Utvalg: | Kommunestyret i Radøy |
---|---|
Dato: | 19.05.2016 18:00 |
Møtested: | Kommunestyresalen |
Status: | Møtet er ferdig protokollert |
Sakskart: |
Meldingar og referatsaker vert tekne til orientering, med tillegg som kom fram i møtet.
Kontrollutvalet:
Leiaren i kontrollutvalet, Arild Tveranger, gav ei orientering knytt til KU sitt møte 4. mai og om aktuelle saker som har vorte handsama i utvalet.
Nytt inntektssystem for kommunane:
Økonomisjef Sveinung Kvamme orienterte om oppdatert framlegg til nytt inntektssystem i kommunane.
Innbyggarundersøking kommunereform:
Leif Taule (SP) ba om gruppemøte før drøfting av meldingssak knytt til innbyggarundersøkinga.
Ei gruppe på fire personar har sendt eit brev til kommunestyret med spørsmål og kritiske kommentarar til mellom anna gjennomføringa av innbyggarundersøkinga. Mellom anna blir det påpeika at ein del av dei spurde skal ha opplevd at det ikkje var mogleg å svara "veit ikkje".
I sakspapira låg også eit utkast til svarbrev frå ordføraren, basert på tilsvar frå Opinion AS, som har gjennomført undersøkinga.
Silje Namtvedt (SP) sa at det har vore ein god del reaksjonar på spørsmålsstillinga i undersøkinga, og hevda at mange ramla av undervegs i undersøkinga. Ho stilte spørsmål ved kvifor undersøkinga inneheldt ei rekkje spørsmål, når undersøkinga i realiteten første og fremst skulle gje svar på om innbyggarane i Radøy vil gå inn i ein ny kommune. Ho stilte spørmål ved nytten av underssøkinga, slik den vart presentert. Namtvedt gjorde det klart at ho ikkje kunne støtta utkast til svarbrev frå kommunestyret.
Leif Taule (SP) ser det som uheldig at det kjem reaksjonar og blir stilt spørsmål ved opinonsundersøking. Det er stilt såpass alvorleg spørsmål mot undersøkinga, at han meiner det er viktig å få avklart om kva som er situasjonen. Taule reknar med at meiningsmålingsbyrået held seg til spelereglane.
Vidar Grindheim (H) ser ikkje noko problematisk med spørsmåla som er stilt, men meiner det er greitt at kommunestyret ber opinionsbyrået gje klart svar på om det er følgd vanleg praksis i gjennomføringa av undersøkinga.
Ordførar Jon Askeland oppsummerte ordskiftet. Han fekk fullmakt frå kommunestyret til å kreva svar frå Opinion AS det reelle talet på respondentar som fall frå i undersøkinga.
Kommunestyret tok meldingar og referatsaker til orientering, med tillegg som kom fram i møtet.
Rekneskap og årsmelding for 2015 vert godkjent slik dei ligg føre.
Rådmann Jarle Landås gav ei innleiande orientering om årsmelding og rekneskap 2015, og konkluderte med at Radøy kommune har ei nøktern og effektiv drift som er tilpassa kommunen sine rammer. Han peika på at stram økonomisk styring prega 2015. Rådmannen ser det som nødvendig med betre økonomiske rammer både for å driva utviklingsarbeid i tenestene og kompetanseutvikling av dei tilsette.
Netto driftsresultat for 2015 vart 12,3 mill. i "overskot", men i rekneskapsåret har kommunen bokført om lag 9 mill. i "ekstraordinære" tilskot, der kostnadane som høyrer til først blir bokført i 2016. Til dømes står mottekne midlar frå Norsk kommunikasjonsmyndighet, 8 mill., som bunde fond. Desse skal nyttast til breibandsutbygging i 2016.
Rådmannen er godt nøgd med driftsresultatet i 2015. God budsjettdisiplin, tett oppfølging av økonomien gjennom månadsrapportering og vurdering av alle ledige stillingar i stillingsgruppa har medverka til resultatet.
Økonomisjef Sveinung Kvamme gav kommunestyret ei oversikt over sentrale element i rekneskapen.
Ved å justera for både bruk og avsetjing til bundne fond, vert driftsresultat for den «reine» drifta om lag 2,9 mill. Det «nøkterne» biletet er altså at netto driftsresultat i 2015 er om lag 4,5 mill betre enn budsjettert. Betringa skuldast i hovudsak:
- Høgare rammetilskot og skatt enn pårekna, om lag 1,7 mill
- Lågare netto pensjonskostnad enn pårekna, om lag 1,9 mill
- Netto auka flyktningetilskot 0,7 mill
Mindreforbruket i 2015, kr 3,2 mill står udisponert i balansen, og er i praksis ein del av disposisjonsfondet. Det er kommunestyret som avgjer korleis disposisjonsfondet skal brukast. Det er overskot på fleire sjølvkostområde, som også vert avsett til bundne fond.
Pensjonspremien er kostnadsført med om lag 6,5 mill mindre enn budsjettert på dei ulike tenesteområda. Premieavviket er bokført «sentralt» med om lag 4,7 mill meir enn budsjettert.Disposisjonsfondet er bokført med ca 1 mill pr 31.12.2015
Resultateinings-modellen, der kvart tenesteområde kan setja mogeleg overskot «på fond» vart suspendert etter underskotsåret 2014. Med auka leiarinvolvering i budsjettprosessen og styrka økonomirapportering, meiner rådmannen at resultateiningsmodellen ikkje lengre er aktuell. Samla investeringar i 2015 vart 19,2 mill, mot budsjettert 25,3 mill. Dei fleste prosjekta er rimeleg i samsvar med budsjett, det største avviket gjeld brannbilen, som først vart levert i 2016.
Radøy kommune har unytta lånemidlar i 2015 på nær 6,8 mill. Frå tidlegare år står det 14,2 mill, slik at kommunen ved utgangen av 2015 har om lag 21 mill. i unytta lånemidlar.
For første gong i historia har sum eigendelar i balansen passert 1 milliard, og bokført verdi er kr 1.040.280.760. Avsette pensjonsmidlar er den største delen av dette, og utgjer kr 413.306.993.
Av samla gjeld og eigenkapital utgjer pensjonsforpliktinga kr 514.882.363, dvs tett på halvparten av totalen. Bundne driftsfond, som kommunestyret ikkje disponerer, har auka frå 8,4 mill ved utgangen av 2014 til 17,9 mill ved utgangen av 2015. Dette er sjølvkostfond og andre fond som berre kan nyttast til bestemte føremål
Samla lånegjeld ved utgangen av 2015 var 269,3 mill- Av dette har 87,2 mill. fastrente 2,47% til 2019, og 7,4 mill. fastrente 2,084% ut 2017.
Kommunestyret vedtok samrøystes formannskapet si tilråding.
Driftsbudsjettet for 2016 vert regulert i samsvar med skjema 1A og 1B:
Forenkla skjema 1a | Budsjett 2016 | Regulering | Regulert 2016 |
Skatt på inntekt og formue | 122 257 000 | - | 122 257 000 |
Rammetilskot | 147 523 000 | 1 000 000 | 148 523 000 |
Eigedomsskatt | 11 931 000 | 400 000 | 12 331 000 |
Generelle statstilskot | 9 920 000 | -480 000 | 9 440 000 |
Renteinntekter og utbytte | 3 713 000 | - | 3 713 000 |
Renteutgifter | 5 482 000 | - | 5 482 000 |
Avdragsutgifter | 7 800 000 | 400 000 | 8 200 000 |
Sum frie inntekter | 282 062 000 | 520 000 | 282 582 000 |
Netto bruk/avsetjing fond | 616 000 | - | 616 000 |
Til fordeling drift | 282 678 000 | 520 000 | 283 198 000 |
Drift (skjema 1b) | |||
Stab og fellestenester | 18 119 849 | - | 18 119 849 |
Oppvekst | 107 779 821 | - | 107 779 821 |
Helse og omsorg | 125 757 318 | - | 125 757 318 |
Drift og forvaltning | 27 421 868 | 257 000 | 27 678 868 |
Sum drift | 279 078 856 | 257 000 | 279 335 856 |
Mindreforbruk | 3 599 144 | 263 000 | 3 862 144 |
Investeringsbudsjettet for 2016 vert endra slik:
Skjema 2A | |
Tilskot frå fylkeskommunen | 1 000 000 |
Mva-kompensasjon | 494 000 |
Bruk av lån | 2 377 000 |
Sum | 3 871 000 |
Skjema 2B | |
Mobilmast Austebygd | 1 400 000 |
Brannbil | 2 471 000 |
Sum | 3 871 000 |
Kommunestyret vedtok samrøystes formannskapet si tilråding.
Finansreglement for 2016 – 2019 vert vedteke i samsvar med vedlagt utkast.
Kommunestyret vedtok samrøystes formannskapet si tilråding.
Radøy kommune sine retningsliner for startlån, punkt 4) vert endra slik:
Bruken av startlån vil kunna variera av ulike grunnar. Startlån er ein avgrensa ressurs, og søknader kan verta avslegne fordi låneramma er oppbrukt eller avgrensa, eller dersom trongen for bustad kan settast på annan måte. Når midlane er avgrensa, vert følgjande grupper prioritert:
a) personar med nedsett funksjonsevne
b) særleg vanskelegstilte
c) førstegongsetablerarar med små born.
Gruppe c) er avgrensa til husstandar med samla inntekt under 5G (einslege med born) eller 8G (familiar med born). Alle inntekter skal reknast med når grensa vert fastsett. Det er ein føresetnad at inntektsnivået er varig.
Punkt 8) i retningslinene vert endra slik:
Radøy kommune gir til vanleg startlån berre som topplån der private finansieringsinstitusjonar eller Husbanken gjev grunnfinansiering. Startlån vil til vanleg vera avgrensa til kr 500.000. I særlege tilfelle kan det også gjevast bustadtilskot. Dette føreset at fleire kommunale tenesteområde er involvert i prosessen.
David Aasgard Pletten (KrF) synest det er uheldig at studentar skal eksluderast frå startlån-ordninga. Han viste til at studentar og nyutdanna slit med å koma inn på bustadmarknaden.
Rådmannen viste til at studentar i eit normalt løp ikkje er i Husbanken si prioriterte målgruppe for startlånsordninga. Ved å opna for denne gruppa vil svært mange studentar kunne nytta seg av ordninga.
Frode Hervik (V) sette fram følgjande endringsframlegg:
I punkt C vert tekst etter komma i siste setning stroke.
Kommunestyret vedtok samrøystes formannskapet si tilråding med endringsframlegg frå Frode Hervik (V).
Radøy kommune forskotterer kompensasjon for meirverdiavgift knytt til kunstgrasbane på Bø med inntil kr 1.474.394 til Hordabø IL. Det er ein føresetnad at Hordabø IL skal betala attende heile det forskotterte beløpet, uansett storleiken på mva-kompensasjonen laget faktisk får. Kompensasjonsbeløpet Hordabø IL får overført etter søknad, skal straks overførast Radøy kommune. Heile det forskotterte beløpet skal vera betalt tilbake seinast 31.12.2018.
Kommunestyret vedtok samrøystes formannskapet si tilråding.
- Radøy kommune avslår tilbod frå Radøy Kunst Senter om kjøp av eigedomen gnr 25 bnr 19 for kr 350 000,-.
- Delar av gnr 25 bnr 19 blir lagt ut for sal hausten 2016. Radøy kommune deler opp og beheld tilstrekkeleg areal til å ta i vare interesser knytt til høgdebassenget på eigedomen.
- Åse Eriksen og Roger Gjerstad får tilbod om å forlenga leigekontrakten til sal av gnr bnr 19 er avklara.
- Det vert lagt fram ei vurdering frå takstmann om marknadsverdi av eigedomen.
- Sal av gnr 25 bnr 19 skal godkjennast av Radøy kommunestyre.
Silje Namtvedt (SP) er Radøy kommune sitt medlem i stiftinga Radøy Kunst Senter. Kommunestyret kjende ho difor inhabil, og Namtvedt deltok ikkje i handsaminga av saka.
Leif Taule (SP) ba om gruppemøte.
Etter gruppemøtet sette Anne Berit Bø Palmesen (SP) på vegne av Senterpartiet fram følgjande framlegg til vedtak:
- Radøy kommune avslår tilbod frå Radøy Kunst Senter om kjøp av eigedomen gnr 25 bnr 19 for kr 350 000,-.
- Delar av gnr 25 bnr 19 blir lagt ut for sal hausten 2016. Radøy kommune deler opp og beheld tilstrekkeleg areal til å ta i vare interesser knytt til høgdebassenget på eigedomen.
- Det vert lagt fram ei vurdering frå takstmann om marknadsverdi av eigedomen.
- Sal av gnr 25 bnr 19 skal godkjennast av Radøy kommunestyre.
Det vart røysta punktvis. Dei to første punkta i formannskapet si tilråding er lik dei to første ledda i framlegget frå Anne Berit Bø Palmesen.
Kommunestyret vedtok samrøystes desse to punkta.
Kommunestyret vedtok samrøystes følgjande endringsframlegg frå Bø Palmesen:
- Åse Eriksen og Roger Gjerstad får tilbod om å forlenga leigekontrakten til sal av gnr bnr 19 er avklara.
Kommunestyret vedtok samrøystes følgjande punkt, som var likt i formannskapet si tilråding og i framlegg frå Anne Berit Bø Palmesen:
- Det vert lagt fram ei vurdering frå takstmann om marknadsverdi av eigedomen.
Kommunestyret vedtok samrøystes siste punkt i Bø Palmesen sitt framlegg:
- Sal av gnr 25 bnr 19 skal godkjennast av Radøy kommunestyre.
Radøy kommune gir kommunal garanti for lån i Kommunalbanken til Aufera AS, med inntil NOK 2.000.000. Garantien vert gitt som sjølvskuldnarkausjon. Løpetida for garantien er maksimalt 20 år. Garantien skal nedskrivast kvart år til restsaldo ved årsskiftet. Garantivedtaket skal godkjennast av Fylkesmannen i Hordaland.
Radøy kommune tek initiativ overfor dei andre eigararkommunane - Austrheim og Fedje kommunar, for å få på plass ein avtale om fordeling av garantiansvaret mellom dei tre eigarkommunane basert på kommunane sin eigardel i selskapet.
På grunn av verv i styrande organ i Aufera vart Else Marie Skartveit Dale, (KrF) Morgan Taule (Ap) og Kirsti Gjetle Floen (Ap) kjend inhabile, og dei deltok ikkje i handsaminga av saka.
Rådmann Jarle viste til at Fylkesmannen i Hordaland vurderer at det er god sikkerheit ved at lånegjevar har pant i bygning. Rådmannen ser det som hensiktsmessig at ein av eigarkommunane stiller kommunal garanti for lånet. Han ser det som naturleg at dei andre medeigarane stiller opp og tar sin del av ansvaret dersom det skulle bli aktuelt. Rådmannen informerte om at han har fått tilbakemelding frå rådmennene i kommunane Austrheim og Fedje om at dei vil reisa politisk sak om å forplikta seg til å dekka sin del av eit mogleg tap.
Leif Taule (SP) sette fram følgjande tilleggsframlegg:
Radøy kommune tek initiativ overfor dei andre eigararkommunane - Austrheim og Fedje kommunar, for å få på plass ein avtale om fordeling av garantiansvaret mellom dei tre eigarkommunane basert på kommunane sin eigardel i selskapet.
Kommunestyret vedtok samrøystes formannskapet si tilråding med tilleggsframlegg frå Leif Taule (SP).
I denne planperioden 2016-2019 skal det gjennomførast selskapskontroll i følgjande selskap:
- Sambandet Vest AS
Planen byggjer på kontrollutvalet si vurdering av kva selskap det er hensiktsmessig å utføra selskapskontroll i, og deira prioriteringar av dette.
Leiaren i kontrollutvalet, Arild Tveranger, viste til at selskapskontroll er ei lovpålagt oppgåve. Han orienterte om kontrollutvalet si vurdering og forslag til vedtak, og peika på at Radøy kommune har ca 13 prosent av eigarinteressene i Sambandet Vest AS. Selskapet arbeider for å få realisert eit tverrsamband mellom Radøy, Meland, Askøy og Øygarden.
Kommunestyret vedtok samrøystes kontrollutvalet sitt framlegg til vedtak.
Politiker | Parti | Medlemstype | E-Post |
---|---|---|---|
Torill Helland | Radøy Arbeidarparti | Medlem | torill_helland@yahoo.no |
Morgan Taule | Radøy Arbeidarparti | Medlem | morgan.taule@gmail.com |
Kirsti Gjetle Floen | Radøy Arbeidarparti | Medlem | k-floen@bkkfiber.no |
Liv Berit Rath | Radøy Arbeidarparti | Medlem | livb.rath@gmail.com |
Jostein Borlaug | Radøy Arbeidarparti | Medlem | jostein.borlaug@bkkfiber.no |
Roy Bø | Radøy Fremskrittsparti | Medlem | royboe53@gmail.com |
Henning Haugland | Radøy Høgre | Medlem | Henninghaugland@me.com |
Vidar Grindheim | Radøy Høgre | Medlem | VG@uiv.no |
Christel Villanger Håland | Radøy Høgre | Medlem | christel@villanger.net |
Normann Sæbø | Radøy Høgre | Medlem | normann@morenot.no |
David Pletten Aasgard | Radøy Kristeleg folkeparti | Medlem | davidpaa@outlook.com |
Else Marie Skartveit Dale | Radøy Kristeleg folkeparti | Medlem | emsdale@online.no |
Leif Gunnar Taule | Radøy Senterparti | Medlem | leif.taule@gmail.com |
Laila Seilfaldet Pletten | Radøy Senterparti | Medlem | plettenlaila@gmail.com |
May Britt Vågenes Gjerde | Radøy Senterparti | Medlem | maybritt@gjer.de |
Anne Berit Bø Palmesen | Radøy Senterparti | Medlem | anneberitpalmesen@outlook.com |
Silje Namtvedt | Radøy Senterparti | Medlem | Siljenamtvedt@hotmail.com |
Dag Sætre | Radøy Senterparti | Medlem | dag.setre@radoy.kommune.no |
Jon Askeland | Radøy Senterparti | Medlem | jon.askeland@radoy.kommune.no |
Sara Hamre Sekkingstad | Radøy Senterparti | Medlem | sara.sekkingstad@gmail.com |
Martin Soltveit | Radøy Senterparti | Medlem | msoltveit@hotmail.no |
Frode Hervik | Radøy Venstre | Medlem | frode.hervik@gmail.com |
Arild Gisle Tveranger | Radøy Fremskrittsparti | Varamedlem | agtve@online.no |
Vibeke Angelskår Erstad | Radøy Høgre | Varamedlem | vibecks@hotmail.com |
Jan Tore Hvidsten | Radøy Venstre | Varamedlem | jan.tore.hvidsten@tine.no |
Wenche Linda Kalnes Tveranger (Ikke møtt) | Radøy Fremskrittsparti | Medlem | kalnes@hotmail.com |
Kenneth Taule Murberg (Ikke møtt) | Radøy Høgre | Medlem | kenneth.taule.murberg@no.issworld.com |
Ståle Villanger (Ikke møtt) | Radøy Venstre | Medlem | svillanger45@hotmail.com |