Møte i Formannskapet i Radøy den 22.11.2018

Vedtak

Radøy kommune prioriterer spelemiddelsøknadene for søknadsrunde 2019 slik:

Ordinære anlegg:

Nærmiljøanlegg:

Behandling

Kulturrådgjevar Bente K. Hervik orienterte.

Formannskapet vedtok rådmannen sitt framlegg til vedtak.

Vedtak

Radøy kommune forskotterer spelemidlar og mva-kompensasjon til Radøy idrettslag, knytt til garderobeanlegg/klubbhus ved Austmarka kunstgrasbane med inntil kr 2.420.000.
Det er ein føresetnad at heile det forskotterte beløpet skal betalast attende, uansett storleik på faktisk utbetalt mva-kompensasjon og spelemidlar, seinast 31.12.2023. Kompensasjonsbeløpet Radøy idrettslag får overført etter søknad, skal straks og uavkorta overførast Radøy kommune. Radøy kommune skal også kunna halda attende spelemidlar i den grad det forskotterte beløpet ikkje blir dekka fullt ut. Det vert ikkje rekna rente av det forskotterte beløpet.

Behandling

Leiar i Radøy idrettsråd, Bjørn Ove Myking, viste til idrettsrådet sin uttale. Han peika samtidig på at idrettsrådet i tide må få saka til handsaming, slik at idrettsrådet sin uttalerett vert overhalde.

Økonomisjef Sveinung Kvamme sa at søknaden frå Radøy IL ikkje skil seg vesentleg frå andre tilsvarande søknader. Han viste til at kommunestyret har gitt både lån, garanti for lån, og forskottering av spelemidlar til tidlegare søknader.

Formannskapet vedtok rådmannen si tilråding.

Vedtak

Søknad om tilskot til Mangerfestivalen vert ikkje innvilga.

Behandling

Vidar Grindheim (H) ba formannskapet vurdera habiliteten hans på bakgrunn av at han er engasjert i foreldrearbeidet i Manger skulemusikklag og at han er 2. varamedlem til styret i korpset.
Formannskapet kjende Grindheim inhabil, og han deltok ikkje i handsaminga av saka.

Formannskapet hadde ei grundig drøfting av saka, og konkluderte med at det ikkje vil vera i samsvar med retningslinene å innvilga søknaden om prosjekt- og aktivitetstilskot til Mangerfestivalen.

Formannskapet vedtok rådmannen sitt framlegg til vedtak.

Vedtak

Radøy/Manger fotballklubb får ikkje avslag i leigeprisen for Radøyhallen for gjennomføring av Manger cup utover at dei får låna ungdommens hus gratis.

Behandling

Ordførar Jon Askeland ba formannskapet vurdera habiliteten sin på bakgrunn av nært slektskap med styreleiaren i Radøy/Manger FK.
Formannskapet kjende Askeland inhabil, og han deltok ikkje i handsaminga av saka. Varaordførar Jostein Borlaug overtok som møteleiar i denne saka.

Formannskapet drøfta saka, mellom anna om i kva grad arrangementet går med overskot skal ha betydning for vurderinga av søknaden. Det vart peika på at situasjonen ville vore annleis dersom Mangercupen hadde vore terminfesta i Hordaland fotballkrets sin regi. Formannskapet konkluderte med at søknaden om redusert halleige ikkje er i samsvar med vedtekne retningsliner. Samtidig vart det vist til at laga vil få betydeleg reduserte kostnader ved at kommunen no innfører gratis leige i idrettshallen og bassenga i Radøyhallen for idrettslag tilknytta Radøy idrettsråd og for aktivitetar for born og unge (0-19 år).

Formannskapet vedtok rådmannen sitt framlegg til vedtak.

Vedtak

Utkast til reviderte retningsliner for kulturmidlar vert vedtatt slik dei ligg føre.

Behandling

Kulturrådgjevar Bente K. Hervik orienterte om framlegg til reviderte retningsliner for kulturmidlar.

Formannskapet vedtok rådmannen sitt framlegg til vedtak.

Vedtak

I medhald av Lov om serveringsvirksomhet og Lov om omsetning av alkoholholdig drikk godkjenner formannskapet i Radøy følgjande:

1. Pub´N (org.nr 917656282) får tildelt serveringsløyve i serverings- og selskapslokale til Pub´N, organisasjonsnummer 917656282, Radøyvegen 2552, 5937 Bøvågen, innandørs areal 150 m2 og utandørs areal 85 m2, med opningstid måndag til torsdag og søndag kl. 12.00-01.00, og fredag og laurdag frå kl. 12.00-02.00.

2. Pub´N (org.nr 917656282) får tildelt skjenkeløyve for alkoholhaldig drikk gruppe 1, 2 og 3 i serverings- og selskapslokale til Pub´N, organisasjonsnummer 917656282, Radøyvegen 2552, 5937 Bøvågen med innandørs areal på 150 m2 og utandørs areal på 85 m2 i tilknyting til nemnde lokale for perioden fram til 30.06.2020.

3. Skjenketider gitt Forskrift om sal, skjenking og opningstider for alkoholhaldig drikke vedteken av kommunestyret i Radøy kommune september 2016 skal følgjast.

4. Styrar for løyvet er Arve Martin Haugland f. 20.06.64 og stedfortredar er Kenneth Morten Kvamme f. 07.01.70. Løyvehavar og styrar for løyvet pliktar å sjå til at alkohollova sine føresegner vert følgde. Ved større arrangement føreset ein det er eit tilstrekkeleg antal synleg merka vakter.

5. Tilsette kan ikkje konsumera og/ eller vera påverka av rusmidlar i arbeidstida.

6. Det vert sett som vilkår at styrar for løyvet har bestått etablerarprøven og at styrar og stedfortredar har bestått kunnskapsprøven i alkohollova innan 31.12.2018.

7. Styrar for løyvet er ansvarleg for at utearealet for servering og skjenking må ha god avskjerming.

8. Nødvendige offentlege godkjenningar for å driva serverings- og skjenkestaden skal til ei kvar tid føreliggja.

9. Løyvehavar pliktar å melde frå til Radøy kommuen om endringar ved serverings- og skjenkestaden.

10. Oversikt over skjenka volum for alkoholhaldig drikk gruppe 1,2 og 3 skal sendast til kommunen kvart år innan utgangen av februar året etter.

Behandling

Else Marie Skartveit Dale (KrF) gjorde det klart at ho av prinsipielle grunnar røystar mot framlegget.

Formannskapet vedtok med 6 mot 1 røyst (KrF) rådmannen sitt framlegg til vedtak.

Vedtak

Driftsbudsjettet for 2018 vert justert i samsvar med følgande forenkla skjema 1a og 1b:

Investeringsbudsjettet for 2018 vert justering i samsvar med føljande foreknla skjema 2a og 2b:

Behandling

Økonomisjef Sveinung Kvamme orienterte i saka. Han sa at dei fleste sektorar held seg innanfor budsjett, men at driftskostnadane totalt sett har auka. Mellom anna gjer høgare straumprisar eit ikkje utbetydeleg utslag. Det påvirkar også drifta at leige av paviljong til Manger skule må dekkast over drift og ikkje investering. Ekstra behov for styrka tiltak på Omsut vil også medføra auka driftskostnader, men fø
Økonomisjefen peika på at budsjettreguleringablir dekka ved utbetalingar frå havbruksfondet.

Formannskapet vedtok rådmannen sitt framlegg til vedtak.

Vedtak

Rådmannen sitt framlegg til budsjett 2019 og økonomiplan 2019-22 vert vedteke med følgjande endringar:

Det vart også sett fram følgjande fellesframlegg til verbalpunkt i budsjett 2019:

• Kommunestyret ønskjer at BOF vurderer å etablera og drifta toalett ved badeplassen på Toskavegen.

• Kommunestyret ønskjer ein investeringsplan for RIB

• Kommunestyret ønskjer at det vert vurdert eigen inngang til helsestasjonen og betra funksjonaliteten på venterommet på helsehuset.

• Kommunestyret ber om kostnadsutgreiing for utetreningsapparat ved turløypa/ungdomsskulen, til revidert budsjett.

• Regelverket for fond må reviderast første kvartal 2019.

• Kommunestyret ynskjer yttarlegare satsing på symjeundervisinga, og ber om aktuelle tiltak.

• Kommunestyret ber om at det vert vurdert fadderordning for vedlikehald av turløyper.

• Radøy kommune vil ta initiativ til å byggja ein sterk kultur inn i Alver kommune, som i størst mogleg grad inviterer til samarbeid med lokale bedrifter og næringsliv.

• Radøy kommune ber at det i Alver kommune vert sett på vilkåra for skuleskyss i høve kriteria for farleg og ekstra farleg skuleveg.

• Kommunestyret ber adm. og idrettsrådet vurdera tilskotsordning til vèrskur eller andre publikumstiltak ved fotballbanene.
  

Behandling

Ungdomsrådet sitt innspel til budsjett 2019 vart sendt ut på e-post til formannskapet før møtet.

Ordførar Jon Askeland presenterte budsjettinnspel frå fleirtalskoalisjonen (SP, AP, KRF). Kenneth Taule Murberg (H) sette fram Høgre sine innspel. Etter drøftingar vart det semje i formannskapet om eit felles framlegg til budsjett 2019 og økonomiplan. Budsjettet vert lagt ut på høyring og skal handsamast endeleg i kommunestyret torsdag 13. desember.

Det vart sett fram følgjande felles framlegg til budsjett 2019 og økonomiplan 2019-22:Rådmannen sitt framlegg til budsjett 2019 og økonomiplan 209-22 vert vedteke med følgjande endringar:

Det vart også sett fram følgjande fellesframlegg til verbalpunkt i budsjett 2019:

• Kommunestyret ønskjer at BOF vurderer å etablera og drifta toalett ved badeplassen på Toskavegen.

• Kommunestyret ønskjer ein investeringsplan for RIB

• Kommunestyret ønskjer at det vert vurdert eigen inngang til helsestasjonen og betra funksjonaliteten på venterommet på helsehuset.

• Kommunestyret ber om kostnadsutgreiing for utetreningsapparat ved turløypa/ungdomsskulen, til revidert budsjett.

• Regelverket for fond må reviderast første kvartal 2019.

• Kommunestyret ynskjer yttarlegare satsing på symjeundervisinga, og ber om aktuelle tiltak.

• Kommunestyret ber om at det vert vurdert fadderordning for vedlikehald av turløyper.

• Radøy kommune vil ta initiativ til å byggja ein sterk kultur inn i Alver kommune, som i størst mogleg grad inviterer til samarbeid med lokale bedrifter og næringsliv.

• Radøy kommune ber at det i Alver kommune vert sett på vilkåra for skuleskyss i høve kriteria for farleg og ekstra farleg skuleveg.

• Kommunestyret ber adm. og idrettsrådet vurdera tilskotsordning til vèrskur eller andre publikumstiltak ved fotballbanene.
  

Formannskapet vedtok rådmannen sitt framlegg til budsjett 2019 og økonomiplan 2019-2022, med tilleggsframlegg sett fram i møtet.

Vedtak

Meldingar og referatsaker vert tekne til orientering.

Behandling

Regionrådet: Varaordførar orienterte frå møte i Regionrådet i Nordhordland.

Aufera: Vidar Grindheim (H) som er styremedlem i Aufera, orienterte om arbeidet med å få nye og framtidsretta lokale til bedrifta.

Julebidrag: Ordførar Jon Askeland tok opp spørsmål om å gje eit "julebidrag" til eldsjeler som har gjort ein flott og viktig innsats over lang tid. Formannskapet gav si tilslutning til forslaget.

Næringsmøte: Kenneth Taule Murberg (H) meiner ordførar og formannskapet må ta initiativet til eit næringsmøte, der lokale bedrifter og næringsliv kan få drøfta viktige spørsmål med kommunen.

Formannskapet tok meldingar og referatsaker til orientering, med dei tillegg som kom fram i møte.

Vedtak

Formannskapet tek innspelet frå daglegvarebutikkane på alvor. Kommunen vil spela på lag med næringslivet, og er avhengig av innspel. Likevel er det slik at sal, skjenking og opningstider for alkoholhalding drikke i Radøy kommune er regulert som forskrift utan rom for dispensasjon. Dette følgjer av lovverket. §2,e lyder følgjande: "Det er ikkje tillate med sal og utlevering av alkoholhaldige drikkevarer på julafta". Forskrifta opnar ikkje for å dispensera frå regelverket. Formannskapet har såleis ikkje høve til å handsama søknaden for 2018, til det kom innspelet for seint.
Endring av forskrifta kan sjåast på i første halvår av 2019, og formannskapet ser gjerne at butikkane bidreg med tal som dokumenterer omsetnadsutvikling.

Behandling

Rådmann Jarle Landås orienterte og sa at det vil vera nødvendig med ei forskriftsendring dersom søknaden om sal av øl i butikk på

Formannskapet drøfta saka grundig.

Det vart sett fram følgjande fellesframlegg:
Formannskapet tek innspelet frå daglegvarebutikkane på alvor. Kommunen vil spela på lag med næringslivet, og er avhengig av innspel. Likevel er det slik at sal, skjenking og opningstider for alkoholhalding drikke i Radøy kommune er regulert som forskrift utan rom for dispensasjon. Dette følgjer av lovverket. §2,e lyder følgjande: "Det er ikkje tillate med sal og utlevering av alkoholhaldige drikkevarer på julafta". Forskrifta opnar ikkje for å dispensera frå regelverket. Formannskapet har såleis ikkje høve til å handsama søknaden for 2018, til det kom innspelet for seint.
Endring av forskrifta kan sjåast på i første halvår av 2019, og formannskapet ser gjerne at butikkane bidreg med tal som dokumenterer omsetnadsutvikling.

Formannskapet vedtok fellesframlegg sett fram i møtet.

Vedtak

Meldingar og referatsaker vert tatt til orientering.

Behandling

Denne meldingssaka vart sendt ut i samband med tilleggsinnkalling til formannskapet.

Ordførar Jon Askeland viste til uttalen frå Regionrådet i Nordhordland, der det i utviklingsplanen for Helse Vest vert understreka behovet for eit godt samspel med kommunane.

Formannskapet tok meldingar og referatsaker til orientering.