etterlyser aktivitetstilbod til ein gut med nedsett funksjonsevne. I brevet, som er sendt til Manger Idrettslag, vert det peika på at det finst mange barn som føler dei ikkje passar inn i den vanlege organiserte idretten. Kva med å få til eit tilbod med allidrett eller liknande, som kan vera eit særtilbod for desse barna? blir det spurt i brevet.
Rådet for menneske med nedsett funksjonsevne ser eit klart behov for å få etablert tilbod for å aktivisera dei barna som fell utanfor dei ordinære tilboda. Ulike tilbod vart drøfta, mellom anna vart det trekt fram at idrettslaget kan få økonomisk godtgjersle for å stilla med fritids-/treningskontaktar. Rådet meiner også dette kan vera ei oppgåve som ungdomar kan bidra med. Rådet meiner det gjerne bør inviterast til eit orienteringsmøte med foreldre, idrettslaga og kommunen.
I første omgang konkluderte rådet med å senda eit brev til idrettsrådet og ungdomsrådet med spørsmål om kva tilbod dei eventuelt kan vera med og etablera for den aktuelle gruppa.
P-plassar: Johannes Kolås tok opp utfordringa med tilgjengelege parkeringsplassar for gjestar ved rådhuset. Han meiner det bør etablerast enkelte P-plassar øyremerkt gjestar på framsida av rådhuset.
Rådet peika også på behovet for handicap-parkering ved offentlege bygg, og viste til at desse plassane til tider kan vera okkuperte av folk som ikkje har rett til å bruka desse plassane.
Dørar i Radøyhallen: Leiar i rådet for menneske med nedsett funksjonsevne, Jannicke Helland, reiste spørsmål om fargebruk ved oppgraderinga i Radøyhallen. Ho peika at synshemma kan oppfatta det som at fargane på dørar og veggar går i eitt, noko som kan skapa problem med å ta seg fram på eiga hand i hallen. Rådet oppmodar kommunen om å gjera noko med dette, og på ein tydeleg måte å markera kvar dørane er.
Rådet for menneske med nedsett funksjonsevne tok meldingar og referatsaker til orientering, med tillegg som vart sett fram i møtet.
Rådet for menneske med nedsett funksjonsevne stiller seg bak framlegget til kommunedelplan for helse, sosial og omsorg 2018 – 2028.
Kommunalsjef Grete Herøy orienterte om kommunedelplan for helse og omsorg. Ho peika på følgjande innsatsområde i handlingsplanen:
- Forebygging, tidleg innsats og kvardagsmeistring
- Frivilleg arbeid
- Innovasjon og velferdsteknologi
- Heilskaplege og saumlause tenester
- Rekruttering og kompetanse
Kommunalsjefen framheva at planen har fokus på forebygging. Mellom anna er det gjort framlegg om tilbod om forebyggande heimebesøk til innbyggarar over 70 år.
Systematisk integrering av flyktningar og oppfølging av personar med låg bukompetanse, velferdsteknologi, kompetanseheving og ergoterapeut er andre viktige tiltak i planen. Kommunalsjefen peika på utfordringar knytt til tal yrkesaktive i høve tal forventa behov for bistand. Rekruttering og kompetanse er også ein del av utfordringsbiletet.
Kommunalsjefen viste til at Radøy har redusert netto driftsutgifter innan forebygging, helsestasjons- og skulehelseteneste, diagnose, behandling, re-/habilitering og anna forebyggande helsearbeid samanlikna for tre år sidan. Driftsutgiftene er lågare enn gjennomsnittet i K10-gruppa.
Driftsutgifter til diagnose, behandling og rehabilitering har auka (og ligg over K10).
Kommunalsjefen peika også på at netto driftsutgifter til sosialtenesta pr. innbyggar har gått opp i perioden 2015 til 2016, og er høgare enn i dei andre kommunane i samanlikninga.
Råda understreka at det er viktig at det vert bygd opp tverrfagleg kompetanse utover pleie og omsorg, slik at ein kan vere ein ressurs med tanke på tilrettelegging for heimebuande.
Tilbod om førebyggande heimebesøk til innbyggarar over 70 vart helsa velkomen, og det er viktig at denne gjev god og grunnleggande informasjon. For råda er brukarmedverknad eit viktig element og den enkelte må få påverka sin situasjon og få vere med å definere "kva som er greitt for meg".
Råda ser at einsemd er ein utfordring og er oppteken av at ein må ha dette med seg når ein arbeidar inn velferdsteknologiske løysingar.
Rådfor menneske med nedsett funksjonsevne konkluderte med at det er lagt fram ein god plan og stiller seg bak framlegget til kommunedelplan for helse, sosial og omsorg.
Rådet for menneske med nedsett funksjonsevne har ingen merknader til planen.
Saka vart drøfta og det vart vist til det grundige arbeidet som har vore gjort både administrativt og politisk for å få på plass planen for Mangersvåg kloakkanlegg.
Rådet for menneske med nedsett funksjonsevne har ingen merknader til planen.
Politikar | Parti | Medlemstype | E-Post |
---|---|---|---|
Jannicke Helland | Radøy Arbeidarparti | Utvalsleiar | jannicke-h@hotmail.com |
Johannes Kolås | Medlem | ||
Berly Hella | Medlem | ||
Anna Hella Kartveit | Medlem | ||
Morgan Taule | Radøy Arbeidarparti | Varamedlem | morgan.taule@gmail.com |
May Britt Vågenes Gjerde (Ikke møtt) | Radøy Senterparti | Nestleiar | maybritt@gjer.de |
Mai-Liss Sylta Møn (Ikke møtt) | Partiuavhengig | Medlem | lissmai@icloud.com |