Čoahkkin Hovudutval for plan, landbruk og teknisk 11.12.2019

Vedtak

Delegerte saker vert tekne til orientering

Behandling

Hovudutvalet tok delegerte saker til orientering.

Vedtak

Klagen vert ikkje teke til følgje og vedtak i sak 267/2019, datert 14.10.2019, vert sendt Fylkesmannen i Vestland for endeleg avgjerd.

Grunngjevinga går fram av saksutgreiinga.
Heimel for vedtaket er forvaltningslova § 33, jf. plan- og bygningslova § 19-2.

Behandling

Hovudutvalet var på synfaring i saka.

Dag Sætre (SP) har som kommunalt tilsett vore med og vurdert aktuelle løysingar i den konkrete saka. Det vart reist spørsmål om han av den grunn er inhabil i saka. Utvalet kjende han inhabil, og han deltok ikkje i den vidare handsaminga.

Fungerande leiar teknisk forvaltning orienterte og svara på spørsmål.

Utvalet drøfta saka.

Hovudutvalet vedtok rådmannen sitt framlegg til vedtak.

Vedtak

Klagen vert teken til følgje og vedtak i sak 135/2019, datert 29.05.2019, vert gjort om.

Det vert gjeve dispensasjon og løyve til frådeling til ny bustadtomt på ca. 1109 kvm som søkt om på følgjande vilkår;

1. Det skal etablerast felles tilkomstveg til ny eigedom, samt landbruksareal på gbnr. 21/10 og eigedomen gbnr 21/2.

2. Det må ligg føre tingslyst vegrett over gbnr. 21/10 og gbnr 21/2.

3. Det er gjerdeplikt på eigedomen.

Heimel for vedtaket er forvaltningslova § 33, jf. plan- og bygningslova §§ 20-1 bokstav m, 26-1 og 19-2.

Behandling

Hovudutvalet har tidlegare i år vore på synfaring i saka.

Hovudutvalet er samd med fylkesmannen i at omdisponering prinsipielt skal skje gjennom plan og at det ikkje er ønskeleg med for mange delingar på dispensasjon. Det er i kommuneplanen både regulerte bustadområde og område til spreidd utbygging, men samstundes er busetjingsstrukturen på Radøy slik at det er ikkje mogleg å fanga opp alle behov gjennom plan. Kommunen har heller ikkje hatt kapasitet til å ha eit planverk som til ei kvar tid er så oppdatert som ein kunne ønskja. Difor meiner utvalet det er tenleg og nødvendig at nokre saker vert løyst gjennom dispensasjon - spesielt i kommunen sine utkantbygder. Utvalet vil også peika på at eit omtalt område som er avsett i kommuneplanen i nærleiken, nok aldri vil koma til utbygging - til det vil det ikkje vera etterspurnad nok etter tomter i ei slik utkantbygd.

I denne saka har hovudutvalet lagt avgjerande vekt på at det vert tilrettelagt for tilflytting til bygda med lite bruk av arealressursar. Eigedomen får ei naturleg plassering som passar inn i forhold til eksisterande bustader i området og vil liggja fint plassert i terrenget. Det har tidlegare vore bygningar på den aktuelle plassen, noko som viser att i eksisterande grunnmurar m.m. Eigedomen vil også få ein høveleg avstand til fylkesvegen og det skal etablerast felles avkjøringsveg med naboeigedom slik at det vert tryggare avkjøring til fylkesvegen sett i høve til dagens farlege avkjøring. Siste del fram til eigedomen vil bli opprusting av eksisterande landbruksveg, noko som vert til stor nytte for drifta i omkringliggjande landbruksareal. I denne saka vert det også lagt vekt på at dei som skal byggje på eigedomen skal overta bruket på sikt. 

Dei landbruksfaglege spørsmåla er vurdert av landbrukssjefen og det er gjeve løyve til deling etter jordlov. Utvalet støttar seg til at deling med føremål bustad, ikkje vil koma nemneverdig i konflikt med landbruksdrifta og det må leggjast vekt på at landbrukssjefen har den lokale kunnskapen om verknader delingssaka vil få for landbruket på staden.  

Delinga vil ikkje føra til ulemper for kulturmiljøet eller for friluftslivet.

Når det gjeld trong for tilflytting til Risneskrinsen, viser utvalet også til det treårige LivogLyst-prosjektet i Risneskrinsen som både fylkesmannen og kommunen har gjeve midlar til, og som legg stor vekt på at krinsen må få tilflytting. Denne krinsen er ei utkantbygd i Radøy og vil nok kjenna seg endå meir som utkant i nye Alver kommune.

Det er hovudutvalet si samla vurdering at omsynet bak LNF-føremålet ikkje vert vesentleg sett til side av ein dispensasjon i denne saka.

Det vart sett fram felles framlegg til vedtak:

Klagen vert teken til følgje og vedtak i sak 135/2019, datert 29.05.2019, vert gjort om.

Det vert gjeve dispensasjon og løyve til frådeling til ny bustadtomt på ca. 1109 kvm som søkt om på følgjande vilkår;

1. Det skal etablerast felles tilkomstveg til ny eigedom, samt landbruksareal på gbnr. 21/10 og eigedomen gbnr 21/2.

2. Det må liggja føre tingslyst vegrett over gbnr. 21/10 og gbnr 21/2.

3. Det er gjerdeplikt for den frådeteigedomen.

Heimel for vedtaket er forvaltningslova § 33, jf. plan- og bygningslova §§ 20-1 bokstav m, 26-1 og 19-2.

Hovudutvalet vedtok framlegg til vedtak sett fram i møtet.

Vedtak

Det vert gjeve dispensasjon frå arealføremål fritidsbustad og plankrav, samt løyve til etablering av kai og kaikran som omsøkt på følgjande vilkår:

1. Kaien skal plasserast i terrenget. Det skal ikkje sprengast ut.
2. Kaien kan vere inntil 10 kvm.
3. Før arbeida vert satt i gang må det sendast inn oppdatert situasjonsplan som visar kai på 10 kvm. Situasjonsplanen skal godkjennast av kommunen.
4. Før arbeida vert sett i gong må det liggja føre løyve frå Bergen Havn.

Grunngjeving for vedtaket går fram av saksutgreiinga.
Vedtaket har heimel i plan- og bygningslova §§ 19-2, 20-1, 20-2 og 20-4 vert det godkjent søknad om løyve og dispensasjon til reparasjon av kai.

Saka vert sendt Fylkesmannen i Vestland for klagevurdering.

Behandling

Hovudutvalet vedtok rådmannen sitt framlegg til vedtak.

Vedtak

Det vert gjeve dispensasjon frå arealformål LNF.

Vedtaket har heimel i plan- og bygningslova (pbl.) § 19-2 jf. § 11-6 og naturmangfaldslova §§ 8-12.

Grunngjeving for vedtaket går fram av saksutgreiinga.

Behandling

Hovudutvalet vedtok rådmannen sitt framlegg til vedtak.

Vedtak

Med heimel i plan- og bygningslova §§ 19-2 vert det godkjent søknad om dispensasjon til etablering av garasje og overbygg på følgjande vilkår:

1. Tiltaka skal plasserast som vist i situasjonsplan.
2. Garasjen skal oppførast som ein tradisjonell garasje utan store vindaugsflater. Det må sendast inn oppdatert fasadeteikning i tråd med vedtaket.

Grunngjeving for vedtaket går fram av saksutgreiinga.
Vedtaket har heimel i plan- og bygningslova § 19-2 jf. § 11-6 og naturmangfaldslova §§ 8-12

Behandling

Hovudutvalet vedtok rådmannen sitt framlegg til vedtak.

Vedtak

Med heimel i plan- og bygningslova § 19-2, jf. pbl. §§ 1-8, 11-6 og 12-4 vert det gjeve avslag på søknad om dispensasjon til bruksendring frå næring til bustad.

Grunngjeving for vedtaket går fram av saksutgreiinga.
Vedtaket har heimel i plan- og bygningslova § 19-2 jf. §§ 11-6 og 12-4 og naturmangfaldslova §§ 8-12.

Saka vert sendt Fylkesmannen i Vestland for klagevurdering.

Behandling

Hovudutvalet var på synfaring.

Utvalet ser at det vanskeleg kan gjevast dispensasjon. Utvalet er av den oppfatning at ei bruksendring må skje gjennom ei privat planendring.

Hovudutvalet vedtok rådmannen sitt framlegg til vedtak.

Vedtak

Planframlegg datert 22.11.2019 for detaljreguleringsplan (PlanID 12602018000300) Manger sentrum

aust vert lagt ut til 2 gongs offentleg høyring og ettersyn i samsvar med reglane i plan- og

bygningslova § 12-10 og § 12-11.

Behandling

Hovudutvalet vedtok rådmannen sitt framlegg til vedtak.

Vedtak

Klaga vert teke til følgje og vedtak i sak 058/2019, datert 30.10.2019, vert gjort om.

Med heimel i plan- og bygningslova § 19-2, jf. pbl. §§ 1-8 og 11-6 vert det gjeve avslag på søknad om dispensasjon til planering.

Med heimel i plan- og bygningslova §§ 19-2, 20-1, 20-2 og 20-4 vert det godkjent søknad om løyve og dispensasjon til etablering av tilbygg, platting, mindre fasadeendringar, overbygg over inngangsparti og bryggje på følgjande vilkår:

1. Størrelse på bryggje kan vere maks 10 kvm og skal plasserast som vist i revidert situasjonsplan motteke den 04.12.2019. Det må sendast inn målsatt teikning av bryggja og målsatt situasjonsplan før arbeida kan starta.

2. Det må ligg føre løyve frå Bergen Havn før arbeida kan starte.

3. Etablering av brygge skal gjerast utan terrenginngrep i strandsona.

4. Bryggje skal utformast av materialer i tre.

5. Utedo skal rivast før det kan søkjast om mellombels bruksløyve/ferdigattest.

Grunngjeving for vedtaket går fram av saksutgreiinga.
Vedtaket har heimel i plan- og bygningslova § 19-2 jf. § 11-6 og naturmangfaldslova §§ 8-12.

Behandling

Hovudutvalet fekk denne saka lagt fram som ekstrasak ved møtestart.

Utvalet godkjende at saka vart handsama.

Hovudutvalet vedtok rådmannen sitt framlegg til vedtak.