Utvalg: | Kommunestyret i Radøy |
---|---|
Dato: | 11.05.2017 18:00 |
Møtested: | Kommunestyresalen |
Status: | Vedtak er påført møtet |
Sakskart: |
Meldingar og referatsaker vert tekne til orientering
Kunstgras: Silje Namtvedt (SP) reiste utfordringa med gummikuler i kunstgrasbanene. Ho viste til at Meland kommune har sett fokus på miljøutfordringar, og ønskjer at Radøy gjer det same. Namtvedt meiner kommunen må hjelpa idrettslaga med å kvitta seg med materiale som kan vera kreftframkallande.
Ordførar Jon Askeland ønskjer å følgja opp denne saka i formannskapet, der miljøvernansvarleg i kommunen kan orientera om utfordring knytt både til kunstgrasbaner og til bilvrak.
Trafikkproblem: Roy Bø (Frp) reiste spørsmål ved kva kommunen kan gjera for å få orden på problema som ein mur kloss i kommunevegen på Mjøs skapar for trafikk og trafikktryggleik. Han viste til at bussjåførane ikkje lenger vil kjøra forbi denne muren. Ordførar Jon Askeland ba administrasjonen følgja opp saka.
Kommunestyret tok meldingar og referatsaker til orientering.
Saka vert teke til orientering.
Ordførar Jon Askeland og rådmann Jarle Landås gav ei grundig orientering om arbeidet fram mot ny kommune. Prosessen er organisert som eit program med delprosjekt. Det skal tilsetjast ein programeigar/prosjektansvarleg, som også vert første rådmann i den nye kommunen.
Ordførarane, rådmennene og koordinerande tillitsvald utgjer saksførebuande utval. Fram til programeigar/prosjektansvarleg er tilsett vil rådmannene i fellesskap utgjera administrativ leiing. Det vert tilsett ekstern prosjektleiar/konsulentselskap.
Namnekomiteen har gitt tilråding om Alver kommune som namn på den nye kommunen. Kommunenamn skal handsamast i formannskap og kommunestyre 15. juni.
Fylkesmannen kallar inn kommunestyra i Lindås, Meland og Radøy til eit såkalla §25-møte 22. juni. I møtet blir følgjande saker handsama:
- Framlegg til namn på ny kommune
- Talet på kommunestyremedlemmer i den nye kommunen
- Samansetjing og funksjon/mandat for fellesnemnda
- Revisor for fellesnemnda
- Evt andre organ i prosessen
Deretter vert det halde kvar sitt kommunestyremøte som fattar vedtak i dei same sakene. Ordførar leiar møtet, og kommunestyra lyttar til kvarandre.
Ordførar og rådmann svara på spørsmål.
Kommunestyret tok saka til orientering.
Førebuande fellesnemnd får fullmakt til å gjennomføra ein prosess med å engasjera prosjektleiar.
Kommunestyret vedtok samrøystes formannskapet si tilråding.
Radøy kommune etablerer ei ny tilskotsordning for inkludering- og integreringstiltak.
Det vert totalt sett av kr 250 000 til tilskotsordninga, og midlane vert henta frå fond for fritids- og avlastningstilbod for ungdommar med særskilde behov. Ramma for årleg tildeling er kr 80 000, fordelt med kr 40 000 pr. halvår, for perioden 2017-2019.
Framlegg til retninglinjer:
Lag og organisasjonar kan søkje om midlar til inkluderings- og integreringstiltak i Radøy kommune.
Tilskotsordninga har som føremål å stimulere til deltaking i kultur- og fritidsaktiviteter for menneske med særskilte behov, samt for flyktningar og innvandrarar, som har behov for særskilt tilrettelegging for integrering i lokalsamfunnet.
Tiltak retta mot barn og unge vert prioritert.
Det kan søkjast om midlar til:
arrangement som krev særskilt tilrettelegging for deltaking for målgruppene.
eigne arrangement tilrettelagt for målgruppene.
andre tiltak i tråd med målsettinga for tilskotet kan vurderast særskilt.
Det vert ikkje løyvd midlar til å dekke lovpålagte tenester over tilskotsordninga.
Ramma for tildeling er kr 80 000 fordelt med kr 40 000 pr halvår. Ufordelte midlar kan overførast til neste tildeling.
Det er søknadsfrist to gongar i året: 1. mars og 1. oktober.
Fordeling av tilskot vert gjort administrativt.
Framlegg til retningslinjer vert sendt på høyring til lag og organisasjonar, og rådmannen får fullmakt til å gjere mindre justeringer basert på høyringsinnspel. Ved framlegg om større endringar i retningslinjene, vert saka lagt fram til politisk handsaming på ny.
Det vart uttrykt glede over at lag og organisasjonar kan søkja om midlar til integrering- og inkluderingstiltak.
Rådmannen understreka at dette ikkje er ei tilskotsordning som vil påføra permanent auka driftskostnader. Det er heller ikkje ei ordning knytt til lovpålagde tenester, som t.d. støttekontakt. Rådmannen signaliserte at han kan koma tilbake med ei orientering om korleis støttekontakt-ordninga fungerer.
Kommunestyret vedtok samrøystes formannskapet si tilråding.
Nytt reinseanlegg vert plassert på Manger kai.
Rådmannen startar prosess, og får løyve til å inngå kjøpsavtale for grunn til anlegget på Manger kai, jf. tilbod frå grunneigar. Kjøpsavtale må ta atterhald om at denne fell bort dersom kommunen ikkje får naudsynte løyver til å byggje reinseanlegg på den aktuelle tomten.
Lokalitet ved Skitkaien er 2. prioritet dersom Manger kai fell bort som alternativ.
Rådmann Jarle Landås orienterte om saka og sa at det ikkje er noko prekær situasjon for reinsing på Manger no, men at det må byggast nytt for å handtera reinsekapasiteten i framtida. Rådmannen viste til at plassering av reinseanlegg på Manger-kaien ikkje er i samsvar med plan for området, og at det difor er viktig å ha alternative lokalitetar dersom den vedtekne løysinga ikkje kan gjennomførast.
Leif Taule (SP) peika på at det er ei viss bekymring for å få eit reinseanlegg på Manger-kaien. Han meiner difor det vil vera fornuftig med eit informasjonsmøte/ope hus om prosjektet.
Taule meiner "Pollen" er eit uaktuelt alternativ.
Han sette fram følgjande endringsframlegg til punkt 3:
"Pollen" som alternativ 3 går ut.
Kommunestyret vedtok samrøystes punkt 1 og 2 i formannskapet si tilråding.
Leif Taule sitt endringsframlegg fekk 21 røyster og vart vedteke mot 3 røyster (2 KrF og Liv Berith Rath, Ap).
Årsmelding 2016 og rekneskap 2016 vert godkjent slik dei ligg føre.
Revisor Reidar Bjørsvik sa at rekneskapen 2016 er godt avstemt og dokumentert, og at revisjonsmeldinga er utan merknader.
Rådmann Jarle Landås oppsummerte årsmelding og rekneskap med at kommunen har ei stødig og nøktern drift, som gir forsvarlege tenester og god økonomi i samsvar med politiske føringar.
Økonomisjef Sveinung Kvamme gav ein oversiktleg presentasjon av rekneskapen.
Kommunestyret vedtok samrøystes formannskapet si tilråding.
Mindreforbruk frå 2016 kr 13.173.445 vert disponert slik:
Avsett til fond integrering av flyktningar, konto 2.56080.615, kr 2.400.000
Avsett til fond undervisningsmateriell, konto 2.56080.630, kr 1 mill.
Avsett til fond omstilling til ny kommune, konto 2.56080.700, kr 4.000.000
Avsett til fritt disposisjonsfond konto 2.56080.001, kr 5.773.445
Rådmannen får fullmakt til å disponera konto 2.56080.615, 2.56080.630 og 2.56080.700 i samsvar med føremålet.
Roy Bø (FrP) meiner det er behov for eit fond på 250.000 kroner øyremerkt tiltak for ungdom med særskilde behov. I KS-sak 19/2017 vart dette fondet fordelt på fleire grupper til inkludering og integrering.
Bø sette difor fram følgjande forslag:Det vert oppretta eit nytt fond på kr 250.000,- til bruk for unge med særskilde behov.
David Pletten Aasgard (KrF) sette fram følgjande framlegg:- auka sum til undervisningsmateriell i skulane til kr 1 mill.
- starta planarbeid til småbarnsavdeling ved Austebygd barnehage
Else Marie Skartveit Dale (KrF) sette fram følgjande framlegg:
- setja av kr 250.000 til administrasjon i Radøy sokn for arbeid med å byggja nytt fellesråd
Leif Taule (SP) gav signal frå samarbeidspartia (SP/AP/KrF) om at skulebudsjetta er for tronge. Taule gjorde det klart at samarbeidspartia i samband med revidert budsjett er klart til å leggja inn pengar til tre-delt klassedeling på 9. klassetrinnet til hausten og til styrking av barneskular med store klassar.
Taule peika også på verbalpunkta knytt til pleie og omsorg i 2017-budsjettet, mellom anna eit breiare dagtilbod som omfattar alle heimebuande eldre.
Morgan Taule (AP) kom med innspel om å gjera noko med dei mange bilvraka som forsøplar fleire stader på Radøy. Han ønskte å gje signal til om at han er villig til å bruka kommunale midlar for å setja inn tiltak mot dette.
Kenneth Taule Murberg (H) sa at Høgre ikkje motset seg innspel og framlegg som er sett fram i møtet, men ser behovet for ei grundig og faktabasert utgreiing før realitetshandsaming.
Han kom med følgjande stemmeforklaring:
Høgre ønskjer at framlegga blir tatt opp til handsaming i revidert budsjett med ei grundig saksutgreiing frå administrasjonen.
Etter drøfting vart det røysta over KrF sine framlegg:
- Framlegg om å auka undervisningsmateriell til kr 1 mill. vart samrøystes vedteke
- Framlegg om å starta planarbeid for småbarnsavdeling ved Austebygd barnehage vart samrøystes vedteke.
- Framlegg om å setja av kr 250.000,- til administrasjon ved Radøy sokne for arbeid med å byggja nytt fellesråd, fekk to røyster (KRF) og fall.
Kommunestyret vedtok samrøystes formannskapet si tilråding med dei endringar som vart gjort i møtet.
Politiker | Parti | Medlemstype | E-Post |
---|---|---|---|
Torill Helland | Radøy Arbeidarparti | Medlem | torill_helland@yahoo.no |
Morgan Taule | Radøy Arbeidarparti | Medlem | morgan.taule@gmail.com |
Kirsti Gjetle Floen | Radøy Arbeidarparti | Medlem | k-floen@bkkfiber.no |
Liv Berit Rath | Radøy Arbeidarparti | Medlem | livb.rath@gmail.com |
Jostein Borlaug | Radøy Arbeidarparti | Medlem | jostein.borlaug@bkkfiber.no |
Roy Bø | Radøy Fremskrittsparti | Medlem | royboe53@gmail.com |
Wenche Linda Kalnes Tveranger | Radøy Fremskrittsparti | Medlem | kalnes@hotmail.com |
Christel Villanger Håland | Radøy Høgre | Medlem | christel@villanger.net |
Kenneth Taule Murberg | Radøy Høgre | Medlem | kenneth.taule.murberg@no.issworld.com |
Vidar Grindheim | Radøy Høgre | Medlem | VG@uiv.no |
Normann Sæbø | Radøy Høgre | Medlem | normann@morenot.no |
David Pletten Aasgard | Radøy Kristeleg folkeparti | Medlem | davidpaa@outlook.com |
Else Marie Skartveit Dale | Radøy Kristeleg folkeparti | Medlem | emsdale@online.no |
Leif Gunnar Taule | Radøy Senterparti | Medlem | leif.taule@gmail.com |
May Britt Vågenes Gjerde | Radøy Senterparti | Medlem | maybritt@gjer.de |
Dag Sætre | Radøy Senterparti | Medlem | dag.setre@radoy.kommune.no |
Silje Namtvedt | Radøy Senterparti | Medlem | Siljenamtvedt@hotmail.com |
Jon Askeland | Radøy Senterparti | Medlem | jon.askeland@radoy.kommune.no |
Ståle Villanger | Radøy Venstre | Medlem | svillanger45@hotmail.com |
Agnes Hoshovde Bernes | Radøy Venstre | Medlem | bernesagnes@gmail.com |
Mai-Liss Sylta Møn | Partiuavhengig | Varamedlem | lissmai@icloud.com |
Siv Beate Marøy | Radøy Høgre | Varamedlem | |
Arild Valdersnes | Radøy Senterparti | Varamedlem | |
Johnny Ystebø | Radøy Senterparti | Varamedlem | |
Ingvill Taule | Radøy Senterparti | Varamedlem | Ingvill.Taule@radoy.kommune.no |
Henning Haugland (Ikke møtt) | Radøy Høgre | Medlem | Henninghaugland@me.com |
Laila Seilfaldet Pletten (Ikke møtt) | Radøy Senterparti | Medlem | plettenlaila@gmail.com |
Anne Berit Bø Palmesen (Ikke møtt) | Radøy Senterparti | Medlem | anneberitpalmesen@outlook.com |
Sara Hamre Sekkingstad (Ikke møtt) | Radøy Senterparti | Medlem | sara.sekkingstad@gmail.com |
Martin Soltveit (Ikke møtt) | Radøy Senterparti | Medlem | msoltveit@hotmail.no |