Utvalg: | Kommunestyret i Radøy |
---|---|
Dato: | 18.10.2018 18:00 |
Møtested: | Kommunestyresalen |
Status: | Møtet er ferdig protokollert |
Sakskart: | |
Møteprotokoll: |
Meldingar og referatsaker vert tekne til orientering.
Sambandet Vest AS: Ordførar Jon Askeland viste til "meldingsak i" - særutskrift frå Kontrollutvalet i Radøy med KU-vedtak som seier at den vedtekne selskapsrevisjonen i Sambandet Vest likevel ikkje skal gjennomførast. Bakgrunnen er at Sambandet Vest AS er eit selskap under avvikling.
Ordføraren konstaterte at kommunestyret ikkje krev at saka skal kjem til handsaming i kommunestyret.
Bygging av Alver kommune: Ordførar Jon Askeland gav ein kort statusrapport om bygging av Alver kommune.
Adresse-endringar: Leif Taule (SP) viste til møtebok for Fellesnemnda for Alver kommune 3. september 2018 vedkomande sak om adresse-endringar før samanslåing til Alver kommune. Taule meiner Radøy kommune ikkje utan vidare må akseptera endringar i vedtekne adressenamn som ikkje representerer ein fare for forveksling for utrykningsetatane.
Saka vil koma til politisk handsaming i dei tre Alver-kommunane.
Konsulent-tenester: På bakgrunn av det som er kome fram i media si dekning av det som er kalla Tolga-saka, gadmannen ei orientering. I samband med dekninga har det vore omtalt at konsulentselskapet Sødermann AS har bistått kommunar med å registrera nye personar som psykisk utviklingshemma og med å søkja tilskot. Det har vore mykje negativ omtale kring dette.
Rådmannen opplyste at han ønskjer å gje kommunestyret korrekty kommune for å unngå spekulasjonar om faktiske forhold.
Rådmannen orienterte om at Radøy kommune er kunde hjå Sødermann AS. Hovuddelen av avtalen med konsulentselskapet gjeld bistand til prosjekt for gjennomgang og utvikling av OMSUT, som yter tenester til psykisk utviklingshemma i Radøy kommune. Vidare er det kontrakt på at Sødermann skal bistå med analyse og rettleiing knytt til registrering av psykisk utviklingshemma og føring av utgifter til ressurskrevjande brukarar.
Kommunane får tilskot for kvar registererte psykisk utviklingshemma i kommunen. Denne gruppa har vore stabil i Radøy kommune og Sødermann har ikkje bistått med å finna og registrera nye brukarar med diagnose psykisk utviklingshemming.
Kommunar tilskot til ressurskrevjande brukarar med 80% av lønsutgifter over ein terskelverdi. Eit eige omfattande rundskriv er gitt ut av Helsedirektoratet om temaet – Rundskriv IS -4/2018. Konsulentselskapet Sødermann AS har bistått Radøy kommune i arbeidet med å identifisera og systematisera lønsutgifter knytt til den enkelte brukar, slik at kommunen er i betre stand til å krevja inn tilskotet for ressurskrevjande brukarar basert på faktiske utgifter. Dette har medverka til ein viss auke i tilskotet som kommunen får til ressurskrevjande brukarar.
Radøy kommune har med si nøkterne bemanning på økonomiområdet begrensa moglegheit til på eiga hand å gjennomføra ein slik analyse. Kommunen sjølv kvalitetssikrar og fremjar krav om tilskot. Desse krava er gjenstand for revidering av revisor.
Kommunestyret tok meldingar og referatsaker til orientering, med tillegg sett fram i møtet.
Det vert gitt fritak for eigedomsskatt for bygningar av særskild historisk verdi, jf eigedomsskattelova § 7b. Dette gjeld freda bygg og bygg som er registrert som verneklasse A i Radøy kommune sin kulturminneplan. Tidlegare gitte fritak etter same paragraf vert oppheva.
Kommunestyret vedtok formannskapet si tilråding.
Kostnadsramme for ombygging av Solhall, byggetrinn 1, slik det går fram av saksutgreiinga, vert sett til kr 32.000.000.
Kommunestyret vedtok formannskapet si tilråding.
Klagen vert ikkje teke til følgje og vedtak i sak 21-2018 datert 21.06.2018 vert stadfesta.
Grunngjevinga går fram av saksutgreiinga.
Heimel for vedtaket er forvaltningslova § 33, jf. plan- og bygningslova §§ 13-2.
Klagen vert sendt Fylkesmannen i Hordaland for endeleg avgjerd.
Kommunestyret vedtok hovudutvalet si innstilling.
Reguleringsplan for Urhaug bustadområde, planid. 12602016000700 vert godkjent på følgjande vilkår:
Avkjørsla til BFS10 kjem i konflikt med byggegrense mot sjø. Byggegrensa må justerast i plankartet.
Rådmannen sine framlegg til språklege justeringar vert teke inn i føresegna.
Teiknforklaringa i plankartet må rettast i samsvar med endringane som er gjort i plankartet.
Grunngjevinga går fram av saksutgreiinga.
Heimel for vedtaket er plan- og bygningslova § 12-12.
Kommunestyret vedtok rådmannen sitt framlegg til vedtak.
Områdereguleringsplan for Bø, skule og barnehage, planid. 12602017000900 vert godkjent på følgjande vilkår:
Teiknforklaringa må rettast slik at liner som skal vere juridisk bindande framstår som juridisk bindande i teiknforklaringa.
Plannamn må rettast i tittelfeltet i kartet.
Grunngjevinga går fram av saksutgreiinga.
Heimel for vedtaket er plan- og bygningslova § 12-12.
Rådmann Jarle Landås orienterte i saka og sa at dette er ein områdereguleringsplan som i realiteten handlar om å plassera ny barnehage på Bø. Denne planen er samordna med kommunedelplan for Bø, t.d. gjennom føresegner. Rådmannen peika på at områdeplanen for Bø er i samsvar med overordna plan. Det er kome inn få merknader til planen, og ingen motsegner.
Vegspørsmål og avkjørsle til den planlagde barnehagen har vore krevjande tema i planprosessen. Frode Hervik (V) gav uttrykk for at han meiner trafikale utfordringar bude vore betre utgreidd tidlegare i planprosessen. På grunn av konsekvensar med ein ny utgreiingsrunde - i form av forseinka planvedtak og realisering av barnehagen, gjorde Hervik det klart at han ikkje ville gå i mot planen.
Frode Hervik (V) sette fram følgjande protokollmerknad:
Det er svært beklageleg at ein ikkje nytta høvet i samband med planarbeidet til å få ei betre trafikkløysing, t.d. nytta eksisterande avkjørsle til Leitehuset.
Rådmannen viste til at Statens vegvesen er tydelege på at dei ikkje dei av omsyn til trafikktryggleiken ikkje vil ha fleire avkjørsler i det aktuelle planområdet.
Henning Haugland (H) peika på at sikttilhøva i den valde avkjørsla til barnehagen ikkje er i samsvar med gjeldande krav. Han stilte spørsmål om kommunen har vurdert om det må gjerast endringar i avkjørsla på bakgrunn av dette. Rådmannen svara at Statens vegvesen ikkje har stilt krav om slike tiltak.
Representantar frå andre parti gjorde det klart at dei støttar planframlegget slik det ligg.
Kommunestyret vedtok samrøystes rådmannen sitt framlegg til vedtak.
Kommunestyret vedtek felles barnevernsteneste for Radøy, Meland og Lindås frå 01.01.2019.
Avtale om interkommunalt vertskommunesamarbeid for felles barnevern i Radøy, Meland og Lindås vert godkjend. Radøy kommune er vertskommune.
Kommunestyret delegerer mynde etter barnevernlova til barnevernsleiar i Radøy kommune frå og med 01.01.2019.
Kommunestyret vedtok formannskapet si tilråding.
Handlingsplanen for idrett-, friluftsliv- og nærmiljø 2018 – 2022 vert vedteke slik den ligg føre.
Garderobe- og kioskbygg ved Hordabø IL si kunstgrasbane vert tatt inn i planen.
Ordførar Jon Askeland sette fram følgjande tilleggsframlegg:
Garderobe- og kioskbygg ved Hordabø IL si kunstgrasbane vert tatt inn i planen.
Kommunestyret vedtok formannskapet si tilråding, med tilleggsframlegg sett fram i møtet.
Rådmannen sitt framlegg til vedtak: Tertialmelding for perioden januar – august 2018 vert teken til etterretning slik den ligg føre.
Økonomisjef Sveinung Kvamme orienterte om status for drift og investering pr 31. august 2018. Han viste til at skatteinngangen har vore svak, men at kommunen vert "berga" av god inngang på landsplan. Inntektsutjamninga vert høgare for Radøy enn pårekna.
Det blir renteauka frå november, noko som gjev marginal netto effekt i 2018. Kommunen betalar 800.000 kr meir i avdrag enn budsjettert.
Kommunen får auka straumkostnaden, minst 1 mill. i 2018.
Oppvekstsektoren har ein meirkostnad på 1,3 mill. kroner, mellom anna knytt til leige av paviljong på Manger skule.
Nytt tiltak for området OMSUT gir ein netto meirkostnad på rundt 1,75 mill. i år, og full verknad i 2019. Det kjem også ekstra kostnader i samband med etablering av felles barnevern for dei tre Alver-kommunane, men førebels uvisst kor mykje.
Økonomisjefen forventar også eit meirforbruk på drift og forvaltning, mellom anna meirkostnader til brannutrykkingar, om lag 0,5 mill, og meirkostnader i samband med etablering av felles løn og rekneskap for Alver-kommunane.
Kommunestyret vedtok formannskapet si tilråding.
Det vert løyvd ytterlegare kr 800.000 til uteområde Sæbø skule, prosjekt K2140. Løyvinga vert finansiert ved bruk av unytta lånemidar.
Kommunestyret vedtok formannskapet si tilråding.
Politiker | Parti | Medlemstype | E-Post |
---|---|---|---|
Morgan Taule | Radøy Arbeidarparti | Medlem | morgan.taule@gmail.com |
Kirsti Gjetle Floen | Radøy Arbeidarparti | Medlem | k-floen@bkkfiber.no |
Jostein Borlaug | Radøy Arbeidarparti | Medlem | jostein.borlaug@bkkfiber.no |
Ann Christin Hoen | Radøy Arbeidarparti | Medlem | hoenannc@gmail.com |
Roy Bø | Radøy Fremskrittsparti | Medlem | royboe53@gmail.com |
Wenche Linda Kalnes Tveranger | Radøy Fremskrittsparti | Medlem | kalnes@hotmail.com |
Christel Villanger Håland | Radøy Høgre | Medlem | christel@villanger.net |
Vidar Grindheim | Radøy Høgre | Medlem | VG@uiv.no |
Kenneth Taule Murberg | Radøy Høgre | Medlem | kenneth.taule.murberg@no.issworld.com |
Henning Haugland | Radøy Høgre | Medlem | Henninghaugland@me.com |
Normann Sæbø | Radøy Høgre | Medlem | normann@morenot.no |
Else Marie Skartveit Dale | Radøy Kristeleg folkeparti | Medlem | emsdale@online.no |
Leif Gunnar Taule | Radøy Senterparti | Medlem | leif.taule@gmail.com |
Laila Seilfaldet Pletten | Radøy Senterparti | Medlem | plettenlaila@gmail.com |
May Britt Vågenes Gjerde | Radøy Senterparti | Medlem | maybritt@gjer.de |
Anne Berit Bø Palmesen | Radøy Senterparti | Medlem | anneberitpalmesen@outlook.com |
Dag Sætre | Radøy Senterparti | Medlem | dag.setre@radoy.kommune.no |
Silje Namtvedt | Radøy Senterparti | Medlem | Siljenamtvedt@hotmail.com |
Jon Askeland | Radøy Senterparti | Medlem | jon.askeland@radoy.kommune.no |
Sara Hamre Sekkingstad | Radøy Senterparti | Medlem | sara.sekkingstad@gmail.com |
Martin Soltveit | Radøy Senterparti | Medlem | msoltveit@hotmail.no |
Frode Hervik | Radøy Venstre | Medlem | frode.hervik@gmail.com |
Jannicke Helland | Radøy Arbeidarparti | Varamedlem | jannicke-h@hotmail.com |
Arvid Kjerstad Aasgard | Radøy Kristeleg folkeparti | Varamedlem | aasgard1@online.no |
Agnes Hoshovde Bernes | Radøy Venstre | Varamedlem | bernesagnes@gmail.com |
Torill Helland (Ikke møtt) | Radøy Arbeidarparti | Medlem | torill_helland@yahoo.no |
David Pletten Aasgard (Ikke møtt) | Radøy Kristeleg folkeparti | Medlem | davidpaa@outlook.com |
Ståle Villanger (Ikke møtt) | Radøy Venstre | Medlem | svillanger45@hotmail.com |