Møte i Råd for menneske med nedsett funksjonsevne den 10.09.2018

Vedtak

Innkalling og saksliste vert godkjend.

Behandling

Rådet godkjende innkalling og saksliste.

Vedtak

Møtebok vert godkjend.

Behandling

Rådet godkjende møtebok for 30. april.

Vedtak

Meldingar og referatsaker vert tekne til orientering.

Behandling

Alver kommune: Ordførar Jon Askeland orienterte om status og framdrift i arbeidet med å bygga Alver kommune. Han kom inn på den interne organiseringa av den nye kommunen, med tre nivå. Han er godt tilfreds med den harmoniske dialogen som er i prosessen fram mot ny kommune, og sa at samarbeidsklimaet både mellom kommunane og mellom administrasjon og politisk er godt, og langt betre enn i mange andre kommunar som er under bygging.
Askeland sa seg også godt tilfreds med utkastet til kommunevåpen som no er i ferd med å ta endeleg form. Også medlemmane i eldrerådet og råd for menneske med nedsett funksjonsevne gav gode tilbakemeldingar på motivvalet - der både bru og båt inngår.

Velferdssenteret: Kommunalsjef Grete A. Herøy orienterte om stoda på Velferdssenteret. Ho peika på at folk ønskjer å bu heime lengst mogleg, og det legg kommunen til rette for, mellom anna ved å styrka heimetenesta. Det har ført til at talet på bebuarar på sjukeheimen er kraftig redusert. Det var i 2018-budsjett lagt opp til eit belegg på 35-38 plassar på Velferdssenteret, men no er det om lag bebuarar.
Kommunalsjefen orienterte om at tilsette på Velferdssenteret difor er lånt ut til heimesjukepleia og Omsut og andre einingar i helse og omsorg som treng personale. Ho rosa dei tilsette for stor fleksibilitet.

Omsorgsteknologi: Kommunalsjef Grete A. Herøy opplyste at utfordringa knytt til batterikapasitet på nye og moderne tryggleiksalarmar no ser ut til å vera retta opp frå leverandøren. Ho sa at ambisjonen er å få utplassert utstyr i løpet av hausten, i første omgang gjennom testing på nokre av brukarane.

Råd for menneske med nedsett funksjonsevne tok meldingar og referatsaker til orientering, med dei tillegg som kom fram i møtet.

Vedtak

Rådet for menneske med nedsett funksjonsevne kjem med følgjande innspel til 2019-budsjettet:

- Det er behov for større plass til rullestol-brukarar i garderobane for terapibassenget. I dag er det veldig trongt når det er fleire rullestolbrukarar samtidig, slik situasjonen faktisk er. Difor er det viktig å få betre tilkomst og utvida garderobeforhold for denne gruppa. Det kan t.d. vera ei løysing å laga ny garderobe i området ved basseng-terrasse.

- Det er også viktig å få på plass heis i terapibassenget - slik at rullestolbrukarar kan vera sjølvhjelpen med å koma seg i - og opp av bassenget utan å vera avhenging av hjelp.
- Rådet ber også om at det vert sett fortgang i arbeidet med å få på plass baderampe for rullestolbrukarar ved Nesvatnet.
- Rådet ser klart behov for betre P-forhold for funksjonshemma ved legesenteret på Manger.

Behandling

Økonomisjef Sveinung Kvamme orienterte om økonomiplan 2019-2022, som kommunestyret tidlegare i år har vedteke. Han gjorde merksam på at tala for 2020-22 er "tenkte tal". der ein ser på kva Radøy kommune ville hatt av inntekter og kostnader om me held fram som eigen kommune.
Økonomisjefen sa at fellesnemnda for Alver har lagt føringar for kommunane sitt arbeid med budsjett. Han peika på at det frå 2020 vil skje endringa med uviss verknad for inntektssystemet. Det gjeld mellom anna innlemming av øyremerka tilskot til ressurskrevjande brukarar, ny distriktsindeks, innlemming av øyremerka tilskot til lætarnorm, og nye kriterier og vekting knytt til tenester inann rus, psykiatri og psykisk utviklingshemma.
Økonomisjefen viste til auka kostnader mellom anna til høgare rente- og avdragsnivå, pedagog- og bemanningsnorm, og auke knytt til ressurskrevjande tenester. Han konstaterte at det vil vera trong for innsparing kvart år frå 2020, totalt om lag 23 mill. i perioden 2020-22 for å ha eit akseptabelt økonomisk resultat, noko som vil tilsvara ca 35 årsverk.

Rådet for menneske med nedsett funksjonsevne drøfta aktuelle innspel til budsjett for 2019.
Det vart peika på følgjande:
- Det er behov for større plass til rullestol-brukarar i garderobane for terapibassenget. I dag er det veldig trongt når det er fleire rullestolbrukarar samtidig, slik situasjonen faktisk er. Difor er det viktig å få betre tilkomst og utvida garderobeforhold for denne gruppa. Det kan t.d. vera ei løysing å laga ny garderobe i området ved basseng-terrasse.

- Det er også viktig å få på plass heis i terapibassenget - slik at rullestolbrukarar kan vera sjølvhjelpen med å koma seg i - og opp av bassenget utan å vera avhenging av hjelp.
- Rådet ber også om at det vert sett fortgang i arbeidet med å få på plass baderampe for rullestolbrukarar ved Nesvatnet.
- Rådet ser klart behov for betre P-forhold for funksjonshemma ved legesenteret på Manger.

Rådet slutta seg til innspel som vart sett fram i møtet.

Vedtak

Rådet for menneske med nedsett funksjonsevne tar Områderegulering Bø skule og barnehage til orientering.

Behandling

Det vart sett fram følgjande framlegg til vedtak:

Rådet for menneske med nedsett funksjonsevne tar Områderegulering Bø skule og barnehage til orientering.

Vedtak

Rådet for menneske med nedsett funksjonsevne rår til at midlar til inkluderings- og integreringstiltak som ikkje vart delte ut hausten 2017 og våren 2018 kan nyttast til finansiering av kurs for treningskontaktar.

Behandling

Rådet meiner det er ein god idé å bruka av fondsmidlane til å utdanna treningskontaktar. Rådet peikar på at treningskontaktane vil kunna bidra tilrettelegging av ei aktiv fritid innan idrett og friluftsliv for menneske med nedsett funksjonsevne.

Rådet ser behov for endå meir marknadsføring og info av ordninga med fondsmidlar til tiltak for integrering og inkludering. Rådet meiner det er ein vinn-vinn-situasjon med utdanning av treningskontaktar og utviding med nye tilbod i lag og organisasjonar til dei aktuelle gruppene. Det vart også peika på at det ikkje minst vil vera lærerikt for ungdom å engasjera seg som treningskontakt.

Rådet vedtok administrasjonen sitt framlegg til vedtak.