Møte i Kommunestyret i Radøy den 13.12.2018

Vedtak

Meldingar og referatsaker vert tekne til orientering.

Behandling

Austebygd barnehage
May Britt Vågenes Gjerde (SP) hadde sendt inn følgjande spørsmål til kommunestyret:
Kor langt har ein kome med arbeidet med Austebygd barnehage. Kan småbarnsplassar takast i bruk til hausten? Kan ein plan for dette vera klar til søknadsfristen 1 mars?

Ordførar Jon Askeland svara at det er sett av 2,9 mill. kroner på 2019-budsjettet for at areal, leikeapparat og inventar skal framstå som tidsmessige og tenlege. Samtidig viste han til vedtak i formannskapet (september 2018), og sa at sak om utbygging av småbarnsavdeling er avslutta. Ordføraren sa at barnehagen kan ta i mot småbarn innanfor tilgjengelege areal.
Rådmann Jarle Landås sa at tiltaka som ligg i 2019-budsjettet skal gjennomførast i løpet av dette året.

Kommunestyret tok meldingar og referatsaker til orientering.

Vedtak

Radøy kommune forskotterer spelemidlar og mva-kompensasjon til Radøy idrettslag, knytt til garderobeanlegg/klubbhus ved Austmarka kunstgrasbane med inntil kr 2.420.000.
Det er ein føresetnad at heile det forskotterte beløpet skal betalast attende, uansett storleik på faktisk utbetalt mva-kompensasjon og spelemidlar, seinast 31.12.2023. Kompensasjonsbeløpet Radøy idrettslag får overført etter søknad, skal straks og uavkorta overførast Radøy kommune. Radøy kommune skal også kunna halda attende spelemidlar i den grad det forskotterte beløpet ikkje blir dekka fullt ut. Det vert ikkje rekna rente av det forskotterte beløpet.

Behandling

Kommunestyret vedtok formannskapet si tilråding.

Vedtak

Radøy kommune prioriterer spelemiddelsøknadene for søknadsrunde 2019 slik:

Ordinære anlegg:

Nærmiljøanlegg:

Behandling

Kommunestyret vedtok formannskapet si tilråding.

Vedtak

Utkast til reviderte retningsliner for kulturmidlar vert vedtatt slik dei ligg føre.

Behandling

Kommunestyret vedtok formannskapet si tilråding.

Vedtak

Radøy kommune held fast på noverande adressenamn i Radøy kommune.

Behandling

Representantane som tok ordet sa at dei ikkje forstår at dei føreslegne adresseendringane i Radøy kommune skal skapa utfordringar for blålys-etatane.

Kirsti Gjetle Floen (AP) sette fram følgjande endringsframlegg frå AP, SP og KRF:
Radøy kommune held fast på noverande adressenamn i Radøy kommune.

Kommunestyret vedtok endringsframlegg sett fram i møtet.

Vedtak

Driftsbudsjettet for 2018 vert justert i samsvar med følgande forenkla skjema 1a og 1b:

Investeringsbudsjettet for 2018 vert justering i samsvar med følgjande forenkla skjema 2a og 2b:

Behandling

Kommunestyret vedtok formannskapet si tilråding.

Vedtak

Kommunestyret vedtek formannskapet sitt framlagde budsjett for 2019 og økonomiplan med tilleggspunkt vedteke i møtet.

Behandling

Økonomisjef Sveinung Kvamme orienterte om budsjett for 2019 og økonomiplan for 2019-22.

For å sikra korrekt vedtak i høve endringar i eigedomsskattelova, sette rådmannen fram følgjande forslag om endring i tekst i dokument knytt til eigedomsskatt:

• I medhald av eigedomsskattelova §§ 2 og 3 bokstav a) skriv Radøy kommune ut eigedomsskatt på alle faste eigedomar i heile kommunen.

• Det vert skrive ut skatt på eit særskilt skattegrunnlag som følgje av at produksjonsutstyr og -installasjonar ikkje skal takast med i takstgrunnlaget når tidlegare verkt og bruk skal takserast og reknast som næingseigedom frå 2019. Det særskilte skattegrunnlaget er differansen mellom ny takst for objekta frå 2019 og skattegrunnlaget i 2018. Grunnlaget skal i 2019 vera redusert med ein sjudel (jf. overgangsregel til esktl. §§ 3 og 4 første punktum). Skattesatsen på det særskilde grunnlaget skal vera 7 promille.

• Den generelle skattesatsen er 7 promille. For bustadeigedomar og fritidseigedomar skal skattesatsen vera 3 promille (jf. esktl. § 12 a). Skattesats for ubygde grunneigedomar skal vera 3 promille (jf. esktl. § 12 bokstav b).

• Alminneleg taksering vert utsett, og gjeldande takstar vert vidareført i 2019 (jf. esktl. § 8 A-3 (2)).

• Eigedomsskatten skal betalast i tre årlege terminar.

Leiar i Radøy idrettsråd, Bjørn Ove Myking, gjorde greie for idrettsrådet sitt innspel til budsjettet, mellom anna behov for auke i driftsmidlane (kulturmidlane) og vedlikehaldsmidlane til idrettssektoren.

Ordførar Jon Askeland orienterte om formannskapet sitt budsjettarbeid, og peika på at ein har søkt å unngå å legga inn i driftsbudsjettet tiltak som vil gje ein varig kostnadsauke som kan vera usikker inn i Alver kommune. Han sa at det hadde vore nødvendig å utsetja nokre prosjekt dersom Radøy skulle ha halde fram som eigen kommune.

Gruppeleiarane i kvart parti held hovudinnlegg på inntil fire minuttar. Representantane gav rådmannen og hans stab honnør for arbeidet som blir gjort, og det vart framheva at Radøy kommune har veldig god styring.

Etter hovudinnlegga vart det opna for innlegg på inntil tre minuttar.

Else Marie Skartveit Dale (KrF) sette fram følgjande tilleggsframlegg:

Kommunestyret ber om at det vert løyvt kr 150.000,- til diakonstilling.

Det vart halde gruppleiarmøte.

Else Marie Skartveit Dale (KrF) trekte sitt framlegg.

På vegne av V, H, Frp, KrF og Sp sette Frode Hervik fram følgjande tilleggsframlegg:
Driftsbudsjettet:
Vedlikehaldsmidlar idrettsanlegg + kr 50.000,-
Kulturmidlar (driftsmidlar) til lag og organisasjonar + kr 50.000,-
Diakonistilling, øyremerka tilskot til soknerådet + kr 100.000,-
Inndekking over ubunde driftsfond

Tekstframlegg:

*Reinhaldet i Radøyhallen (idrettshallen) er ikkje tilfredsstillande. Rådmannen vert beden om å sjå til at det vert eit betre reinhald. Dersom det trengst ekstra midlar, vert dette å dekka inn i revidert budsjett.
* Det vert lagt til grunn for arbeidet med utviding av Manger skule at ein planlegg for ein to-parallellar skule, og at det også vert lagt opp til ei utviding av uteområdet ved skulen, som i dag er for lite. Oppgradering av uteområdet må ein også sjå i samanheng med nærmiljøanlegg /ballflate ved Manger skule, jf prioriteringslista for idrettsanlegg.
* Bogatunet og Syltastova er dei eldste bygga i kommunen. Det er viktig at kommunen er ein aktiv støttespelar for Nord- og Midhordland sogelag, både når det gjeld vedlikehald, tilsyn og skjøtsel av uteområde, samt ved å leggja til rette for formidling av desse bygga.

På vegne av AP og FRP sette Morgan Taule fram følgjande tilleggsframlegg:
Det skal setjast av midlar til ergoterapi i Radøy kommune - stort kr 300.000,-.
Finansiering over ubunde disposisjonsfond.

På vegne av SP, AP og KRF sette Leif Taule fram følgjande felles tilleggsframlegg:
Biblioteket - auke i budsjettramma + kr 50.000,-
Total auke på kr 150.000 er generell styrking og har ikkje bindingar knytt til bruk.
Saldering frå integreringsfond.

Kenneth Taule Murberg (H) sette fram følgjande tilleggsframlegg som verbalpunkt frå Radøy Høgre:
Radøy kommune har vedtatt at Bøvågen skal bli eit sentrumsområde i Alver kommune.
For å få dette til må kommunedelplanen for Bø bli ferdig før vi kjem i Alver kommune.

Vi set fram forslag om å setja av inntil 1 mill. kroner frå Havbruksfondet for å ferdigstilla denne planen i 2019.

Avrøysting

Rådmannen sitt framlegg til endring i tekstdokument for eigedomsskatt vart samrøystes vedteke.
Felles tilleggsframlegg frå V, H, Frp, KrF og Sp - vedlikehaldsmidlar idrettsanlegg, vart samrøystes vedteke.
Felles tilleggsframlegg frå V, H, Frp, KrF og SP - auke i kulturmidlar, vart samrøystes vedteke, vart samrøystes vedteke.
Felles tilleggsframlegg frå V, H, FrP, KRF og SP - midlar til diakonistilling, vart vedteke mot 5 røyster (Roy Bø (Frp), 4 AP)
Felles tilleggsframlegg frå SP, AP og KRF - auke til biblioteket, vart samrøystes vedteke.
Felles tilleggsframlegg frå AP/FRP - midlar til ergoterapi, vart samrøystes vedteke.

Tekstframlegg
Fellesframlegg fråV, H, FRP, KRF, SP - vart samrøystes vedteke.
Framlegg frå Høgre - ferdigstilling av kommunedelplan for Bø i 2019, vart samrøystes vedteke.

Kommunestyret vedtok samrøystes formannskapet sitt framlagde budsjett for 2019 og økonomiplan 2019-22 med tilleggspunkt vedteke i møtet.

Vedtak

Reviderte handlingsplanar for vatn og avløp vert godkjente slik dei ligg føre.

Kommunestyret viser til søknaden frå Sæhøyen vannlag SA om framføring av vatn og avlaupsleidning til Haugland sør/aust, og dekkjer investeringar på kr 520.000, - til arbeidet. Omsøkte tiltak vert ført inn i revidert handlingsplan for VA-tiltak i 2019. Rådmannen vert beden om å få på plass nødvendige avtalar med søkjarane.
Det vert i 2019 sett igang eit utgreiingsarbeid (moglege traséar og kostnadsoverslag) for å få vurdert korleis ein kan få til framføring av kommunalt vatn til bygder i Radøy som i dag - også etter vedtatt handlingsplan er gjennomført, ikkje har kommunal vassforsyning, Dette gjeld m.a. Valdersnes/Skjelvik, Straume og Kjeseth/Lervik. Utgreiingsarbeidet er tenkt nytta i samband med neste revisjon av handlingsplanen.

Behandling

Leif Taule (SP) sette fram følgjande felles tilleggsframlegg frå SP, AP og KRF:
Kommunestyret viser til søknaden frå Sæhøyen vannlag SA om framføring av vatn og avlaupsleidning til Haugland sør/aust, og dekkjer investeringar på kr 520.000, - til arbeidet. Omsøkte tiltak vert ført inn i revidert handlingsplan for VA-tiltak i 2019. Rådmannen vert beden om å få på plass nødvendige avtalar med søkjarane.
Det vert i 2019 sett igang eit utgreiingsarbeid (moglege traséar og kostnadsoverslag) for å få vurdert korleis ein kan få til framføring av kommunalt vatn til bygder i Radøy som i dag - også etter vedtatt handlingsplan er gjennomført, ikkje har kommunal vassforsyning, Dette gjeld m.a. Valdersnes/Skjelvik, Straume og Kjeseth/Lervik. Utgreiingsarbeidet er tenkt nytta i samband med neste revisjon av handlingsplanen.

Kommunestyret vedtok hovudutvalet si tilråding med tilleggsframlegg sett fram i møtet.

Vedtak

Revidering av handlingsplan i trafikksikringsplan for 2014-20 vert vedteken i samsvar med prioriteringslista ovanfor, med følgjande tillegg:

Mindre tiltak - fylkesvegarNr 9 - Trafikksikring Hordabø skule - vurdera fleire fartshumpar, betre sikt i busslomma og fjerna bergnabb på sør/austsida vis á vis "Puben".

Behandling

Leif Taule (SP) sette fram følgjande tilleggsframlegg SP, AP og KRF:
Mindre tiltak - fylkesvegar
Nr 9 - Trafikksikring Hordabø skule - vurdera fleire fartshumpar, betre sikt i busslomma og fjerna bergnabb på sør/austsida vis á vis "Puben".

Kommunestyret vedtok hovudutvalet si tilråding med tilleggsframlegg sett fram i møtet.

Vedtak

Kommunestyret vedtek at Radøy kommune går ut av Nordhordland Revisjon IKS frå og med 1.1.2020.

Behandling

Det vart frå fleire representantar gitt uttrykk for stor skepsis til å gå ut av det interkommunale revisjonssamarbeidet i Nordhordland Revisjon IKS.
Kommunestyret vedtok rådmannen si tilråding mot tre røyster, Jostein Borlaug (AP), Roy Bø (FRP), Silje Namtvedt (SP.