Innkalling og saksliste vert godkjend.
Rådet godkjende innkalling og saksliste.
Møtebok vert godkjend, med tillegg sett fram i møtet.
Anna Hella Kartveit kom med følgjande presisering til møteboka frå 5. mars - knytt til utfordring med heis i terapibassenget:
Rådet har tidlegare tatt opp behovet for betre heisopplegg i terapibassenget i Radøyhallen. Berly Hella og Anna Hella Kartveit forklarte problemstillinga med dagens heisordning. Det er umogleg for dei som har behov for heis for å kome seg ned og opp av bassenget ved å bruke dagens ordning med heis som må sveivast manuelt. Det er trong for ein heis med elektronisk heisemekanisme slik at brukarar kan hjelpa seg sjølv.
Rådet godkjende møtebok for 5. mars med denne presiseringa, sett fram i møtet.
Meldingar og referatsaker vert tekne til orientering.
Alver kommune - orientering: Rådmann Jarle Landås orienterte om status og framdrift i bygging av Alver kommune. Han sa at det er krevjande å bygga ny kommune og samtidig drifta eksisterande kommune. Rådmannen framheva at Radøy driv nøktern med relativt små ressursar, og då vil det vera utfordrande når det også skal brukast betydelege ressursar til arbeidet med Alver kommune.
Han peika på at det er mange prosjekt igang i bygginga av Alver, og sa at prosessen er i god rute.
Rådmannen viste også til at det er kontorarbeidsplassane som vil bli flytta, men at tenestene blir stort sett som i dag. På spørsmål om det kommunale kjøkkenet på Velferdssenteret blir verande, svara rådmannen at kjøkkenet er omtalt i intensjonsavtalen for Alver kommune. Han sa at kjøkkenet driv godt og at mange er glad i dette tilbodet. Men det er fleire kommunale kjøkken i Alver, og rådmannen la til at det kan vera eit spørsmål om kor lenge Alver kan driva med fleire.
Rådmannen svara også på spørsmål knytt til Aufera. Han viste til at det er fleire "konkurrerande" verksemder i Alver. Han opplyste at Aufera vil vera ein del av eigarskapsmeldinga som fellesnemnda for Alver skal drøfta. Han sa at Aufera vil styrka seg ved å få nye lokale.
Rådmannen gjorde det også klart at brannstasjonen blir verande på Manger, og etter kvart i nybygg.
Det vart også spurd om råda sin rolle fram til 1. januar 2020. Rådmannen svara at han skal ta dette spørsmålet opp i saksførebuande utval i Alver for å få ei avklaring.
Rådhuset på Manger: Rådmann Jarle Landås orienterte om planane for framtidig bruk av rådhuset på Manger. Det vert lagt opp til at kulturskulen (med øvingsrom), frivillegsentralen og bibilioteket skal inn i bygget. Det skal også vera innbyggar-rettleiing i bygget, og det er også lagt opp til ein del fleksible kontorarbeidsplassar, t.d. for landbrukstenesta og andre kommunale funksjonar som kan ha kontordagar her. Kinosalen skal oppgraderast, og i den samanheng er det nødvendig med å få gjort tiltak for å få bukt med vasslekkasje. Arbeidsgruppa som har sett på bruk av rådhuset, meiner øvingslokale for korps ikkje lar seg kombinera med biblioteket sine plassbehov. Rådmannen si vurdering er at det kan vera aktuelt med eit tilbygg som øvingslokale.
Rådmannen informerte også om oppgraderinga av prestegardshagen - som han meiner er ei perle med stort potensiale, og som også er knytt til den nye turløypa på Manger.
Det vart også peika på utfordringa med nok tilgjengeleg parkeringsareal.
Kultur- og aktivitetsprogram i Alver: Kulturrådgjevar Bente K. Hervik orienterte om det fyldige kultur- og aktivitetsprogrammet som Alver. Ho trekte fram nokre av dei allsidige aktivitetane, som t.d. den populære stolpejakta.
Rådet tok meldingar og referatsaker til orientering.
- Det er viktig at Alver kommune i første periode vert sikra representantar frå alle dei tre kommunane - tilsvarande ved val av varafolk.
- Leiar i rådet bør vera ein av representantane frå brukar- og interesseorganisasjonane.
- Rådet må bli tidleg involvert slik at at ein kan koma med uttale og tilråding før politiske vedtak vert gjort.
- Det er høveleg at møta vert lagt til dagtid. Me ser for oss at det kan vere naturleg med møte ein gong pr. månad, oftare dersom sakshandsaming krev det.
Råd for menneske med nedsett funksjonsevne meiner at det i første periode i Alver kommune er viktig å sikra representasjon frå alle dagens tre kommunar i dette rådet.
Rådet meiner også at leiar i rådet bør vera ein av representantane frå brukar- og interesseorganisasjonane.
Det vart sett fram følgjande felles framlegg til uttale:
- Det er viktig at råd for menneske med nedsett funksjonsevne i Alver kommune i første periode vert sikra representantar frå alle dei tre kommunane - tilsvarande ved val av varafolk.- Leiar i rådet bør vera ein av representantane frå brukar- og interesseorganisasjonane.- Rådet må bli tidleg involvert slik at at ein kan koma med uttale og tilråding før politiske vedtak vert gjort.- Det er høveleg at møta vert lagt til dagtid. Me ser for oss at det kan vere naturleg med møte ein gong pr. månad, oftare dersom sakshandsaming krev det.
Rådet vedtok framlegg til uttale, sett fram i møtet.
Politikar | Parti | Medlemstype | E-Post |
---|---|---|---|
Jannicke Helland | Radøy Arbeidarparti | Utvalsleiar | jannicke-h@hotmail.com |
May Britt Vågenes Gjerde | Radøy Senterparti | Nestleiar | maybritt@gjer.de |
Anna Hella Kartveit | Medlem | ||
Johannes Kolås | Medlem | ||
Berly Hella | Medlem | ||
Mai-Liss Sylta Møn | Partiuavhengig | Medlem | lissmai@icloud.com |