Møte i Formannskapet i Radøy den 08.11.2018

Vedtak

Manger musikklag får kr 15 000 i støtte til deltaking i Brass in Concert 19.-21. oktober 2018.

Behandling

Formannskapet drøfta saka.-

Else Marie Skartveit Dale (KrF) sette fram følgjande framlegg:
Manger musikklag får kr 15 000 i støtte til deltaking i Brass in Concert 19.-21. oktober 2018.

Formannskapet vedtok Skartveit Dale sitt framlegg.

Vedtak

Hordabø skulemusikklag får kr 10 000 i tilskot til gjennomføring av haustversjonen av showet «Norsk på norsk».

Behandling

Formannskapet framheva den flotte jobben Hordabø skulemusikklag gjer med sine show.

Else Marie Skartveit Dale (KrF) sette fram følgjande endringsframlegg:
Hordabø skulemusikklag får kr 10Formannskapet vedtok Skartveit Dale sitt framlegg til vedtak.

Vedtak

Radøy kommune innfører gratis leige i idrettshallen og bassenga i Radøyhallen for idrettslag tilknytta Radøy idrettsråd og for aktivitetar for born og unge (0-19 år). Gratis leige gjeld faste treningar, og i tillegg arrangement som er ein del av regionen, kretsen eller idrettsforbundet sine terminfesta stevner, seriespel og turneringar. Turneringar, stemner og einskildarrangement som kjem utanom dei terminfesta aktivitetane, skal fakturerast etter gjeldande satsar.

Behandling

Formannskapet vedtok rådmannen sitt framlegg til vedtak.

Vedtak

Det vart ikkje gjort vedtak i denne saka.

Behandling

Økonomisjef Sveinung Kvamme orienterte om framlegg til 2019-budsjettet, det siste i Radøy kommune si historie. Radøy-budsjettet for 2019 vil danna grunnlaget for budsjett for Alver kommune for 2020.
I 2019-budsjettet er det lagt opp til ei investeringsramme som er større enn nokon gong, og det skal etter planen lånast 120 mill. kroner. Økonomisjefen peika på at den kommunale lånegjelda er i ferd med å bli høg.

Samla rammetilskot og skatt i budsjettet aukar frå 292,5 mill. i 2018 til 300,5 mill. i 2019. Økonomisjefen peikar på at den reelle veksten i overføringar og skatt er på 2,74 prosent, i realiteten mindre enn pårekna prisvekst på 2,8 prosent.
Rente- og avdragskostnadane aukar med ca 3 mill. kroner, noko som skuldast auka rentenivå og auka investeringsnivå.
Frie inntekter etter finanskostnadar aukar knapt to mill. frå 2018 til 2019.

Netto driftsresultat er negativt med 14,3 mill. kroner. Økonomisjefen forklarte dette med eingongskostnader i samband med omstillingar til Alver kommune, men også med behov for tiltak på ulike sektorar. Det blir betydelege meirkostnader knytt til heimebaserte tenester, meirkostnader i samband med etablering av Nordhordland Brann og Redning, straumkostnader og pensjonskostnader aukar meir enn prisvekst, auka klassetal på Manger skule og bortfall av refusjon knytt til gjestelevar. Det vert også noko auka driftskostnader på SFO, og krava til bemanningsnrom i barnehagane gir auka driftskostnader. Gratis bruk av Radøyhallen for organiserte aktivitetar for born og unge inntil 19 år medfører mindre inntekter.

Botnlina viser likevel eit mindreforbruk på 145.796 kroner, på grunn av bruk av fond. Det vert henta 5,9 mill. frå tidlegare avsette fondsmidlar til omstilling, flyktning mv, 5 mill. frå fritt disposisjonsfond (havbruksfondet), og 3,5 mill. bundne sjølvkostfond (VA).

Rådgjevar kultur, Bente K. Hervik orienterte om planane for ein tursti frå Manger til Solendfjellet, ein tursti utanom trafikert veg som vil gjera endå meir attraktivt for fleire til å leggja turen til Tusenårsstaden. Ho peika på at dette er eit prosjekt som kan få spelemidlar.

Rådmann Jarle Landås orienterte om arbeidet med å styrka Radøy-biblioteket. I eit prosjekt knytt til Strilabiblioteket, der biblioteket i Radøy inngår, skal det no investerast i utstyr og maskiner til "automatisering" på biblioteket.

Formannskapet uttrykte honnør til rådmannen for hans budsjettframlegg. I formannskapet var både administrasjon og politikarar samde om og opptatt av at 2019-budsjettet vil peika fram til Alver kommune. Difor er formannskapet innstillt på å unngå driftsbudsjettpostar, som ikkje vil vara inn i den nye kommunen.

På bakgrunn av den første budsjettdrøftinga ser ordførar Jon Askeland mykje som tyder på eit ønskje om å finna fram til eit budsjettforlik.

Det vert no lagt opp til at gruppeleiarane i samtlege parti fram til formannskapet 22. november kan senda kortfatta budsjettspørsmål til økonomisjefen. Alle spørsmål og svar vert sendt til gruppeleiarane og medlemmane i formannskapet.

Vedtak

Framlegg til revidert Kommuneplan for Radøy kommune 2011-23 vert lagt ut til 1. gongs høyring og offentleg ettersyn med heimel i plan- og bygningslova § 11-14.

Grunngjevinga går fram av saksframlegget, samt saksframlegg til KS-sak 010/2015 og FS-sak 045/2018.

Behandling

Leiar teknisk forvaltning, Tonje Nepstad Epland, orienterte og svara på spørsmål.

Formannskapet har vegne av Lingalaks AS. Innspelet er komen inn etter at innkalling til formannskapsmøtet var sendt ut og har difor ikkje vore gjenstand for administrativ saksførebuing og er heller ikkje vedlagt sakspapira.

Ordføraren tok innspelet opp til drøfting i møtet. Ordføraren orienterte om sin kontakt med Lingalaks og historikken i saka.

Rådmannen gjorde merksam på at innspelet frå Lingalaks omhandlar to separate saker: For det første sak som gjeld avslag frå Hordaland fylkeskommune på endra plassering av lokalitet på Toska sør, og som Lingalaks har på Kommuneplan for Radøy kommune.
Når det gjeld den første saka gjorde rådmannen merksam på at klagen vert avgjort av direktoratet på grunnlag av regelverket som låg føre på vedtakstidspunktet. Radøy kommune sin prosess med delrevisjon av kommuneplanen får såleis ingen verknad for denne saka. Uavhengig av utfallet av klagesaka til Lingalaks har prosessen rundt Toska sør vist at det er viktig å rydda i den motstriden som ligg i gjeldande kommuneplan av omsyn til framtidige saker.

Leiar teknisk forvaltning, Tonje Nepstad Epland, orienterte om planadministrasjonen si orientera om historikken kring arealføremålet fleirbruksområde i sjø og akvakultur tilbake til 2011 då gjeldande kommuneplan vart vedteken. Gjeldande kommuneplan har arealføremål fleirbruksområde i sjø på det meste av sjøareala i kommunen. Plankartet har påskrifta FNFF, som står for friluftsliv, natur, fiske og ferdsle. Etter påskrifta i plankartet inngår ikkje akvakultur i fleirbruksområdet. Plankartet og føresegna har komen i motstrid ved at det er ei generell oppramsing av underføremål i føresegna. Planskildringa og konsekvensutgreiingstema i planskildringa støttar plankartet.

Epland orienterte ogsåfrå 2012 overprøvde kommunen si forståing av arealføremålet og at denne saka har fått konsekvensar for fleire instansar si handtering av akvakultursaker i kommunen. Vidare orienterte ho om kommunen sin dispensasjonspraksis i akvakultursaker når det gjeld mindre avvik i plassering og plassering av fortøyingar.

Når det gjeld framlegg til endringar i føresegna knytt til fleirbruksområ endringa er å fjerna den motstriden som er i plandokumenta i dag, og regulera ein tenleg sambruk av sjøområda. Det er administrasjonen si vurdering at endringa er ei presisering og ei tydeleg planfesting av kommunen sin praksis knytt til gjeldande kommuneplan.  Det motsette alternativet, å opna heile sjøområdet for akvakultur, er etter administrasjonen si vurdering ei arealbruksendring som krev konsekvensutgreiing. Dette som følgje av at omsynet bak gjeldande plan aldri har vore å opna sjøområda fritt for akvakultur, og at fleirbruksområdet i sjø aldri har vore praktisert som eit område fritt ope for akvakultur etter gjeldande plan.
Epland gjorde spesielt merksam på at ei innfortolking av akvakultur i fleirbruksområdet vil fråta kommunen all mynde når det gjeld bruk av sjøområda. Etablering og plassering av nye akvakulturanlegg vil vera opp til sektorstyresmaktene, og kommunen vil ikkje ha heimel for å styra arealbruken i eigen kommune. Så lenge kommunen er planstyresmakt og er ansvarleg for tenleg og berekraftig arealbruk, vil ei slik løysing vera uhaldbar for kommunen.

På spørsmål frå ordføraren om det var mogleg ån generell adgang til å leggja inn nye akvakulturområde i sjø gjennom reguleringsplan orienterte Epland om at denne moglegheita for private initiativ til reguleringsplan allereie følgjer av plan- og bygningslova. Ein reguleringsplan i strid med overordna plan vil ha ein nokre tyngre prosess og utgreiingskrav, men så lenge kommunen ønskjer å fremja planen er det ikkje noko juridisk eller prinsipielt til hinder for det.

Råmerksam på at det har vore tett dialog mellom Lingalaks og administrasjonen i arbeidet med delrevisjon av kommuneplanen, men at administrasjonen i denne dialogen ikkje er presentert for dei tema som advokatfirmaet Thommessen no har teke opp.

Epland sa at ho vil ta problemstillinga med arealbruk i sjø inn i arbeidsgruppa «Planer mot Alver», som har mandat til å utarbeida framlegg til planstrategi for Alver kommune.

Formannskapet hadde ei grundig drøfting knytt til bruk av sjøbruksareal og akvakultur. Ordførar Jon Askeland sa i ei oppsummering at Radøy ønskjer å vera ein oppdrettsvenleg kommune.
Formannskapet vedtok rådmannen sitt framlegg til vedtak.

Vedtak

Ufullstendig setning om grunnskulepoenga under dokumentasjon.

Behandling

Ordførar Jon Askeland la fram følgjande framlegg til uttale - adressert til Hordaland fylkeskommune, Statens vegvesen, BKK og Politiet:

Uttale frå Radøy formannskap etter stormen Helene, september 2018
Formannskapet i Radøy vil gje uttrykk for at me ikkje var nøgde med at FV 565 ved Storheimstø i Radøy vart stengd eit heilt døgn etter stormen Helene 19. september. Me meiner det vart gjort leiarmessige feilvurderingar i situasjonen.

Fakta:FV 565 ved Storheimstø sør på Radøy var stengt i ca 23 timar, etter at stormen Helene førte til omfattande vindfalne tre over fylkesvegen og veglysa langs vegen. Det var særs mangelfull informasjon og skilting. Det oppstod kaos på omkøyringsvegen FV 407 om Sæbø, som er totalt ueigna til å ta unna trafikkmengdene,- i alle høve utan dirigering med ein retning om gongen. Politiet kom seint inn i situasjonen, og kommunen opplevde at me vart ikkje kontakta, men måtte vera den aktive parten andre vegen. På FV 407 oppstod det fleire hendingar som kunne fått kritiske konsekvensar.

Vurdering:

FV 565 er på det punktet som vart stengt, kategorisert som overordna fylkesveg, dette er altså ein prioritert veg. Vegen har høg trafikk, truleg mellom 4000 – 5000 ÅDT (målepunkt ved Alversundbrua viser ÅDT på nærare 7000). Altså er trafikken på vegen høgare enn t.d. E39 i Romarheim og på Stord. Det bur om lag 5000 menneske nord for den stengde vegen (inkl. at ein del på Fedje og Austrheim brukar vegen framfor FV 57 i Lindås). Omkøyringsvegen FV 407 om Sæbø er heilt ueigna til å ta unna dei trafikkmengdene som går på FV 565. Dette viste seg i løpet av dagen, med stort kaos på FV 407. FV 565 er også beredskapsveg for FV 57 i høve næringsareal på Mongstad. Situasjonen på omkøyringsvegen var så kritisk at naudetatane ville ikkje ha kome fram verken med ambulanse, politi eller andre etatar som måtte kome frå sør. Me reagerer også på at politiet ikkje gjekk inn i situasjonen før etter kl 15.00 den 20. september.

Me er ikkje ute etter å fordela skuld i situasjonen, og me takkar alle dei som gjorde ein framifrå innsats både under og etter uvèret. Men, me meiner særleg at vegeigar Hordaland Fylkeskommune og driftsansvarleg Statens Vegvesen bør vurdera og læra av situasjonen.

Me viser til fersk forvaltningsrevisjonsrapport i Hordaland fylkeskommune, som rettar kritikk til rutiner knytt til trafikktryggleik på veg. Me håpar at alle impliserte partar som lærande organisasjonar vurderer tiltak for ettertida, basert på hendinga på FV 565 ved Austmarka for ettertida.

Kommunen si vurdering er at då det lysna av dag morgonen torsdag 20. september, så var det sjølvsagt ei stor oppgåve å få oversikta over den totale situasjonen etter uvèret. Det er på det reine at uvèret førte til større straumutkoplingar enn det vanlege i vinterstormar dei seinare åra. Det tèl sikkert med at ein storm i januar opplevest som meir «vanleg» enn i september. Me har derfor den største respekt for at me hadde ein svært omfattande skadesituasjon denne gongen. Men, i løpet av få timar torsdag føremiddag, burde det vore ei samla prioritering frå vegeigar og kraftselskap om kor innsatsen skulle rettast i prioritert rekkefølgje. Etter vårt syn skulle då FV 565 vera prioritert høgare enn me opplevde, ut frå argumenta overfor.

I tillegg til sjølve vegstenginga, vart det ikkje sett inn trafikkdirigering før ca kl 15.00 den 20. september. Det var heller ikkje skilta ved Taule, slik at ein del som kom køyrande frå nord, gjorde unødig tur til Austmarka for så å snu. Kommunen si vurdering er at vegeigar si skilting, trafikkdirigering og informasjon ikkje var god nok med dei trafikkmengdene det her var tale om. Igjen gjeld dette eit stykke ut på dagen, om morgonen var det akutt-tiltak i eit stort område som galdt.

Informasjon kommunen fekk i løpet av dagen, kan tyda på at kommunikasjonen mellom vegeigar, kontraktør og BKK ikkje var optimal, og kommunen opplevde ikkje aktivt å få informasjon, men måtte sjølv vera aktiv overfor vegeigar, BKK og politi.

Radøy kommune står til rådvelde om de ønskjer å drøfta og evaluera situasjonen saman med oss. Me er opne for kritisk drøfting av om det var noko me burde gjort annleis.

Formannskapet vedtok framlegg til uttale sett fram i møtet.

Vedtak

Meldingar og referatsaker vert tekne til orientering

Behandling

Ulukke i Øygarden: Rådmann Jarle Landås gav ei orientering om ulukke utanfor Øygarden, der ein fregatt og eit tankskip kolliderte og fregatten grunnstøytte. Han informerte om at Radøy kommune følgjer med på utviklinga av mogleg olje- og diesel-utslepp som kan koma inn mot strendene våre.

Dagsenter for heimebuande demente: Else Marie Skartveit Dale (KrF) sette fram følgjande skriftlege spørsmål til møte i formannskapet:
Demens er ein av dei store utfordringane  for folkehelse, og er ein sjukdom som i særleg grad rammar eldre menneske. Sjukdommen  er ein stor utfordring for den som  vert ramma, men det  medfører også som regel store konsekvenser for kvardagen til dei pårørande.
Demensplan 2020 er regjeringa sin plan og tiltak for å  betra det kommunale helse- og omsorgstenestetilbodet til personar med demens  og deira pårørande.  Eit av tiltaka i denne  planen er å lovfesta kommunane si plikt til å tilby dagaktivitetstilbod til heimebuande personar med demens,  gjeldane frå 1.januar 2020.
1.januar 2020 er Radøy ein del av Alver kommune, men Radøy  kommune pliktar vel å førebu seg på dei lovkrava som ein veit kjem.
Ein annan realitet er at ein stor del av Radøy sin befolkning er eldre. Me må derfor rekna med at antal eldre med demens vil vera aukande. 

Kva aktivitetstilbod til heimebuande eldre med demens har Radøy  kommune  i dag?
Og er dette godt nok tilbod med tanke på varsla lovkrav som kjem frå 1.januar 2020?
Dersom  negativt  svar på føregåande spørsmål; Kva planar har Radøy kommune for å førebu eit tilbod som vert innanfor lovkrava som trer i kraft 1.januar 2020?

Rådmann Jarle Landås svara at kommunen også i dag innfrir nasjonalt krav til dagsenter-tilbod for demente som vert sett i verk 1.1. 2019. Han sa at det kan vera aktuelt å plassera dagsenteret - og andre tilbod, i lokala til brannstasjon og teknisk drift når desse flyttar ut av dagens bygg.

Revisjon: Ordførar Jon Askeland orienterte om prosessen fram mot avgjerda om kva revisjonsselskap Alver kommune skal ha. Kontrollutvalet i dei tre Alver-kommunane kjem innstilling til Fellesnemnda for Alver.

Fylkesmannen møter kommunane: Ordførar Jon Askeland orienterte frå Fylkesmannen i Hordaland si årlege samling med kommunane på Solstrand.

Frukt til dei tilsette: Kommunestyret ba i junimøtet formannskapet å finna ein måte å påskjøna dei tilsette i kommunen for flott jobb og god innsats over lang tid. Rådmann Jarle Landås informerte formannskapet at dei ulike avdelingar i kommunen no får fruktkorg levert ein gong i månad, ei ordning som i første omgang går fram til sommaren. Det er Matsørvis som organiserer ordninga, Omsut som leverer, og det er Aufera som har laga dei fine fruktkorgene.

Formannskapet tok meldingar og referatsaker til orientering, med tillegg som vart sett fram i møtet.