Møte i Formannskapet i Radøy den 24.01.2019

Vedtak

Radøy kommune gir følgjande svar på spørsmål som vert reist i KS debatthefte 2019:

1. Hvordan kan KS best v ein utviklingspartnar for medlemmane på digitaliseringsområdet?

Standardisering. Arbeide for standardisering.
Vi trur at vi får best til digital utvikling dersom det er standardisering av områda og dei digitale løysingane, slik at det blir meir «hyllevare» på program og løysingar i kommunesektoren. Løysingane i kommunesektoren er for ofte eit produkt av leverandørane sine vurderingar og deira understøtting av at «vår kommune sine behov er så spesielle at dei må skreddarsyast». Oppgåvene som skal løysast er svært like og difor bør ein freiste å standardisere digitaliserte forventningar til leverandørane også.

Radøy kommune støttar at dei regionale samarbeida har ein sentral posisjon i vidare utvikling og standardisering, til dømes digi-Hordaland.

2. Bør KS gjevast eit meir formelt mandat på vegne av sine medlemmar på digitaliseringsområdet? Kva område er aktuelle og kva forutsetningar må ein slik rolle kvila på?
Dersom det er naudsynt med eit utvida mandat for å få på plass gode prosessar i digitaliseringsarbeidet bør KS få desse mandata.

Digitaliseringsområde som er aktuelle er fleire, mellom anna:.
- HRM – Løn og økonomi – sjukefråvær – refusjon Nav mm. Kompetanse tilsetteportal osb.
- Skuleadministrasjon – Elevadministrasjon – foreldreportal osb. – innbyggardialog- Barnehageadministrasjon
- Lege / pasient - pårørande adminstrajson – dialog
- Helseadministrasjon - dialog med innbyggarane

3. Bør lønnsmidlene som er til disposisjon ved mellomoppgjøret 2019 fordeles i hovedsak sentralt eller lokalt?
For kommunar som er berørt av kommunesamanslåing vil ein lokal pott av ein viss storleik vere eit godt virkemiddel i . Ein stor pott som må brukast i 2019 vil vere utfordrande.
Ein eventuell pott i 2019 bør vere liten for å unngå nye skeivheiter i 2019 før samanslåingane.
Det vert oppfatta som vanskeleg å bruke opp ein stor pott i for eksempel tre kommunar og få til god harmonisering for samanslåing og behov for harmonisering året etterpå.
Er det mogleg å tenke at ein kan forhandle i 2020 og ha verknad frå 2019? Det må avklarast kva eventuelle fullmakter som må på plass for å få dette til.
Lokale forhandlingar krev eit betydeleg apparat å gjennomføre. Ein lokal pott må ha ein viss storleik skal det forsvare ressursbruken.

Om lønssystemet generelt

Lønsansiennitetssystemet gjev utfordringar i rekruttere- og behaldesituasjonar. Ved å gje høg løn ved rekruttering kan dette forskyve relasjonar i stillingsgrupper når vedk. rykker opp i ansiennitet i forhold til dei som allereie er i organisasjonen.
I lønssystemet bør startløn høgskule prioriterast. Ein meir lineær lønsstige vil vere viktig å prioritere for alle grupper, men viktigast for høgskulegruppene. Løn sjukepleiargruppa bør / må henge med utviklinga i Spekter og helseforetaka.

Det bør vurderast om det skal / kan opprettast fleire direkteplasserte stillingar i kapitel 4 med konkret stillingsvurdering knytt til arbeids- og ansvarsområdet – men også vurdere kompetansekrav. Det vil gje større moglegheiter å plassere slike stillingar utanfor lønssystemet, for å unngå «lekkasje» til kap. 5 og 3.
Lønsansiennitetsreglane i Hovudtariffavtalen er svært detaljrike og vil i ein del tilfelle gje utilsikta skeivheiter ved fastsetjing av lønsansiennitet. Handteringa kan vere krevjande administrativt, og bli byråkratisk. Er det mogleg å vurdere eit enklare regelverk som tar omsyn til at t.d. ulik erfaring i t.d. lange studieløp vil vere relevant bidrag til realkompetanse ofte på same måte som arbeidserfaring?
Er alder eit relevant mål på lønsstige å vurdere?

4. Deler kommunen/fylkeskommune
KS si vurdering at det ikkje er behov for vesentlege endringar i Hovedavtalen når den skal forhandlast i 2019?
Rådmannen vurderer at hovudavtalen slik den er formulert legg til rette for godt samarbeid med tillitsvalde. Me opplever at arbeidstakarorganisasjonane er interessert i - og innstilt på eit godt samarbeid. Arbeidstakarorganisasjonane opplever til tider at det er vanskeleg å få arbeidstakarar til å ta på seg tillitsverv og roller som tillitsvald. Eit evt meir rigid avtaleverk vil kanskje forsterke denne trenden. Det bør vi unngå.

5. Hva vil vere dei gode virkemidlar for læring og kompetanseutvikling i tenestene framover?
For å utvikle og dele kompetanse i kommunane er det viktig å legge til rette for moglegheit til skulder ved skulder-overføring av kompetanse og kunnskap. Det betyr tid og arenaer til samarbeid i arbeidstida / arbeidsplassen. Arbeidstidsavtalar for alle grupper av arbedstakarar må gje rom for å få til utvikling og deling av kompetanse.

Behandling

Personalsjef Kjetil Morken svara på spørsmål i formannskapet knytt til KS debatthefte 2019.
Formannskapet drøfta ulike problemstillingar knytt til spørsmåla i debattheftet.

Ordføraren sette fram følgjande tillegg til spørsmål 1:
Det vert sett inn følgjande tillegg: Radøy kommune støttar at dei regionale samarbeida har ein sentral posisjon i vidare utvikling og standardisering, til dømes digi-Hordaland.

Kirsti Gjetle Floen (AP) sette fram følgjande tillegg til spørsmål 3:
Tilleggsframlegg: i kapitel 4 med konkret stillingsvurdering knytt til arbeids- og ansvarsområdet – men også vurdere kompetansekrav.
Det vil gje større moglegheiter å plassere slike stillingar utanfor lønssystemet, for å unngå «lekkasje» til kap. 5 og 3.

Formannskapet slutta seg til rådmannen sine svar på spørsmål 2, 4, og 5.
Formannskapet let vera å svara på spørsmål 6 og 7 i debattheftet.

Formannskapet vedtok samrøystes svar på spørsmål 1-5 i KS debatthefte 2019, med dei tillegg som vart sett fram i møtet.

Vedtak

For 2019 vert det løyvd kr 4.700.000 til Radøy sokn, til investeringar i varmeanlegg i Manger og Hordabø kyrkje. Løyvinga vert finansiert ved bruk av unytta lånemidlar frå 2018.

Behandling

Denne saka skal avgjerast i kommunestyret.

Formannskapet vedtok samrøystes rådmannen sitt framlegg til vedtak.

Vedtak

Tilstandsrapporten for grunnskulen i Radøy 2018 vert teke til orientering.Kommunestyret rosar arbeidet og utviklinga i Radøyskulen, og gjev honnør til elevar, tilsette og heimane.

Behandling

Kommunalsjef Olaf M. Hella gav ei grundig innføring i tilstandsrapporten for grunnskulen i Radøy, og svara på spørsmål. Han sa at resultata som kjem fram i rapporten viser at grunnskulen i Radøy er på rett veg og at ressursar som er sett på bestemte felt har gitt resultat. Mellom anna peika han på svært gode resultat i arbeidet mot mobbing, noko som også dannar eit godt grunnlag for læring. Kommunalsjefen sa at han er trygg på at det arbeidet som er starta vil gje ytterlegare positive resultat.

Formannskapet rosa administrasjonen for arbeidet med den framlagde tilstandsrapporten. Radøy-skulane har meir bruk av spesialundervisning enn landsgjennomsnittet, og det vart drøfta om kva tiltak som kan vera aktuelle for å få omfanget av spesialundervisninga ned.

Ordførar Jon Askeland sette fram følgjande endringsframlegg:
Formannskapet tek tilstandsrapporten for grunnskulen i Radøy 2018 til orientering.
Kommunestyret rosar arbeidet og utviklinga i Radøyskulen, og gjev honnør til elevar, tilsette og heimane.

Ordføraren sitt endringsframlegg vart sett opp mot rådmannen sitt framlegg til vedtak.
Ordføraren sitt framlegg fekk 7 røyster mot 0, og vart vedteke.

Vedtak

Meldingar og referatsaker vert tekne til orientering.

Behandling

Krisesenter: Kommunalsjef Grete Herøy orienterte om krisesenteret i Bergen. Bergen kommune har overtatt drifta av krisesenteret. Det vil om kort tid verta sendt ut eit forslag til samarbeidsavtale mellom Bergen kommune og samarbeidskommunane. Kommunalsjefen sa at den nye samarbeidsavtalen i hovudsak vil byggja vidare på dagens avtale, men at det vert lagt opp til tettare oppfølging og samarbeid enn det så langt har vore situasjonen. Samarbeidsavtalen kjem til politisk godkjenning i kommunestyret.

Busetjing av flyktningar: Radøy kommune har motteke førespørsmål om mottak av flyktningar i 2019. Administrasjonen har i samsvar med tidlegare vedtak opna for mottak av ti flyktningar i år.

Søknad om tilskot til 17. mai-komite: Det er kome inn søknad frå 17. mai-komite om tilskot til aktuelle tiltak i samband med nasjonaldagsfeiringa. I 2018 vart det sett av eit eingongstilskot som 17.mai-komiteane kunne søkja på. I år er det ikkje sett av midlar til dette.
Formannskapet tildeler ikkje midlar til 17.mai-komiteane på årets budsjett. Konkrete tiltak som går utover 17.mai-feiringa, t.d. sitjegruppe i Grønålen, kan takast opp i eige sak i samband med t.d. opning av turstien.

Politiressursar: Formannskapet drøfta reduksjonen i ressursane til Nordhordland lensmannskontor. Leiinga i Vest politidistrikt har invitert til eit møte med kommunane for å ha ein dialog om politireforma og innhaldet i den. Radøy ønskte å få leiinga i politidistriktet til møte i det første kommunestyret i år, men det viste seg at det ikkje let seg gjera. Det vert arbeidd med å få politileiinga til eit møte i regionrådet.

Inndriving av NGIR-gebyr: Skriv frå Nordhordland lensmannskontor om inndriving av renovasjonsgebyr og ekstraarbeidet det medfører, vart sendt på e-post til formannskapet før møtet. Denne form for inndriving bind opp politiressursar, og namnsmannen ber om at dagens praksis vert endra. Dette blir tema på regionrådsmøtet 25. januar.

Næringsmøte: Formannskapet ønskjer å invitera næringslivet i Radøy til eit dialogmøte om kva næringslivet ventar av samspel og utvikling inn i Alver kommune. Dette vil vera oppfølging av eit verbalpunkt i 2019-budsjettet. Det er aktuelt å få med seg Industriutvikling Vest og Nordhordland næringslag som medspelarar i eit møte mellom kommunen og næringslivet. Dette opplegget vert også meldt inn til dei to andre Alver-kommunane, slik at det kan planleggast tilsvarande møte også i Meland og Lindås.

Leiarmøte i barnehage og skule: Christel Villanger Håland (H) meiner det er viktig at også styrar i privat barnehage vert invitert til leiarmøte i barnehage og skule.

Sjukefråversprosjekt: Kirsti Gjetle Floen (AP) ber om orientering om oppfølging av sjukefråversprosjektet i neste møte i formannskapet.

Revisjon: Ordføraren orienterte om moglege konsekvensar av at Radøy kommune har bestemt seg for å gå ut av Nordhordland Revisjon IKS.

Status investering Solhall og Bø barnehage: Prosjektleiar/konsulent Ingrid Didriksen gav ei statusoppdatering for dei to største investeringsprosjektet i 2019-budsjett; oppgradering av Solhall og Bø barnehage - to prosjekt som er tett knytt til kvarandre. Framdrifta med Solhall-prosjektet er forsinka, mellom anna på grunn av oppgradering av ventilasjon, resultat av miljøsaneringsrapport, og varmekablar i golv (vassboren varme). Prosjektet skulle etter planen vera ferdig i april i år, ny dato for ferdigstilling er sett til 6. juni.
Kostnadsestimat for Bø barnehage (heile totalentreprise) ligg no på ca 67,7 mill. kroner (inkl. mva). Anbodsfristen er sett til 6. februar. Solhall skal stå ferdig oppgradert i juni, og barna i Bø barnehage skal då flyttast dit medan det vert bygt ny barnehage på Bø. Byggetida er rekna til 18 månader.

Formannskapet tok meldingar og referatsaker til orientering, med dei tillegg som kom fram i møtet.